منتديات جزيرة الاحلام

المساعدة - البحث - قائمة الأعضاء - التقويم

منتديات جزيرة الاحلام > شاطىء الاحلام الادبية > واحة القصص والحكايات والروايات > واحة كتاب حلمنا الروائيين

رنيم

Nov 6 2005, 10:25 PM

انا عندى فكرة جهنميه جدا ومغريه جدا
احنا طبعا كلنا شباب واحلامنا صغيره ومحدش مثلا ممكن ينشر كتاب لوحده.صح؟؟؟؟؟
ايه رأيكوا لو نجمع من كل عضو من اعضاء خواطر واشعار اجمل موضوعاته و نجمعهم كلهم وبكدة هيبقى عندنا حصيله كبيرة نقدر ننشرها فى كتاب باسم احلام شباب او اى حاجه من دى ويريت يا جماعة تفكرو فى الموضوع ده بجد اوووووووووى

nader

Nov 6 2005, 10:34 PM

طب مين هايطبعه ؟؟

الفكرة جميلة فعلا .. وأنا شفتها فى أحد امنتديا بس تقريبا كان متفق مع دار نشر ..

وبعدين الكتاب اللى هايطلع هايبقى خواطر وأشعار بس ؟؟
مفيش ابحاث أو أخبار أو أو .. ؟؟

أحمد ..

akrm-nagy

Nov 6 2005, 10:45 PM

فكرة حلوة بس تحتاج التمويل الجيد

اعتقد المشكلة كلها فى التمويل

MR_ZABADE

Nov 7 2005, 12:06 AM

انا معاكو ان الفكره جميله جدا جدا

بس زي ما قال اكرم ان العمليه محتاجه تمويل جامد

ويا رب ينولنا اللي في بالنا

رنيم

Nov 7 2005, 12:17 AM

سديتو نفسى
طب متعملها دراسة جدوى يا اكرم انت مش فى تجارة

G M

Nov 7 2005, 12:34 AM

الفكره هايلع فعلاا يا جماعه

انا ممكن اجبلكم اسعار حلوه قوي .. في الطباعه حسب عدد النسخ .. ايه رايكوو

شوفو .. كده هتعملو الكتاب حوالي كام صفحة .. ومقاسات ايه . وهتجمعوه ازاي .. بالنسبه للتمويل.. احنا نشوف التكلفة الاول قد ايه بالظبط ؟؟
اوك

اانا معاكم .. يا جماعه ..

Without Fear

Nov 7 2005, 01:20 PM

ايوة بس خلو بالكو .. التمويل مش المشكلة الوحيدة

خلو بالكو ان اي كتاب هيصدر ... لازم يكون على قدر من الكفاءة عالية جدا علشان يبقى عليه اقبال

يعني لازم يبى فيه كتابات القمة .... وتكون صحيحة سواء من الاوزان الشعرية او من اي ناحية املائية او نحوية

والا هيكون التمويل على الفاضي ... ومش هيكون في اقبال على الكتاب

ولا انتو شايفين ايه

Bassam

Nov 7 2005, 01:42 PM

ياريت

Bassam

Nov 7 2005, 01:43 PM

انا لو هاختار مواضيع

يبقي كل خواطر واشعار احمودا

والباقي طبعا

موني

nader

Nov 7 2005, 03:10 PM

كلام فير مظبوط ..

بس هو الكتاب شعر وبس ؟؟

الإهتمام بالشعر ليس جيدا بين الشباب والناس حاليا ..

يعنى ممكن نحط قصة , أبحاث ودراسات , اكتشافات جديدة... الخ .. بجوار الشعر ..

ولا ايه النظام ؟؟

G M

Nov 7 2005, 05:31 PM

ممم ع فكره لو دخل في حاجه زي كده يبقي المواضيع عايز تصريحات .. ومواويل.. يا جماعه .. انا عن نفسي سيبولي حكاية الطباعه بس اهم حاجه تتفقو ع الماده اللي هتتنشر حجمهها قد ايه .. وسيبولي حكاية الطباعه دي .. انا هظبطهلكو ..

المفروض .. دلوقتي يكون في سياسة عشان نجمع المواضيع المهمه .. اللي تستحق تتنشر .
عندنا في واحة الشعر موني وهيه تعرف مين اللي نشيطين عندها يا ريت تحدد اهم الشخصيات المميزين .. وتبعتلهم عشان يختارو اهم اعمالهم ولكل شخص عدد معين من الاعمال ولا ايه رايكو ؟؟
بالتوفيق

زهرة نرجس

Nov 7 2005, 07:29 PM

فكرة هايلة بس عايزة موال

ولو اتفقنا كلنا ممكن نجمعها

بس مش فى كتاب انا اعرف شباب كتير جربو الموضوع دة بس فى صحيفة

جرنان يعنى ونسمية جريدة الاحلام

وبكدة هنقدر نحط فية مواضيع من كل حتة فى الجزيرة زى ما نادر قال

وحتى ممكن نحط النكت

اية رايكم؟؟؟؟؟؟؟

G M

Nov 8 2005, 11:51 AM

لا يا زهرة الجريدة دي موضوع اانا مشيت في الموضوع ده وعارفه .. كويس .. تصاريح كبيره وطويله جداا

زهرة نرجس

Nov 8 2005, 01:40 PM

يعنى هوا موضوع الكتاب اسهل

من الجريدة يا جى ام

انا اصلا مش فاهمة اية الفرق بين التصريحات هنا او هنا

G M

Nov 8 2005, 02:46 PM

بالنسبه للجريده . فلابد لها من تصريحات كتيره جداا ومكلفه جدا جداا فوق ما تتخيلي..

يعني . ع الاقل . مبلغ 200 ألأف عشان تصدري جريدة سواء يوميه اسبوعيه شهريه .. واحده

بالنسبه للكتاب.. فده اسهل في نشره .. عن . المجله او الجريدة وتكلفته اقل ..

زهرة نرجس

Nov 8 2005, 02:57 PM

شكرا يا جى على التوضيح

وماشى كتاب كتاب

بس هنعمل كتاب ازاى ونجمع فية كل الحجات الحلوة اللة هنا

G M

Nov 8 2005, 02:59 PM

قولنا يا ريت ريمي .. تيجي وتشوف الموضوع لانها اكتر واحده تعرف .. الناس اللي بيكتبو عندها

رنيم

Nov 8 2005, 05:17 PM

اهئ اهئ اهئ
انتو كدة ارتحتو يعنى

kemoo

Nov 8 2005, 09:09 PM

فكره جميله جدا يا رنيم

ادينا على كتفك ولو اتحققت الفكره دى ليكى الحلاوه

akrm-nagy

Nov 8 2005, 10:21 PM

انا كنت قبل كدة شغال فى مكتب الشرق الاوسط للصحافة والطباعة والاعلان كمحاسب

وكنا واخدين توكيل من الوكالة العربية للصحافة والاعلام بالتعامل مع 17 جريدة مصرية

منها (اخبار البلاد - سيدتى الجميلة - الصناعة والاقتصاد - انباء واراء - .....الخ)

وكنت ليا ميول صحفية وعملت بعض المواضيع الرهيبة ...(دا من باب العلم بالشيئ بس)

المهم ان مدير المكتب أتهف فى دماغة فى مرة وقالى يا استاذ احمد احنا عايزيين نعمل صحيفة بأسم المكتب

وعايزيين نزور عضو مجلس الشعب علشان يساعدنا فى التمويل

وانا زى الاهطل رحت معاة

المهم العضو المحترم المبجل

قال فى تغطرس انا معنديش مانع بس المحاسب بتاعك يعملى دراسة جدوى ويعرضها عليا

طبعا اناا كنت معرفش حاجة عن دراسة الجدوى دى

المهم قعدت شهر فى اعتكاف على دراسة الجدوى دى (قرأة كتب وابحاث الخ الخ الخ)

وتمخض الجبل وانجب فأر

شهر كامل بعمل فى 18 وراقة فلوسكاب

بس كانت دراسة جدوى عجب ...بجد تدرس للأجيال القادمة...وتوضع فى المتحف المصرى كتراث مصرى نادر

الدراسة كان التمويل الاساسى فيها مركز على الاعلان

الاعلانات يعنى لأنها مورد ضخم جدااااا

الدراسة دى جت على دماغى

لان المدير حب يشغلنى متعاقد اعلانات بالاضافة لوظيفة المحاسب والصحفى

فحسيت انة بستهطلنى

سبت الشغل

والله بعدها بشهر المكتب كلة قفل خالص

لانى كنت الدعامة الاساسية فية

فانا ممكن ادورلكم على دراسة الجدوى دى واعدلها لو عايزيين

G M

Nov 8 2005, 10:41 PM

كويس قوي ان عندك خبره يا اكرم ..

بس هنا الموضوع هيكون بسيط ده كتاب .. اولا نطبع كام تسخه لانه لازم يتوثق في الشهر العقاري .. وبعد كده يتنشر منه بقه ع نسخ

مش ده الصح برده

وبلاش دراسات الجدوي الكبيره دي احسن تيجي ع دماغك تاني