الو يا حلمنا سلامو عليكم بقولكم صحيح الكلام اللى مكتوب ده ولا ايه ؟؟
قولوا بئه رايكم


الحب شىء جميل جدا فى بدايته أحاسيس جميلة و سعادة و تألق لأقصى حد فى
كل شىء .. الخطوة الثانية إضطرابات فى النوم و عدم رغبة فى الأكل و
تسارع فى ضربات القلب تصاحبها آلام فى المعدة .. و مع تطور الحالة يبدأ
الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى
التخييم على مخك و تتجسد فى كل تصرفاتك .. مش عارف تركز و لا حتى تفكر
فى أى شىء خاصة عندما تقابل حبيبك .. تقول كلمتين .. بعدها يطير كل
الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها
شرود ثم إنصراف!
إيه إللى أنا باقوله ده ! حاسس إنك عبيط و أكيد حبيبك قال عليك
معتوه .. لكن إطمن .. دى حالة شائعة جدا فى الحب و ناس كتير عانت من
نفس المشكلة و شعرت بنفس الهبل تقوللى ما انا عارف بس المشكلة فى حبيبى
و الفكرة إللى أخدها عنى .. أقولك إهديله أغنية لما بتكون بعيد باحضر
كلام أقوله و أما بتكون قريب بتنسينى اليوم بطوله و لا باعرف أتكلم و يا
دوب كبيرى أسلم .. يا عمرى و الله لما أشوفك بانسى الدنيا دى ، بانسى
الكلام إللى أنا قايله حتى الغرام إللى أنا شايله.. ليتأكد إنك طبيعى و
كل دى مجرد أعراض جانبية للحب عند كل الناس .. لكن هل تعرف سبب التشتت
و النسيان و عدم القدرة على التفكير ، و الهبل الذى تشعر به فى حالة
الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير
بشكل عام ده غير المناطق التى يصيبها الشلل التام و هى المناطق
المسئولة عن الإنتقاد و التقييمات السلبية حيث تتوقف عن العمل تماما ..
و لهذا قالوا زمان إن الحب أعمى لأننا عندما نحب نرى من نحب أعظم حد فى
الدنيا و خاليين من العيوب..
ده غير تأثيره على المناطق المسئولة عن الذاكرة و التركيز .. عشان كده
لما أبويا يقول فنجان قهوة بأعمله شاى و فى الآخر باديه لأمى .. و
أراهنكوا إن شادية فضلت تصب فى الشاى لحد ما إتدلق من الفنجان على
الصينية على الأرض .. و بيقولك كمان إن الحب له نفس تأثير تعاطى
المخدرات على المخ بعد تصوير المخ بالرنين المغناطيسى حيث لوحظ أن الحب
يؤثر عليها مثل تعاطى المخدرات يعنى لو لاحظت حد مسطول مش ضرورى يكون
ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و
ألذ و له نفس التأثير و جايز أكثر كمان..
لكن الكارثة إن الأمن يدرج الحب ضمن قائمة الممنوعات و الحب ما يتعرفش
غير بروشته من الطبيب.
و لما تقابل حبيبك بدل ما تقول له الحب الحب .. الشوق الشوق تقول له
إنت أحلى جوينت فى حياتى و لما بشوفك الطاسة بتتعمر كأنى ضربت خلطة
منوعات.
كل هذه التأثيرات أثبتتها عدد كبير من الدراسات التى أجريت فى بريطانيا
و أمريكا.
الخطر الحقيقى إن الحالة تقلب على جنان خاصة عند الناس إللى عايشة
الدور صح و عندها ضمير فى الحب و وصلت لدرجة عدم القدرة على التفكير و
لنا فى قيس مجنون ليلى خير عبره ، الحب فضل يمسح فى دماغه .. يمسح فى
دماغه لحد ما خلاها أبيض يا ورد..
فى النهاية قدامك طريقين .. الأول إنك تنفض الحب خالص و تحافظ على مخك و
صحتك على أساس إنهم أنفعلك .. الطريق الثانى إنك تحب بجد و تضحى بعقلك
فى سبيل إستمتاعك بالحب.

ههههههههههههههههههه

موضوع جميل ...بس مش للدرجة دى يعنى

اية دا كلامى كدا ممكن يتفهم غلط

انا اقصد ان الموضوع جميل ... بس الحب مش للدرجة دى يعنى

فهماك يا اكرم
وكلنا فهمينك بس الحب بهدله فعلا

بهدلة لية ان شاء الله


انتى جربتى

يقطع الحب وسنينو

علي فكرة الموضوع جميل جدا يا بت يا كوين..

وعلي راي تامر حسني،،

حبيبي لازم تعرف حبك عامل لي جنان (( دماغ )).. انا بحبك بحبك حب محبووووش انسان،،

بجدموضووووووووووووووووع فوق الوصف يا كووووووين

لان الحب فعل من احسن الحجات الى بيمر بيها الانسان

الحب بيعلم الانسان كل حاجه بيعلم الصبر وبيعلمو التضحيه وبيعلمو صفات كتيره

واكيد الانسان الى مبيحبش بيخسر حجات كتيره

اقل حاجه بيخسرها انسان بيخاف عليه ويشيل معاه همومه

واكيد زى ما الحب بيزل بس الزل ده جميل على القلب

والى محبش اكيد عمرو ما يفهم الكلام ده

وبكرر شكرى على الموضوع الاكثر من رائع يا كوووووووووووووووين

بصراحة بجد معلومات غريبة جدا


ومخلتنيش ابطل ضحك




الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه .. يمسح فى دماغه لحد ما خلاها أبيض يا ورد..


ههههههههههههههههههه

دي زي العسل

خاصة انها انطبقت عليا جدا

ربنا يخليكى يا فيرر يا عسل انتى وحشانى اوى انتى فين
وشكرا يا بت يا مشموشه مع انك اول واحده شيفاه قبل ما ينزل حتى
انما حسام فالحمد لله اول مره يقول على حاجه ليا حلوووووووووووووووووووووووووووووه
الحمد لله
شكرا يا اخواتى على مروركم
وشكر خاص لحسام اللى ما بيعجبوش العجب

الحب .... احلى شيء في الدنيا

بـشـرط ان يـكون حــب حـقيقي

والله وبجد الحب اللي بالطريقة البهلوانيه دي انا مجربتوش وبجد مبحبوش ..




مع اني حبيت وبحب بجد جدا لكن من غير ما أخالف الشرع ولا أعمل حاجه من الهبل العاطفي ده كله .


ده اسمو كلام أفلام ..

بس لا انكر ان الموضوع طريف جدا .

ربنا يخليك يا اكروش يا رب
وشكرا اوى على ردك يا د ميدو
انا بيشرفنى مرورك فى الموضوعات بتاعتى
ويا رب يكون عجبك
هى مجرد دعابه مش اكتر
وشكرا لتانى مره ليك
وليك يا اكروش يا عسل

و الله يا جماعه كان نفسى أأيد كلامكم و لكن انا حتى الان لا اعترف بوجود الحب لعدم وجود الحب الحقيقى
كل اللى بنشوفه حاليا تسالى و لعب
و عشان اقنعكم قولولى كام قصة حب حقيقه من 1000000 تجربه انتهت بالجواز
ههههههههههه
يارب تكونو واقعيين اكتر
مش هقولكم انى ملاك
و لاكن جربت كذبة الحب دى تلت مرات و كل مره اقول صوابعك مش زى بعضها و لاكن تنتهى نفس النهايه
و اخيرا و ليس اخراً
اترككم مع فاصل من اغنيه الاخ الحبيب محمد سعد
حب ايه اللى انت جاى تقول عليه انت عارف قابله معنى الحب ايه

السؤال الصحيح يا محمد ...


كام قصة حب ( صحيحه ) انتهت بالجواز ؟


وفي الحاله دي اقدر اقوللك كتير جدا ..

ههههههههههههههههههههههههههههههههههههه
ماشى يا فنكش احنا كلنا بنحب وكل واحد شايف حبه ده احلى حب
وبس شكرا على مرورك يا قمر

يا ميدو باشا اعتبر انها قصة حب صحيحه كام وحده نجحت؟؟؟
كام واحده عدت العقبات الاتيه :
1- المال
2- السلطه
3-الجاه
4- الاهل
5- العادات و التقاليد
6- البيئه المحيطه
7- التربيه

كتير والله يا فنكوش كتير بجد انا اعرف قصه لو سمعتها هتقول ياه لسه فى معجزات فعلا
اهم حاجه الاقتناع والتمسك بدون مخالفه الشرع زى ما ميدو بيقول

وانا قرات الموضوع فى الدستور بس من زمان اوى وكنت ناويه انزله بس انتى سبقتينى بقى يلا انا وانتى واحد

بس فعلا الحب اهبل وعبيط وبيعمل دماغ

مشكوره يا عسل على الموضوع

يا محمد هيا لو صحيحه أصلا يبقى اللي بتسميه عقبات دي مش هنسميها عقبات ...

دي هتكون ((( أولويات ))) تتحط في الإعتبار قبل بداية العلاقة أصلا .... وأديلك أمثله لحاجات لازم كل واحد يحطها في اعتباره قبل اي علاقة :


يعني مثلا مراعاة فرق السن.... ( مش اي واحد يتشد لزميلته في الكليه يقوم ينزل فيها حب وبعد كام شهر تتخطب وهو لسه طالب ويقعد يعيط ويغني ظلموه وهو اللي غلطان من الأول ).... اليومين دول غالبية الشباب مبيقدروش يتجوزو قبل 25 سنه على الأقل ...

وموافقة الأهل من الطرفين ... وعلمهم ... ( عشان الحب مش سرقة ولا خطيئة ).

وعدم مخالفة الشرع ... ( يعني في الكلام والحاجات المؤسفه اللي بتحصل اليومين دول من لقاءات وأشياء لا يقبلها الدين ولا يقبلها ذو مروءة ).... وقبل ده كله اختيار ذات الدين مش اي واحده وزي ما بنقول ( محترمه ) وخلاص ... انا اعرف ناس في قمة الإحتراااام والأدب مبيصلوش وابوجهل يعرف في الدين اكتر منهم.

مراعاة الظروف الإجتماعية .. ( يعني حكاية علي ابن الجنايني اللي بيحب بنت الباشا دي لازم تتحط في الإعتبار من الأول ) .

التوافق العقلي وعدم الإقتصار على الإعجاب بالشكل .. ودي أهم نقطه ... مش اروح ادور على موديل أحبها عشان شكلها وهي اخرها تتحط في فاترينه مش اكتر .

- وغير كده لازم كل واحد يبص لظروفه كويس ... مش ابقى لسه طالب ثانوي ولا في أولى جامعه ومعرفش عن مستقبلي اي حاجه واربط نفسي بواحده هيا كمان متعرفش ظروفها ايه ونتعلق ببعض وكمان من غير علم أهلي ولا أهلها ... ويبقى كل اللي بيننا اني بحبها وهيا بتحبني وخلاص ..... ( ده اسمو تخلف عاطفي ).


ـــــــــــــــــــــــــــــــــــــ

** كل دي اسمها (( أولويات )) يعني قبل اي حاجه لازم الخطوط الحمرا دي منعديهاش لأننا لو عديناها هتتحول لعقبات تهدم كل حاجه زي ما بتقول يا محمد .

ــــــــــــــــــــــــــــــــــ


لو حد قاللي بقى ان الكلام اللي فوق ده صعب تحقيقه أقوللو فعلا هو صعب بس مش مستحيل ولأن الحب يعني ارتباط وزواج وعلاقة ابدية فلازم يكون صعب لأن الواحد مش هيرتبط كل يوم ..

عندك حق يادكتور وفعلا اللي انت قولته هو المشكله ..

ولو اتنفذ ممكن يبقى فيه حب حقيقي ..

ع فكرة ياجماعه كتير اوي من قصص الحب بتنتهي بالزواج .. لكن الزواج مش مقياس ان الحب يبقى حقيقي او لا!!!!

والدليل ان نسبه كبيرة جدا من الزيجات الناتجه عن حب بتفشل بغض النظر عن النتيجه (طلاق ام لا)

احنا بنتكلم عن الحب نفسه .. فالحب الحقيقي يظل حقيقي للابد حتى لو لم يكلل بالزواج .. واذا ارتبط طرفاه باشخاص اخرى فانه يعيش ولا ياتي غير مرة واحده في العمر .

وباشكرك ياكوووووووين ع الموضوع العسل ده .. مع اننا قلبناها دراما ع الاخر

ولا يهمك يا دكتور ميدو احلى حاجه انها قلبت حوار
بس يا رب ما حدش يولع فى الموضع وحلمنا يتحول لكتله نار متحركه
ههههههههههههههه
شكرا على ارائك وانت يا فنكوش
كمان واى نوت العسل دى
وبت جاره انتى احلى واحده تعمل دماغ من الحب
هههههههههههههههههههههههههههههههههههه بهزر يا جماعه جاره حساسه جدا

فعلا حب ايه اللى نات جاى تقول عليه انت عارف قبلا معنى الحب ايه؟؟

ههههههههههههههههههههه
و ادى اول واحده اقتنعت
اللى بعده

هههههههههههههههههههههههههههه
طبعا يا فنكوووووووووووووووووووووووووووش هوانت بتقول كلام فى الفاضى
ده انت البيج بوس هنا يا عسل