الأم : ياللا يا بنتي عشان تصحي الظهر اذن خلاص انتي كدة مصلتيش الصبح
الابنه : افففففف انتي ايه اللي جابك دلوقتي هوا كان حد طلب منك تصحيني حرام عليكي صحتبني من اجمل حلم
الام : يا بنتي انا عايزة مصلحتك عايزة ربنا يهديكي و يرضي عنك عشان لو جرالي حاجة و مت ابقي مطمنة عليكي
الابنه : يا ساااتر و انتي مين قالك انك هتموتي .. هوا عزرائيل كان قالك انك هتموتي قريب و لا ايع يعني .. مش عارفة انتي دايما كدة تفولي علي نفسك
الام : محدش ضامن عمره يا حبيبتي .. ممكن اموت النهاردة .. بكرة .. ممكن دلوقتي كمان
الابنه : يا ماما يا حبيبتي خليكي فريش كدة و عيشي حياتك .. انتي شايفة نفسك عجزتي يعني ده انتي لسة في شبابك
الام : ربنا يهديكي يا بنتي و يصلح حالك
الابنه : يوووه اهو انا مش باخد منك غير الدعوات دي .. طيب امشي بقي من قدامي دلوقتي عشان عصبتيني .. عاجبك كدة اديني مكملتش الحلم اهو ... لو عايزة تصلي صلي انتي و ملكيش دعوة بيا .. و اوعي بقي عشان اكمل نوم
الام : براحتك .. انا خلاص زهقت من النصح فيكي .. كله من صحابك
( تغادر الام الغرفة و تترك ابنتها ) ... ( و بعد المغرب بقليل )
الام : اصحي يا سارة في واحدة صحبتك ع التليفون عايزاكي
الابنه : مين دي ؟
الام : كوثر
الابنه : بجد طب اوعي انتي دلوقتي و روحي حضريلي اكله كدة ع السريع
( و بعد المكالمة تم الاتفاق مع الاصدقاء علي الخروج )
الابنه : انا ماشية بقي يا ماما .. عايزة حاجة ؟
الام : هتروحي فين ؟
الابنه : يووووه انا اللي غلطانة من الاول ان انا قلتلك كان لازمته ايه وجع القلب ده .. هخرج زي ما هخرج بقي و انتي مالك .. هوا انتي علي طول كدة حاشرة نفسك في اللي ملكيش فيه .. ايه العيشة اللي تقرف دي
الأم : مش الحق عليا ان انا خايفة عليكي و عايزة اطمن عليكي ... و لا عشان باباكي بقي مسافر هتعملي اللي انتي عايزاه ؟
الابنه : يوووه هوا انتي كلامك ده مش بيخلص ابدا .. انا ماشية
( و تترك الابنه امها وحيدة .. و الام حزينه علي حالها )
الام : البت اتأخرت كدة ليه .. اعمل ايه دلوقتي ليكون جرالها حاجة .. يا تري انتي فين ؟؟
( و تعود الابنه الساعة ((1)) بعد منتصف الليل )
الام : كنتي فين و اتأخرتي كدة ليه ؟؟
الابنه : ايه ده انتي ايه اللي مصحيكي دلوقتي ياللا ادخلي نامي
الام : مش قبل ما اعرف كنتي فين
الابنه : ايه هكون فين يعني كنت مع صحابي .. ايه في مانع ؟؟
(( و يدور هذا الحوار كل يوم ))
لكن في يوم من الايام حدث الاتي .. و هذا بعدما عادت الابنه متأخرة في يوم ما كالعادة
الام : ااااااه كويس انك جيتي
الابنه : خير في ايه
الام : الحقيني يا بنتي قلبي قلبي انا شكلي بودع خلااااص
الابنه : و انا اعملك ايه يعني .. تلاقيكي بتدلعي و لا عندك اوهام
الام : يا بنتي حرام عليكي بقي ارحميني شوية .. حتي و انا تعبانة بتناكفي فيا ؟!
( و بعد ذلك اغمي علي الام )
الابنه : ماما ماما في ايه ايه اللي حصل .. ردي عليااا
اعمل ايه دلوقتي هتصرف ازاي .. بابا مسافر .. و صحابي زمانهم نامو .. و معندناش غير نمرة دكتور و بيقفل بدري .. اعمل ايه ؟؟
( و بعد ذلك دق جرس التليفون ) .. ( الابنه ترد مسرعة علي التليفون )
الابنه : الو مين ؟
كوثر : ايوة يا سارة انا كوثر
الابنه : كويس انك لسة صاحية .. اتصلتي في وقتك
كوثر : لا ده في خبر وحش للاسف لازم تعرفيه
الابنه : خير في ايه تاني ؟
كوثر : صاحبتنا اسماء .. اعز اصحابك
الابنه : مالها ؟؟!!
كوثر : .... ماتت في حادثة عربية
الابنه : ايه بتقولي ايه ؟؟ انتي متأكدة ؟
كوثر : ايوة يا بنتي الخبر لسة واصلني حالا
الابنه : ايه المصايب اللي جاية ورا بعضها دي .. شفتي اللي حصل
كوثر : هااا خلصي بسرعة
الابنه : ماما تعبانة اوي و اغمي عليها و مش عارفة اعمل ايه
كوثر : و انا مالي انا اعملك ايه يعني .. شايفاني فاضيالك يعني .. سلااام
الابنة : حتي انتي يا كوثر .. اعمل ايه .. مبقاليش حد .. يا رب ساعدني .. انا اول مرة استنجد بيك .. انا مش عارفة اعمل ايه عشان تساعدني
اول مرة يا رب استعين بيك .. انجدني في محنتي يا رب ......
(( و ما زال للحديث بقية ))
بصراحة القصة دي جتلي كدة و انا قاعدة قلت اكتب كل افكاري علي هيأة حوار
بس لسة مكملتش .. بس التكمله هتكون جميلة اوي
و انتظروني قريبا جدا جدا
و عايزة رأيكم علي الجزء ده