بسمع الجمله دى كتير اوى من فتره كبيره

انا ما اعرفش حاجه عن الموضوع ده

بس انا حاسه انه حاجه كبيره اوى

والحجات اللى جمعتها عنه مش مديانى فكره واضحه

انا بطلب اراء الناس اللى تعرف عنه حاجه

مش عايزه كلام كوبى يا ريت

لانى محتاجه افهم وعايزه ناس فاهمه عشان تفهمنى

ونفسى نتناقش كمان لانى بدور وبقرا حاليا

يعنى عايزه اراء الاعضاء

يلا ورونى الهمه

الاخت الكريمة/
التبديد بدعوى التجديد والتلفية باسم السلفية
قضيتان هامتان جدا يجب ان ننظر اليهما بعيني الانصاف والتدبر
فديننا متجدد دائما وقد بشر النبي بان هناك من سيجدده كل مائة عام ومن زعم انه كالثلج لا يتجدد الا بالذوبان فهو مخطئ
والتجديد يكون في اسلوب الخطاب لا في فحواه

يعني بالعربي كده وبعيد عن الكلام المجعلص اللي فوق ده كله
ان ديننا ليه قواعد ثابته واسس واضحة مثلا اركان الاسلام خمسة كلنا عارفينها واركان الايمان ستة والظهر اربع ركعات والمغرب تلاتة و...و...
لكن انا لما اجي اكلم ناس بسطا غير متعلمين عان الصلاة عشان يصلوا ويحرصوا عليها لازم اكلمهم باسلوب يختلف عن الاسلوب اللي هكلم بيه طلبة جامعيين او دكاترة جامعة
وكوني اوحد الاسلوب ابقي باقضي على نفسي قبل ما اطلع اصلا
فاذا كان تنويع اسلوب الخطاب مطلوب في العصر الواحد فهل الخطاب بني القرن السابع الميلادي هو هو الخطاب لبني القرن الواحد والعشرين ؟ !!!

هو ده مفهوم التجديد المطلوب في الاسلام ..
لكن غالب البضاعة المطروحة في السوق الثقافية وتلوكها السنة جهال القوم الذي يظنون فتح عكا في يوم وليلة وهم قاعدين اننا نجدد في اصول الاسلام ولان ده امر صعب اوي طرحه حاليا لكن هم بيمهدوا لكده ..

ومن معرفتهم ان دعواهم ستقاوم فلم يدخروا جهدا في انشاء التيار المقاوم فلا يجد الناس امامهم الا تيارين كلاهما مر
والتيار المنشا هو تيار الجمود والتخلف باسم الاصولية والسلفية
ولا اقصد سلفية الحجاز او غيرها وانما السلفية المذمومة هي كل ما كانت تدعو الى الجمود والتخلف واعتبار الاسلام ثلج لا يتجدد الا بالذوبان

طيب كلامك جميل اوى

يعنى تجديد الخطاب الدينى ده بيشمل تغيير اللاسلوب

مش المنهج

نقدر نقول ان تجربه عمرو خالد

ان يطلع داعيه شا ببيتكلم بلغه الشباب لابس هدومهم

هو ده مثال على التجديد للخطاب؟؟؟؟؟؟؟؟؟؟؟؟؟؟

اعتقد كده يا جارة وكمان تجربة عمرو خالد دى تجربة رائعة لو الكل نفذها وبعد كده ننتقل لمرحلة العلامة الكبار اللى كلامهم كبير شوية يعنى كل واحد وسنة وفهمه

واعتقد ان تجديد الخطاب الدينى يعنى اننا نطور اسلوب الحوار يعنى زمان كان فيه الكتاب والشيخ دلوقتى ف الانترنت وكده

بس فاحنا لازم نطور اسلوبنا حسب متطلبات العصر بس طبعا دون التخلى عن اى حاجه من اصول الاسلام

عجبتني الجملة دي من كلام أحمد (( التبديد بدعوى التجديد والتلفية باسم السلفية )) ..

طبعا لو فهمت في النطاق الصحيح ..


بالنسبة بقى لعمرو خالد فأنا أراه نموذج جيد ولا أكثر لأن عليه انتقادات كثيرة ليس هذا مجال ذكرها .. وأكتفي بأنه غير دقيق في اختيار أحاديثه وكثيرا ما وقع في مناكير نسبها للرسول الكريم .


تجديد الخطاب الديني مجرد جملة تقال بأكثر من غرض ولو فهمت في نطاق معناها لما احتاجت لشرح ولا توضيح ولكن الحاصل في الغالب في هذه الأيام هو تحييد الخطاب الديني عن واقع الإسلام الصحيح وإدراجه تحت واقع مغاير تنسجه فلسفات المعاصرين وأفكار المتصوفة التي لا تستند لدليل ولا قاعدة غير عموم الكلام .


أوضح أخي احمد ( أزهري صميم ) أن تغيير الأسلوب لا الفحوى هو المراد من هذه الكلمة وتبقى الثوابت متفق عليها .... واضيف له أنه لا ينبغي أن تبقى الثوابت فقط وإنما علينا أيضا أن نضيق الخلاف في الفروع الى أضيق الحدود مع علمنا أن محو الخلاف محال ولو كان ممكنا لفعله اصحاب الرسول الكريم عليهم رضوان الله وهذا لم يحدث .


وختاما فأنا أدعو إخوتي الى الحرص على أخذ الدين ممن يرتاحون له بشرط أن يكون موثوقا في عقيدته ومصادره وعملا بقول إمام أهل السنة ( أحمد بن حنبل ) حين قال : " ان هذا العلم دين ، فانظرو ممن تأخذون دينكم " ..