بسم الله

انا مش عارف انا ببالغ فى الموضوع ولا اية ؟؟

جايز علشان انا متربى فى جو هادى واللى بيحصل دة غريب عليا

بس بجد مركز كفر صقر شهد العديد من الحوادث الغريبة فى الفترة الاخيرة

واصبح نزول قوات الامن المركزى والمدرعات عندنا حاجة طبيعية جدا

اول حاجة احداث عائلة اولاد مقبولة ..

دى عيلة كلها تجار مخدرات ونشالين وحرامية

وفى يوم قررت الشرطة القبض عليهم كلهم وكانت ليلة عجب ...

ضرب نار وقوات امن وحاجات رهيبة ومات 2 تقريبا فى الموضوع دة




وبعدها حادثة ايمن نور مرشح حزب الغد

اللى حاول ينزل مقرة الانتخابى (ثانى مقر انتخابى انشأ لية فى الجمهورية )

وطبعا الحزب الوطنى شحن الجمهور هنا

لدرجة ان الناس اول ما شافت ايمن نور كسرت عربيتة (بس نفد بأعجوبة )

وكسروا الباصين اللى معاة وضربوا الناس اللى فيهم وكانت ليلة تانية عجيبة

(بالنسبة لى على الاقل )

وكثير من الاحداث .......

اخارها امبارح ... ودة اللى خلانى اكتب الموضوع دة ....

ظابط شرطة فضل يضرب فى متهم شاب عندة فى الحجز

لغاية ما موتة .....

وعلشان ينفى التهمة عن نفسة قال ان احمد ( المتوفى ) فوجئنا بية شانق نفسة فى الحجز

طبعا الخبر اتنشر والحقيقة اتعرفت...وكانت حالة لا يرثى لها

3 عربيات امن دولة امام قسم الشرطة ...

وعربية قدام المشرحة اللى فيها الجثة

وفضلت الجثة فى المشرحة من الظهر لغاية التاسعة والنصف مساء تقريبا

...............

مسيرة الدفن ...او الجنازة بجد كانت غريبة وعجيبة جداااااااا

كانت مظاهرة مش جنازة ...لالالالا كلمة مظاهرة دى شوية

انا كنت ماشى فيها .... فى البداية هتافات لا اله الا الله ..الحكومة عدو الله

تهز القلوب والوجدان ...وستات بتصوووووووت

ووقت ما قربنا من قسم الشرطة ..........

قامت الدنيا ومقعدتش ..هجم الناس على القسم ...

تصدوا ليهم قوات الامن المركزى

الناس معرفتش توصل للقسم ...اتجننت بقى

دماااااااااااااااااار شامل فى البلد

كسروا المحلات والعربيات والفتارين

كل حاجة كانت قابلة للتكسير كانت بتتكسر وتتدمر

وكان اوفرها نصيبا فى التكسير

هى اليفط المضيئة لمرشح الحزب الوطنى والرئيس حسنى مبارك

بجد انا كنت ماشى مذهووووووووووووووول ومش عارف اعمل اية ...

وكل دة كان على مرأى ومسمع من جهاز الشرطة ...

بس مكنش فى قوات كافية للتصدى ..

وكل دة تم وهم يحملون الجثة لسة مش ادفنت وعلى مدار نصف ساعة تقريبا

وبعد ما اصبح هناك حالة اشبة بحظر تجول

فرضها الشعب على جهاز الشرطة والامن لأول مرة ..كلهم داخل القسم

ذهبنا لدفن الميت ......وعادت كل حاجة لطبيعتها مرة اخرى

عدا المحلات والعربيات اللى اتكسرت ..واليفط المضيئة طبعا

معاك حق والله يا ابو حميد

انا شفت عربية امن مركزي امبارح قدام المشرحه وانا جاي من الزقازيق

اصل دول كلاب والله

وفاكرين البلد دي التكيه بتاعة اهاليهم

ربنا ياخدهم ويريحنا منهم قادر يا كريم

امين

لا اله الا الله

لا حول ولا قوة الا بالله

ان شاء الله ربنا ينتقم من كل ظالم

وعلى فكره يا احمد انت متعرفش موضوع الولد اللى الظابط موته ده اثر فيا اد ايه بجد يمكن والله انا مش ببالغ والله انا دمعت
ربنا على كل ظالم

no comment

ربنا علي كل ظالم
الله ينتقم منهم

طب تصدقو بالله

من كام يوم بعتو استدعاء من امن الدوله لوالدي وعمي

تفتكرو ليه؟

عشان يخلوهم مينتخبوش مرشح الاخوان في الدايره بتاعتنا

شفتو البجاحه

انا اسمع ان فيه ناس تخاف متختشيش

لكن دول ناس لا بتخاف ولا بتختشي

انا مش عاوز اتكلم كتير عشان ملبخش

دول اصلا ميستاهلوش

حسبى الله ونعم الوكيل فيهم


ربنا يتنقم من كل ظالم

سبنا الله ونعم الوكيل فيهم

اة طبعا يا ابو حميد .....

ابوك وعمك بيتحكموا فى الاف الاصوات الانتخابية

عيلتكوا برضوا جامدة ....


بس مش زى عيلتنا طبعااااااااا

زي عيلتكو ولا مش زيها دي مش مهمه يا ابو حميد

اصل بصراحه محدش بيختار عيلته

انا في اولاد ال...... اللي معندهمش دم دول

وبعدين عيلتكو وعيلتنا نسايب يعني واحد يا ابو حميد

طبعا متقدرش تقول غير كده عشان متزعلش القيادات العائلية ومراكز القوى

ههههههههههههههههه


ربنا على الظالم

واللة يا اكرم جيت على الجرح

انت مش عارف الموضوع دة بيضايقنى اد اية

واكيد طبعا دة مش فى كفر صقر بس
دة غى كل حتة

انا مش بقدر ادعى عليهم لما تخيل ان نفس الظابط اللى بيضرب نار على اخواتنا واهلنا
وبيموت فى ولادنا فى السجون

هوا هواة اللى بيروح لبيتة وملراتة ةبنتة اللى ممكن تكون اصغر منى او اكبر
بس اكيد محتاجة لة
عشان كدة الدعاء الصح اللى المفروض يدعى

ربنا يهديهم ويخلصنا من ظلمهم

ممكن الواحد مش يتاثر اوى للحجات اللى بتحصل برة بلدة بس لما تكون الحجات دى فى بلدنا
لما الواحد يبقى خايف ينام احسن يجو يخدوة بليل بس لمجرد انة بيفكر زى جماعة اسمها الاخوان
او لان ميولة يسارية او لانة عبيط وماشى يشتم فى كل حاجة دة
دى الحاجة اللى ممكن تاثر فينا اوى

شكرا على الموضوع

على فكرة انا بحب كفر صقر دة جدا جدا

على الرغم من انى مش رحتة قبل كدة بس ليا جماعة قريبى من هناك

بسمع عن البلد دى كل خير

فيلرب يحفظها لكم

شكرا ليكي يا زهرة لامتداحك مركز ومدينة كفرصقر المتواضع..

فعلا انا من زمان وانا متضايق من اللي بيحصل عندنا ده وكنت في قمة السعادة لما احمد كرم نزل الموضوع ده مع انو كان شايف انو ممكن ميكونش مهم الا لينا احنا كأبناء كفر صقر وبس...لكن فعلا اتضح ان الجرح مشترك... والتجاوزات اللي بتحصل ضد الشعب من الجهة اللي المفروض تخدمه وتحميه بتحصل في كل مكان...



ربنا يصبرنا ويهدي الظالم او ينتقم منه


امين

شكرا يا زهرة .....

ومتحاوليش تتلزقى فى بلدنا الجميلة


واخيرا ...

لو لم اكن كفر صقريا لوددت ان اكون كفر صقريا

ربنا علي كل ظالم

تتلزق اية

انت تطول ياللى اسمك اكرم انت

هههههههههه

حصل خير يا جماعة

كلها بلاد الله

وعلى رأي المثل اللي محدش عارفه

( لو لم اكن سندوبيا ...لوددت ان اكون سندوبيا)

محدش احسن من حد :P

اة طبعا لو لم اكن سندوبيا لوددت ان اكون سندوبيا

مين اللى قال انة مثل محدش عارفة

وبعدين دة مش مثل دى حكمة يا ميدو امال

بيتقال بعد طابور الصباح فى المدارس مش فاكرة ولا اية

قال كفر صقر قال

انا قعدت فترة كبيييييييييرة .....

مفكر ان سندوب دى اسمها صندوق

وكوبرى طلخا ...اسمة كوبرى طبخة

والله الكلام دة بجد

اصل اول مرة كنت اسمع اسامى المناطق دى ...كنت راكب مع سواق اللغت وانا صغير

وعلقت معايا بقى

وبعدين كفر صقر ارقى من انها تقارن ببلد زى صندوق دى .......

هههههههههههههه

بالراحة شوية يا اكرم

صندوق ايه وطبخة ايه بس

دي برضو بلاد الله

وبعدين زهرة معزورة

لانها مش هي اللي اختارت انها تعيش في الصندوق

ده قضاء وقدر

حظها كده

يله حصل خير


قدر الله وما شاء فعل

وبلاش نتريق على بلاد الناس


خليك متحضر زيي كده


( منية سندوب = منية صندوق...... طلخا = طبخه )

ونعم التحضر

كنت عايز اعرف حاجه منك يا زهره النرجس ( :هل هناك علاقه بين منيه صندوق وصندوق الدنيا ................)
ياريت اعرف الاجابه في السرع وقت لأني محتار جدا...........................
اصلي بشبه عليكي

اى


اى


اى

بقا هوا كدة

يا اكرم صعبت عليا بجد
فعلا حاجة تقطع القلب ان يكون فى طفل صغير عندة مشكلة فى السمع
لدرجة انة يسمع سندوب صندوق طلخا طبخة
لا حول ولا قوة الا باللة
والمصيبة ان المشكلة دى تكبر معاة كمان
سئ مؤسف بجد



ويا ميدو كنت فاكراك طيب طلعت زيهم

ويا زبادى دى حاجة تفرح ان يبقى سندوب شبة صندوق الدنيا

على الاقل الناس زمان كانت بتدفع عشان تتفرج على صندوق الدنيا دة :
P
وانا طبعا مش هتريق على كفر صقر
ولا هدافع عن المنصورة لان دى مدينة عالمية
انا بقى بنت متحضرة ومش هتدخل فى النقاش دة
هه

وبعدين ادعو لنا لان احنا الانتخابات قربت عندنا

وفى بهدلة جامدة

ربنا يستر

احنا الحال عندنا لا يسر عدوا ولا حبيب

فى حالة الاستعدا القصوووووووووى

احنا كمان ربنا يستر

والايام دى تعدى على خير

ربنا يسترها معانا كلنا

الحمد لله ان انا مليش صوت اصلا في دايرتي

بس مش بطاقتي ضايعه ولا حاجه يعني

انما انا من مواليد القاهرة ومليش صوت الا في محل ميلادي

والله احسن

بلاش وجع دماغ

هاهاهاهاهاهاهاهاهاهاها

شفتو بلدنا بقت من البلاد العلمية
البلطجية وجنود الحزب ربنا يخليهم لينا دخلو بلدنا المتواضعة التاريخ

البى بى سى بحالها خدت من واحد كان بيصور الهاذل فى سندوب
دا طبعا غير الحرة والجزيرة منظمة حقوق النسان

دخلنا التاريخ والحمد للة

ها ها ها ها ها ها ها

ضحكتيني وانا مليش نفس

هو اي مكان يتعمل فيه لقاء يبقى دخل التاريخ ولا ايه..

هو التاريخ حيلم يا بنتي..

انتو ممكن تدخلو التاريخ من باب الشفقه لا اكثر..

مبروك عليكو التاريخ والجغرافيا كمان..

ههههه

قال تاريخ قال.

تؤ تؤتؤ خلى صدرك رحب وبلاش الحقد دة

انت بس متغاظ عشان اسم بلدكم المغمور ما طلعشى فى الفضائيات والقنوات العالمية

معلشى خلى عندك امل جايز الدورة الجاية يكون الحزب الوكنى جايب بلطجية عند زى عندنا وربنا معاكم

يا بنتي اتكلمي على قدك


امشي جنب الحيط وكلي عيش

اللي يلعب بالنار يتحرق بيها

انتي عيبك انك مش مثقفه

متعرفيش يعني ايه " كفر صقر "

ده اسم فرعوني معناه ( قاهر الجبابرة )

ههههههههههه

امال ايه

مش صندوق

وبعدين ان كان عالبلطجه احنا اساتذه فيها

احنا بلا فخر المركز اللي اعتدى بالضرب على مرشح الرئاسه د. ايمن نور..

اظن مفيش بعد كده بلطجه

الراجل كان حيبقى اكبر راس في البلد ومع ذلك خد اللي فيه النصيب..

احترسي يا زهرة وكلي عيش يا بنتي..

واحب اعرفك انك متراقبه..

وقد اعذر من انذر..

no comment

اشمعني بقي الاتنين دول طب ما انا من كفر صقر انا كمان بس عايش في مصر
اللاه

معرفش يا زبادى إنك من كفرصقر

هاهاهاهاهاهاهاهاهاهاهاها

انا عاوز زهرة نرجس تخش تشوف قد ايه احنا مشهورين

كفر صقر هي اللي مسخنه المنتدى

وروني بقى سندوب بتعمل ايه هنا غير الحقد والحسد والتلزيق في المدن المرموقه..

اهلا بأهل ابو كبير يا سلمى..

طبعا غنيه عن التعريف .. دي بلد الجدعان.

هههههههههههههههههههههههه

ماشى يا سى ميدو عرفنا شهرتكم

هو انا اقدر اتكلم يا بنى دا نص المنتدى يا شرقاوى يا من كفر صقر

دانا اتاوى فى مكانى

تماما يا باشا

تعيش جمهورية كفر صقر حرة مستقلة
يعيش السيد الرئيس وجميع السادة الوزراء

شكرا شكرا شكرا

خلاص يا جماعه كفايه هتافات...

اشكركم بشده.. وعلى العموم مدام الحق بان انا احب اصرح بأني في احدى الزيارات الميدانية وبمرافقة ابن عمي العزيز ( بسام علي) قمت بزيارة تفقدية لمنية سندوب..

وهي مش بطالة بس محتاجه شوية اهتمام من قبل المسؤلين .. وانا ان شاء الله حاعمل لفت نظر للسيد محافظ الدقهلية عشان يهتم بالمنطقه دي شويةعلى الاقل علشان فيها قرايبي..
يعني مثلا يبنو فيها بعض المرافق الترفيهيه كالسينما والمسرح واللذي منه ...

و بالمرة يبنو مدينة ملاهي ومطار دولي ودار اوبرا وخط مترو انفاق ومفيش مانع لو نقلنا ابو الهول هناك او ام الهول حتى لو كان ابو الهول مش فاضي..

يمكن بعد الاصلاحات البسيطه دي نقدر نعمل مقارنه ولو ظالمة بين جمهورية كفر صقر وبين منية سندوب..




توقيع / مواطن مفروس..

انا بس عايزة اوضح يا سيادة الرئيس توضيح بسيط منية سندوب دى قرية بسيطة زى قرية كفر شعرة ولا الشعراء باين حاجة زى كدة

ولو بنينا فيها سنيما ومسرح مش( هتبقى قرية يا ذكى)

واضح يعنى ان انت مش عارف الفرق بين سندوب ومنية سندوب(فاقعد ساكت احسن وبلاش احراج)

وبعدين انت مين اللى سمح لك اصلا تدخل سندوب او منية سندوب


بسام ومعاة حصانة

لكن انت اية اللى يدخلك البلد

هاهاهاهاهاهاها

انا احب اوضحلك ان القريه اللي بتتكلمي عنها اسمها كفر الشعراء يعني على الاقل معناها واضح ومفهوم وجميل.. لكن منية سندوب دي ملهاش معنى..

ثانيا انا عارف كويس وكويس جدا كمان الفرق بين سندوب ومنية سندوب..

سندوب دي مليش دعوه بيها......

لكن منية سندوب انا قرايبي فيها وقمت بزيارتها على غرار دعوة من عمتي وبنت عمتي ، وكنت واخد بسام معايا وابن عم تاني ليا بس متعرفيهوش يعني انا مدعو..

ولو قلتي تاني اني غير مسموحلي بدخول منية سندوب سوف اجد نفسي مضطرالتقديم بلاغ فيكي الى النائب العام ...

وهو بقى حيعرفك مين اللي مسموحلو ومين اللي مش مسموحلو...

يا بنتي اتكلمي على قدك..

الحق عليا اني عاوز انضف قريتكو دي..

وبعدين اذا كان بسام معاه حصانه فانا احب اعرف مين اللي اداهالو لان اللي يديه حصانه يديني حق النقض ( الفيتو ).

قلت قبل كده ان مشكلتك انك مش مثقفه.. وعلى رأي المثل ( اللي ما يعرفني يجهلني )....

انا عمتي احلى حاجه عندها تقعد تحكيلي عن منية سندوب وقد ايه هي بتحبها واللذي منه..

وكنت ناوي اقوم بزيارة تفقديه اخرى لمنزل عمتي الجديد لكن بعد الكلام الكبير الغير مسؤل اللي قلتيه ده .. انا اجد نفسي مضطرا لإلغاء الزيارة وتصعيد الموقف الى اعلى المستويات....

متستغربيش لو جالك جواب على يد محضر ، او استدعاء للنائب العام ، او تم القاء القبض عليكي بتهمة الشروع في استفزازي..


كل شيء وارد..

اللى من كفر صقر

انا ... والعياذ بالله من قولة انا

ود/ ميدو

ومستر زبادى

وبسام

وشاكو

وياسر

و.......بس تقريبا

ميرسي يا اكرم جدا للتوضيح

العفو على اية ؟؟؟

لسه يا اكرم



-وفرفور

-ومهاجر

-وفارس جزيرة الاحلام

-وzedancool

- ولما افتكر حبقى اجي اقول..

براحه علينا يا دوك دا احنا بلديات

هو انا قلت حاجه وحشه لا سمح الله..

ده انت حبيبي يا فارس والله..

اة انا نسيت المهاجر بس

انما الناس دى انا لسة متشرف بمعرفتها

يا اكرم انا اعتقد انك تعرف زيدان ( محمد )

اهلا وسهلا بيكى يا سلمى

البلد منورة النهردة

بيكى وبكل الناس اللى يجو