السلام عليكم ورحمة الله وبركاتة،،

انا فى سؤال عايزة سالة وعايزة اجابة صحيحة ...

وهو : الشات بين الولد والبنت حرام ؟ ام لا

بجد سؤال دا محيرنى جداااااااااا


وسالت ناس كتيرة اوى اللى يقول حررررام واللى يقوول لا مش حرام.

وفى احد الاعضاء سال شيخ وقال لة ان شات مش حرام ولكن مع عدم تشغيل كام او ميك علشان ميعتبرشى خلوة غير شرعية ...


وفى برضو احد الاعضاء بعت مسج لدار الافتاء وكان سؤال:
بسم الله .السلام عليكم ورحمة الله وبركاته ..
ما حكم المحادثة بين الشاب والفتاة فى الشات ؟ خاصة إذا كانوا يساندون بعض فى الطاعات والمذاكرة ؟ لكن قد يحدث مزاح بينهم ( دون التعرض لهن بأى شئ يمس حيائهن) أو قد يكون تكلم عن بعض مواقفها الشخصية أو مواقف الشاب ( لكن أيضا فى حدود ).. أرجو الإفادة مع التفصيل إن تكرمتم .. وجزاكم الله خير ..



وكان الرد:


الشات باب من أبواب الفتنة ، وسد الذرائع إلى الشر ينبغي أن يلتفت إليه ، والكلام إن كان فيما يفيد وما لا حرمة فيه لا بأس به في نفسه إن كان هناك حاجة إليه ، إلا أن هذا يجر فيما بعد إلى التعلق والتخفف شيئا فشيئا حتى يبدأ الشيطان في لعب دوره فليتنبه لذلك !


بس كلام بالنسبة لى ولة يعنى احنا اد بعض وفعلا بنشجع بعض.
انما فى ناس تانية بيكون كلام مابينها عادى جدااااا



طيب اوك لو مش حرام الحمد الله طبعا

طيب انما لو حراممم
وفعلا انا حاسة بكدا .

وانا الحمد الله كنت قررت ان امسح ناس اللى عندى وبالفعل هذا تم ولكن يوجد خمس اشخاص عندى كل لما اعمل دليت او بلوك تانى او تالت يوم اضفهم عندى لانهم غالين عليا ومش سهل انى امسحهم ومش كلهمك تانى .

قولولى اعمل ايـــــــة..

فى انتظاار ردكم يااجمل اخوات.......احبكم جميعيا فى الله

انا علي اد ما اعرف

ان الصبغة حرام لانها بتغير من لون الشعر اللي خلقه ربنا فعلا

ولكن الحنة مش حرام

بس برضه انا محتارة

لان برضه ربنا بيقول التزين للزوج

يعني محدش يشوف زينتك الا زوجك

ودي زي دي

اللي يخلينا نصبغ شعرنا لزوجنا ومحدش غريب يشوفه

نصبغه ومحدش يشوفه برضه طالما في حجاب

لكن معرفش الحقيقة فين

اما حكاية الشات مقدرش افتي فيها

والموضوع جميل يا نور اوي والله

بسم الله ..

والله يا نور لا تتخيلى سعادتى بكلامك ..
لأنك حريصة كل الحرص ده ..
وأعتقد إن كل اللى فى القائمة عندك - ولاد - هايتفهموا الموقف جيدا ..
ومش بعيد ده يكون دافع لهم !!

بس فعلا ..
نصيحة من اخ لا يريد لكِ الا الخير ..
امسحى كل اللى عندك ..
بلا استثناء ..
أى استثناء ..
واكيد انت فاهمه ..
ولو انتى بتعملى كده لارضاء ربنا فاكيد ربنا هايرضى عنك ويخلى الناس ترضى عنك ..
بل والعكس ناس كتيرة هاتحترم موقفك ..
وممكن تعمل زيك ..
وكفاك بهذا فخرا !!



بالنسبة للصبغ ..

فتقريبا الجمهور قال بجوازه تمااما ..مش الحرمة بالتأكيد ..
لكن الاسود محرم على الرجال ..
معرفش الحكم ده على النساء برضه ولا لا .. والله اعلم ..
بس برضه ..اسألى دار الافتاء ..
وهم هايفيدوك كويس قوى ..

http://www.dar-alifta.org/

واخيرا ..


جزاك الله كل خير يا نور ..
فعلا جزاك الله خير ..


أحمد

انا بصراحة بالنسبة للصبغة عمري ما سمعت انها حرام


لكن اللون الاسود الداكن اللي اعرفه انه حرام على الرجال والنساء




لكن بعيد عن الحرمة او التحليل


يا عزيزتي


ربنا قال (ولقد خلقنا الانسان في احسن تقويم)


مافيش اجمل من لون الشعر اللي ربنا اختارهولك


يعني وانا صغيرة جدا كان بلون .. ولما كبرت شوية بقى بلون مناقض تماما ودلوقتي اخد لون اخر


ولو مسكتي صوري وحاولتي تغيري لون الشعر ف مرحلة لمرحلة تانية .. هتلاقيه مش لايق ابدا


ربنا خلقنا ف اجمل صورة .. ده ذوق ربنا مش ذوق الانسان


والاهم من ده بقى


ان الصبغات .. والسشوار .. ومكواة الشعر ... وكل الحاجات دي بتقتل الشعر وبتحرقه


لدرجة ان كل الاطباء بيوصو باننا نغسل شعرنا بشامبو الاطفال لانه بيحتوي على اقل نسبة من الكيماويات اللي بتضر الشعر

خليكي طبيعية يا اختي العزيزة والا شعرك هيفقد صبغاته الطبيعية .. ويبيضّ بسرعة


عن الشات مقدرش افيدك لاني انا كمان معرفش هو حلال ولا حرام

واذا كان حرام ليه الحديث مع زميل في العميل مش حرام؟

وليه الحديث مع ابن عمك وابن خالك مش حرام

وليه حاجات كتير مش حرام !!


لكن الرسول عليه الصلاة والسلام قال (استفت قلبك ولو افتوك)

ولو حسيتي ان اللي بتعمليه غلط .. توقفي عنه فوراً

ده اللي اقدر اقولك عليه

للتوضيح فقط ..

كلامى السابق لا يقول بأن الشات حرام ..
ولا هذا اعتقادى ..!!


حتى لا يفهم الكلام خطأ مرة آخرى ..

أحمد ..

امممم

انا بصراحة ....


الشات الجماعي


ده اللي انا بعتبره في 90% من الحالات بدون اي هدف


وبالتالي حرام



على فكرة اغلبية العلماء والفقهاء قالو ان الشات حرام يا نادر


بس بردو ... انا باخدها من ناحية الراحة القلبية


ماقدرش افتي بصراحة ...


بس انا كلمت اولاد كتير .. والحمد لله قدرت اني ابي احترامي في قلوبهم .. وقدرت اغير ف حياة كتير منهم للافضل والحمد لله على كده


لكن ماقدرش اقولك اني مستريحة تماما لحكاية التشات

علشان كده قولت لنور تستفتِ قلبها

[color=blue][/color]

اخى الغالى جداااااااا /احمد

ميرسى جدا على كلامك دا .
وانت برضو متتخيلش مدى سعادتى لما بلاقيك فى احد موضعاتى ....

بس اللى عندى كلهم مش ولاد انا عندى بنات 59 بنت وكلهم بعتبرهم اخواتى فى الله
و5 صبيان فقط.

ايوة انت عندك حق فى كلامك ..

ولكن ...كل لما اعمل دليت لحد ارجع تانى اضيفة .........

بس لازم يكون عندى ارادة .

والله انا لما بضيف حد تانى بحس ان ربنا مش راضى عنى..

وجزاك الله كل خير









امممممممم
اوك ان شاء الله ..وميرسى جدا بجد

انا هبعت باذن الله ولما يوصل الرد هكتبة هنا.....علشان الكل يستفاد ...




جزانا واياك كل خير يااحمد................................

حبيبتى فى الله/سمسومة

ايوة طبعا ربنا خلق كل انسان فى احسن تقويم ... والحمد الله ...

واكيد طبعا ان اللى ربنا اختارلهونا احسن ..............

وعلى فكرة انتى قولتى معلومة انا اول مرة اسمعها وجزاكى الله خيرا عليها

اللى هيا
انا احنا نستعمل شامبو اطفال........

واوك يافير ياعسل......









اوك يافير

وجزاكى الله كل خيرا يارب

ايوة فاهمين يااحمد

على فكرة يااحمد

انا ببعت لدار الافتاء والصفحة مش عايزة تيجى خالص وبتيجى كلمة error

ياريت تقولى اعمل اية...

قال رسول الله صلى الله عليه وسلم :

أن الحلال بين والحرام بين وبين الحلال والحرام امور متشابهات

فمن اتقى الشبهات فقد استبرأ لدينة ولنفسة

ومن وقع فى الشبهات كمن وقع فى الحرام

صدق رسول الله صلى الله عليه وسلم

والله يااكرم جزاك الله خيرا

انت كدا جبت من الاخر

ومفيش نقاش بعد الحديث دا.

يا ريت حد يسال شيخ فى الموضوع ده
بس يبقى شيخ متفهم بيوزن الامور بقلبه وعقله
ويجيبلنا الرد هنا لو سمحتوا...

ايوة............. ياريت حد وهو بيصلى يسال شيخ

وعلى فكرة احمد بعت لدار الافتاء

وبيقولوا ان صبغة الشعر مش حرام

بس الله اعلم

شكرا ليكي يا نور عالموضوع .....

لأنك نبهتيني لحاجه مهمه جدا مش عارف ازاي كنت مش واخد بالي منها أو يمكن كنت بتغافل عنها ...


للعلم انا عمري ما ضفت عندي عالإيميل حد لا أولاد ولا بنات باستثناء زبادي واحمد كرم وبسام ...

مسالة الصبغ معروفه ورأيي فيها من رأي نادر ..


موضوع الشات اتقاء الشبهات فيه زي احمد كرم ما كتب فوق يا ريت تكون مفهومه ...

ان شاء الله قراري حيعرفوه الناس اللي عندي عالمسنجر فعلا لا قولا ....


وكلكم اخواتي طبعا ...


بس يا ريت لما تطلبو فتوى متمشوش ميري وراء العمم وخلاص وتدورو على شماعه تعلقو عليها رغباتكم وتقولو زي المثل ما بيقول ( لبسها في عالم واطلع سالم ) ...


لسه واحد من اعز أصدقائي مفكرني ببيتين يا ريت نفهمهم واحنا بنرد هنا وفي أي مكان بعد كده ..




( وكل امريء يوم سيبلى ...... ويبقى الدهر ماكتبت يداه )

( فلا تكتب بكفك غير شيء ..... يسرك في القيامة أن تراه ) ...



شكرا جزيلا يا هدى ...

سلام عليكم ...

انا هنا هتكلم بصفتى كيميائى

سواء الصبغه او ميك اب

كيمياويات بتدخل الجسم عن طريق المسام وهى ضارة جدا جدا

اما بالنسبه للشات

انا سمعت مرة من شيخ

متختليش بامراة حتى لو هتعلمها قران

وانا بعتبر الشات على الخاص خلوة

بس بجد بشكرك يا نور على الموضوع

الشكر لله

ياترى هيا اية؟












اوك يا د.ميدو






عارف يا د.ميدو

انا كل يوم بشوف الفضائل بتموت قدام عينى

وبقيت بعتبر كل حاجة عااااااااااااادى


بجد والله والله

انا بقيت بعمل حاجات غريبة

لانى حاسة انى مش عايشة

حاسة انى فى كبوس

كبوس ومش هصحى منة تانى

غير لما اموت







جزاك الله كل خير




الشكر لله

وعليكم السلام

ايوة هيا مضرررررة فعلااا




اها

بجد

مش عارفة قول اية

وزى منا قولت

ان الفضائل والقيم والمعايير اللى المجتع كانت وخدها

بدائت تهتز وتتناقص

وكلوا بقة داخل فى بعضوة

وجزاك الله كل خير يا ابو جودة على مشاركتك

موضوع رائع فعلا يانور ...

لكن لازم الاسئله دى كلها تقدم الى احد شيوخ الازهر اللى ممكن فعلا يمدونه بالاجابات

السليمه 100% .... وياريت اللى يسئل وتوصله الاجابات يطرحها لينا فى الموضوع الرائع ده

والله اعلم ،،،

موضوع جميل يانور

بس انا ليا راى هو حرام ، حلال ،حرام ،حلال ، ح ........................


وشكرا

بالنسبة لموضوع الشات .. ده زز

استفت قلبك ..

يعني انت عارفه حدودك فين .. تمام . لو انت حسيتي انه هيفتح عليكي باب .. للفتنه أحسنلك تسديه .. ولو عايزه تعتبريه مثلا خلوه .ز وحاسه بكده . يبقي تقفليه أساسا .. انما لو فكرتي في الموضوع بشكل . اكثر منطقيه وعقلانيه ..

انت لازم تكوني محدده هدفك اساسا انت فتحتي المسينجر ليه او عملتي ايميل علي الهوت ميل او ياهو ليه عشان واحده صحبتك علمتك كده ولا عشان تقولي انا بعرف استخدم النت ولا عشان ايه .. حددفي غرضك الاول وبعد كده هتعرفي . انت صح ولا غلط..

وفى حاجة كمان هو حرام حد يصبغ شعرة؟ بلون مخالف عن لون شعرة

فانا قرته في صحيح مسلم في اعتقد في باب الزينة كان الصبغه السودا محرمة اما بقية الالوان مسموحه
بالنسبه للحجاب او غيره الله اعلم بس اعتقد ان الموضوع واضح


والله اعلم ..


..

انا ضد حكاية استفت قلبك دي وشايف انها شماعة مكشوفه وبايخة لتعليق الرغبات الشخصية ...

- خلونا الأول نتكلم كلام علمي ونناقشه مدام المنتدى اتقلب دار افتاء ...

الحديث أو الشماعة اللي الكل متعلق فيها أهه ...



** (( عن وابصة بن معبد - رضي الله عنه قال - رأيت رسول الله - صلى الله عليه وسلم - وأنا أريد أن لا أدع شيئا من البر والإثم إلا سألت عنه ، فقال لي ادن يا وابصة ، فدنوت منه حتى مست ركبتي ركبته ، فقال لي : يا وابصة أخبرك عما جئت تسأل عنه ، قلت يا رسول الله أخبرني ، قال : جئت تسأل عن البر والإثم ، قلت نعم .. فجمع أصابعه الثلاث فجعل ينكت بها في صدري ويقول يا وابصة ( استفت قلبك ) والبر ما اطمئن اليه القلب والإثم ما تردد في الصدر وإن أفتاك الناس وأفتوك ))....

** الحديث رواه احمد بإسناد حسن ، وهو حسن لغيره كما في صحيح الترغيب والترهيب ..


ـــــــــــــــــــــــــــ

ده نص الحديث ايها الأخوة الكرام ...

وصية من النبي صلى الله عليه وسلم لأحد أصحابه .. وللمسلمين الذين على شاكلته والمقتدين به من بعده ..

- فاهمين معنى أصحاب النبي - صلى الله عليه وسلم - ؟؟

- هل تعلمون كيف رباهم رسول الله ؟

- هل تعلمون كيف كانو يحبون ما يحب وإن لم يكن من الدين ويكرهون ما يكره وإن كان مباحا لا حرج فيه ؟

- هل عندكم من العلم عشر معشار ما عند أصغرهم ؟

** دي مجرد أسئلة يجب أن يجيب عليها كل منا قبل أن يطبق أحد منا هذا الحديث على نفسه ..


** موضوع زي موضوع الشات والكلام بين الرجل والمرأة أو بين البنت والولد ...

أنا ليا فيه استشكال بسيط خالص ...

- ولد وبنت بيدردشو مع بعض لمجرد الدردشة و99 % من كلامهم كالآتي :


- إزيك ؟ أخبارك إيه ؟ ساكن فين ؟ عندك كام سنه ؟ أخبار دراستك إيه ؟ إيه ميولك ؟ إيه رأيك في الحب ؟ إيه رأيك في الفنان الفلاني ؟ شفت اللي حصل في الموضوع الفلاني ؟

- إيه رأيك في فلان وعلان وتركان وزيدان ابن أم زيدان والسلفيين والإخوان وعبدة الشيطان والرسم عالجدران ؟ وربنا يخليلنا الياهو والهوتميل والبالتوك كمان ..


- وبعد عشر ساعات من الكلام ... ايه الفايدة ؟

- أكيد فيه فادة ...

- واليكم بعض الفوائد الثمينة ..

1- معرفة طريقة تفكير الأخرين . ( أصل احنا عايشين في صحراء ومش شايفين الناس حوالينا بيفكرو ازاي ) ..

2- الإستفادة من خبرات الغير . ( طبعا لأن الشات متخصص في فرز الخبراء وتشهد على ذلك كل سيبرات البلد ، المليانه بالمزوغين من مدارسهم ) ..

3- تعلم بعض أمور الدين . ( واضح إن فرع الشات من دار الإفتاء المصرية عليه ضغط كبير ) .

ـــــــــــــــــــــــــــــــ

** انا عاوز راجل بيحترم نفسه وبيحترم عقل اللي بيكلمو يقوللي ..

** لما بتتكلم مع بنت ( باعتبارك رجل ... مش أي حاجه تانية ) ... مش بتحس انك نفسك تحسسها بقيمة نفسك وتعرفها انك انسان مش عادي ..؟

- ده على الأقل طبعا لو كنت محترم وابن ناس ...

** مش عارف انها ممكن تتعلق بحضرتك وتقعد ترسملك صورة في خيالها وتشوف فيك كل حاجة ربما تكون هيا مفتقداها حتى لو كانت الحاجه دي مش موجوده فيك أصلا وممكن تسيب مذاكرتها كمان عشان خاطر سعادتك ؟

- وبعد كده تحبك وتحبها وتكلمك وتكلمها وتشوفك وتشوفها ....الخ..

** نفس الكلام ده نطبقه على البنت ونفس النتيجة ..

** وبعدين ؟؟ ايه آخرتها يعني ؟؟

((( ولا حاجه ))) ..

ـــــــــــــــــــــــــــــــــــ

** على الأقل مدام انت راجل مفوه وشطور وبتعرف في ( التين ) كويس أكيد عارف قول الرسول _ عليه الصلاة والسلام _ (( نعمتان مغبون فيهما كثير من الناس ، الصحة والفراغ )) ...

خمس أو عشر ساعات يوميا بتتكلم ، هل الفايدة اللي استفدتها تساوي الوقت ده ؟

- الوقت اللي هو رأس مالك اللي مفيش أغلى منه بترميه عشان تطلع بـــــ ( ولا حاجه ) ... يا فرحتي .

- ما شاء الله على التفكير .. اللهم لا حسد ..



** انا لسه مقلتش ربع اللي عاوز أقوله ولسه متكلمتش عن رأيي في مجرد الكلام بين الولد والبنت وهل هو خلوة ولا لأ ... ولسه متكلمتش عن فقه الحديث اللي اتعمل شماعه للأخطاء وأقوال العلماء فيه وفي معناه ..

- تقدرو تقولو لسه مقلتش أي حاجه في اي حاجه ...


- ربنا يسامحني على تضييعي لوقتي ويهدينا وإياكم أجمعين ..

اسف جدا على انفعالي الواضح في كلامي ...

وبالمناسبة فيه موضوع مطول للأخ الفاضل باسم ( Aboabdelrahman ) عن الشات في اسلامنا ...

مش ححط اللينك بتاعه واللي عاوزه يروح يدور عليه ....

انا مش داخله افتى طبعا لانى ما عنديش الامكانيات والمعلومات

بس انا داخله اعلق على بعض النقاط فى كلام د ميدو

وعايزه اقو لرايى فى كذا حاجه

لو صحيح الشات عالنت حرام عشان انا كبنت بكلم رجل اجنبى عنى بيقى اولى انى مش اكلم ولاد خالتى وولاد عمى وبرضه ايه الفرق بين انى اكلم ولد عاالمسنجر وانى اكلم ولد عالمنتدى مثلا بالطريقه دى يا د ميدو يبقى المروفض المنتدى يتعمل له قسم ولاد وقسم بنات

لان زى ما مثلا الولد هيحب يستعرض معلوماته لو بيكلم بنت ويحسسها انه مش عادى ده ممكن يحصل لو هيا بتدخل تشوف مشاركاته وحتى لو هيا مش بتكلم ولاد اصلا

اللى حضرتك بتتكلم عنه ده ممكن يحصبل فى اى موقف

يعنى البنت لو هيا بالهبل ده ممكن تعجب بواحد من مجرد انها تتابع مشاركاته على منتدى وتشوف مواضيعه والعكش بالنسبه للولد

وبالطريقه دى برضه المفروض مش تكلم زمايلك فى الشغل ولا زمايلك فى الكليه عشان خاطر الفتنه اللى ممكن تحصل طبعا ولا ايه؟
وكمان بالمره يتعمل طريق خاص اابنات واتوبيسات خاصه وعلى فكره الحل ده هيريحنا احنا


الكلام بين ولد وبنت عالنت اكيد مش بيقى بالسطحيه اللى حضرتك ذاكرها دى وحتى لو دى سطحيه فنا مش شايفه اى حاجه غلط فى ان واحد بيسال واحده ازيك عامله ايه ايه اخبار المذاكره مثلا اما بقى بالنسبه لحكايه ايه رايك فى الحب والكلام عن فلان وعلان فدى حاجه انا مش بعملها ومااعرفش اقول راى فيها

تضييع الوقت كل واحد ادرى بمصلحته وما فيش حد عبيط هيقعد بالساعات يتكلم فى هبل وهوا وراه حاجه مهمه وبعدين برضه دع بفرض انى اللى بيتكلم فيه هبل وفى الاخر لو عمل كده يبقى يستاهل بقى انه يضيع وقته

بالنسبه بقى للحديث فانا مش عارفه ازاى حضرتك بيقول الكلام ده اولا الحديث ده فى عصر الفتاوى فيه واعزرنى فى اللفظ على قفا من يشيل وبالكوم هوا امل كل واحد عايز يعرف الحق من الباطل

واحنا لو فكرنا بمنطق ان الحديث كان موجهه للصحابه عشان الرسول هوا اللى كان مربيهم وعشان دول الصحابه فعلى كده بقى يبقى احنا المفروض مش نستمع لاى حديث لان كل الاحاديث كانت موجهه للصحابه ودول حاله خاصه طبعا واحنا بقى مش بنفهم اى حاجه وايمانا عمره ما هيجى حاجه جنبهم طبعا زى مانت بتقول ولا ايه؟.

ما اعتقدش ان الرسول لما قال الحديث ده كان بيوجهه للصحابه بس واكيد كان بيوجهه للمسلمين كلهم اللى فى عصره واللى هيجو من بعده عشان هيا دى السنه واهيا دى التعاليم اللى احنا بنمشى عليها عشان ما نتوهش فى وسط الزحمه

وفى النهايه ربنا يهدينا جميعا لاتباع الصواب والصح الغلط واضح والصح واضح وكل واحد اكيد بيعمل اللى هوا شايف انه صح

بسم الله الرحمن الرحيم ...

الحمد لله ان فيه حد عبرني ورد عالموضوع بعد ما فضل مركون كتير ..


حضرتك اتكلمتي في أكتر من نقطة يا جارة القمر وانا بحب انظم الكلام شوية ...ومعلش حاطول عليكي غصب عني .

ـــــــــــــــــــــ

أولا : (( لو صحيح الشات عالنت حرام عشان انا كبنت بكلم رجل اجنبى عنى بيقى اولى انى مش اكلم ولاد خالتى وولاد عمى وبرضه ايه الفرق بين انى اكلم ولد عاالمسنجر وانى اكلم ولد عالمنتدى مثلا بالطريقه دى يا د ميدو يبقى المروفض المنتدى يتعمل له قسم ولاد وقسم بنات))


انا مجبتش سيرة الحرام والحلال وعاوز اعرف ليه بتقولي ( لو صحيح الشات عالنت حرام ) مع اني مقلتش أبدا كلمة حرام دي انا لسه بس بفتح الموضوع مش بتكلم بالتفصيل ...

وبعدين اولاد خالتك زي اولاد عمتك زي اولاد الجيران زي اي واحد ماشي في الشارع ..كلهم شرعا سواء مادام وصلتي سن التكليف يبقى كلهم زي بعض وده مسلم بيه ومش محتاج توضيح ولا شرح ولو الناس بتتعامل بشكل عادي جدا مع اولاد اعمامها وقرايبها فده حاجه بسيطه من التقاليد والعادات الخاطئة المنتشرة في كل مكان ..

** وبالنسبة لسؤالك عن الفرق بين الكلام عالمسنجر والكلام في المنتدى فأعتقد ان مجرد توجيه السؤال ده فيه استهزاء بتفكير اللي بتسأليه ....

ببساطه الفروق كتير وركزي معايا ولو انا غلطان عرفيني الصح :

1- الكلام في المسنجر ( غالبا ) بيكون انفرادي وممكن كمان يكون صوت وصوره بينما في المنتدى ده مش موجود .

2- الكلام في المسنجر فوري والرد فوري برضو بينما في المنتدى الكلام بيكون في شكل مواضيع وردود وكمان مش فوري فقد يسال العضو سؤال ويأتيه الرد بعد شهر مثلا وعلى مرأى ومسمع من كل الأعضاء .

3- الكلام في المسنجر مفتوح ولا نهائي بينما في المنتدى بيكون الكلام في موضوع محدد (( يعني لازم يكون فيه موضوع عشان يكون فيه كلام )) ومسموح بمشاركة كل الأ عضاء فيه ( يعني مفيش خصوصية ) مش دردشة .

4- الكلام في المسنجر ممكن ياخد وقت طويل جدا مع شخص واحد ولد أو بنت بدون فايده تذكر بينما في المنتدى انا ممكن ارد واشارك في كزا موضوع مهم وفي اكتر من مجالوأفيد غيري وأستفيد من غيري في ساعه كان ممكن أضيعها في كلام فاضي عالمسنجر .

5- غير كده المفروض ان المنتدى هو ملتقي الغرض منه الإستفادة قبل كل شيء في كل المجالات ولأننا مفتقدين المعنى ده أو مش بنطبقه كويس في حلمنا بقى المنتدى شبه الشات ومعظم الردود والكلام في مواضيع الألعاب والكلام اللي لا بيودي ولا بيجيب .


ــــــــــــــــــــــــــــــــــــــــــ


ثانيا : ( يعنى البنت لو هيا بالهبل ده ممكن تعجب بواحد من مجرد انها تتابع مشاركاته على منتدى وتشوف مواضيعه والعكس بالنسبه للولد) .


** انا في كلامي ضربت المثال بولد وقلت ان في حالة البنت نفس الكلام بيحصل .. يعني انا مش بتهم البنات بالهبل زي مهو باين من كلامك .... وارجع واقول انو المنتدى الغرض منه الإستفاده وأي انسان بيتكلم في حاجه هو عارفها كويس من حقه انو يتكلم مادام كلامه موجه لكل الأعضاء ومش بيقصد بيه شخص معين ولو الدنيا كلها اعجبت بيه ( أو بيها ) فده طبيعي لأنه لم يتعمد جزب انتباه شخص محدد ولم يكن في اطار مجرد استعراض قدرات على شخص محدد إنما هو بيوضح معلومه للكل أو بيرد في موضوع كل الأعضاء بيشوفوه وبيستفيدو منه ... يعني تبادل معلومات ان صح التعبير .


ــــــــــــــــــــــــــــــــــــــــــــ


ثالثا : ( وبالطريقه دى برضه المفروض مش تكلم زمايلك فى الشغل ولا زمايلك فى الكليه عشان خاطر الفتنه اللى ممكن تحصل طبعا ولا ايه؟
وكمان بالمره يتعمل طريق خاص اابنات واتوبيسات خاصه وعلى فكره الحل ده هيريحنا احنا ) ..


** مين قاللك اني بكلم حد من زميلاتي في الكلية اصلا .... انا تقريبا لا ألقي على البنات السلام حتى وليس لي أي كلام من أي نوع مع أي زميلة في الكلية ولا خارج الكلية ... ولما يحصل واشتغل ان شاء الله حيكون الكلام في حدود ضرورة العمل وده مهواش حرام ولا حاجه .

وحتة الطريق الخاص والأتوبيسات الخاصة دي فمن المعروف انو على عهد النبي - عليه اصلاة والسلام - كانت النساء تمشي في جوانب الطريق ويمشي الرجال في الوسط وفعلا المفروض يكون فيه مواصلات مستقلة لكل جنس وانا عارف ان ده حيكون اريح لكم واحب أعرفك انو اريح لنا احنا كمان أو ليا انا على الأقل .


ـــــــــــــــــــــــــــــــــــــــــــــــــ


رابعا : ( الكلام بين ولد وبنت عالنت اكيد مش بيقى بالسطحيه اللى حضرتك ذاكرها دى وحتى لو دى سطحيه فنا مش شايفه اى حاجه غلط فى ان واحد بيسال واحده ازيك عامله ايه ايه اخبار المذاكره مثلا اما بقى بالنسبه لحكايه ايه رايك فى الحب والكلام عن فلان وعلان فدى حاجه انا مش بعملها ومااعرفش اقول راى فيها . ).


** جميل ان الجزء الأخير ده انتي مش بتعمليه يبقى اللي يرد عليه اللي بيعملوه ... أما الجزء الأول من الكلام ده فلو حطيناه في مقارنة مع اهمية الوقت وبفهم اسلامي صحيح يبقى اعتقد ان قلته أحسن لأنه في النهاية لا حيودي ولا حيجيب .... وكمان لو الكلام مجرد أسئلة بسيطه كده زي منتي كاتبه يبقى مش حياخد ربع ساعه يبقى الناس بتقعد تتكلم في ايه بالساعات ؟؟ مش معقول حيكون سلامات وخلاص ..


ـــــــــــــــــــــــــــــــــــــــــ


خامسا : ( بالنسبه بقى للحديث فانا مش عارفه ازاى حضرتك بيقول الكلام ده اولا الحديث ده فى عصر الفتاوى فيه واعزرنى فى اللفظ على قفا من يشيل وبالكوم هوا امل كل واحد عايز يعرف الحق من الباطل

واحنا لو فكرنا بمنطق ان الحديث كان موجهه للصحابه عشان الرسول هوا اللى كان مربيهم وعشان دول الصحابه فعلى كده بقى يبقى احنا المفروض مش نستمع لاى حديث لان كل الاحاديث كانت موجهه للصحابه ودول حاله خاصه طبعا واحنا بقى مش بنفهم اى حاجه وايمانا عمره ما هيجى حاجه جنبهم طبعا زى مانت بتقول ولا ايه؟.

ما اعتقدش ان الرسول لما قال الحديث ده كان بيوجهه للصحابه بس واكيد كان بيوجهه للمسلمين كلهم اللى فى عصره واللى هيجو من بعده عشان هيا دى السنه واهيا دى التعاليم اللى احنا بنمشى عليها عشان ما نتوهش فى وسط الزحمه ) ...



** ظهرلي تناقض غريب في كلامك ده ولعلي مخطئ ...


لكن خليني اوضحلك حاجه ...

المفروض انك عارفه ان الرسول - عليه الصلاة والسلام - قدوة لينا هو وأصحابه ..

وعارفه كمان انو قال ان المسلمين بعده سوف يتفرقو وان الفرقة الوحيدة الناجية هي التي ستكون على ما هو عليه وأصحابه يعني تقلدهم في كل شيء ولا تخالفهم أبدا ...

ده المفروض وده الصح .

يعني المفروض ان احنا اللي نطوع نفسنا لكلام رسول الله - عليه الصلاة والسلام - مش نطوع الحديث عشان يواكب العصر اللي احنا فيه ...

لما أقوللك ان الرسول - عليه الصلاة والسلام - وجه كلامه للصحابة يبقى المفروض اننا نشوف الصحابة فهموه ازاي وطبقوه ازاي ونقلدهم مش اننا نقول دول كانو في عصر تاني واحنا عمرنا ما حنعرف نعمل زيهم ...

انا معاكي ان العصور تختلف لكن فيه حاجات لا تتغير مهما مر الزمن ومن ضمنها العلاقة بين الرجل والمرأة فهي لاتختلف باختلاف الزمن يعني عمرنا ما حنخترع رجال ونساء يحل لهم أن يفعلو ما يشاؤن ....


ــــــــــــــــــــــــــــــــــــــــــ

سادسا : ( وفى النهايه ربنا يهدينا جميعا لاتباع الصواب والصح الغلط واضح والصح واضح وكل واحد اكيد بيعمل اللى هوا شايف انه صح. ) .



** نص كلامك صح ونصه خطأ ...

( الحلال بين والحرام بين وبينهما أمور مشتبهات ، فمن اتقى الشبهات فقد استبرأ لدينه وعرضه ومن وقع في الشبهات وقع في الحرام ) ..

وفعلا كل واحد بيعمل اللي ((((هو)))) شايف انه صح .. وده في حد ذاته مش صح .... لأن أي واحد ممكن يفهم غلط أو يكون متربي على مبادئ خاطئة لكن لو كلنا اتبعنا الشرع يبقى أكيد حنوصل للصح لأن الشرع لا يخطئ بينما ( كل بن آدم خطّاء) ...

لأن المفروض اننا نعمل اللي الشرع قال انو صح حتى لو احنا لسه مفهمناش ليه ده صح وليه ده خطأ .

ويكفيني قول عمر ( والله اني لأعلم انك حجر لا تضر ولا تنفع ولولا اني رأيت رسول الله يقبلك ما قبلتك ) ... ده نموذج للإمتثال والطاعه بلا عناد ولا مكابرة..


ــــــــــــــــــــــــــــــــــــــ


** تنبيه أخير : بلغني اكتر من مرة ان فيه أعضاء بيعتقدو إني متحديهم أو حاططهم في دماغي وبحب ارخم عليهم وردودي عليهم جافة ومش ظريفة ...

بدون كتر كلام انا بحب المناقشة في صلب الموضوع وطالما كلامي في حدود الإحترام ولا اهانة فيه يبقى المفروض التركيز يكون على المغزى مش على الأسلوب ...لأني غالبا برد وانا منفعل وده بينعكس على أسلوب كلامي والليبيتناقش معايا بيعتقد اني متضايق منه لكن كل اللي اقدر اقوله ان مفيش بيني وبين الأعضاء إلا كل حب واحترام .

سلام عليكم

انا بعتذر لانى هتاخر شويه فى الرد على حضرتك

بس فى حاجه لقيت انها مش هينفع تتاخر وهيا

*( وبالنسبة لسؤالك عن الفرق بين الكلام عالمسنجر والكلام في المنتدى فأعتقد ان مجرد توجيه السؤال ده فيه استهزاء بتفكير اللي بتسأليه ....)

الامنى وزعلنى كتير ان حضرتك تكون فاكر ان بستهزء بتفكيرك ..

لانك من الاشخاص القليلين جدا اللى بتمنى فى يوم من الايام انى اوصل لمستوى تفكيرهم

واذا كنت فهمت غير كده من اى طريقه او من خلال اى موقف غير كده فانا اسفه اذا كان اسلوبى ضايقك

دى اكتر نقطه مستعجله بس باقى الكلام ان شاء الله محتاج انى اوضح حجات كتير واسئله كتييييييييير دا غير ان فى نقط مش فهماه ونقط انت مش فهمتها منى وان شاء الله ردى يكون قريب

بسم الله الرحمن الرحيم

(((انا مجبتش سيرة الحرام والحلال وعاوز اعرف ليه بتقولي ( لو صحيح الشات عالنت حرام ) مع اني مقلتش أبدا كلمة حرام دي انا لسه بس بفتح الموضوع مش بتكلم بالتفصيل ...

وبعدين اولاد خالتك زي اولاد عمتك زي اولاد الجيران زي اي واحد ماشي في الشارع ..كلهم شرعا سواء مادام وصلتي سن التكليف يبقى كلهم زي بعض وده مسلم بيه ومش محتاج توضيح ولا شرح ولو الناس بتتعامل بشكل عادي جدا مع اولاد اعمامها وقرايبها فده حاجه بسيطه من التقاليد والعادات الخاطئة المنتشرة في كل مكان ..)))

انا بقول حرام لان هدى اول ما سالت السؤال كانت بتقول الشات مع ولاد حرام ولا لا فعلا حضرتك ما جبتش سيره الحرام والحلال بس انا اللى كنت بسال وده حقى لان مش قادره اقتنع انه ممكن يبقى حرام عشان اللى انا قلته ده وهوا ان احنا فعلا لازم نكلم ولاد فى حياتنا ولازم يحصل اختلاط سواءا مع قرايبنا او مع ابن الجيران زى مانت بتقول او اى حد فى الشارع ما فيش حد بيتولد ويحط نفسه فى قوقعه خاصه بيه

(((1- الكلام في المسنجر ( غالبا ) بيكون انفرادي وممكن كمان يكون صوت وصوره بينما في المنتدى ده مش موجود .

2- الكلام في المسنجر فوري والرد فوري برضو بينما في المنتدى الكلام بيكون في شكل مواضيع وردود وكمان مش فوري فقد يسال العضو سؤال ويأتيه الرد بعد شهر مثلا وعلى مرأى ومسمع من كل الأعضاء .

3- الكلام في المسنجر مفتوح ولا نهائي بينما في المنتدى بيكون الكلام في موضوع محدد (( يعني لازم يكون فيه موضوع عشان يكون فيه كلام )) ومسموح بمشاركة كل الأ عضاء فيه ( يعني مفيش خصوصية ) مش دردشة .

4- الكلام في المسنجر ممكن ياخد وقت طويل جدا مع شخص واحد ولد أو بنت بدون فايده تذكر بينما في المنتدى انا ممكن ارد واشارك في كزا موضوع مهم وفي اكتر من مجالوأفيد غيري وأستفيد من غيري في ساعه كان ممكن أضيعها في كلام فاضي عالمسنجر .

5- غير كده المفروض ان المنتدى هو ملتقي الغرض منه الإستفادة قبل كل شيء في كل المجالات ولأننا مفتقدين المعنى ده أو مش بنطبقه كويس في حلمنا بقى المنتدى شبه الشات ومعظم الردود والكلام في مواضيع الألعاب والكلام اللي لا بيودي ولا بيجيب .)))

انا لما كنت بوقل ايه الفرق بين الكلام بينو ولد وبنت على السمنجر وبين ولد وبنت على المنتدى كنت بتكلم فى النقطه اللى حضرتك ذكرتها وهيا احتمال انهم يعجبو ببعض ويحبو بعض كمان وقلت ان ده ممكن يحصل من على المنتدى عادى خالص


وانا كل قصدى من الكلام ان لو فعلا بجد اصل من الاول حرام ان البنت تكلم ولد اى ولد مهما كان يبقى ده المفروض يحصل فى كل حته وفى اى مكان بس الغلط مش بيبقى من الكلام يا د ميدو الغلط فى الاشخاص يعنى انا ممكن اتكلم مع واحد وبجد نستفيد من بعض وبعدين المفروض برضه ان كل واحد بينقى هوا بيتكلم مع مين ولد او بنت وكل واحد بيبقى قادر يوقف اللى ادامه عند حده لو تجاوزه بس ما نقدرش نعمم الحكم


((((** جميل ان الجزء الأخير ده انتي مش بتعمليه يبقى اللي يرد عليه اللي بيعملوه ... أما الجزء الأول من الكلام ده فلو حطيناه في مقارنة مع اهمية الوقت وبفهم اسلامي صحيح يبقى اعتقد ان قلته أحسن لأنه في النهاية لا حيودي ولا حيجيب .... وكمان لو الكلام مجرد أسئلة بسيطه كده زي منتي كاتبه يبقى مش حياخد ربع ساعه يبقى الناس بتقعد تتكلم في ايه بالساعات ؟؟ مش معقول حيكون سلامات وخلاص ..)))

بتسكت ممكن اكون قاعده اون لاين وفى حد تانى اون لاين وخلص الكلام اللى ممكن يتقال فبنسكت ده اللى انا بعمله بصراحه

(((يعني المفروض ان احنا اللي نطوع نفسنا لكلام رسول الله - عليه الصلاة والسلام - مش نطوع الحديث عشان يواكب العصر اللي احنا فيه ...)))

يعنى ايه نطوع نفسنا ومش نطوع الحديث عارف يا د ميدو سمعت مره اتنين عمالين يتخانقو خناقه لرب السما عشان واحد فيهم بيوقل ان المعجون غلط وان احنا المفروض نغسل سناننا بالسواك عشان سنه وان ماكنه الحلاقه مش سنه والمفروض الناس تحلق دقنها الموس عشان سنه برضه

ما ينفعش فى عصر الانتر نت والرحله للمريخ بقت عشان الفسحه وتغيير الجو نفكر بالطريقه دى


(((نا معاكي ان العصور تختلف لكن فيه حاجات لا تتغير مهما مر الزمن ومن ضمنها العلاقة بين الرجل والمرأة فهي لاتختلف باختلاف الزمن يعني عمرنا ما حنخترع رجال ونساء يحل لهم أن يفعلو ما يشاؤن ....)))

طب وليه لما كل واحد يلزم حدوده صحيح ما ينفعش يعملو اللى هما عايزينه واكيد فى حدود لكل حاجه بس فى ناس بتلزم حدودها وفى ناس محترمه وزى ما قلت قبل كده المفروض ان احنا بنقى بنتكلم مع مين وبنتكلم فى ايه


(((وفعلا كل واحد بيعمل اللي ((((هو)))) شايف انه صح .. وده في حد ذاته مش صح .... لأن أي واحد ممكن يفهم غلط أو يكون متربي على مبادئ خاطئة لكن لو كلنا اتبعنا الشرع يبقى أكيد حنوصل للصح لأن الشرع لا يخطئ بينما ( كل بن آدم خطّاء) ...

لأن المفروض اننا نعمل اللي الشرع قال انو صح حتى لو احنا لسه مفهمناش ليه ده صح وليه ده خطأ .

ويكفيني قول عمر ( والله اني لأعلم انك حجر لا تضر ولا تنفع ولولا اني رأيت رسول الله يقبلك ما قبلتك ) ... ده نموذج للإمتثال والطاعه بلا عناد ولا مكابرة))))

لو كل الناس عملت كده كان زمان الدنيا جنه وكان زمان سيدنا ادام ما نزلش الارض ولا الاخ قتل اخوه ولا ارتكبت افظع الجرائم لان الانسان مخير مش مسير يا د ميدو وانك لا تهدى من احببت ولكن الله يهدى من يشاء وفعلا كل واحد بجد حر يعمل اللى هوا عايزه وحر برضه يتحمل نتيجه اختياراته واحنا علينا نحترم الاختيارات دى مهما كانت لان احنا مش فى ايدنا حاجه نعملها


(((** تنبيه أخير : بلغني اكتر من مرة ان فيه أعضاء بيعتقدو إني متحديهم أو حاططهم في دماغي وبحب ارخم عليهم وردودي عليهم جافة ومش ظريفة ...

بدون كتر كلام انا بحب المناقشة في صلب الموضوع وطالما كلامي في حدود الإحترام ولا اهانة فيه يبقى المفروض التركيز يكون على المغزى مش على الأسلوب ...لأني غالبا برد وانا منفعل وده بينعكس على أسلوب كلامي والليبيتناقش معايا بيعتقد اني متضايق منه لكن كل اللي اقدر اقوله ان مفيش بيني وبين الأعضاء إلا كل حب واحترام .)))

دى حاجه واضحه وكل الاعضاء عارفه ومتاكده من ده وشكرا ويا ريت فعلا تساعدنى انى اوصل للصح لان الموضوع يهمنى

** بسم الله الرحمن الرحيم ..


بما انك رديتي على الكلام بتاعي بمعتقدات شخصيه وكلام سمعته قبل كده مليون مره فانا حاكتفي بالتعليق على جزء بسيط لأني لو دخلت في رد تفصيلي مش حاخلص قبل ساعتين وحندخل في دايره مغلقه من الردود وانا مش عاوز أوصل الا لو انتي عاوزه كده وياريت الكلام يكون بمشاركة باقي الأعضاء معانا ...



النقطة اللي حتكلم فيها دلوقت في اختصار شديد هيا دي :


(( يعنى ايه نطوع نفسنا ومش نطوع الحديث عارف يا د ميدو سمعت مره اتنين عمالين يتخانقو خناقه لرب السما عشان واحد فيهم بيوقل ان المعجون غلط وان احنا المفروض نغسل سناننا بالسواك عشان سنه وان ماكنه الحلاقه مش سنه والمفروض الناس تحلق دقنها الموس عشان سنه برضه

ما ينفعش فى عصر الانتر نت والرحله للمريخ بقت عشان الفسحه وتغيير الجو نفكر بالطريقه دى)) ...


بلاش وانتي بتتكلمي تتطرقي للشريعه في حاجه انتي مش على علم بيها لأنو واضح من كلامك انك متعرفيش حكم الإسلام في اعفاء وحلق اللحية ...

وكمان المثال المضروب هنا مثال واهن جدا لأن ( الإلتزام بالسنة لا ينفي تفعيل ما قد يساعدها وإنما ينفي تفعيل ما يناقضها .) ..

ببساطه يعني السواك سنة لكن فرشة الأسنان مش ممنوعه بأي حال من الأحوال ...

ايه اللي جاب المثال ده بقى للكلام اللي بنتكلم فيه ...




وبعدين مالو يعني عصر الإنترنت والمريخ ولا حتى كوكب اكس ... الشرع شرع ويجب تطبيقه كاملا مكتملا في كل العصور لأن مجرد الظن إن الشرع لا يصلح لعصر من العصور يعتبر معصية عظيمه لأنه يعني اتهام الله بأنه لا يعلم كيف يدير ملكوته وأنه انزل شرعا يصلح لعصر ولا يصلح لآخر ...

انا عارف انك متقصديش المعنى ده لكن لو ركزتي في كلامك حتلاقيه يشير الى ذلك ....


وانا في انتظار اشارتك لبدأ (( مناقشة إسلامية فعليه جاده قائمة على الدليل من الكتاب والسنة )) وبغض النظر عن أي اعتقادات شخصية أو مبررات من الواقع الخاطئ ...

لو الكلام ده يناسبك ويناسب ظروف دراستك دلوقت نتكلم ولو عاوزه نأجله مفيش مانع ودي مش أول مره تتأجل مناقشه ليا مع الأعضاء بسبب الدراسه ...


وتمنياتي ليكي بالتوفيق ...

يا ريت الموضوع يتاجل

وشكرا على اهتامك ويا ريت لو اتعرض تانى يا خد اهتمام باقى الاعضاء برضه

بسم الله الرحمن الرحيم




اولا عارفة ان بعض الاعضاء هيقولوا انى اهملت فى الموضوع دا

بس فى الحقيقة انا فى الاول انقطعت عن دخول نت وبعدين دخلت,, ومكنتش قرائت كلام بتانى

علشان كدا محبتش ارد


واحب اشكر ;كل عضو شارك فى الموضوع وخاصة د.ميدو وجزاة الله كل خير




بس احنا مش محتاجين ندور اكتر من كدا

لان الاجابة وضحة جدااااااااااااااااا جدااااااااااااااااااااااااااا




وكمان فى ((اية)) مش عارفة ازاى مكنتش فى دماغى وكنت متغفلة عنها

وهى
[/color]

[color=indigo]بسم الله الراحمن الرحيم

ولا متخذات اخدان

صدق الله العظيم


كدا اعتقد ان كل حاجة واضحة زى الشمس

وانا الحمد الله اخذت القرار وبدئت فى تنفيذ قبل المشاركة دى




وعايزة اذكركم ب حاجة



ان المعصية تورث سواد فى القلب



وسواد فى الوجة

وغضبا من قلوب العباد

وضيقا فى الرزق



-----

ويافير

ربنا لما يطلب الهداية لآى عبد بيرزقة بيها فى اى وقت وعلى يد اى حد سواء انتى او غيرك




وبجد انا فرحانة اوى بتاخذى للقرار دا

لان كنت حاسة انها اساسا حرام

وانا حبى لربنا تخلينى امنع اعمل اى معصية او حتى اشك انها معصية

وربنا يغفر لى يارررررررررررررررب

ويغفر لنا جميعا

ويرزقنا الهداية والفردوس الاعلى فى الجنة


وكمان الصراحة

انا لما حد يخطبنى


ويسالنى


انتى كنتى بتعملى شات قبل كدا مع اولاد

هقولة ورد قولة اية

طبعا من المستحيل قولة اة كنت بعمل

ومستحيل انى اكذب على زوجى فى المستقبل(ان شاء الله)





ويالا بقة

عايزة اشوف انتم هعملوة اية

عايزاكوا تشوفوا ما بين نفسكوا ومابين ربنا اولا

انت بتحبة اد ايةةةةةةةةةةةةةةةةةة


ويا اولااااااااااااااااااااااااااااااااااااااد



اللى تقبلوا

على


امهاتكم


و


اخواتكم


اقبلوا على غيــــــــــــــــركم

==================



اما عن صبغة الشعر

ف انا عندى انى اكون قرعة بدل معمل حاجة اكون برضو شكة فيها



منتظرة مشاررررررررررررركتكم


وجزانا واياكم جميعا كل خير


وتذكروا دايما الاية الكريمة



بسم الله الرحمن الرحيم

"ولا تلسبوا الحق بالبطل وتكتموا الحق وانتم تعلمون"

صدق الله العظيم




=======================================



لئن سألتني يا رب عن ذنبي يوم القيامة ,

لأسألنك عن رحمتك

و لئن سألتني يا رب عن تقصيري ,

لأسألنك عن عفوك
و لئن قذفتني في النار لأخبرن اهل النار


** أني أحبك**


فاجْعَلْني عَبْداً إِمَّا طَائِعاً فَأَكْرَمْتَهُ

وَإِمَّا عَاصِياً فَرَحمِتَهُ

والله كم أسعدني كلامك يا أختي الكريمه ..


أسأل الله أن يلهمك القوة والعزيمة ...

وياجماعة انا مش بكلم على اساس نت بسسسسسس


وفى الاطار الخارجى كمان

سواء فى جامعة

او نادى



او اى حاجة بقة


وربنا يكرهنا فى جميع المعاصى يارب




وتفضلوا اخوتى الكرام اللينك اهو







http://www.7lmena.com/ib/forum/index.php?showtopic=12104&hl=



ويااحمد

انا مهما قولت وعدت مش هقدر اوفى ليك حقك فى اللى انت عملتة

ربنا يباااااااااااااااااارك فيييييييييييييك

ويجعلة فى ميزان حسناتك

انا كمان هتكلم عن صبغه الشعر علي اد علمي وعلمى ده جاي من شخصيه عارفه كويس في الدين والشخصيه دى عرفتني ان الصبغه بجميع الوانها مش حرام ما عادا اللون الاسود فقط بس هو اللي حرام وكمان الحنه لانممكن يضاف اليها اشياء تعطيها الوان مثل اللون الاحمر والاسود والاصفر من دون الدخول في تفاصيل اي لون للشعر مش حرام ما عادا اللون الاسود والله اعلم انا نقلت رأي رجل دين قارئ وفاهم للدين

انما موضوع الشات انا من رأيي انه عادى لو فعلا مافيش اي كلام خارج او اي كلام يخدش الحياء بس اللي اقدر اقوله ان احنا ممكن لو خايفين من الشبهات منتكلمش مع شباب وخلاص

وشكرا للطرح الجيد يا نور ودايما كدا كل مواضيعك رائعه

جزاكى الله كل خير ياسلمى على مرورك ومشاركتك

ولكن اقرئى مشاركة د.ميدو جيدا ومشركاتى الاخيرة


============

صدمتونى
ياجماعة والله

حسيت ان احنا بنستهين بجميع المعاااااااااااااصى


احنا هنستهين ب اية ولا اية


هنستهين

ب الشات

ولا سماع الاغانى

ولا نظرة الى امراةء سوا للرجل

او للرجل سوا للمراءة

ولا اية ولا اية بجد

بس انا وركوا وركوا

ودى فرصة كبيرة بالنسبة ليا

لانها تعتبر دعوة الى الله

وقال الله سبحانة وتعالى

"بلغوا عنى ولو اية"

بس ربنا يسهل بس والامتحانات دى تعدى على خير (يارب)

======


اطلب المشاركة من الاخت فير والاخ ازهرى صميم

وجميع النقط اللى مش مفهومة هنـــــــــــــــــــــــــــــا

ونشارك فعلا مشاركة فعالــــــــــة

ومش تقولوا رسايل خاصة

لان مش عاملة الموضوع علشان نبعت رسايل

والله يانور .. انا بشكرك جدا جدا جدا ع الموضوع الهايل ده

وع فكرة انا عجبتني جدا ردود د.ميدو وانا شايفه انه كان بيغلط الولد اكتر من البنت ..

يعني ماكانش بيهاجم البنت بس زي م المجتمع كله بيعمل " البنت هي اللي غلطانه ف كل الحالات" ..

بالنسبه لموضوع الصبغه بقا

من وجهة نظري ان الصبغه حرام في حاله واحده اذا انكشفت للناس زيها زي اي وسيلة تزيين اخرى ..

لكن بالنسبه للصبغه السوداء .. انا بعتقد ان هي حرام لانها بتدي منظر طبيعي جدا للشعر " فيما معناه اقرب شبه للشعر الطبيعي" .. والله اعلم طبعاً

اما بالنسبه للشات

فانا مش عارفه انتم ليه بتربطوا بين طبيعة التعامل بين الراجل والمراءه في المجتمع وبين الشات؟

انا بعتقد ان الشات المحترم بمعنى ع سبيل المثال : " في نطاق الشغل (وزي مانتم عارفين بقا فيه شغل كتير جدا وسيلته الوحيده هي الميل وفي بعض الاوقات الشات)"..

يدرج تحت مسمى التعامل بين الراجل والمراءة في المجتمع لانجاز ضروريات whatever ايه هي الضروريات ديه "شغل - دراسه - ......." ؟؟؟

لكن اللي نتكلم عنه فعلا هو الشات اللي بيبقى مضمونه الهيافه والتسليه حتى لو كان اسئله عاديه .. ماحنا ممكن نسال نفسنا طيب هي الاسئله العاديه ديه كانت بتتساءل ليه اصلا ؟؟.. هانلاقي نفسنا

بنرد .. مش عارفين .. بس ف الاخر الاجابه الصح هي .. ان البدايه كانت ان ولد عايز يتعرف ع بنت او العكس .. حتى لو قلبت بعد كده بحب وجواز .. الطريقه نفسها هي اللي هاتبقى غلط .

وفعلا "الحلال بين والحرام بين" بس احنا اللي بنحب نبرر كل تصرفاتنا ومنغلطش نفسنا .. ادام الناس بس .. لكن من جوانا احنا مقتنعين تماماً ان ديه حاجه غلط

ومش هاقول لكم اني ملاك .. انا فعلا سعات بعمل شات وبحاول التزم حدودي ع اد ماقدر .. بس انا عارفه انها حاجه غلط .. واكيد ان شاء الله هاتوقف مع نفسي واحسم الموضوع ده.

واخيرا باشكرك يانور جزاك الله كل خير .. وباشكر ايضا كل اللي وضح لي شيء انا مكنتش واخده بالي منه

ميرسى على مرورك ياجميل
وعلى فكرة
دا رابع مرة ارد على الموضوع
كل لما اجى ارد يحصل كبسة :D






ايوة فعلاا

وكمان البنت هى اللى بتدى فرصة اكبر للولد
.............






مممممممممم :)




طبعا .......مش حرام ان الرجل يكلم المراءة فى نطاق الشغل

ولكن غير كدا طبعا حرام

وبرضو لما الاقى شخص ما (سلبى ) او مثلا يعنى بيعمل معاصى

حرام سوا(للبنت) اروح كلمة وقولة كذا وكذا وانت هتتحاسب وحرام ومش عارفة اية

انما لو كانت (بنت)زىى لا طبعا مش حرام


او العكس بقــــــة




كلنا خطئيين

المهم ان احنا نقف وقفة مع النفس


وربنا يهدينا يارب جمعيا




وجزانا واياكى كل خير

ونسيت ياجماعة قولكم اللينك اللى انا حطاها فوق دا

موضوع مجادلة بينى وبين الشات

للاخ عبد الرحمن

بسم الله ..


أنا اول مره آخذ بالى من كلام دكتور ميدو وجارة النهاردة ..

وبالتحديد .. آخر مشاركتين ليهم ..

والصراحة ..

ماكنتش عاوز أتكلم في الموضوع علشان ما أكونش مثبط لهمم ناس ..

بس ..

دكتور ميدو ..
لم يتحدث كلام علمى .. بل اتجه للكلام بطريقة آخرى لو تجردنا من مشاعرنا لسهل الرد عليه !!

أول مرة أرى كلامه سهل الرد عليه .. ;)



ولى تعليقات كثيرة على كلامه الأول والثانى وأى كلام سيتكلمه فى هذا الموضوع ..!!!

واتجه أيضا لنقاط آخرى لا دخل للموضوع بها !!



وجارة برضه لها كلام يؤخذ عليها .. ومش عارف هيا غلطته ازاى ..

لكن زى ما الكل عارف ان الوقت حاليا مش هايسمح بأى نقاش مهما كان ..

فهيتأجل إلى حين ميسرة .. زى ما الكل قال ..


بس رجاء لهدى ..


خليكى على رأيك وماتغيرهوش ..

لأن كده افضل فى كل الاحوال ..


ولهواى نوت ..

ممكن اجيبلك قصص بالعشرات عن ناس تغيرت حياتهم جذريا للافضل عن طريق الكلام ..

مش هو ده اللى يخلينا نقتع بأنه غلط ..

لأن أنا ممكن اجيب قصص لناس وهى بتصلى حصلها مصايب ..

او بتحج .. او اوا او ..


وللعلم ..

القصة المذكورة فوق غير منطقية تماما ..

فى رايى ..

ولنتذكر قول الله تعالى :

(( وما كان الله ليضل قوما بعد إذ هداهم حتى يبين لهم ما يتقون ))


ومعلش للإطالة والتقصير ف نفس الوقت ..

لكن .. إلى الله المشتكى ..


أحمد ..

بسم الله ..



ممكن نقول الجملة بطريقة أكثر وضوحا ( القصص طرق إقناع عن طريق المشاعر أكثر منها عن طريق علمى )
وهذا ليس عيباً .. حيث أن طرق الإقناع كثيرةٌ ..
ويجب إحسان إستخدامها فى الأمور المتفق فيها ..



معناه أنى أستطيع كتابة قصة مؤثرة تكرهنا فى الصلاة .. الحج . الخ





كلامك مظبوط وجميل .. والقصة لا غبار عليها من حيث أن هدفها مفيد ..
ولا يتعارض تماما مع كلامى بأنها غير منطقية ..
بمعنى أصح .. القصة بها أخطاء درامية :D

لكنها ممكنة الحدوث لا شكّ فى ذلك ..

ولكنّ الكل يغفل .. فإلى الله المشتكى ..

وجزاكِ الله خيرا لإهتمامك وتشجيعك ..

ما شاء الله يا نادر...


شغال كويس اهه في الدعوه لطريق ربك على بصيرة كما يجدر بك ...


لكن لا تدخل معي في حرب ادله قبل الأوان فأنا حتى هذه اللحظة لم اتكلم من وجهة نظر الشرع في شيء وربما تتفاجأ انني لا اخالفك يا عزيزي اصلا ..


تريث قليلا..


وياريت تخلي حد من الأزاهره يديك محاضره في مقاصد الشريعه قبل ما تدخل في مناقشة ستتأخر طويلا حتى تبدأ وربما لا تبدأ عندما تكتشف انني لا اختلف معك...




باختصار كل اللي كنت بقوله واللي فات مجرد كلام عقلي قد يصيب كما ارى وقد يخطئ كما ترى ولا شيء في ذلك يغضبني ولا يغير من وجهة نظري ... ولم اتطرق بعد الى الشريعة فتذكر.




بس جهز ادلتك واشحن بطاريتك لأقرب فرصة حوار ولو ما امكنش هنا يبقى بيني وبينك حتى في اي مناسبة نجتمع فيها بإذن الله.

يــــــــــــــــــا رب ..




اللهم إن أعوذ بك أن أَضل , أو أُضل .. أو أتكلم عن هوى أتبعه ..
وأعوذ بك من شر نفسى الأمارة بالسوء .



جزاك الله ربى خيرا يا دكتور ..

بإنتظارك .



أخوك أحمد ..