Why not
Apr 26 2006, 03:33 PM
السلام عليكم ورحمة الله وبركاتهاليكم صورة الملك مرنبتاح "إبن الملك رمسيس الثاني" والمعتقد انه فرعون الحقيقي 
وانا بأييد هذا الرأي اكثر من أنه يكون الملك رمسيس الثاني لان عصر فرعون كان يشتهر بالهلاك والدمار اما عصر الملك رمسيس الثاني كان يتميز بالازدهار والرقي .وهناك العديد من الصفات التي ترشح مرنبتاح ليكون فرعون الحقيقي منها انه كان يغتصب اثار الملوك السابقين لنفسه ويمسح اسمائهم وينسبها لنفسه واكبر مثال ع ذلك هي لوحة النصر الخاصه بالملك "امنحتب الثالث" والد الملك "إخناتون" والتي استغل مرنبتاح الجزء الخلفي لها الذي كان فارغاً واخذ ينقش عليه انتصاراته التي ادت الي طرد بني اسرائيل من مصر وكلمة اسرائيل نقشت على شكل رمز تفسيره "قبائل بلا بلد" وهذا دليل أخر يقوي احتمال ان يكون مرنبتاح هو فرعون الحقيقي .
[align=center]لوحة النصر الخاصه بالملك "امنحتب الثالث" والتي اغتصبها الملك "مرنبتاح" لنفسه
kemoo
Jun 13 2006, 03:38 PM
الف شكر ليكى يا واى نوت على المعلومات دى
بجد هو اى نعم كلام بسمعه لاول مره
بس تشكرى جدا عليه
K h @ L e D
Jun 13 2006, 04:26 PM
فعلا انا اول مرة اعرف المعلومة دى
متشكر يا واى نوت على المعلومات الكويسة دى
classic
Jun 13 2006, 05:45 PM
ايوة يا عم انا وانتى مجال واحد بقى وفاهمين الكلام ده
بس برضه رمسيس التانى كان بيكتب احيانا اسمة على تماثيل غيره
بس وجهه النظر بتاعتك فعلا مقنعه واول مرة اسمعها
وشكرا على المعلومة القيمة دى
الغامض
Jun 14 2006, 05:15 AM
ميرسى ياواااااااى ... على المعلومه دى .. والمجهوود .
الغامض .. ،،،
Why not
Jun 15 2006, 04:26 AM
مرسي ياجماعه ع ردودكم الجميله ديه
وفعلا ياكلاسيك عندك حق رمسيس التاني كان ساعات بينسب بعض الاثار ليه
بس انا مش مقتنعه انه يكون هو فرعون بصراحه مقتنعه اكتر بمرنبتاح
وشكرا ليكم مره تانيه
Mo2mEn
Jun 15 2006, 07:28 AM
الف شكر ليكى يا واى
الامير
Jun 16 2006, 11:26 PM
جميل اوى يا واى نوت بس فعلا انا محتاج اعرف شويه حاجات منك ومن كلاسيك
اولا واخيرا : انا مكنتش اعرف ان مرن بتاح كان بينسب لنفسه هوه ورمسيس التانى
الطلب هوه ايه الكتب اللى اتكلمت عن كده او المواقع
شكرا
Why not
Jun 17 2006, 07:56 AM
بشكرك يافرفور ع مرورك ..
وبشكرك يامير وانت تؤمر في اي طلب انت عايزه ..
بالنسبه للمواقع www.eternalegypt.com
www.touregypt.com
وبالنسبه للكتب .. ان شاء الله هاشوفها واقولك ع طول
بس انا حبات اجيب لك حاجه مؤقته .. اللي في دماغي حالياً
اي خدمه ياامير
الامير
Jun 17 2006, 08:38 PM
شكرا جدا يا واى نوت
الحاجات دى جايه فى وقتها فعلا
وان شاء الله مردودالك فى تاريخ تانى
o_secret_k
Jun 17 2006, 11:17 PM
شكــرا ً why not على المعلومه الأكــثر من رائعه ..
وياريت معلومات من هـذا القبيل .. نكون شاكرين
وشكــرا ً ,,
os@ma
Why not
Jun 18 2006, 09:04 PM
العفو ع ايه يامير وان شاء الله اجيب لك اسامي مصادر اكثر
وبشكرك جدا ياسامه ع مرورك الكريم
واوعدك اني ان شاء الله اجيب معلومات من النوع ده كتير
السندباد
Oct 8 2006, 10:39 AM
شكرا يا ( لما لا ) على المعلومه الجميله
هو الراجل الى اسمه مرنبتاح ده كان شيرير كده
اكيد ده زمانه دلوقتى بيشرب من جهنم
موضوع جميل يا why not
Why not
Oct 14 2006, 02:46 AM
يلا بقا ياسندباد اذكروا محاسن موتاكم .. ربنا يرحمه ..
شكرا ع مرورك ياسندباد نورت الموضوع
السندباد
Oct 14 2006, 07:33 AM
الموضوع منور باصحابه والله
وانا بحب المعلومات الفرعونيه جدا
ياريت لو عندك معلومات كتير يعنى لو ممكن نعرفها
شكرا
محمد بدر الدين
Oct 14 2006, 01:11 PM
انا مندهش فعلا من المعلومات دي.....لكن ازاي مات رمسيس الثاني؟...الباحثين شرحو جثمان لملك....ووجدوانه مات غرقان....وفي ودانه آثا لرمال البحر الاحمر..(من القاع)
وكمان بعد وفاته ..(بفتره لا بأس بها)....ظهرت اساطير تحكي من تمرد العبيد(بنو اسرائيل) على ملكهم ...فلعنهم واغرقهم في البحر.....
ممكن يكون الملك (مرن بتاح)...مجرد سارق انجازات غيره....ونسب لنفسه انتصار لملك على اليهود....على اساس ما فهم من الاسطوره...
ارجو الافاده والنقاش...
snowwhite20
Oct 14 2006, 01:39 PM
ميرسى ليكى يافوشى على المعلومة دى هايلة جدا
جزاكى الله خير عوزين من دة كتير وعلى فكرة بردوة انا مجال دراستى تاريخ
فخلاص اتعقدت من الحاجات دى يلا ربنا يعديها على خير
Why not
Oct 16 2006, 01:08 AM
اقتباس
الموضوع منور باصحابه والله
وانا بحب المعلومات الفرعونيه جدا
ياريت لو عندك معلومات كتير يعنى لو ممكن نعرفها
شكرا
شكرا جدا ياسندباد .. انت اللي منور الموضوع والمنتدى كله بمشاركاتك المفيده ..
وان شاء الله الفتره الجايه يكون في مواضيع كتير فيها معلومات تاريخيه ..
وانت لو عندك اي استفسار ممكن تطرحه وان شاء الله يكون عندنا الرد ..
شكرا ليك مره تانيه
اقتباس
انا مندهش فعلا من المعلومات دي.....لكن ازاي مات رمسيس الثاني؟...الباحثين شرحو جثمان لملك....ووجدوانه مات غرقان....وفي ودانه آثا لرمال البحر الاحمر..(من القاع)
وكمان بعد وفاته ..(بفتره لا بأس بها)....ظهرت اساطير تحكي من تمرد العبيد(بنو اسرائيل) على ملكهم ...فلعنهم واغرقهم في البحر.....
اممممممممم ..
انا اللي اعرفه ان جثه الملك مرنبتاح هي اللي لقوا عليها ماده بيضاء .. واعتقدوا ان هو فرعون ع اساس يعني ان ديه ملح..
لكن بعد تحليلها وجدوا انها مواد ناتجه عن عمليه التحنيط ليس الا ..
اقتباس
ممكن يكون الملك (مرن بتاح)...مجرد سارق انجازات غيره....ونسب لنفسه انتصار لملك على اليهود....على اساس ما فهم من الاسطوره...
ارجو الافاده والنقاش...
ممكن ...
هي اللوحه ديه فعلا بتاعه الملك امنحتب الثالث .. ومرنبتاح اغتصبها لنفسه .. لكن هو لم يزيل الوجه الخاص بامنحتب الثالث ..
هو نقش مايخصه ع الوجه الاخر للوحه .. وهو فعلا اللي طرد اليهود ع حسب اللي انا درسته ..
ده راي انا مقتنعه بيه والله اعلم طبعا .. بس مفيش اي دليل قاطع ع ان رمسيس التاني هو فرعون ..
ومومياء ؤمسيس معروضه ف المتحف مع باقي المومياوات عادي جدا بدون اي تمييز ومفيهاش اي اختلاف عن اي مومياء تانيه ..
وشكرا يامحمد ع مشاركتك الجميله .. اسعدني مرورك
محمد بدر الدين
Oct 16 2006, 02:04 AM
وانا سعيد بالمشاركه....على الاقل النقاش لقى لنفسه مكان ...
لكن سؤال ملح على دماغي...(بضم الميم وسكون الحاء)..
هل وجد مايدل على بقاء الملك مرن بتاح بعد تزويره للوحه؟...
لو وجد...يبقى ما طردش حد...
لو لم يكن هناك دليل....يبقى هو الي طردهم..
ارجو الافاده...
...وبعدين لو كان هو من طرد اليهود ....يا ترى كان هيلحق يزور اللوحه؟
...وبعدين لو كان هو من طرد اليهود ....يا ترى كان هيلحق يزور اللوحه؟
ارجو الافاده للملره الثانيه...
amooor
Oct 16 2006, 03:19 AM
شكرا يامشرفتنا الجميله على هذا الموضوع
وبعدين محاسن أيه الى هنذكرهاله ربنا يجحمه أكت مهو مجحوم ....
أزهري صميم
Oct 16 2006, 11:05 AM
واي نوت/
الاول شكرا ع الموضوع المهم ده
انا بقي لي طلب: ممكن تجيبلنا بحث حلو كده ملخص اقوى الادلة في تحديد مرنبتاح كفرعون سيدنا موسى؟
ويبقي جزاكم الله خيرا
محمد بدر الدين
Oct 16 2006, 11:56 AM
احسن برده...عايزين ادله....
last_ninja
Oct 16 2006, 12:10 PM
مشكورررة على المعلومه
Why not
Oct 16 2006, 08:48 PM
انا بشكر كل الاعضاء اللي شاركوا ف الموضوع ..
وانتظروا البحث ..
مشموشة
Oct 20 2006, 03:06 AM
معلومة جميلة جدااااااا يا واى ..
وكلامك مقنع ..
تسلم إيدك على الموضوع ،،
Dr.beboo
Oct 21 2006, 08:52 PM
بجد معلومة جميييييييييلة جدا
و مهمة اووووي
تسلم ايدك يا جميل ع الموضوع ده
انا اول مرة اعرف ان في حد اسمه مرنبتاح اصلا
بجد مشكورة يا فرعونة حلمنا
Why not
Oct 28 2006, 05:15 PM
شكرا بيبو ومشموشه ع مروركم
والحمد لله ان الموضوع اضاف لكم معلومه جديده ..
Why not
Oct 28 2006, 05:29 PM
أولاً: سوري ياجماعه اني اتاخرت عليكم ..
ثانياً: انا حضرت مجموعه قليله من الادله اللي بتؤيد وجهة نظري شويه ف ان الملك مرنبتاح هو فرعون موسى والله اعلم طبعاً ..اقتباس
وقد اختلف الباحثون المتأخرون على اختلاف مللهم ونحلهم في فرعون موسى، فمنهم من زعم أنه توت عنخ أمون، ومنهم من ذهب إلى أنه رمسيس الثاني، ومنهم من ذهب إلى غير ذلك، ولكن كلها أقوال ليس عليها أثارة من علم، بل هي ظنون وتخرصات، علماً بأن الآثار المصرية على كثرتها ووفرتها ليس فيها أي إشارة من قريب أو بعيد إلى فرعون موسى وقصته مع بني إسرائيل، أكد ذلك أ.د محمد بيومي مهران أستاذ التاريخ بجامعة الإسكندرية في كتابه "مصر والشرق الأدنى القديم".
والله أعلم.
يبقى كده كل اللي احنا بنعمله ده مجرد اجتهادات ومحاوله للوصول لاكتر احتمال منطقي ...اقتباس
وإن الدراسة الطبية لمومياء منبتاح قدمت لنا معلومات مفيدة أخرى بشأن الأسباب المحتملة لوفاة هذا الفرعون. إن التوراة تذكر أن الجثة ابتلعها البحر ولكنها لا تعطي تفصيلا بشأن ما حدث لها لاحقاً. أما القرآن فيذكر أن جثة الفرعون الملعون سوف تنقذ من الماء كما جاء في الآية السابقة، وقد أظهر الفحص الطبي لهذه المومياء أن الجثة لم تظل في الماء مدة طويلة ، إذ أنها لم تظهر أية علامات للتلف التام بسبب المكوث الطويل في الماء."(2) و قد ذكر الشيخ عبد المجيد الزنداني أن الدكتور موريس أخبره في مقابلة معه أنه أحد الأطباء الذين قاموا بالكشف على جثة فرعون فوجدوا فيها :
1- آثار الموت غرقاً .
2- آثار ملح ماء البحر.
3- أظهرت أشعة X تكسير العظام دون تمزق الجلد واللحم مما يدل أن كسر العظام كان بسبب ضغط الماء.
وده بيبين لنا ان مش بس العوامل الاخلاقيه والتاريخيه اللي بيستند عليها احتمال ان الملك مرنبتاح هو فرعون موسى .. لكن ايضاً الدراسه الطبيه لمومياء الملك اثبتت وفاته غرقاً ..
وع النقيض لا يوجد اي دراسات تثبت ان مومياء الملك رمسيس الثاني يوجد بها اثار غرق او ........ الخ .يتبع قريباً ...
سلمي سلطان
Nov 5 2006, 07:53 AM
جميل يا فوشي جدا ومنتظريين باقى البحث
وبجد انا اول مرة اعرف المعلومات دى
ويجعله عامر
classic
Nov 5 2006, 01:50 PM
الدكتور قالتلنا معلومه كده ف الكليه الاسبوع ده عن الموضوع ده ومعرفش انتى ذكرتيها ولا لا
وهيه ان اللوحه دى لا تخص مرنبتاح اصلا وانها لامنحتب الاول
لكنه محى اسم امنحتب الاول وكتب اسمه واستغل ظهر اللوحه ونقش عليها النص بتاعه واللى بيعتبر بس بتاعه
وذكر فيها اسرائيل
وثانكس يا فوشى
Why not
Nov 6 2006, 11:47 PM
اقتباس
جميل يا فوشي جدا ومنتظريين باقى البحث
وبجد انا اول مرة اعرف المعلومات دى
ويجعله عامر
ميرسي ياسولي وان اش ءالله قريب اكمل البحث
والحمد لله انك استفدتي
اقتباس
الدكتور قالتلنا معلومه كده ف الكليه الاسبوع ده عن الموضوع ده ومعرفش انتى ذكرتيها ولا لا
وهيه ان اللوحه دى لا تخص مرنبتاح اصلا وانها لامنحتب الاول
لكنه محى اسم امنحتب الاول وكتب اسمه واستغل ظهر اللوحه ونقش عليها النص بتاعه واللى بيعتبر بس بتاعه
وذكر فيها اسرائيل
وثانكس يا فوشى
ايوه فعلا ياجميل انا ذكرت الجزئيه ديه ف الموضوع نفسه بس هو ممسحش اسم امنحتب
هو اخد الناحيه التانيه من اللوحه وكتب عليها انتصراته ع شعب اسرائيل وكده
وع فكره هي بتاعه امنحتب التالت مش الاول
شكراي ايويو ع مرورك
محمد بدر الدين
Nov 25 2006, 04:29 PM
يبقى ممكن برده الي زعم ان الفرعون المقصود هو رمسيس الثاني
اتلخبط بينه وبين مرن بتاح الابن
ممكن والله....
بس في سؤال...مين سرق لوحه الملك رمسيس الثالث وكتب عليها زي ما جه في الصوره...
اهله ولا هو بنفسه...؟؟ (السؤال الفاصل)
Why not
Nov 28 2006, 01:08 AM
اقتباس
يبقى ممكن برده الي زعم ان الفرعون المقصود هو رمسيس الثاني
اتلخبط بينه وبين مرن بتاح الابن
ممكن والله....
لا مظنش يامحمد .. يمكن عشان الملك رمسيس الثاني من اقوى واشهر ملوك مصر القديمه
لان فعلا مفيش اي دلائل ع انه فرعون موسى ومع ذلك الناس كلها معتقده انه هو ..
وكمان لان رمسيس اكتر ملك مصري معروف لعامه الشعب لاسباب كتير منها تمثاله الشهير ف رمسيس
ولان رمسيس مشهور بانه خلف 120 ولد و60 بنت واتجوز 60 مره وكده يعني .. وانت فاهم بقا الشعب المصري
اقتباس
بس في سؤال...مين سرق لوحه الملك رمسيس الثالث وكتب عليها زي ما جه في الصوره...
اهله ولا هو بنفسه...؟؟ (السؤال الفاصل)
ومين جاب سيرة اهله
لا يامحمد هو اللي سرق اللوحه واغتصب الوجه الفارغ وسجل عليه انتصاراته وبالتحديد ف منتصف السطر السابع والعشرين
سجل اسم اسرائيل لاول واخر مره ف التاريخ .. مسجل انتصاره عليهم والمعارك اللي كانت بينهم ..
وع فكره اللوحه خاصه بالملك امنحتب التالت مش رمسيس التالت وهي كانت ف معبده ف البر الغربي اللي تحطم تماما
ومش باقي منه دلوقتي غير تمثالا ممنون الشهيرين .
محمد بدر الدين
Nov 28 2006, 03:47 AM
ماشي...
اذا كان هو الي اغتصبها من الملك امنحتب التالت...وقال انه طرد اليهود من مصر..
طيب لحق يطاردهم وسط البحر.؟...لحق انه ياخد اللوحه ويكتب عليها؟
اللوحه دي منقوشه (من الظهر) بعد المطارده ولا قبلها؟؟
Why not
Nov 28 2006, 03:26 PM
اقتباس
ماشي...
اذا كان هو الي اغتصبها من الملك امنحتب التالت...وقال انه طرد اليهود من مصر..
طيب لحق يطاردهم وسط البحر.؟...لحق انه ياخد اللوحه ويكتب عليها؟
اللوحه دي منقوشه (من الظهر) بعد المطارده ولا قبلها؟؟
ومين قال انه نقش ع اللوحه بعد المطارده !!!
في خلافات بين اليهود اللي كانوا عايشين ف مصر وفرعون من ساعة ماعرف ان الولد اللي هاينهي ف يوم من الايام حكمه اتولد
وطبعا اليهود دول عاشوا سنين طويله ف مصر وفرعون كان فارض عليهم سيطرته الكامله .. ممكن يكون سجل النقش اللي ع اللوحه ف الاوقات ديه ..
محمد بدر الدين
Nov 30 2006, 03:47 PM
قصدك ان الي نقشها تنبأ لمرن بتاح انه هيطرد اليهود ولا قصدك ايه بالزبط...؟؟