akrm-nagy
Apr 11 2006, 12:37 PM
لماذا يرغب الناس فى شراء أسهم لشركة ما؟
بعض الناس يشترون الأسهم بغرض الاستثمار والبعض الآخر يشترونها بغرض المضاربة
المستثمرين يقيمون الأرباح التي تنتج عن الأسهم نفسها بالإضافة الى قيمتها حين تباع
وبشكل أكثر توضيحا فإنهم يقيمون سعر بيع السهم + الدخل الناتج من شرائهم للسهم
كأرباح سنوية
وأرباح الأسهم هي نسبة مئوية من أرباح الشركة السنوية.. تدفعها الشركة إلى حاملي
أسهمها كدخل سنوى أو نصيبهم فى الأرباح السنوية وتسمى هذه النسبة المئوية نسبة
أرباح الأسهم
الشركات المؤسسة جيداً يحتمل بشكل أكبر أن تدفع أرباحاً أعلى للأسهم من الشركات
الأصغر أو التي في طور النمو والتي غالباً تستخدم أرباحها لتمويل توسع إضافي
ولهذا نجد أن أرباح السهم تتكون من شقين
الأول
الربح الرأسمالى للسهم ذاته
أى الناتج عن الزيادة فى سعر السهم،....و نظراً لعدم ضمان مستقبل هذا الربح ...لأنك لا
تعرف ماذا سيحدث بشأن ما سوف تعلنه الشركة في وقت لاحق ، فيتعين على المشترين
بشكل طبيعي أن يقوموا بحساب المستقبل والقيمة المتوقعة..
ويضعوا كل ذلك فى الحسبان ولأن أيضا شراء أى سهم يحتوى على مخاطرة أكبر من
وضع نقودك بالبنك لذلك تجد المستثمرين فى حساباتهم يطالبون بمعدل عائد أعلى من
فائدة البنوك على الأسهم للتعويض عن عدم الضمان الأكثر وفرصة الخسارة الأعلى..
وإلا كان الأفضل لهم وضع نقودهم فى البنوك وإرتاحوا من وجع القلب
الثانى
Intrest Rate
أى معدل الفائدة على السهم
وهذا هو الشق الثاني الذي يكون قيمة ربح السهم ويؤثر فيها .. وذكرنا ذلك أعلاه
وهكذا فإن السعر الأساسي للسهم يمكن أن يصبح متقلباً لسببين
قد تتغير التوقعات بالنسبة لأرباح الأسهم الرأسمالية أو قد يتغير معدل العائد المطلوب ..
الغامض
Apr 14 2006, 03:41 PM
طيب ايه النفع اللى بيعود على الافراد ... من شراء الاسهم ؟
زى ماشفت كده من فتره قريبه ... الشركه المصريه للاتصالات .. طرحت جزء او مجموعه من الاسهم الخاصه يتاعتها للبيع ... وكان فى اقبال كبيررر جدا
من كل فئات المجتمع على شراء هذى الاسهم ... ايه النفع اللى هيعود عليهم من شرائها ؟
وكمان ممكن اى حد يشترى اسهم ؟ ولا ايه ؟
وشكرا ليك على الموضوع الذيذ ده ... الغامض ☺☺☺
akrm-nagy
Apr 15 2006, 01:20 AM
انا اسف يا جماعة انى نقلت الموضوع بنفس طريقتة العلمية البحتة
اللى حاسيت انكوا لقيتوا صعوبة فى استيعابها .....
بص يا محمد انت ونادر اللى حتى قرف يرد على الموضوع ...ههههههههههههههه
اانت لما بتشترى سهم قدامك طريقتين للربح ..
الاول : من تكرار عملية الشراء والبيع ( المضاربة)
يعنى تشترية رخيص وتبيعة غالى ... وترجع تشترى غيرة رخيص وتبيعة غالى
والثانى ( الاستثمار )
يعنى تحتفظ بالسهم ... ومعنى ان عندك سهم يبقى انت مالك من ملاك الشركة
ونسبتك فى الملكية هيا نسبة عدد الاسهم اللى معاك وقيمتها : ( إلى ) باقى رأس مال الشركة
فبالتالى لما الشركة بتحقق أرباح يبقى من الطبيعى جدا تاخد جزء من الارباح على حسب الاسهم اللى معاك
فيا محمد شركة زى المصرية للأتصالات ..مضمون إلى حد كبير انها تحقق أرباح
فكلوا بيحاول يشترى السهم بتاعها ...
ولما الطلب بيزيد عليه سعرة بيرتفع طبعاااااا
أتمنى انى أكون قدرت أوصل المعلومة
عموما راجع الموضوع دا كمان ممكن تفهم منة للمبتدئين فى أسواق المالوممكن لو عندك وقت تشوف الموضوع دا كمان
هيفيدك كتير فى المسائل دى أخيرا هفهم يعنى اية بورصة
الغامض
Apr 15 2006, 03:21 AM
شكرا ليك ياباشا على التوضيح .
الغامض ☺☺☺
akrm-nagy
Apr 15 2006, 12:19 PM
العفو يا باشا احنا فى الخدمة
بس مش كل مرة ببلاش كدا
المرة الجاية تجيب معاك 5جنية
nader
Apr 17 2006, 03:29 PM
يا عم اكرم ..
بدل ماتعبنا وتضيع وقتنا فى ان احنا نحاول نفهم الموضوع ..
انا قريته مرتين وتلاتة واربعة ..
وكل مره اقنع نفسى انى تعبان ومش مركز ..
لغاية ما ............
من الاخر كده ..
بدل ما تتعب نفسك فى نقل وبعد كده شرح
لخصه كده بالطريقة الجميلة دى ..
بس بجد والله شرح رائع ..
فى انتظار البقية