منتديات جزيرة الاحلام > ســــــــارة ... باب جديد للشهرة لابطاله

Without Fear

Oct 31 2005, 12:57 PM

السلام عليكم ورحمة الله

طبعا كلنا عارفين مذبحة المسلسلات اللي بتيجي ف رمضان

وانا بصراحة ماليش طولة بال على المسلسلات ومتابعتها

لكني تابعت مسلسل وحيد على قناة دبي الفضائية ... هو مسلسل سارة

:D فكرة المسلسل بصراحة بسيطة جدا

لكن انا من رأيي .. ان المسلسل ده كان باب للشهرة اتفتح لكتير من النجوم اللي شاركو فيه

وبخاصة احمد رزق

اللي بعد ادواره في السينما اللي خلتنا نحس انه هيكون البسمة الجديدة واللذيذة في كتير من الافلام الشبابية ...

قدر يثبت وبجدارة .. انه مش مجرد ممثل فكاهي او الفلفل والشطة بتاعه الافلام ووجوده بيكون بطل ثانوي

برغم انه قدم (حمادة يلعب) في الصيف (انا ماشوفتش الفيلم بصراحة) لكني اعتقد كمان انه كان في اطار كوميدي بحت

واللي انا شوفته ان احمد رزق قدر يثبت تميزه فعلا ... وبجدارة .. في انه قادر تماما على القيام ببطولة مطلقة

انا اعجبني فعلا اداؤه واداء حنان ترك (اللي طالعة عبيطة حبتين) ... بس فعلا المسلسل شدني جدا واداء الاتنين وتقمصهم للادوار وابداع كتير من الممثلين التانيين زي سوسن بدر وطارق لطفي

الباقة بصراحة كانت كلها حلوة جدا ومتقمصة للدور جدا لدرجة ان اللي كنا بنحبهم .. بقينا بنكرهم وبنقول دور اشرار بجد .. من كتر ما فعلا قدر يتقمصو الشخصية ويعيشو فيها

برغم ان بداية المسلسل كانت بسيطة وملخبطة ومش منطقية (في احلام سارة بالذات وتفاعلها مع دكتورها وهي في وسط غيبوبتها ) .. كان التصوير مبالغ فيه بعض الشيء

وبرغم ان حنان ترك بتزودها احيانا في الاستعباط في حين انها تقدر تؤدي دور طفلة بريئة بطريقة اقل عبطا من الطريقة دي

لكن قدرتها على توصيل المشاعر اللي الشخصية حاسة بيها .. لينا احنا كمشاهدين .. سواء من حب او خوف او فرح طفولي او اي حاجة .. كانت فعلا مقدرة رهيبة

خلتها هي كمان تثبت انها ايضا قادرة على القيام بادوار بطولة مطلقة في التليفزيون مش بس في افلام

اجمالا .. اقدر اوصف المسلسل انه بسيط .. لكنه مؤثر جدا .. وبيلمس جانب انساني حساس جوانا

واني فعلا استمتع بيه

حبيت اعرض رايي في ايام المسلسل الاخيرة

واشوف اذا كان ليكو نفس الرأي اذا كنتو شوفتوه ولا مختلفين معايا

nor_el7ob

Oct 31 2005, 05:08 PM

كان نفسى اشارك معاكى بس للاسف انا مش بتابع تمسلية سارة

shasho_219

Oct 31 2005, 07:01 PM

بالنسبة لمسلسل سارة شاء القدر الا اشاهده منذ بداياته فقد فاتتني ما يقرب من 5 حلقات
و لكن المسلسل به اداء تمثيلي راق جدا و خصيصا من حنان ترك التي اكاد اجزم انها اصيبت بنفس الحاله التي اصابت سارة : بعد انتهئها من التصوير نظرا للتقمص الشديد الذي عاشته اثناء العمل
احمد رزق: تميز ادائه بالمصادقية الشديدة و الهدوء مما جعله اكثر تحسنا من الاعمال الصادقة
طارق لطفي : فنان هام لم يأخذ نصيبه حتي الان فهو موهبه لم تستغل بعد
سوسن بدر : اوحش حاجه فيها الباروكة !!!!
المسلسل اجمالا : به جرعة مكثفة من المواقف الانسانية المؤثرة
المخرجة / شيرين عادل : من حسن حظها ان تخرج افضل مسلسلين في رمضان هذا العام (سارة )(العميل 1001)
و من سوء حظها الايذاع المسلسلين في التليفزيون المصري !!!!!

shako7

Nov 1 2005, 03:01 AM

انا زي فير بالظبط مش متابع الا مسلسل (ساره)

وشايف ان كل اللي فيه من كاست عاملين شغل كويس
انا بحب اداء الممثله

حنان ترك

ومتعاطف مع احمد رزق في المسلسل

Without Fear

Nov 1 2005, 09:44 AM

QUOTE(nor_el7ob @ Oct 31 2005, 06:08 PM)

كان نفسى اشارك معاكى بس للاسف انا مش بتابع تمسلية سارة

امممم .. خسارة بجد يا نور لانها فعلا جميلة ... بس معلش اكيد هتتعاد بعد رمضان

Without Fear

Nov 1 2005, 10:05 AM

QUOTE(shasho_219 @ Oct 31 2005, 08:01 PM)

[ALIGN=center]بالنسبة لمسلسل سارة شاء القدر الا اشاهده منذ بداياته فقد فاتتني ما يقرب من 5 حلقات
و لكن المسلسل به اداء تمثيلي راق جدا و خصيصا من حنان ترك التي اكاد اجزم انها اصيبت بنفس الحاله التي اصابت سارة : بعد انتهئها من التصوير نظرا للتقمص الشديد الذي عاشته اثناء العمل
احمد رزق: تميز ادائه بالمصادقية الشديدة و الهدوء مما جعله اكثر تحسنا من الاعمال الصادقة
طارق لطفي : فنان هام لم يأخذ نصيبه حتي الان فهو موهبه لم تستغل بعد
سوسن بدر : اوحش حاجه فيها الباروكة !!!!
المسلسل اجمالا : به جرعة مكثفة من المواقف الانسانية المؤثرة
المخرجة / شيرين عادل : من حسن حظها ان تخرج افضل مسلسلين في رمضان هذا العام (سارة )(العميل 1001)
و من سوء حظها الايذاع المسلسلين في التليفزيون المصري !!!!!

وانا فاتت عليا اول حلقة فقط

لكن افضل حاجة انه اول 5 حلقات راحو عليك ... لأان اول 5 حلقات كانت سارة لسة في غيبوبة .. وكان كل الحلقات انها قاعدة بتحلم وبتضحك وبتمشي (في الحلم طبعا)

لكن اللي انا معترضة عليه في المسلسل كان ال5 حلقات دول .. لاني حسيت ان فيهم اطالة مش عادية .. وانهم مش منطقيين (خاصة بعد تكملة المسلسل)

لان في البداية مع دخول المخرجة لتصويرها لاحلام سارة ... صورت احاسيس كتير مش بيحس بيها (جنين في بطن امه )

زي الخوف والشوق والراحة والحاجات دي كلها .... هل يا ترى فيه جنين بيحلم بانه ف حديقة ولا بيشوف شخص معين او بينتظره؟ الاحلام بتبقى دايما من حاجات احنا عارفينها وشوفناها .. لكن عمرنا ما حلمنا بحاجة ماعرفناهاش ولا شوفناها قبل كده

علشان كده .. انا تصورت في الحلقات الاولى ... انها لما تفوق من الغيبوبة هتكون في نفس السن اللي هو نامت فيه ... لكن اتفاجئت بانها اتولدت من الاول وجديد !!!

اما عن اداء حنان ترك .. فانا فعلا وبجد حبيته جدا برغم ان بابا كل ما يشوفني بشوف المسلسل يقولي ايه التخلف اللي انتي بتتفرجي عليه .. وكذلك كانت ماما قبل ما تشوف نص حلقة ودلوقتي حتى لو نايمة بتقولي صحيني علشان اشوف المسلسل :D

فالاداء فعلا كان صادق جدا جدا ... وخلاني احس ان سارة دي حقيقية بجد ... بجد كان تمثيلها للخوف والبكاء والعصبية واللعب والحب وكل حاجة محسوس والاهم من ده .. انه كان صادق

واحمد رزق فعلا رأيي فيه زي رأيك يا شادي .. وبصراحة اتصدمت لما اتفاجئت انه يقدر يؤدي دور تراجيدي ورومانسي .. بالطريقة الرهيبة دي ... ووصل تقمصه واحساسه بالشخصية .. لدرجة البكاء (حقيقي مش تمثيل) ...

بجد كان كل شيء في تمثيله حقيقي بجد .... لددرجة اني فعلا وصلت لاني اقول انه من غير سارة من غير اي حاجة فعلا هو بيحب حنان ترك :D

طارق لطفي انا مش معاك في رأيك فيه ... لانه بقاله فترة طويلة موجود في التليفزيون وبشكل كبير جدا (على راي ماما "ابن فيفي عبده" .. وانا مش عارفة ايه سبب اصراره على تمثيل دور ابن فيفي عبده) :D

لكن اجمالا هو فعلا ممثل قدير ... وبعد قيامه بكتير من الادوار اللي قام فيها بدور الشخص الطيب الصالح اللي كل الناس بتحبه جدا

اتفاجئنا بيه بيقوم بدور شرييييييييييييير جدا ورغم كده .. قدر فعلا انه يسبكه كمان ... وانا اتوقع انه هيكل بنفس النجاح ويمكن اكبر كمان ...

ومش بعيد نلاقيه قريب هو كمان قايم بدور بطولة مطلقة ... الله اعلم !!

سوسن بدر .. وباروكة سوسن بدر .. انا معاك في رايك 1000000000000000000000000% ... وبصراحة باروكتها كريهة . واقدر اقولك انها اسوأ حاجة في المسلسل بحاله .... بالاضافة لمكياجها اللي مبالغ فيه جدا ... لان المكياج بيظهر ان سوسن بدر في السبعين ولا التمانين من العمر ... في حين انها في لقطات (اللي كانت من استرجاع سارة لذكرياتها) ... كانت ماتزال شابة جدا (نقول في التلاتينات)؟؟ فازاي في خلال 15 سنة اصبحت بالمنظر الكبير جدا ده؟ وبالاضافة لكده ... فيه حاجة عجيبة في وشها وحواجبها .... مخليها تلمع بطريقة مش طبيعية !!

لكن لو اتكلمنا على التمثيل ... فهي ايضا كانت جميلة جدا في الدور ده :D (وطويلة اوي)

بالنسبة للمخرجة انا مع الاسف ما شوفتش مسلسل العميل 1001 ومكونتش اعرف عنه والا كنت اتفرجت عليه لاننا اجمالا بنحب قصص التاريخ المصري خاصة اذا شخصية كبيرة زي عمرو طلبة

لكن من اخراجها لمسلسل سارة ... انا كمان متوقعالها مستقبل باهر في دنيا التليفزيون او السينما ايضا [/align]

Without Fear

Nov 1 2005, 10:12 AM

QUOTE(shako7 @ Nov 1 2005, 04:01 AM)

وانا ايضا حبيت اداءها جدا ....

ويمكن اكتر حاجة شدتني لاني احبها جدا بساطتها وتلقائيتها وصدقها في تمثيل الدور (في مسلسل امية ف عابدين ) من كام سنة

فحسيت انها فعلا مش واخدة حقها في التمثيل خاصة انها اختفت فترة طويلة جدا

لكنها فعلا ابدعت وتألقت في دور سارة ده .. واتوقع انها بعد الدور ده هنشوفها كتير على شاشات التليفزيون

اما عن احمد رزق ... :D فانا كمان متعاطفة معاه جدا جدا وفعلا قدر يحرك مشاعرنا كلنا باحساسه العالي في المسلسل

Without Fear

Nov 1 2005, 10:30 AM

الدور الوحيد اللي حسيته مبتذل جدا

كان دور السيد راضي (دكتور عز عز الدين)

لاني حسيت انه مبالغ جدا في تمثيل دور شخص مصاب بجنون العظمة

وطريقة كلامه كانت بصراحة بتنرفزني

خاصة وهو بيقول (يا حسّـــــــــــــــــــــــــــــــــــن) :ninja: :angry:

كان بيفلقني بجد :glare: :glare:

احلام الجريتلي كمان ابدعت في دور (طنط نعيمة) :D وكانت قايمة بدور رهيب بجد وشرير جدا فوق التصور

لكن بردو اللي كان قايم بدور ابنها (مش عارفة اسمه ايه) ... كان مبالغ شوية على ما اعتقد

سهام جلال .... بردو كان اول ظهرو ليها كبطلة لمسلسل في رمضان ده ... وهي كمان قدمت الدور محبوك لاقصى درجة لانسانة استغلالية مادية ومخادعة

حنان مطاوع .... قامت بدور متغطرس جدا ... حسسني انه مبتذل شوية!!! لكن مع مرور الحلقات .. بقيت اعترف ان الدور لازم يكون بالطريقة دي والا مش هيكون طبيعي

فاعتقد كمان انها اجادت الدور تماما

الاخ الاخر لسارة (انا معرفش اسمه حتى الان) كان ظهر في مسلسل عباس الابيض في اليوم الاسود وكان قايم بالدور حقيقي وبجد ... واتوقع ليه كمان مستقبل باهر في السينما والتليفزيون

وزوجته كمان كانت وجه جديد ... لكن دورها ثانوي جدا بحيث ماقدرتش احكم عليها بطريقة جيدة لاني اقول رايي فيها

انا وجهة نظري بشكل عام عن المسلسل

انه يعتبر اقل الاعمل اللي انا شوفتها باللغة العربية احتواء على عيوب سواء في الاخراج او اختيار الcast اجمالا (فيما عدا السيد راضي)

خلاني اشعر انه بقى في امكاننا نتفرج على فيلم او مسلسل مصري او عربي اجمالا مانحسش فيه ان اللي بيحصل ده جرد تمثيل ... وانه قدر فعلا يخلينا نعيش في ادوار الناس اللي جسدوهم في الدور ده

واتمنى اشوف اعمل على المستوى ده دايما وبخاصة في السينما

صاحبة العصمة

Nov 1 2005, 08:49 PM

انا بقى مش متابعة ولا مسلسل

القيصر

Nov 1 2005, 08:55 PM

انا عن نفسي تابعت اول حلقه من المسلسل وشدني جدا وقولت انه اكيد مسلسل رائع

لكن بعدها عديت كذا حلقه منه .. ولما جيت اتابعه تاني اتفاجئت بأسلوب حنان ترك في المسلسل انها مزوده حته العبط دي شويه وبصراحه بقت بتنرفزني بأسلوبها .

ومن ساعتها مش بحب اتفرج عليه . علي الرغم ان المسلسل كقصه جميل وفي شخصيات دورها حلوه اوى زي اخواتها .

لكن حنان ترك بحس انها مزوداها شويه .

انما من المسلسلات الي متابعه بطريقه مستمره هو مسلسل الفنان القدير العظيم محمد صبحي

اكتر من رائع وفعلا قصه انسانيه جدااا وقصه مش مبالغ فيها بأى شيء .

MR_ZABADE

Nov 1 2005, 11:02 PM

انا بقي كنت بتفرج علي مسلسل ساره من اول ما ابتدي ومبفوتش منو ولا ثانيه
لاني شايف ان المسلسل كان في شئ بيجزب الواحد ليه
وبالنسبه للمخرجه شكلها كدا هيبقي ليها مستقبل زاهر لانها اخرجه المسلسل بطريقه جميله وبسيطه
انا معاكي برضو يا فير في طريقه الدكتور عز لنه كان دور مبالغ فيه جدا
والصراحه انا شايف انه راجل مبالغ فيه .....................
وكمان دور ساره والقصه انا سمعت انو حصل حالات زي حاله ساره ( العوده لوضع الجنين )
بس انا من رأيي في حكايه طارق لطفي انو مش واخد حقه
انا بقول انو واخد حقو جدا جدا جدا وبازات في رمضان دا
يعني مفيش مسلسل في رمضان دا الا وفيه طارق لطفي زي مثلا (ساره - الست اصيله - العميل 1001 ) وحجات تانيه كتير مش فاكرها
يعني كدا هوه واخد حقو قوي
يعني انا مش بقول ان تمسيلو وحش لأ بالعكس دا هوه تمسيلو جامد جدا
وبالاخص في مسلسل العميل 1001 في شخصيه اليهودي
يعني هوه كان بيتقمس الشخصيه قوي يعني مثلا في نظره عينيه اللي هيه نظره اليهود

وكمان من العوامل المؤثره جدا في ساره الاغنيه بتاعتها بجد بجد اغنيه تحفه
اغنيه اكثر مكن رائعه

بس في الاخر المسلسل مش واخد حقه لان المفروض كان يتعرض علي التليفزيون المصري

remy

Nov 2 2005, 12:40 PM

بصراحة انا كمان متابعتش المسلسل من اوله انا تابعته متاخر قوى
بعد ما سارة فاقت وبدات تتعالج كمان
بس بصراحة مسلسل احساسة عالى جدا
انا بجد اتاثرت بيه قوى
لدرجة ان اللقطة اللى هيا خرجت فيها من المستشفى حسن عيط انا كمان اتهريت من العياط واخواتى قعوا يضحكوا عليا
ولما فرجوا مع بع في شرم الشيخ فرحت قوووووووووى
ولما قروا الفاتحه بقيت مبسوطة قوى
بصراحة كل الاحاسيس فيه صادقة
وانا متوقعة ان حنان ترك واحمج رزق هياخدوا جايزة احسن ممثل فيه
وحنان ترك بصراحة تعبت جدا جدا جدا جدا في المسلسل دة الله يكون فى عونها

akrm-nagy

Nov 2 2005, 05:18 PM

انا مش متابع ولا مسلسل

بس المسلسل دة اتفرجت على تناتيش منة

لان لفت نظرى الطريقة اللى بتتكلم بيها حنان ترك

وأستفسرت من اهل الخبرة بالمسلسلات

وفهمونى قصة المسلسل

ودى اكتر حاجة عجبانى

القصة ...غريبة جداااااااا

kemoo

Nov 2 2005, 11:24 PM

احب اعرفكوا راي انا عن نفسى ما كنتش بتفرج الا على مسلسل سلره بس وما كنتش بفوت حلقه واحده اما تعليقى على المسلسل فهو رائع للغايع بس ده ما يمنعش انه فى العديد من الملحوظات اولا تعليقى على الفنانه سوسن بدر اللى كانت فى قمة المبالغه فى هذا المسلسل وكمان الباروكه للى كانت لبساها دى ثانيا : تعليقى على الفنانه حنان ترك انا عن نفسى بموت فيها وهى فعلا تستحق لقب فنانه بس انا شايف انها كانت اوفر اوى علشان زودت شويه من الهبل والعبط اما تعليقى الاخير بقى هو : على الفنان احمد رزق علشان انا شايف ان كان المفروض فى هذا الدور يختاروا فنان خفيف شويه ويكون فيه بعض المواصفات انا مش شايفها فى احمد رزق وده ما يمنعش انه ادى دوره كويس جدا بس كان فيه فنانين ممكن يادوا هذا الدور وبصوره احلى شويه وبس بس انا شايف ان المسلسل ده ناجح بنسبة 100%

Salma

Nov 5 2005, 08:59 PM

:Animation 15:

i cnt say anything

Without Fear

Nov 7 2005, 11:27 AM

QUOTE

انا بقى مش متابعة ولا مسلسل

احسن حاجة عملتيها يا صاحبة العصمة بس يارب تكوني استفدتي من الوقت ف رمضان

انا تابعت المسلسل لاني بحب القصص الانسانية جدا .... وبحب اداء حنان ترك في اعمالها الاخيرة (ولو اني ماشوفتش الا حاجات بسيطة ليها)

ولفتت نظري القصة لانها جديدة فعلا زي ما قال اكرم

QUOTE

انا بالنسبة لحنان ترك ... في البداية كان تمثيلها متقن جدا

لكن بعد مرور حلقات كتير ... بقيت فعلا احسس انها تقولبت في مرحلة تعلم الكلام .. وده اللي خلانا كلنا نحس انها زوّدتها شوية

فمش عارفة هل كان ده تقصير في التمثيل ولا من القصة ... ولا هل لانهم حبو يكونو الانطباع عندنا بانها علقت في مرحلة الطفولة لان ماكنش فيه حد بيهتم بتصحيح كلامها او تعليمها الاسلوب الامثل في الكلام وتصحيح مفرداتها (واللي بيكون من دور الاباء في الطبيعة يعني)

لكن هي بدأت تطلع من التمادي في الاستعباط في اواخر المسلسل وبالذات في الحلقات ال10 الاخيرة تقريبا

QUOTE

بصراحة انا كمان متابعتش المسلسل من اوله انا تابعته متاخر قوى
بعد ما سارة فاقت وبدات تتعالج كمان
بس بصراحة مسلسل احساسة عالى جدا
انا بجد اتاثرت بيه قوى

على فكرة هي فضلت نايمة 4 او 4 حلقات ونص تقريبا

وانا كمان اتأثرت جدا باداء الناس فيه

QUOTE

لدرجة ان اللقطة اللى هيا خرجت فيها من المستشفى حسن عيط انا كمان اتهريت من العياط واخواتى قعوا يضحكوا عليا
ولما فرجوا مع بع في شرم الشيخ فرحت قوووووووووى
ولما قروا الفاتحه بقيت مبسوطة قوى

انا كمان يمكن بقيت في اللقطة دي بالذات احس ان فعلا احمد رزق عنده قدرة على الابداع فوق ما نتخيل .... لاني ماشوفتش حد ... اي ممثل مهما كان قدير وعظيم في السينما مثل لحظة صادقة للدرجادي .... بجد ارفعله القبعة على اداءه بالذات في المشهد ده

QUOTE

بصراحة كل الاحاسيس فيه صادقة
وانا متوقعة ان حنان ترك واحمج رزق هياخدوا جايزة احسن ممثل فيه
وحنان ترك بصراحة تعبت جدا جدا جدا جدا في المسلسل دة الله يكون فى عونها

وانا كمان شايفة انه اخد منها مجهود كبير واتبهدلت فيه على الاخر

Without Fear

Nov 7 2005, 11:28 AM

QUOTE

حلوة تناتيش دي يا اكرم اول مرة اسمعها

وهي اكتر حاجة خلت كتير من الناس تنفر من الفرجة عليه هو احساسهم بانها زودت حبة العبط شوية في الدور لفترة طويلة

وانا اتفق معاك في ان القصة غريبة لكنها بتعرض احداث ومشاكل واقعية

Without Fear

Nov 7 2005, 11:36 AM

QUOTE

احب اعرفكوا راي انا عن نفسى ما كنتش بتفرج الا على مسلسل سلره بس وما كنتش بفوت حلقه واحده اما تعليقى على المسلسل فهو رائع للغايه

وانا كمان كذلك بس في الاواخر فقدت احساسي بيه شوية

لكن في اوله والمنتصف وصل بيا لاني افترج على الحلقة والاعادة

QUOTE

بس ده ما يمنعش انه فى العديد من الملحوظات اولا تعليقى على الفنانه سوسن بدر اللى كانت فى قمة المبالغه فى هذا المسلسل وكمان الباروكه للى كانت لبساها دى ثانيا

طيب ايه اللي خلاك تقول كده يا كريم؟؟ انا حبت دور سوسن بدر فيما عدا الباروكة وماحسيتش انه مبالغ فيه !!!

QUOTE

اما تعليقى الاخير بقى هو : على الفنان احمد رزق علشان انا شايف ان كان المفروض فى هذا الدور يختاروا فنان خفيف شويه ويكون فيه بعض المواصفات انا مش شايفها فى احمد رزق وده ما يمنعش انه ادى دوره كويس جدا بس كان فيه فنانين ممكن يادوا هذا الدور وبصوره احلى شويه وبس بس انا شايف ان المسلسل ده ناجح بنسبة 100%

امممم .... انا مش فاهمة النقطة دي يا كريم ... ايه قصدك بانه يبقى فنان خفيف؟؟ انا ماتوقعتش ان احمد رزق يقوم بدور زي ده لاني زي ماقولت في بداية الموضوع ان هو اشتهر بادوار الكوميديا الخفيفة ...

لكن لو انك بتتكلم عن الدور .. وان المفروض يكون الدكتور هو الشاب الوسيم الفوتوجيتنيك ... فانا اعارضك في النقطة دي ... لان كان التركيز على الشخصية في طيبتها ورقة قلبها ... وده بيعلم نقطة مهمة وهي عدم الحكم على الناس بالمظاهر فقط وان فيه ناس كتير يمكن ماهيش cenistar لكن من جواها نقية جدا

وبالنسبة لدوره ... انا من حكمي على دوره واداءه .. اقدر ااكدلك حاجة واحدة .. انا دايما لما بشوف شخصية في فيلم او في مسلسل سواء عربي او اجنبي ... باجي ف لحظات في الفيلم اقول" اممم ... لو كان فلان مكانه كان هيبقى الدور ده لايق عليه اكتر " ... لكن على طول ال33 حلقة لسارة ... ماشوفتش اي لقطة خلتني اقول كده على اداء او دور احمد رزق ... بالعكس .. خلاني مش شايفاه الا في دور الدكتور حسن فقط واحس ان دي شخصية حقيقية انا شايفاها في الواقع

QUOTE

i cnt say anything

ليه بس يا سلمى

Without Fear

Nov 7 2005, 11:42 AM

نهاية مفجعة .... لمسلسل سارة

طبعا كلنا كنا متابعين مستمريين لمسلسل سارة

وكلنا (فجعنا) وليس (صدمنا) بنهاية المسلسل

ويبدو ان مقولة (الحلو مايكملش) تسري على كل حاجة ف حياتنا حتى مسلسلات التيفزيون

فبعد اعجابنا وتأثرنا الشديد بالقصة واداء الابطال

انتهى المسلسل نهاية رهيبة فعلا

انا مش هتكلم عن ان المسلسل لازم ينهتي كاي مسلسل او فيلم بالذات اذا فيه قصة حب رومانسية .. بان الاشراريختفو ويبقى البطل اللي هيتجوز البطلة والاحلام تتحقق

لكن هتكلم على منطقية الخاتمة بتاعه المسلسل من نواحي عديدة

واتمنى اسمع اراءكم كمان وهل انتم متفقين معايا ولا لأ

Without Fear

Nov 7 2005, 11:58 AM

ابتدي رأيي في خاتمة سارة ... باسم الله

يفترض بالمسلسل او الفيلم او التمثيلية ... او حتى الفيديو كليب ... انه يعالج قضية او نقطة معينة

ده اللي احنا شوفناه في مسلسل سارة ... وعجبنا وحبيناه من بداية المسلسل ... لانه عرض حجات كتير في حياتنا وموجودة في الوقع

- عرض الناس الانانية اللي مش بتحب الا نفسها
- عرض الخيانة والغدر
- عرض البراءة والحب الطاهر النقي
- عرض الغرور والتكبر وداء ال(انا)
- عرض التخاذل والسلبية
- عرض الاستغلال والحقد والكراهية
- عرض كل فئات البشر .. الغني الطيب والغني الشرير والفقير الطيب والفقير الشرير
- عرض حب المال وشهوته واد ايه ممكن يعمل في الناس ويغير قلوبها ... وعرض انه مش كل الناس بتبيع اخلاقها ومبادئها علشان الفلوس او علشان اي حاجة تانية

عرض مشاكل كتير من خلافات زوجية وسكر وسهر الازواج وموت التفاهم بين الازواج والخيانة الزوجية ... والعقم وبيأدي لايه ... وعقوق الوالدين

فعلا كان فيه كمية مشاكل كبييييييرة جدا جدا .... عرضها وناقشها

بس يا ترى ....

احنا لما بنتفرج على مسلسل او فيلم ... او بنقرأ مقال او كتاب ... او حتى بتاكل من طاجن رز في الفرن محشي فراخ او حمام ...

بتبقى بتدور على الخلاصة .. على اللي هتاخده في الاخر ايه ....

بتتوقع انك هتوصل لنقطة (لحظة التنوير) زي ما بيقولو ادباء القصة القصيرة او حتى الرواية

ويفترض بالمسلسلات اولافلام انها بتعالج قضايا .... تطرح القضية في اطار معين ز. وفي الاخر تعالجها وتورينا خاتمة الناس

مش لازم تبقى الخاتمة سعيدة دايما

كان ممكن سارة فعلا ترجع لغيبوبتها ... وترجع لوضع الجنين مرة تانية ويرجعو لنقطة الصفر

ايوة ده ممكن وواقعي ....

لكن ان المسلسل ينتهي عند النقطة دي ... لا طبعا

المسلسل طرح قضية اللي حاولت تسرق زوج انسانة وارتكبت جرائم علشان ده (شخصية سمية او سهام جلال) ز.. ونهايتها كانت ازاي

ماشي ... دي قضية انطرحت وتم حلها وتم اعطاء (عبرة او عظة) للناس بان نهاية شخصية زي دي .. هتكون بالشكل ده

طرحت ايضا شخصية (نعيمة وحصب الله ومحروس) اللي انتهو ايضا في السجن بسبب افعالهم

بس ياترى حد فيكو شاف حاجة تانية تم حلها في الخاتمة واعطاء (العبرة ) او العظة منها؟؟

انا ماشوفتش

خلونا نراجع الشخصيات والادوار

- سوسن بدر ... الام الحنون على بنتها اللي عايزة تدور على حق بنتها وتضمنه ... واللي تخاذلت لغاية لما ببنتها ضاعت تاني ... المسلسل في احد الحلقات عرض كلامها مع ابنها الاخر بانهاعايزة تاخد حق الوصاية على سارة بدل من اخوها

ياترى ... ايه اللي وقفها وخلاها تدور على حاجات تانية مع العلم بان حق الوصايه كانت اهم قضية تضمن بيها حقوق بنتها؟؟ مافيش اي حاجة حصلت او عرضت نفت ان ده كان ممكن يحصل خاصة ان الاخ كان بيسرق من حق اخته !!! وده بيسهل العملية اكتر

ياترى ... هل فيه ام ممكن توصل من السلبية لدرجة انها تسمح لابنها يقل ادبه واحترامه ليها للدرجة دي .. لانه يقولها انا اللي بصرف وبالتالي كلمتي اللي هتمشي؟؟ ماعتقدش وخاصة انها مش بس صاحبة البيت اللي هو عايش فيه ... بس صاحبة جزء من شركته وابسط حاجة تعملها تنسحب وتخلي اخوه كمان ينسحب علشان يعلموه الادب

كان فيه حلول تانية كتير لانها تقف قدام ابنها وتواجهه بدل ما هي بتتعامل في السر كانها بتسرق

وبدل ما هش تخاف من مواجهته وتفضل تشحن في بنتها وتقولها انتي واجهيه؟ ايوة هي لازم تقويها علشان تقف في وش اللي عايز ياخد حقوقها ... لكن مش تولع الفتيل وتجري تستخبى ورا ساتر .... لما تقوي بنتها تقف معاها علشان الحق ... ماعرفش هل ده كان نقص في التأليف ولا نقطة تانية او شخصية عايزين يلفتو النظر ليها في المجتمع وهي (الام السلبية)

Without Fear

Nov 7 2005, 12:11 PM

ده بالنسبة لشخصية الام

النقطة التانية

الاخ (خالد) ... ممكن اقولكو ايوة ممكن الكراهية توصل في القلوب للدرجادي ... ممكن الاخ ينسى اخوه ويقتله حتى زي قابيل وهابيل كده

كل حاجة في تصرفاته كانت منطقية ...

لكن

هل من المعقول تكون خاتمة المسلسل من غير اعطاء عبرة فيه؟ .... من غير تحقيق مقولة ان الله يمهل ولا يهمل؟؟ هل هيتوقف اللي حصل ده على انه يكمل حياته عادي؟ من غير ما حد يعاتبه على اللي حصل واللي اتسبب فيه لاخوانه؟ او حتى لزوجته؟

من غير حتى ما تيجي لحظة تفكير ليه؟ ياترى فيه شخصية ضميرها ميت للدرجادي؟ ياترى مش ممكن ربنا يكون على الاقل اداله فرصة انه يفكر ف اعماله ويوقف حد يقوله انه يتاخد الفلوس دي كلها علشان مين وانت ماعندكش اللي هتورثهاله ومصيرك للتراب؟؟ ان ربنا بيجازييك وبيقولك انت بتجري في الدنيا ورا الفلوس بس انا مش هرزقك باللي ممكن تسيبلهم الفلوس د ي يتمتعو بيها؟؟

هل 5 دقايق فيها حوار مع النفس او حتى مع الغير ... ممكن تأثر لو تمت اضافتها للمسلسل؟ اعتقد ايوة .. تفرق كتير جدا

على الاقل مش هيبقى جوانا اكتئاب واحساس بان فعلا ممكن الظلم يستمر للابد (لان عمر ما الظلم ممكن يستمر للابد ولازم لكل ظالم يوم) ... فالهدف من المسلسل او الفيلم انه يوري اليوم ده او على الاقل يفكر فيه علشان يعلم الناس انهم يحاسبو نفسهم على افعالهم

Without Fear

Nov 7 2005, 12:23 PM

شخصية الاخ (مراد) ...

نفترض انه فعلا شخصية هادية وسلبية ايضا عايزة تعيش في هدوء

ياترى .... هل هو عبيط علشان ياخد بس الارباح بتاعه الشركة من غير ما يسأل؟ مع العلم انهم في اول المسلسل وضحو ان الاتنين بيتنافسو على الفلوس !!!!! طيب ياترى اي انسان عاقل عنده مخ وبيفكر .. ياترى مش هيسأل على اي حسابات ؟

هل منطقي انه بس يدور على 20% فقط من الارباح؟

الباقي فين؟؟

وغير كده .... هل فيه اي شخص مهما كان سلبي هيسمح ان اخوه يهين امه او اخته او يكلمها من غير اي احترام ... ويكون الرد (مايصحش كده؟) !!!!

ليه اصر مؤلف القصة على ان كل الشخصيات سلبية؟ بطريقة سخيفة للدرجادي وبطريقة (غير منطقية) للدرجادي

وانتهت القصة ومازالت الشخصيات على سلبيتها !!!! من غير ايضا لحظت تنوير لان الانسان السلبي نهايته ايه؟ وازاي يقدر يتغلب على سلبيته !!!

Without Fear

Nov 7 2005, 12:40 PM

شخصية سارة ونهاية الشخصية دي

انا في اول حلقات ولاية لما سارة هربت من البيت وراحت عند طنط نعيمة :D وانا متوقعة نهايتين

يا اما سارة هتخف وتتزوج من حسن

يا اما هترجع للغيبوبة تاني

لكن ..... بعد ما سارة هربت من عند نعيمة ... ورجعت لبيتها .. ايضا توقعت نهايتين

يا اما سارة هتخف وتتزوج من حسن

يا اما هتخف .. بس مش هتتجوز حسن (القسمة والنصيب بقى) او لاكتشافها بان مش حسن الانسان الوحيد الطيب في الدنيا او ان مشاعرها مش حقيقية او what ever يعني

لكن لو مشينا منطقيا على الاحداث ... والشخصية .. والخاتمة

هنلاقي ان الخاتمة مستحيل كانت تبقى انها ترجع للغيبوبة .... وده لسبب مهم جدا

الانسان اللي يقدر يتغلب على محنة وجوده ف مكان مايعرفوش ... وسط ناس اشرار بيهينوه ويضربوه زي حالة الانهيار والبكاء اللي سارة كانت فيها قبل ما تهرب من عند اللي كانو حابسينها ... وقدرتها على انها تتجاوزها برغم انها كانت تايهة وبقت عندها فكرة وقناعة انها مش هتشوف حسن تاني ... وبرغم كده قدرت يبقى عندها العزيمة انها تقاوم وتقول لا .. وتهرب مرة واتنين

وترجع بيتها .. وتقف في وش اخوها مرة واتنين وتلاتة وتطالب بحقوقها من غير خوف .. وتقف قدمه وتقوله انت بتكرهني ... وتواه كل المواجهات دي وتواجه كل الناس دي بكل قوة

هل هتكون نهاية شخصية في القوة دي ... انها تستسلم للغيبوبة تاني؟؟؟ في الوقت اللي فيه ناس جنبها بيساعدوها وبيحبوها زي امها واخوها التاني وحسن وغيرهم كتير؟

ياترى لو اي حد فينا كان في مواقف زي دي ... هل هتكون اقوى وانت حاسس انك وحيد في الدنيا وتايه وكل الناس ضدك ولا لما يكون جنبك ناس بيحبوك ويساعدوك؟؟؟

انهيارها في نهاية المسلسل وبالطريقة دي وللسبب ده ... كان غير منطقي ابدا بعد كل اللي هي شافته خاصة وانها معترفة وعارفة ان الناس فيها الحلو والوحش

وكان قدامها خيار انها تخلى عن حقها في الميراث مقابل انها تتزوج من حسن!!!!! لكنها اختارت انها لازم تقاوم ... ياترى هل الواحد لما بياخد قرار صعب في وقت صعب ... هيكون صعب عليه للدرجادي انه يقاوم مشكلة زي اللي اتعرضتلها والمشكلة هي حلتها برفضها للزواج؟؟؟ لمجرد ان اخوها ضربها او حبسها ؟؟؟

ده كمان مش منطقي

حسن ... هل هيتقبل الامر الواقع؟ ويكمل حياته وزي ما امه قالتله يرضى بالقسمة والنصيب؟ ولا هيكمل علاجها ويصر انه يرجعها تاني ليه مهما كلفه ده من عمره حتى لو العمر كله ... لما تحب .. هل لازم تقاتل علشان تنال اللي بتحبه ولا تستسلم خلاص لما تحس انها اتعقدت اوي وتكمل حياتك بدون رسم خطط مستقبلية في الموضوع ده

قضية تانية ماتحلتش في المسلسل!!!

يبقى في النهاية .. حسيت ان حلاوة المسلسل والاحداث كلها ... انتهت بنهاية فاترة

حسيت اني بتفرج على نشرة اخبار لمدة 33 يوم .. بتعرض احداث بتجرى ... زلزال حصل وبيتابعو اخباره .. لكن اللي هيحصل في الاخر ايه؟ الله اعلم .. مجرد عرض لوقائع

ماعرفش ايه اللي تسبب في الغلطة الرهيبة دي ... هل المسلسل فعلا كقصة انتهى النهاية دي

ولا حسو انه هيطوّل اكتر فحبو يختصرو

ولا ايه بالظبط

مش عارفة

بس انا حسيت اني فضلت اكل رز وفي الاخر ماوصلتش لقعر الطاجن واكلت الحمام :D

انتو رأيكو ايه؟