بسم الله ..



تعرفوا ايه عن الكوكب العاشر ؟؟؟




طب اسمه طيب ؟؟؟



طيب يلا بينا فى جولة معلوماتية عن آخر أخبار الكوكب ده ..



أولا ..


سنة 2003 ..

إكتشف مايكل براوان وثلاثة تانين الكوكب ده


لكن المعلومات عنه لم تكن بالقدر الكافى .. انهم يعرفوا عنه الكثير ..

كل ما تم معرفته ..


إن الكوكب يبعد ب16 مليار كيلو متر عن الشمس ..

وحتى مااعطوش اسم خاص له ..

وكان الإعتقاد إن الكوكب العاشر أكبر من بلوتو ب مره ونصف ..

بعد كده ..

قالوا ان قطره اكبر من بلوتو بحوالى 30% .




لكن ..


فى يومى 9 , 10 ديسمبر الماضى ..

وجد العلماء إن الكوكب يكبر عن كوكب بلوتو ..

ب68 ميل .. فقط !!!!

كوكب بلوتو قطره 1422

وكوكب ( زينا ) قطره 1490

اكتشف كده .. مايكل براون

بالتلسكوب هابل

وبيقول مايكل براون إن التلسكوب هابل هو التلسكوب الوحيد القادر على التقاط القياسات الضوئية الدقيقة لقطر الكوكب زينا ..

طبعا الكوكب اتسمى زينا ..

مؤقتا .. لغاية ما الاتحاد الفلكى الدولى سيمنحه اسما رسميا ..


** مدار الكوكب يبعد حوالى ثلاثة أضعاف مدار بلوتو حول الشمس ..

يعنى تقريبا ..

بيستغرق 650 سنة ليدور دورة كاملة حول الشمس ..



واجهت العلماء تفسير غريب ..

ألا وهو .. إن كوكب زينا له بريق قوى ..

وده طبعا يدخل فى تركيب الغلاف الجوى له ..

وبدأ البحث ..

ولقى العلماء أكتر من تفسير ..

1- إما كوكب زينا موجود على سطحه بكميات كبيرة غاز الميثان المتجمد ..
وربما كان الكوكب له غلاف جوى لما كان قريب من الشمس ..
لكن لما انتقل لمكانه الحالى ..
فالعلماء بيعتقدوا ان غلافه ممكن يكون تجمد والتصق بسطحه فى صورة جليد ..

2- اتجه فريق آخر من العلماء لتفسير بريق الكوكب ..

ان الكوكب يسرب غاز الميثان للفضاء من باطنه الادفأ .. ولما بيوصل الغاز ( الخارج من المنطقة الدافئة ) إلى السطح البارد للكوكب ..
لما يوصل للمنطقة دى ..
يتجمد بسرعة فى صورة صلبه فيغطى الفوهات البركانيه وتضاريس الكوكب الاخرى ليبدو مستويا ولامعا امام عدسات .. التلسكوب هابل ..



وزى ما قلت ان كوكب زينا .. اكبر من بلوتو ..

لكن فيه مشكلة بين العلماء ..

ان كوكب زينا المكتشف حديثا ... موجود فى حزام اسمه حزام كويبر

ممممم

حزام كويبر ده ..
عبارة عن حلقة كبيرة موجودة بعد مدار كوكب نبتون وتضم مذنبات ثلجية بسيطة ..
وتضم ايضا ..

اجرام كبيرة .. تقترب فى حجمها للكوكبين .. بلوتو وزينا ..

ودى مكمن المشكلة ..

وهو هل سيعتبروا كل اللى فى حجمهم كوكب ؟؟

يعنى الاجرام السماوية الكبيرة الموجودة فى حزام كويبر ده كلها كواكب ؟؟

فى الحقيقة ..

إن العلماء اتفقوا فى ما بينهم

ان كوكب بلوتو ..

لو لم يكن تم اكتشافه فى العشرينيات ..

ماكنش حصل على شرف .. لقب كوكب !!!

وفى النهاية


نقول إن كوكب زينا اسمه العلمى الصحيح والرسمى حاليا هو (( ub313))

يعنى .. يو بي 313

وتسميته بزينا هو مجرد تسميه مجازية للأميرة المقاتلة ( زينا )


الصورة اللى هانشوفها دى ..

مقارنة بين أحجام الاجرام السماوية المكتشفة فى حزام كويبر ..




زى ما شفنا ان الصورة اظهرت زينا اكبر قليلا من بلوتى


وزى ما لاحظنا برضه إن الكوكب له قمر ..

عرض القمر المكتشف حوالي 248 كيلومتر ..
وهو مكتشف حديث جدا ..

وللعلم ..

اكتشاف القمر هايساعد كتير جدا

لانه هايحدد كتلة الكوكب ..

ازاى ؟؟؟

علشان نحدد كتلة الكوكب ..

بنقيس المسافة بين الكوكب والقمر ..

ومدة دوران القمر حوالين الكوكب ..

مثلا ..


لو كانت سرعة القمر حوالين الكوكب كبيرة ..
كانت كتلة الكوكب كبيرة برضه ..

واللى اكتشف القمر .. نفس الفريق اللى عمل على اكتشاف الكوكب ..

اللى كانوا صرحوا قبل كده ان الكوكب لازم يكون له قمر من خلال ابحاثهم ..




ودى صورة تخيلها أحد الفنانين عن الكوكب









أتمنى إنى أكون افدتك ولو قليل ..

ويا ريت لو حد عنده معلومات اضافية يقولها عن الكوكب ..




مراسلكم الثقافى / أحمد أمين .. ;)

انا لاقيت ان فيه موضوع عن الكوكب موجود برضه فى حلمنا ..

بس حبيت ابسيط شوية المعلومات ونزود المعلومات لبعض ..


وفعلا لو حد عنده معلومات تانية يار يت يقولها ..


أحمد أمين

موضوع جميل و مفيد شكرا ليك يا نادر تقبل تحياتى

فعلا يا أحمد موضوع جميل وعرضك ليه رائع ..


شكرا جزيلا .

معلومات مفيده يا احمد اول مره صراحه اسمع بيها


سبحان الله وما خفي كان اعظم

شكرا يا همس على مرورك الجميل ده ..

وكويس انك استفدتى ..




الأخ الحبيب الغالى دكتور ميدو ..


كم اسعدنى ردك والله ..

واسعدنى اكتر ان الموضوع افادك ..

معلش يا فارس رديت مع ردك


وما اخذتش بالى انك رديت ..



مرورك زادنى شرف والله ..

وفعلا ..


(( سنريهم آيتنا فى الآفاق وفى أنفسهم حتى يتبين لهم أنه الحق ))


وشكرا للمرور يا فارس ..


أحمد .. :)

انا كنت قرات ان العلماء بيعتقدوا ان بلوتو مش كوكب وانما
هو احد الاجسام السابحه فى حزام كويبر
لان بلوتو صغير عباره عن كره ثلجيه تختلف عن الكواكب الاخرى
ولسه بنهم جدال حول اذا كان كوكب او لا
وان فى جدل اذا كان هو اخر الكواكب او لا
بس انا اول مره اسمع انهم اكتشفوا كوكب عاشر


مشكور اخى على المعلومات القيمه دى

فعلا موضوع جميل وشيق

جزاك الله خيرا

جزاك الله خيرا موضوع حلو اوى ومفيد جداااا ياريت الكل يقراه

سبحان الله وله فى ذلك حكم