فتوى جديدة لدار الإفتاء ..



رقم الفتوى: 4324
الموضوع: حكم الشرع في عمل المرأة كمذيعة بجهاز التليفزيون
تاريخ الفتوى: 01/02/2006
المفتي: فضيلة الأستاذ الدكتور علي جمعة محمد



السؤال:

اطلعنا على الطلب المقيد برقم 1634لسنة 2004 المتضمن : نرجو بيان الحكم الشرعي فيما يأتي :-
أولاً : ما حكم الدين في عمل المرأة بالتليفزيون ووسائل الإعلام كمذيعة ؟
ثانيًا : ما حكم الدين فيمن يمنع _ أي المسئول عن اتخاذ قرار _ ارتداء الزي الرسمي والظهور به في وسائل الإعلام المرئية ؟
[quote]

الجواب:

[quote]يجوز شرعًا عمل المرأة بالتليفزيون ووسائل الإعلام المختلفة كمذيعة أو مقدمة للبرامج أو معدة أو مخرجة أو مصورة أو محررة ونحو ذلك ؛ لأن ذلك لا يترتب عليه مخالفة شرعية ، وكل ما كان كذلك يجوز للمرأة أن تقوم به ، والنبي r يقـول : " النساء شقائق الرجال " ولا يخفى على المرأة وجوب الالتزام بما أمرها الله به ورسوله من الالتزام بالحجاب الشرعي والجدية في الحديث والاستقامة في السلوك كشأن المسلم في التمسك بتلك الآداب .
ولقد سبق لدار الإفتاء المصرية إصدار فتوى بأنه لا يجوز لصاحب العمل أن يمنع النساء العاملات عنده من ارتداء الحجاب فإن ذلك إثم عظيم ومخالفة لأوامر الله تعالى .
ومن حق المرأة أن تخالف كل أمر يجبرها على السفور أو ما يدعو إليه .
قال تعالى : â وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْأِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ل (النور:31) وقال تعالى : â يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ل (الأحزاب 059)

وظهور المحجبات في وسائل الإعلام المرئية قد شاع في العالم من غير نكير في بلاد المسلمين وبلاد غير المسلمين ففي بلاد المسلمين تؤكد الدساتير على أن الشريعة هي المصدر الرئيسي للتشريع وللحياة وفي بلاد غير المسلمين فإن أمر الحجاب من الحريات الشخصية التي لا يجوز التدخل فيها فإن أمر الحجاب بهذه الصفة من الحرية الشخصية التي لا يجوز التدخل فيها .
وتهيب دار الإفتاء المصرية بالمسئولين في كافة الأماكن أن يلتزموا بما أمر اله به قولاً وعملاً [/quote]

بارك الله فيك يانادر

فعلا موضوع شائك جدا وفيه تساؤلات كتير جدا

يعني انا سمعت ان مجرد ظهور المراءه في التليفزيون ده حرام .. بصراحه مكنتش مقتنعه بالفتوة ديه

لان من حق اي فتاه عندها ميول اعلاميه وشخصيه قويه ومؤثره انها تعمل مذيعه او ... الخ .. لان ممكن يكون لها صدى كويس جدا وتقدم برامج مفيده

اما بقى عن الناس اللي بتمنع الفتيات عن ارتداء الحجاب .. فابصراحه معنديش كلام اقوله

لاني لو قلت مثلا : ندخل الشرع او القانون او .. او .... الخ .. يبقى بلا فائده لانه ف الاخر عمل خاص وله مالك ومن حقه يشغل ده وميشغلش ده

لو حد عنده حل للموضوع ده ياريت يطرحه .. انا بصراحه معنديش

لاني مرات بتجربه زي ديه بس مكنتش ف التليفزيون .. كانت ف شركه عاديه واصحابها مسلمين كمان

بس معلش ياجماعه هما عندهم حق بردو ديه شركه "multinational" !!!!!!!!!

وانا كان مكاني ف الاستقبال .. وافتكروا بعد 8 شهور من تعيني بالشركه اني محجبه !!!!!!!!!!!!!!!!!!!!!!!!!!!!!!!!!!!!!!!!!!!!!

بسم الله ..


معلش يا هواى أنا داخل بالعافية بعد ما أختى حاكتلى الكلام فى الموضوع ده ..

وبعدين فير لو شافتنى هنا هاتيجيلى بعصاية المقشة وتضربنى :blink:
:D :D


معلش يا ريت نأجل اى حوار لبعدين ..

بس يا ريت برضه دلوقتى توضحيلى وجهة نظرك أكتر علشان انا مش فاهم الجزء ده كويس :




هل انتى معارضة ولا موافقة ولا ايه بالظبط ؟؟

معلش بقى انا اصلى اليومين دول نحيت عقلى عن فهم اى حاجة خااالص :P :D

كفاية المفروض عليا أفهمه :glare:



دعواتكم معانا ..

السلام عليكم :)

انا ليا إعتراض واحد بس مهم ... وهو على عنوان الموضوع يا أحمد ..

المفروض انو كان يبقى .... (( حكم علي جمعه في عمل المرأة كمذيعة بالتليفزيون )) ...


ولا ايه يا أبو حميد .

ايه يا دكتور ميدو ..


لو فيه ملاحظات قول ..

لو مفيش يبقى إحترام العلماء واجب ..

شكرا اخي نادر علي الموضوع

بس اعزرني انا لا اعترف اني علي جمعه ده يعتبر عالم ولا يمت الي هذه الكلمه باي صله

اعزرني في رايي لاني عندي مواقف كثيره جدا له تبين هذا جيدا

امممم
مين علي جمعة ده بقى علشان ابقى في الصورة؟

ده حاصل على دكتوراه زي آلاف غيره من جامعة الأزهر وبيشتغل موظف في منصب اسمه ..(( مفتي الديار المصرية )) ولا أراه أهلا له .

مع الإعتذار لمن يعتبر كل من هب ودب ولبس ملابس العلماء عالما .

أخى الكريم / دكتور ميدو..

لمَ لا تراه أهلا لهذا ؟؟

هل لإختلافه مع أراء حضرتك فى مسائل يحتمل فيها الإختلاف ولا نلوم على من اتبعها ؟؟

أم لكلام سمعته عنه ؟؟

أرجو التوضيح ..

وجزاك الله خيرا ..

الله اعلم ..... دكتور على جمعة دا انا معرفوش الحقيقة الا من كلامكوا

بس بالنسبة للفتوى ... صراحة انا مش شايف فيها حاجة غلط

وهوا اتكلم صح بالنسبة لمسألة الحجاب

فمش عيب ابدا ان المرأة تشتغل بالاعلام وهى لابسة حجاب خصوصا ان فيه برامج اعلامية كتير مفيدة جدا بس مينفعش رجل يقدمها

وكمان المرأة فى حد ذاتها .... ليها صدى كويس بالنسبة للبرامج الإعلامية بمعنى انى لاحظت ان المرأة فى برنامج او نشرة اخبارية

بتتسمع اكتر ولو بنسبة بسيطة .... ودى حاجة فى طبيعة المرأة

علشان كدة حتى بيفضلوا المرأة فى الشركات فى الاستقبال او السكرتارية لأنها بطبيعتها بتدى راحة نفسية للمتحدث او المستمع

اتمنى تكون فكرتى وصلت ... وبردوا تحتمل الصح وتحتمل الخطأ بردوا

اخوكم / خالد

ردا على الأخت الكريمه اخت الأخ الكريم ...

هذا الرجل يكسر برأيه الساذج اجماع الأئمة في مسائل لا يختلف فيها ذوي العقول ... ثم هو يسيء لأهل السنة بالقول والقلم ...


ولا يسعدني أن أتكلم أكثر عن نقائصه فهو لا يستحق حتى الكلام عنه .

دعونا لا نخوض فى رجال الله أعلم بهم ..

لا ندرى أشر أريد بهم أم أراد بهم ربهم رشدا ..

نحسب الرجل على خير .. وكفى ..


وإلى الله المشتكى ..

انا رايى من راى نادر دعونا من اشخاص الله وحدة اعلم بهم ولكن الموضوع جميل وبيطرح الكثير من التساؤلات الجادة
وعلى فكرة انا من رايى ايضا ان ظهور المراة فى التليفزيون حرام لان ذلك بيظهر مفاتنها لجميع البشر وهذا تقريبا بيتعارض مع المبادىء الذى فرضها الله سبحانة وتعالى على المراة المسلمة
شهيناززززززززززززز

(وعلى فكرة انا من رايى ايضا ان ظهور المراة فى التليفزيون حرام لان ذلك بيظهر مفاتنها لجميع البشر وهذا تقريبا بيتعارض مع المبادىء الذى فرضها الله سبحانة وتعالى على المراة المسلمة)

الاخت الفاضله شهيناز
لو في رأيك ظهور المرأه في التلفزيون حراااااااام
يبقى المذيعه واللي بتستضفها هما الاتنين حرام اللي بيعملوها

يعني لو حد طلب استضافتك في برنامج هتقولي لاء ده حرام
مفهوش اي حرمانيه طبعا لو هي ملتزمه ..وممكن تظهر مفاتن المرأة في كل مكان حسب طبيعتها ..وتصرفاتها

لو هي محترمة وملتزمة عمر ما هتسمح ان مفاتنها تظهر لبشر..سواء على التلفزيون او في الشارع
او اي مكان ...

مع احترامى طبعا لكلامك بس انا اقصد المذيعات يا اختى الفاضلة اللتى يظهرن فى التليفزيو بالمظاهر الى نرها ونشمئذ منها بصى لو عندك دش ادخلى على سبيل المثال على قناة mazka zoom اوغيرها من القنوات الاخرى التى تظهر فيها المذيعات زى ما احنا ندرك وليكن مثلا افتحى قناة الجزيرة فهناك مذيعات ايضا ولكنهم مختلفين بيظهروا للغرض الفاضل وكمان بيكونوا معظمهم متحجبين ولكن كلة يرجع للهدف من ظهورهم بالمفيد او الغير المفيد والسيدة التى تظهر فى التليفزيون بالمظهر الذى لا يرضى الله تنال عقلبة اما السيدة التى تظهر بمظهر محترم فاعتقد انه مش حرام بس انا ارى ان معظمهم يظهروا بما لا يرضى الله لذلك يقول معظم المتنبئين بذلك فى علم الله والدين انه حرام
شهينازززززززززززز

عذرا .. انا لا أحب الكلام عن شخوص بعينهم لكنني سؤلت عن رأيي فأبديته بلا خجل أو تورية ...