دوافع الحكومة لهذا القرار :

لكل جنية بصمة .. زينا كدا .. وبصمة الجنية هيا رقمة المسلسل

فلكل جنية رقم مسلسل خاص بة ولا يوجد جنيهان بنفس الرقم المسلسل ابدااا

واذا ما تلف الجنية يجمع من السوق ويعدم ويصدر جنيهات جديدة بنفس تسلسل ارقام

الجنيهات المعدومة

لاأنة لا يصرح بأصدار جنيهات بأرقام جديدة الا بأذن من صندوق النقد الدولى وشغلانة

طويلة عريضة

لكن اللى حصل ان الحكومة بدأت تلاقى حلاات تشابة ... يعنى جنيهان

بنفس الرقم والتسلسل ... والاتنين مش مزورين

فمعنى كدا انة بيحدث تلاعب فى عملية الاعدام

يعنى الجنيهات القديمة لا تعدم ويتم حقنها مرة تانية للسوق ...

( ودة من احد عوامل التضخم اللى بنعانى منها فى مصر)

لأن بقى زيه زى الاصدرا النقدى الجديد بالظبط

فالحكومة فكرت فى الجنية المعدنى بدأ من هذة النقطة


ايجابيات القرار :

1- لو أفترضنا ان تكلفة طبع الجنية الورقى 15 قرش وتكلفة صك الجنية المعدنى

جنية ونصف ...بيتهيقلى كدا ملهاش لازمة نعمل الجنية المعدنى علشان الفرق الشاسع دا

فى التكلفة

لكن بعد 10 سنوات

هيكون الجنية المعدنى تكلفة طبعة مازالت كماهى جنية ونصف

اما الجنية الورقى سيكون تم أعادة طبعة حوالى 10 مرات

15 قرش 10x= جنيه ونصف مما يعادل تكلفة صك الجنية المعدنى

وفى السنة الحادية عشر ستزيد تكلفتة عن تكلفة الجنية المعدنى

2- وجود أستخدامات كثيرة للجنية المعدنى تقدم كخدمات للشعب

منها ثلاجات المياة الغازية .. ثلاجات المياة المعدنية .. التليفونات

التى تعمل بالعملة اللى أختفت تماما دلوقتى ..

مواقف السيارات ..الخ من الخدمات السهلة التى يتيحها الجنية المعدنى

يـــــــــــــــتــــــــــــــبع

سلبيات القرار

تأثير القرار على النقود المساعدة ( 5 قروش و 10 قروش)

اليات البدء فى تنفيذ القرار

نناقش بعد المتابعة ...


بالإنتظار ..

وانا كمان في الانتظار لبقية الموضوع ي اكرم

سلبيات القرار:

القرار لية جانبين سيئيين :

الاول : ان هذة العملات المعدنية الجديدة لن تلقى قبولا عاما بين الناس

يعنى زى ما شفنا قبل كدا محدش عاجبة الفلوس المعدنية دى ..

وبيقول انا همشى أشخلل ومش هشيل محفظة .. هشيل سرة من الدنانير ...الخ

بس دا مقدور علية بالتعود

الثانى : وهو العجز الكبير اللى هيحدث فى ميزانية السنة التى سيتم فيها الصك

احنا لما قلنا ان بعد 10 سنوات

تكلفة طبع الجنية الورقى = تكلفة صك الجنية المعدنى .. دة صحيح

لكن الجنية الورقى انا دفعت الجنية ونصف بالتقسيط .. كل سنة 15 قرش

انما الجنية المعدنى بدفع كاش ومرة واحدة فدى مشكلة وأثر سلبى للقرار


التأثير على النقود المساعدة :

النقود المساعدة أو أشباة النقود وهيا فى مصر الشلن والبريزة

الخمسة قروش والعشرة قروش ..

أعتقد كتابع طبيعى لأصدار جنية ونصف جنية معدنى

هتختفى هذة العملات وسيتم سحبها من السوق او بلغة الاقتصاد

لن تلقى قبولا عاما بين الافراد وهنشوفها زى المليم والقرش كدا

عملة منتهية الصلاحية

لأان اصلا ال10 قروش وال 5 قروش أصبحوا نادرين الاستخدام

لاكن كان لابد من الابقاء عليهم لأانهم بيمثلوا ثلثى العملة المعدنية

والثلث الثالث هو الربع جنية

لكن لما يظهر ثلثين جديدان .. فأصبح السبب الوحيد لأبقائهم غير ذى اهمية

عموما مش عاوزين نسبق الاحداث لأانى زى ما قلت فى وصف الموضوع

دا كلوا توقعات

اليات البدء فى تنفيذ القرار :

مش من المعقول ابدا انهم يصدروا كمية من النقد المعدني يحل محل العملة الورقية فورا

يعنى ينزلوا المعلة المعدنية ويلغوا التداول بالعملة الورقية

ويقولوا اللى معاة جنية ورقى يروح البنك يبدلة بجنية معدنى

والسبب انى معتقدش ان فى خزينة الدولة ما يكفى للصك بالكمية المطلوبة

فى توقعى ان العملة المعدنية هتنزل لفترة مع الورقية والتعامل هيكون بالاثنين

وكل فترة يتم سحب كمية من العملة الورقية وأعدامها واصدار نقد معدنى

الى ان يصل الامر الى انهاء التعامل الورقى تماما

يعنى هيكون الامر برنامج تدريجى .. مش خبط لزق

وعلى فكرة القرار مازال محل الدراسة ولم يبت فية بعد .. هل سينفذ ام لا

ولكن يتبقى فى النهاية ان اقول :

هذا القرار نتاج طبيعى جدا لحالة التدهور الشديدة التى يشهدها الجنية المصرى

بمعنى :

ان الجنية المصرى انخفضت قيمتة وقوتة الشرائية كثيرا ..

فبالتالى أصبح عملة سهلة التداول .. وزاد عدد العمليات اللى بيقوم بالوساطة فيها

لأانة اصبح غير ذو قيمة عالية ..

وزيادة عدد العمليات أدى الى سرعة اتلافة وفنائة

مما ادى الى تكرار عملية طبعة فى المدى القصير

مما ادى الى زيادة تكاليف الطباعة

مما ادى الى التفكير فى اللجوء للجنية المعدنى

يعنى مع استمرا حال التدهور دا كمان 5 او 10 سنوات

هنشوف 5 جنية معدنية و10 جنية معدنية .. لأان الورقية التداول عليها زاد

وبدائت عدد مرات اتلافها تزيد

وبدات تكاليف أعادة طبعها تزيد

فنلجأ لحل جزرى بأصدار عملة معدنية فئة الـ 5 جنيهات و10 جنيهات

وأختم قولتى بأن الله لا يغير ما بقوم حتى يغيروا ما بأنفسهم







..................

أية يا جماعة فين الأسئلة

ولا ملكوش تعليق على أى حاجة ؟؟؟

سنعود بعد قليل يااكرم ...


الغامض ☺☺☺

بسم الله ..

معلش يا أكرم اتأخرنا شوية بس انت عارف بقى :glare:

اولا .. تحليل فعلا فى منتهى الجمال بس كان يه حبة تعليقات ..





نيجى لأول استفسار ( مش نقاش ) ..



أول حاجة يعنى ايه تضخم ؟؟؟

وايه العوامل اللى بتؤدى إليه ؟؟

( معلش استحمل شوية )

الإيجابيات بقى ..



افتراضك ده لو احنا هنعمل الفلوس المعدنية فى سنة واحدة بس ..

وباقى السنين مش هنعمل تانى ..

يبقى العجز مش فى سنة واحدة ..
ده هايفضل على طول ..

كده هايفضل التكلفة بتاعة المعدنى على طول موجودة حتى بعد 11 سنة ..
ده لو أصلا فعلا تكلفة الورقى هتزيد بعد 11 سنة زى ما وضحت ..
وهنشوف الحكاية دى بعدين ..





:D :D

ده سبب ده ؟؟ ;)






زى ما قلت من شوية ان العجز مش هايكون سنة واحدة بس ..
لأن زى ما انت ما قلت ان التبادل مش هايكون على طول ..
والتبادل ما اعرفش ممكن يكون فى قد ايه ..

بس هايكون العجز اكيد مش فى سنة واحدة ..





مظبوط ..

كلام تمام ..

والربع جنيه هيبدأ ايضا فى الاضمحلال ..

كسابقيه برضه ..

والاسعار بتزيد مش بتقل .. والمرتبات زى ما هى ..

يعنى لو عادلوا العملية ماشى ..

بس كده تقريبا غلط .. ;)




طيب ..

يبقى كده التكلفة هتزيد لما نتجه ل5 وال10 جنيه ..

واكيد تكلفتهم اكتر م الجنيه العادى ..


ومش عارف حاليا احنا قد االزيادات دى ولا لا

وبس كده دلوقتى ..

***********************************************************************
ومعلش للتأخير مرة تانية ..


ولو فيه حاجة فى ردى مش واضحة قول علشان بس انا بكتب والله واانا مستعجل ;)




أحمد ..

والله لو جيت ادي البت حنين اختي الصغيره جنيه معدني

هتفرج عليا البلد

وطبعا العمله المعدنيه الجديده دي هترفع مصروف العيال الصغيره

مما يؤدي بدوره الي زياده اسعار المصاصات والشكولاته والحلوي....






يا عم احمد حلو قوي كلامك




بس دي حاجه من مليون حاجه مخربه الاقتصاد


بس تكاد لاتذكر مع حاجات تفوقها اهميه



وتاكد ان مفيش جنيه معدني هينزل




ويتبع.........

والله انا كان ليا تعليق بسيط
وهو ان احنا اول ماتولدنا كان فيه بريزة وشلن ورق
وبعد كده لغوها
ورجعوا تانى بعد مافقدت قيمتها رجعوا البريزة والشلن الورق وزلونا بيها واظن ان المكانين الوحاد اللى بيتعاملو بيهم المترو والبوسته

تانى حاجه طبعا معروف ان فيه عملات ورقية كتير على مستوى العالم بتتصنع من ورق مابيكرمش حتى لو اتغسل الوانه بتفضل ثابته مش اظن ان النوع ده يبقى جدواه افضل من المعدنية وماظنش حتفرق كتير وحتى تبقى اصعب فى التزوير

يا عيني ..

هو الجنية الورق هو اللي مخرب اقتصاد مصر ..

ربنا يهدي ..

معلش بكرة الحكومة تكبر وتعقل ....

المفروض يفكروا في حاجة صح تعدلنا وتعدل حالنا ..مش حاجة تخرب بيوت الناس ...

لو بصينا من ناحية تانية هنلاقي ان طبعا الجنيه هيبقى زي البريزة ...وزي ما قال اخ احمد وزي كلنا ما عارفين المرتبات زي ماهي والحاجة بقيت زي النااار ..

لو عايزين صح يصلحوا البلد يشوفوا اصحابها عايزين ايه

مش يشوفوا هم عايزين ايه ويغصبوه علينا ..
-----------

بأنتظارك يا باشا

يابن الايه يا صاروووووووووووخ

جبتها منين دي يااااااااض

اشطه عليك يا مان

تسلم ايدك على الصوره اللي كان نفسي اشوفها من زمان

و انا متابع توقعاتك و الكلام بس مليش نفس اتكلم

و ميرسي تاني

QUOTE

بسم الله ..

معلش يا أكرم اتأخرنا شوية بس انت عارف بقى :glare:

اولا .. تحليل فعلا فى منتهى الجمال بس كان يه حبة تعليقات ..

براحتك يا باشا وعلى أقل من مهلك

ولو كنت جيت قبل كدا مكنتش هتلاقينى ...هههههههه

وربنا يكرمك على مجاملتك الجميله دى

QUOTE

نيجى لأول استفسار ( مش نقاش ) ..


QUOTE
( ودة من احد عوامل التضخم اللى بنعانى منها فى مصر)

---------------------------------------
أول حاجة يعنى ايه تضخم ؟؟؟

وايه العوامل اللى بتؤدى إليه ؟؟

( معلش استحمل شوية )

صبرنى يا رب ....هههههههههههه

التضخم دا يا سيدى ببساطة شديييييييدة :

( ان يكون المستهلك قادر على الشراء ولا يجد ما يشتريه)

ماهو اى أقتصاد فى العالم مبنى على ناس معاها فلوس بتشترى سلع

وناس معاها فلوس فبتنتج بيها سلع وتبيعها للناس اللى عاوزة تشترى

فتخيل لما الفلوس اللى مع الناس اللى بتشترى تبقى أكتر من اللى مع الناس اللى بتنتج

هو دة بعينه التضخم

العومال اللى بتؤدى ليه :

الاصدار النقدى الجديد ..

يعنى تخليل فى فترة رئاستى أصدرت قرار بزيادة المرتبات الضعف

كل الناس هتروح تشترى لحمه اللى محرومين منها

تجار اللحمه والجزارين معندهمش مخزون يكفى كل الطلبات

يقوموا يرفعوا سعر اللحمه ويتضاعف السعر

فترجع كل حاجة لطبيعتها تانى ..

يبقى انا حمار .. لأنى معملتش حاجة غير انى عملت تضخم فى البلد

ورفعت الاسعار وخفضت القوة الشرائيه للجنيه وبالتالى

خفضت قيمه الجنيه أمام العملات الاجنبيه أكتر ماهو متنيل

QUOTE

1- لو أفترضنا ان تكلفة طبع الجنية الورقى 15 قرش وتكلفة صك الجنية المعدنى

جنية ونصف ...بيتهيقلى كدا ملهاش لازمة نعمل الجنية المعدنى علشان الفرق الشاسع دا

فى التكلفة

لكن بعد 10 سنوات

هيكون الجنية المعدنى تكلفة طبعة مازالت كماهى جنية ونصف

اما الجنية الورقى سيكون تم أعادة طبعة حوالى 10 مرات

15 قرش 10x= جنيه ونصف مما يعادل تكلفة صك الجنية المعدنى

وفى السنة الحادية عشر ستزيد تكلفتة عن تكلفة الجنية المعدنى
----------------------------------------

افتراضك ده لو احنا هنعمل الفلوس المعدنية فى سنة واحدة بس ..

وباقى السنين مش هنعمل تانى ..

يبقى العجز مش فى سنة واحدة ..
ده هايفضل على طول ..

كده هايفضل التكلفة بتاعة المعدنى على طول موجودة حتى بعد 11 سنة ..
ده لو أصلا فعلا تكلفة الورقى هتزيد بعد 11 سنة زى ما وضحت ..
وهنشوف الحكاية دى بعدين ..

طب ما هو فعلا احنا مش هنصك جنيهات معدنيه الا فى سنه واحدة بس

الجنيه المعدنى ممكن يعيش 20 سنه فيما فوق

QUOTE

2- وجود أستخدامات كثيرة للجنية المعدنى تقدم كخدمات للشعب

منها ثلاجات المياة الغازية .. ثلاجات المياة المعدنية .. التليفونات

التى تعمل بالعملة اللى أختفت تماما دلوقتى ..

مواقف السيارات ..الخ من الخدمات السهلة التى يتيحها الجنية المعدنى

------------------


:D :D

ده سبب ده ؟؟ ;)

أه طبعا سبب مش المفروض ان الحكومه بتريح الشعب وترفهه

ههههههههههه

QUOTE

وهو العجز الكبير اللى هيحدث فى ميزانية السنة التى سيتم فيها الصك

احنا لما قلنا ان بعد 10 سنوات

تكلفة طبع الجنية الورقى = تكلفة صك الجنية المعدنى .. دة صحيح

لكن الجنية الورقى انا دفعت الجنية ونصف بالتقسيط .. كل سنة 15 قرش

انما الجنية المعدنى بدفع كاش ومرة واحدة فدى مشكلة وأثر سلبى للقرار




زى ما قلت من شوية ان العجز مش هايكون سنة واحدة بس ..
لأن زى ما انت ما قلت ان التبادل مش هايكون على طول ..
والتبادل ما اعرفش ممكن يكون فى قد ايه ..

بس هايكون العجز اكيد مش فى سنة واحدة ..

يا حبيبى أنت فهمت غلط

فكرة عدم السحب الورقى والضخ المعدنى فى سنه واحدة دى

للتغلب على العجز ...

بمعنى انى هطبق القرار على كام سنه علشان ميحصليش عجز كبير فى سنه واحدة

فاهمنى ... يعنى بجزء المصيبه علشان أقدر اشيلها

وممكن مع التجزئه دى ميحصلش عجز خااااااااااااالص

QUOTE

والله لو جيت ادي البت حنين اختي الصغيره جنيه معدني

هتفرج عليا البلد

وطبعا العمله المعدنيه الجديده دي هترفع مصروف العيال الصغيره

مما يؤدي بدوره الي زياده اسعار المصاصات والشكولاته والحلوي....

ههههههههههههههههههههههه

طيب انا هروح البنك المركزى وأعرض عليهم المشكله دى

جايز تكون كانت غايبه عنهم وتؤثر فى أتخاذ القار

QUOTE

يا عم احمد حلو قوي كلامك




بس دي حاجه من مليون حاجه مخربه الاقتصاد


بس تكاد لاتذكر مع حاجات تفوقها اهميه



وتاكد ان مفيش جنيه معدني هينزل




ويتبع.........

وايه اللى مخليك متأكد كدة ؟؟؟؟

وبأنتظارك

QUOTE

والله انا كان ليا تعليق بسيط
وهو ان احنا اول ماتولدنا كان فيه بريزة وشلن ورق
وبعد كده لغوها
ورجعوا تانى بعد مافقدت قيمتها رجعوا البريزة والشلن الورق وزلونا بيها واظن ان المكانين الوحاد اللى بيتعاملو بيهم المترو والبوسته

كلام مظبوط .. ولو راجعت كلامى هتلاقى التصرفات دى منطقيه جداااااا

انهم كانو فى الاول ورق .. فلما زاد التداول عليهم وبدأت تكلفة طبعهم تزيد

نزلوا المعدن ... وبعد ما قل التداول واصبحوا عملتين شبه غير مستخدمين

قالو يسندوهم فى السوق بالورق تانى ..ز دة تفسيرى للموقف يعنى

الله أعلم جايز صح وجايز غلط

QUOTE

تانى حاجه طبعا معروف ان فيه عملات ورقية كتير على مستوى العالم بتتصنع من ورق مابيكرمش حتى لو اتغسل الوانه بتفضل ثابته مش اظن ان النوع ده يبقى جدواه افضل من المعدنية وماظنش حتفرق كتير وحتى تبقى اصعب فى التزوير

والله أول مرة أسمع عن المعلومه دى ... أزاى يعنى مبيكرمش ؟؟!!

والعملات الورقية المصريه لو أتغسلت الوانها مبتطلعش فعلا

وهو ايه اللى يخرب بيوت الناس فى صك جنيهات معدنيه جديدة ؟؟؟

هو اى نعم فى حاجات اولى بكتير تتعمل .. بس اهو .. اى حاجة أحسن من مفيش



الجنيه قوة لشرائيه كل يوم أكتر من اللى قبله فعلا

بس دة بيحصل بغض النظر عن كونه جنيه ورقى أو معدنى

كدة كدة قيمتة بتنخفض يوم بعد يوم

QUOTE

يابن الايه يا صاروووووووووووخ

جبتها منين دي يااااااااض

اشطه عليك يا مان

تسلم ايدك على الصوره اللي كان نفسي اشوفها من زمان

و انا متابع توقعاتك و الكلام بس مليش نفس اتكلم

و ميرسي تاني

وانت مالك جبتها منين ؟؟!!!

انا ليا مصادرى الشخصيه ومن حقى الاحتفاظ بها

وملكش نفس تتكلم ليه ؟؟

أعصر على نفسك لمونه وتعالى أتكلم :P