Siso BLack Cat
Jun 25 2006, 11:51 PM
كان في موضوع منزله من فتره كبيره بس دورت عليه ملقتهوش
على العموم انا هنزله مره تانيه
لان فعلا كل يوم وانا على طريق السفر او ماشي فى وسط البلد بيلفت نظري العبارات والكلمات المكتوبه على عربيات الاجره والنص نقل
فقررت ان انزل موضوع هنا كل واحد فينا يكتب العبارات اللى بيشوفها مكتوبه على العربيات
ومنها نعمل قاموس للسواقين علشان ميتعبوش نفسهم ويدوروا على العبارات والكلمات
مش كده ولا ايه
Siso BLack Cat
Jun 25 2006, 11:52 PM
كنت مسافر على طريق القاهره من كام يوم ولقيت على العربيات الجحمل التاليه
تعمل حسابي أقدرك تهزر معايا أعورك"
" الحلوه لما تتدلع تخلى الاسفلت يولع "
" ما تبحلقش كده يا لوح دي جت بطلوع الروووح "
" ما تبصش كده يا عبيط الحلوه دي بالتقسيط "
" سوقوا بالراحه يابهايم أصل سواق العربيه نايم "
MR_ZABADE
Jun 26 2006, 04:30 AM
ههههههههههههههههههههههههه
جااااااااااااااامده جداااااااا يا سيسو بجد
و اوعدك اني اول ما افتكر اي حاجه من دي هنزلها علطول
بس كنت عايز اعرف اشمعنى يعني بيعلقو شباشب و صنادل حجم اطفال على العربيات من ورا
ههههههههههههههههههههه
و شكرا على الموضوع
Without Fear
Jun 27 2006, 09:35 AM
هههههههههههههههه
لا يمكن كان الكلام ده ف دقدق ي سيسو
لاني عمري ما شوفت موضوع شبه ده هنا من اول حلمنا ما فتح
وانا هستمتع جدا بالموضوع ده
في انتظار الباقي
لان هنا بصراحة كل اللي انا بشوفه على السيارات النص نقل والنقل
هي لا اله الا الله والحمد لله وتوكلت على الله وماشاء الله ولا حول ولا قوة الا بالله
مامرش عليا حاجة عجيبة زي الل يمكتوبين دي
MR_ZABADE
Jun 27 2006, 10:18 AM
لأ يا فيير انا فاكر اني فعلا شوفت موضوع مشابه لدا او فكرته
بس مش عارف بقى ايه النظام
و هننتظر باقي " المفتكسات النص نقليه "
ههههههههههههههههه