الغامض
Jul 25 2006, 08:47 AM
تقدم وتكنولوجيا في القمة , بدبي واكبر دليل تابعوا هذه الصور للقطار وطرق سيره , فقط الجلوس بداخل هذه
القطار ومشاهدة المناظر الاعلى يعتبر متعة خيالية يحلم بها كل واحد منا ..
واتمنى ان الموضوع يعجبكم .el3'@med
black_devil
Jul 25 2006, 09:44 AM
7aga mesh m32ola tab3an dol nas nedefa mesh zyna
Without Fear
Jul 25 2006, 12:06 PM
على فكرة ده مش حقيقي ده يمكن تصور لمشروع مترو في دبي نظرا للزحمة الرهييييييييييييييييييييييييييبة ف دبي
ولو تم هيكون حل ازمة فعلا رهيبة في دبي
وميرسي يا غامض على المعلومة والموضوع وشكله فعلا جميل
الغامض
Jul 25 2006, 06:26 PM
شكرآ ليك يااحمد على ردك ...
وطبعا يافير ماقدرش ارجعاك فى كلامك ... أكيد انتى ادرى ... انا باردوا من شكل الصوره كنت حاسس انو " ماكيت " لمشروع
يلا ... بس بجد جامد جدآآآ ... يعنى لو اتنفذ .. هايبقى شكله أكتر من رائع .
شكرآ يافير .. وشكرآ ليك ياحبى مره تانيه .
el3'@med
classic
Jul 25 2006, 11:23 PM
فعلا شكله حلو اوى لو اتنفذ
دى ناس راقية وبتفكر ف البلد مش زينا يا حسرة علينا
تسلم يا غامض
$$mem00
Jul 26 2006, 12:06 AM
هو حلو جدا بس انا متهيئلى انوا مش حقيقى
بس لو كان حقيقى بجد ه يبقى تطور فظيع ..
وشكرا يا غامض على الموضوع...
snowwhite20
Jul 26 2006, 12:58 AM
المشروع دة فعلا رائع جدا
ولو اتعمل هيغير حاجات كتير اوى فى دبى.
ميرسى ياغامض على الصور الفظيعة دى.
ام الشهداء
Jul 26 2006, 01:40 AM
اه تخيل جميل اوي.بس التنفيذ هو الاهم .
موضوع رائع.مشكوووووووووووور اخي.
Without Fear
Jul 28 2006, 09:01 AM
QUOTE(classic @ Jul 26 2006, 12:23 AM)
فعلا شكله حلو اوى لو اتنفذ
دى ناس راقية وبتفكر ف البلد مش زينا يا حسرة علينا
تسلم يا غامض
ليه بتقولي كده يا كلاسيك؟؟
على فكرة بقى
انا بعتبر مصر رائده في التطور المدني والعمراني
بغض النظر عن الاقتصاد وتدهور حال البلد
والناس
لكن لما روحت مصر من سنتين
ذهلت جدا ... من شبكة الجسور اللي في القاهرة
بجد ابداع فني رائع وحل جميل جدا جدا للزدحام
وحتى هنا.. الطرقات اللي بتبقى 5 rows دي بتبقى حاجة خرافية يعني ومش موجودة الا في دبي (نظرا لان دبي مشابهة في الازدحام للقاهرة لكن بترتيب .. وده اصعب جدا طبعا.. لانك ف مصر لو توهت تقدر ترجع وتدبر نفسك .. انما لو في دبي غلطتت ف مدخل واحد بس لشارع .. ممكن تلاقي نفسك في نص طريق ابوظبي وانت مش عارف)
وعلى فكرة ... دبي حتى الان برغم الانفاق والجسور والاشارات والدوارات وكل حاجة ...
تعتبر (فوضوية مروريا) ... والعالم كله معترف بده .. وجابو خبراء مروريين لتحليل الوضع وقالو ان مازال قدامها عشر سنين على الاقل علشان تنظم مروريا
فتخيلو دي الامارات اللي تعدادها كاملا يجي يادوب منطقة روض الفرج في شبرا (احنا هنا التعداد كله على بعضه 2.5 مليون نسمة ) 
فمعنى ان مصر فيها مشكلة قريبة من دبي .. اننا فعلا عباقرة في التنظيم
ولو بصيتو على شبكة المرور والطرق في مصر (وبالذات كمان فكرة الطرق الدائرية) .. بنظرة تقييم مش انتقاد
هتلاقو ان ده فعلا انجاز رائع ...
نصيحة روحو على القاهرة واتفرجو على شبكة الجسور ال 5 طوابق فوق بعض دي
وبالذات اللي في هندسة مدنية او ميكانيكية ... هيستوعب اد ايه ده اعمار وانجاز فني وهندسة رائع .. انك تبني جسور فوق بعضها بالطريقة دي وتتحمل القدر ده من السيارات
ده غير مشروع انا بعتبره الاهم في الشرق الاوسط من بعد قناة السويس والسد العالي
وهو متور الانفاق في مصر
وهو فعلا كمان مشروع اكتر من رائع بكتيييييييييييييييييييير
وبتمنى انه يغطي مصر كلها لانه لو حصل ... هيفضي كتير جدا من على الارض
وهيوفر مكاسب مهولة للدولة
انا بحترم المشروع ده جدا
وبصراحة .. بتبقى متعتي اني انزل واقطع تذكرة واركب المترو (اي نعم انا بنزل في اوقات مش زحمة وماشوفتش هو بيبقى عامل ازاي في الزحمة والمدارس واوقات الشغل وكده)
لكن دي مشكلة كمان ممكن تتحل لو اتوفر التمويل
باننا نعمل multi-floors ... بمعنى انهم زي ما قدرو يعملو 5 طوابق جسور فوق بعض
تكون ايضا شبكات المترو مماثلة (لكن طبعا مش على نفس الطرق)
Without Fear
Jul 28 2006, 09:14 AM
وتعليق اخير على كلام كلاسيك قبل ما ارجع لغامض
الناس هنا .. مديرين .. مهندسين .. موظفين .. عمال ... كوووووووول اللي بيفكرو في الافكار دي ويعملو الحاجات دي ... هم من خارج الدولة
مصريين ... كنديين .. انجليز .. امريكان .. المان .. يابانيين ... من كل دول العالم
فاحنا فخر لينا
ان عمران بلدنا وتطورها
من افكار اهلها وتعبهم
وبقدرات اقتصادية ضعيفة جدا جدا جدا جدا جدا جدا من هنا لبكرة الصبح اذا ما قورنت باقتصاد مصر
طيب اقولك مثال كنت لسة بقولو من يومين لنادر لما بكلمه عن الحر هنا
وبقوله اننا عندنا في الشتا داخل البيوت بيكون ابرد بكتير من برة البيت .. وفي الصيف بردو العكس وبيكون البيت حر جدا مقارنة ببرة (اذا لغيتي عامل الشمس يعني)
واستغرب جدا وقال ازاي وكده
فدي معلومة فعلا حقيقية ... مش كده وبس
ده احنا عندنا البيت اللي بيستمر 15 او 20 سنة ده ... بيبقى بيت اثري ولازم يتم هدمه
ده في المدن الداخلية كمان مش الخارجية المطلة على البحر لان الرطوبة بتأثر كتير جدا على المباني وتقلل من عمرها
فلكن ان تتخيلو بقى ان بيت يبقى عمره 15 سنة ويتم هدمه لانه اصبح غير قابل للسكن
ومش بقول كده لانه (شكلا غير قابل للسكن) ... لا .. بقول ده لان ده صحيح نسبيا
انتو عارفين انكو لو خبطتو على الجدران هنا بتسمعو فراغات جوا الجدران؟؟؟ وده طبيعي جدا لانها بتتبنى من قوالب اسمنتية مجوفة من الداخل
غير البناء في مصر اللي بيتم بقوالب طوب قوية جدا وتعيش جدا
ههههههههههههههه
ده البيت اللي بيبقى عمره 15 سنة ف مصر ده بيبقى لسة نونو ويمكن اهله لسة ماخلصوهوش كمان
نسيبنا من المباني وننتقل للطرق
انتو ف مصر الطرق بتتجدد ويعاد رصفها كل كام سنة؟؟
الشارع اللي قدام بيتكو .. امتى اخر مرة شوفتوه اترصف
احنا ده بيحصل هنا بمعدل كل 5 سنين او 7 سنين !
وده احنا في بلد داخلية يعني وتعتبر فقيرة جدا في السكان ! ومافيش شاحنات ولا غيره بيمر فيها كتير
صدقوني مصر جميلة فعلا
لو بصيتلها من ناحية عملية وهندسية وعلى المدى الطويل
انتي فكرك لو زلزال ضرب منطقة الخليج دي .. بقوة مشابهة لاقل زلزال مؤثر في مصر ... هتشوفي حاجة في البلد؟؟
ده حصل من سنتين تقريبا توابع لزلزال ايران .. وكانت بقوة 3 يمكن على مقياس ريختر ... يعني كانت لا تحس الا في ااماكنت معدودة
وبيوت كتير جدا اتشققت جدرانها وبيوت في الامارات الشمالية اتهدت
خدي المعطيات دي
وقارني
هتعرفي ان مصر فعلا جميلة
لان الجوهر قوي وعلى اسس علمية
مش شكلا حلوة وامورة ومن جوا فاضياااااااااااااا خالص
مشموشة
Jul 28 2006, 06:56 PM
فعلا فكرة خطيرة ولو اتنفذت هتكون جميلة جدا كـ منظر و حل للزحام
والصور اكتر من رائعة
تسلم ايدك يا غامض
