امبارح كنت قاعدة فى البيت و فجأة لقيت جرس التليفون بيرن قمت ارد
لقيت صحبة عمرى و بنت خالتى منهارة من العياط فاقولتلها فى ايه
قالتلى النتيجة ظهرت و جبت 5 مواد
استغربت انا عارفة مستواها كويس و كنا بنذاكر سوا و كنا متواقعين ان نجيب على الاقل جيد
فقالتلى ان فى رقم "1145" تتصلى من على الموبايل تعرفى النتيجة, وعلى الرغم انى فى جامعة حلوان
بدأت اقلق جدا و اتصلت بباقى اصحابى اللى فى عين شمس
و بعد 10 ساعات من القلق و تدمير الاعصاب ليه و اصحابى نزلنا الجامعة
و اتفجأنا بالامن بيقول لينا ان الورق لسه ما خلصش اصلا و لا جيه من عند الدكاترة و ان دى كلها عملية نصب من الشركة على الطلبة المساكين
انا عايزة اسالكم سؤال قد كده بقى قلق الطلبة مصدر ربح لبعض الشركات
و ازاى يحصل دا من غير اى رادع لمن فعلوه و تلاعبوا بمشاعر الطلبة؟؟؟
مليون تساؤل لو عندكم رد يا ريته تريحونى وتقوله.
و ربنا معانا كلنا.

ربنا ينتقم منهم اصحاب الشركة دي

هما دول بني ادمين؟!!

عندهم احاسيس ؟!! عندهم أولاد؟!!

كله دلوقتى يانوومى للاسف بيعمل اى حاجه ... عشان يجيب فلوووس .

وده مش عيب ... لكن العيب بقى أنهم ينصبوا ويتلاعبوا بمشاعر الطلاب ... واكيد لسه ف ضحايا كتيرررر للموضوع ده .

ربنا يسهل والنتيجه تظهر قريب ... وبالنجاح والتوفيق للجميع أن شاء الله .

وحسبنا الله ونعم الوكيل فى اصحاب النفووس الضعيفه دول .

الغامض ..،،،

شكرا يا محمد و يا شوشو على مشاركتكم فى الموضوع
و فعلا ممكن تكون الظروف الاقتصادية اللى احنا فيها هى اللى تخلى اصحاب النفوس الضعيفة يلعبوا بمشاعر الطلبة.

المكشله كلها عملية ضمير مش اكتر

و دي ناس معدومة الضمير و الاحساس

بس المشكله ان الحاجات دي بتحصل بدون اي رد فعل قاسِ من الجهه الحكوميه و الامن

و المفروض الشركات دي بقى زي ما هما بيستفادو عن طريق النصب المفروض ان الحكومه تقفل الشركات دي و تدفعها غرامات قاسيه للجامعات و منها بنستفاد

نفسي العالم دول يشغلو مخهم شويه و يتحركو بدل البرود اللي احنا فيه دا


شكرا على الموضوع يا نومي

بجد و الله طب ازاي

لا حو و لا قوة الا بالله العلي العظيم

مش عارفة ارد و لا اقوال ايه

حسبنا الله و نعم الوكيل

موضوع غريب قوي

المفروض ان يكون فيه عقوبة

لان ده ما فيش كلام نصب

بس نعمل ايه في البلد

هي كده

وان ما كانش عاجبكم الحكومة بتقولكم

اخبطوا دماغكم في الحيطة

ربنا يستر علينا

ومعلش يا جميل ليكي ةلبنت خالتك

بالنيابه عن الحكومة الزفت اللي عمرها ما هتعتذر ولا هتاخد موقف ايجابي

انت بتعتب علىالحكومة اصلا الحكومة احنا اللى خلناها كدة
يبقى عاتب نفسك الاول وتعالى قول الحكومة وحشة
احنا اللى خلينا الشركات تتضحك علينا صح ولا لا
احنا اللى كل حياتنا هزار
اسهل بلد ممكن يضحك عليها
ولو حد بيقول غير كدة انا مستعد ولا ايه يانومى

بص يا بوكى ممكن يكون انت قولت جزء من الحقيقة المشكلة اننا شعب طيب
ممكن يضحك عليه بسرعة
و انا بقى عايزة اقولكم على اخر مهازل الشركة دى
"بعد يومين من الموضوع بعته رسالة يعتذروا فيها ان النتيجة غلط"

حسبى الله ونعم الوكيل