انا بدأت اقرأ منذ فتره قصيره

وبحب اقرأ فى كل حاجه

بس ساعات بتقبلنى كتب منحدره من حيث المستوى التفكيرى

وبندم انى قرأتها

وبعض الاصدقاء دلونى على بعض الكتب كانت غايه فى الروعه

فقلت ليه مندلش بعض على الكتب الجميله ده

ونبدأ نناقش بعض فى فكره الكتاب او فقره او طريقه عرض الكتاب

او حتى نكتفى بقرأه الكتاب

اكيد الكل هيستفيد من الموضوع ده

الموضوع مهم جدا وارجو انه يتثبت

واللى يقدم كتاب يذكر المعلومات الخاصه بيه بحيث لو حب حدا يشتريه

اسم الكتاب

واسم المؤلف

والطبعه رقم كام

وفكره الكتاب فى ملخص

واهم اللى عجبوه فى الكتاب

وايه الحاجات اللى نقدر نستفدها لما نقرا الكتاب

وجزاكم الله خيرا

ابدا انا

كتاب فى بطن الحوت

للمؤلف الدكتور محمد العريفى

الطبعه الثانيه

ملخص الكتاب

الكتاب عباره عن مجموعه من القصص حديثه وقديمه العهد عن التأبين والراجعين الى الله

وكيف اكرمهم الله وتاب عليهم وجعلهم عبره وايه لكل المسلمين

رايى فى الكتاب

الكتاب فى غايه الروعه بنقلك مشاعر واحاسيس جميله جدا

وبحسسك برحمه ربنا الواسعه جدا

اهم الحاجات اللى ممكن تستفيدها من الكتاب

يقينك وحبك فى الله هيزيد كتير

بتستفيد من اخطاء غيرك وبتتعلم من قصصهم

تتعلم كيفيه الدعوه الى الله

اتمنى ان الكل يقرأ الكتاب ده

ويبقى يفتكرنى بالدعاء

وجزاكم الله خيرا

كنت عارف ان الموضوع مش هيلاقى اقبال

لانه محتاج عضو كثير الاطلاع وكثير القراءة

بس انا ان شاء هضيف كل كتاب اقرأة عسى ان ينفع به اى مسلم من المسلمين

وجزاكم الله خيرا

على فكرة موضوع رائع جدا

وعبقرى زى صاحبه

جزاك الله خيرا

وعلى فكره المؤلف ده رائع وكتبه حلوة اوى

بس للاسف مش قريتله الا كتاب انها ملكة

اللى الاخ فارس كان تكرم وعرض جزء منه بدون ان يعلم انه من كتاب

فموضوع هل قابلت من قبل ملكه

وهو كتاب يسرد بعض قصص من ثبتوا على دينهم مهما تعرضوا له

وعلى فكرة فكرته حلوة احنا ممكن نتعاون لثقلها

والله المستعان....

الدكتور محمد العريفى غنى عن التعريف

الافكار الجميله والاسلوب الراقى فى الكتابه

ربنا يبارك فيه وفيكى يا كلسيك

اشكرك على مشاركتك معاى فى الموضوع

واتمنى انك تشارك دايما

جزانا واياكم

ربنا يبارك فيك ويجزيك خير

قرأت لكم



كتــــــاب : ( سباق نحو الجنــــان ) كيف تجعل قلبك اسرع القلوب؟

للدكتـــــور :خالد احمد ابو شـادى

انا سمعت عنه انه كاتب متميز وده ما يوضحه الكتاب ايضا
موضوع الكتاب عن :

- كيف اننا نهلك الوقت فى غير طاعه الله ؟

- كيف ان الصحابة الاجلاء كانوا يستفيدوا بكل ثانيه بل وكل لحظة من وقتهم

فى طاعة الله .

- ويحدثنا عن الموضوع وكأنه سباق ونحن المتسابقون .

- ويذكر لنا امثلة مضيئة من الصحابة والسلف الصالح وطرقهم وسبيلهم الى ذلك .

- والكثير والكثير من ذلك.

واسلوبه فى عرض الموضوع رائع واستشاهده بالكتير من الاقوال المأثورة للسلف

وابيات الشعر الدينى الرائع ويعتمد بشكل كبير على ابن الجوزى فيشوقكك لمعرفه

المزيد عن هذا الزاهد ، فاتمنى ان تنالوا متعة قرأته والله المستعان .....

جزاك الله خيرا

باذن الله تعالى فى زياره المره الجايه للمكتبه انا هدور على الكتاب

واقولك راى فيه ايه؟

شكرا على عرضك الجميل

جزانا واياكم اخى الفاضل

فكرتك العبقرية طبعا

كتاب لا تحزن

للدكتور عائض القرنى

بصراحه الكتاب ده اكثر من رائع

ممكن اقول عليها انه دعوه للتفائل

وهكتفى بذكر ما قاله المؤلف فى نهايه الكتاب

هذة دراسه جاده أخاذة مسؤوله , تعنى بعالجه الجانب المأسوى

من حياة البشريه, جانب الاضطراب والقلق , وفقد الثقه ,والحيرة , والكآبه والتشاؤم ,

والهم والغم والحزن والكدر واليأس زالقنوط والاحباط .

وهو حل لمشاكل العصر على نور من الوحى وهدى من الرساله , وموافقه مع الفطرة

السوية , والتجارب الراشدة , والامثال الحيه , والقصص الجذاب , والادب الخلاب , وفيه

نقولات عن الصحابه الابرار , والتابعين الاخيار , وفيه نفحات من قصيد كبار الشعراء ,

ووصايا جهابذة الاطباء , ونصائح الحكماء

, وتوجيهات العلماء , وفى ثناياه اطروحات للشرقيين والغربيين , والقدامى والمحدثين

كل ذلك مع ما يوافق الحق مما قدمته وسائل الاعلام , ومن صحف ومجلات ودوريات

وملاحق ونشرات , فكأنه يقول لك

اسعد واطمئن وابشر وتفائل ولا تحزن

الكتاب ده جميل جدا

وانصح كل واحد حاسس بضيق او هم او غم

او حاسس بالياس انه يقراءه

اولا جزاك الله خيرا

ثانيا سبحان الله انا كنت خارجه من كام يوم انا وواحده صحبتى ووعدينا على بائع جرائد ومجلات وكتب وكده

فلمحت اسم الكتاب ده فقلتلها الكتاب ده ليا المفروض اشتريه

انا هاروح اشتريه بقى طيراااااااااااااااان

الله موضوع جميل جدااا...

وانا قريت من الكتب دى كتاب(( لاتحزن))

بجد رااااااائع لابعد الحدود...

وفيه حل لكل المشاكل الى ممكن تقابلنا فى حياتنا

والنبذه الى كتبها ابو جوده

هى فعلا النبذه الموجوده على الكتاب

اتمنى فعلا انكم تقروه

وانشاء الله احاول اقرا بقيت الكتب واقلكم رأيي

مشكور ابو جوده على الموضوع

ربنا يبارك فيكى يا اسيرة

وجزاك الله خيرا يا يارا

بس احنا عايزين نستفيد من ثقافتك يا اسيرة

ياريت ترشحلنا اسم كتاب على الاقل عشان نقراءه

بسم الله ..


أولا : بجد فعلا يا أحمد جزاك الله كل خير على مواضيعك

ليها طعم تانى واحلى من اى مواضيع فعلا



وخصوصا الموضوع ده


بس احنا فعلا عاوزين نناقش أفكار كتب كمان


يعنى المفترض ان احنا نقرأ الفكر السليم

ونشوف برضه الافكار الغلط

ونشوف ايه الرد عليها وازاى نناقشها ؟؟

ولا ايه رأيكم ؟

بسم الله


النهاردة معانا كتاب قرأته من فترة ليست ببعيدة


أسم الكتاب / كانوا

الكاتب / عبد الرزاق نوفل

الكتاب فى حجمه صغير

لكن بالنسبة للمحتوى فهو غنى جدا

الكتاب زى ما اسمه واضح يبين مواقف للصالحين

مواقف لسيدنا محمد ومواقف للصحابة ومواقف للتابعين

لكن ما الجديد فى الكتاب ؟؟

الكتاب وإن كانت فكرته متشابهة جدا مع كتب آخرى


غير أن الكاتب وبطريقة سينيمائية يعرض القصة بلغة سهلة واسلوب بسيط جدا

حتى عنونة القصة بطريقة جميلة فيأخذك الى عالم تانى

وتعيش مع الموقف كأنك شايفه

والكاتب يجذب القارئ دون أن يشعر إلى القراءة دون ملل

فاذا انتهى القارئ من موقف ما يجد نفسه دون وعى يدخل على الاخر

لجمال المواقف واسلوب الكاتب

ثم ينتهى بذكر الفائدة على كل موقف


والكتاب به حوالى ما يزيد عن 50 موقف

وكل منهم أجمل من الآخر


الكتاب سعره بسيط وفى مقدور الجميع

وأثر عليا فى حاجات كتير بجد



أتمنى إنكم تقرأوه وتشوفوه ..

جزاك الله خيرا يا احمد ان شاء الله لازم اقرأه

وانا معاك ف اقتراحك ده وانا كنت اقترحت على ابوجودة اقتراح كده

ياريت لو نناقشه علشان الفائده تعم ونشجع الناس على القراءه والله المستعان ان شاء الله

جميل يا نادر طول عمرك

ربنا يبارك فيك انت ويارا

انا عامل الموضوع ده عشان نناقش الافكار

اكيد هنتسفيد كتير

اتفقوا على كتاب كلنا نقراءه وننقاشه حته حته

ويا يارا انا بفكر فى فكرتك

وان شاء الله ربنا يهدينى لحاجه مميزة عشان انت تستهلى حاجه جميله فعلا

انا برشح كتاب لا تحزن

لانه مهم جدا فى الفترة ده

وغير كدة انه منتشر فى كل حته

واحب طبعا اسمع ارأكم

ربنا يكرمك ويعزك يا ابوجودة ان شاء الله هنزل اشترى الكتاب بكرة

وانا موافقه نناقشه

لانى بشهد الفترة دى ركود فكرى وايمانى ربنا يساعدنى بكده انتو هتشجعونى اقرا

ربنا يكرمكوا يارب

الحمد لله

انا احب اشكر اللى كان السبب فى تثبيت الموضوع

ولو انى مش عارفه

بس قوله

جزاك الله خيرا

جميل يا ابو جودة ..

ويا جماعة يا ريت نشاركوا

بس أنا بقول نناقش كتاب فيه بعض المخالفات لينا

صح ؟؟

وكل واحد يوضح وجهة نظره ويقول هو شايف ده صح ولا لا


ولا ايه رأيكوا ؟؟؟

اكيد مفيش مشكلة المهم انتو اختاروا الكتاب المناسب واحنا نبدا بيه

وربنا يقدم اللى فيه الخير

مفيش مشكله

انا بحملك يا نادر مسؤليه اختار الكتاب

علشان انت افضلنا على ما اعتقد فى الثقافه

لكن انا لسه فى البدايه

ربنا يوفقك

ليه الإحراج ده بس يا أحمد


لا أفضل ولا أى حاجة والله

انت والله استاذنا


وربنا يكرمك يارب


استنوا عليا لحظتين لان معايا كتاب حلو ولإمام كبير

بس هشوفه ينفع ولا لا ..

بسم الله


يا جماعة أنا فكرت شوية ولاقيت إن الكتاب اللى قصدى عليه مش هاينفع نناقشه ..


فأنا بقول زى أبو جودة


كتاب لا تحزن حلو

نبدأ فيه أفضل ..

ايه رأيكم ؟؟

تقبلنى معاكو يانادر ؟

بس عايز اعرف هاقراه ازاى ؟

اكيدطبعا يا متواضع انضم لنا انت وكل اللى يحب

بس عايزة اعرف هنبدأ امتى؟

جميل طبعا انك تشارك معانا يا متواضع

ان شاء الله نبدأ من النهارده

الكتاب عباره عن فصول كتيره وصغيره

ايه رايكم نقراء اول 5 فصول

ويوم الجمعه ان شاء الله نبدأ النقاش فيهم

والله المستعان

انا جبت الكتاب اخيرا يا شباب لسه جايباه حالا

بس قولولى لحد فصل ايه

على فكرة يا جماعة الكتاب ده شكله تحفه

وعايزظين الكل يشارك معانا

جميل يا يارا ايجابيتك وحيويتك ده

ان شاء الله اول 5 فصول بس

ونبدا نتكلم فيهم يوم الجمعه

ان شاء الله نتكلم حتى موضوع

اترك مستقبلك حتى ياتى

ص 38

والله المستعان

جميل يا أحمد ..


وزى ما اتفقنا انا وانت

فيه خطة ومنهج لمناقشة الكتاب ..

ويا ريت اللى عنده اقتراحات عليها يقول

أولا إحنا هنقرأ الفصول المحددة

بعد كده كل واحد يكتب أكتر حاجة عجبته وليه ؟؟


ثم بعد كده نكتب ايه الحاجة اللى مختلف فيها مع كاتب الكتاب او ليك تعليق عليها

وفى الآخر لو كنت مكان الكاتب كنت كتبت ايه وايه الإضافات اللى ممكن تضيفها

سواء قرآن أو احاديث أو كلام ناس او من كلامك انت ..


ماشى ؟؟


وزى ما قلنا يا ريت للى عنده اقتراح يقول ..

وجزاكم الله خيرا ..

ماشى يانادر اوكى

بس فين الناس

اما انا فقرأت لكم
النظريه النسبيه العامه والخاصه
للدكتور البرت آينشتاين
النسخه 15
مترجمه الى العربيه من خلال ماما سوزان (ربنا يخليها)
الفحوى: كل ما اراده هو معرفه كيفيه وجود هذا الكون
وشرح فكره نسبيه المكان والزمن وثبوت الضوء والكتله والطاقه
لا اعرف كيف سأشرحها................


مثال:جسم بيتحرك يبقى بيقطع مسافه
يبقى يستغرق وقت لحركه........اذا المكان والزمن مترابطين
لكن لو جسمين متحركين بنفس الكيفيه في مكانين مختلفين من الكون فان الزمن المقطوع عند الاول هيبقى مختلف عن التاني
والاختلاف هيكون بسبب اختلاف المكانين عن بعضهم لكن طاقه الحركه لكل واحد فيهم متساوي
وبذلك وضع حجر الزاويه الخيره في وصف الجسم المتحرك او الساكن


وقد اكتشف ان الضوء سرعته ثابته في الفراغ مهما اختلف المكان والزمان
واكتشف ايضا ان الكتله يمكن قياسها بمقياس موحد وكذلك الطاقه
وقد جمع النواتج السابقهفي قانون بقاء الكتله والطاقه المشهور
ُE=MC2 (ال2 تعني التربيع)
اي ان اي فقد في الكتله يتحول الى طاقه والعكس.
وكل النواتج والنظريات تقول (يمكننا السفر عبر الزمن)
وكان ذلك ملخص ما فهمته من الكتاب .

جميل يا دكتور محمد

جزاك الله خيرا

بس يعنى ايه يمكننا السفر عبر الزمن

مفهكتش الجمله ده

هناقش إمتى يا جماعة ؟؟


أنا مجهز الكلام بتاعى


وهاحطه بكره إن شاء الله الصبح ..


ماشى ؟؟

عاوزين نشوف المشاركة يا جماعة ..

مش المفروض النهارده

يا جماعة حددوا علشان انا ماشيه ولودخلت يبقى عشانكوا مخصوص

الرد على ابو جوده:


كان قصدي اننا لو استعطعنا خضع الجسم وتحريكه بسرعه الضوء او تقترب منها
فانها تختفي فجأه وتظهر في المستقبل او تعود الى الماضي
تكون قد ظهرت من قبل ونسفرها بعد ذلك لتختفي وهكذا
انا استبعد الجزء الاخير الان الجسم عندها في دائره مغلقه لا يستطيع الخروج منها
كما لوسفرنا فأرا للوراء بنصف ساعه
فأن الفأر المسكين ستكون حياته محصوره في تلك النصف ساعه حيث يعود ليجد نفسه في قفصه لنصف ساعهثم نسفره مره اخرى بالنسبه له بينما بالنسبه لنا هي الاولى
ارأيت التعقيد الرهيب
وكثير من النظريات انهلك منها العلماء لكي يأتو بها.


وفكره السفر عبر الزمن اصبحت فرعا مهما في جميع العلوم الانسانيه والعلميه


صدق او لا تصدق: اصبحت تشكل جزءا واسعا من العلوم الفلسفيه حول ما يمكن ان يحدث لو سفرنا بشريا عبر الزم للوراء او للامام .

اظن انك فهمت الآن مامعنى السفر عبر الزمن.
انا مستعد للاجابه عن اي استفسارعما كتبت
وفي اليوم التالي ساجيب.


باااااااااااااي

ويظهر ان حبك للعلم يادكتور أبو جوده انساك المناقشه الي كانت قبلي


معلش على المقاطعه................عندما وقع الكتاب في يدي...وقرأته ...لم اتمالك نفسي حتى انشر ما فهمت
على المنتدى..............
وبالصدفه وجدت مندى مخصص للفيزيائين....
وجدت عضو منهم لديه نقد للنظريه النسبيه وبالمعادلات كمان

تصوروا......وطلب مناظره بين الاعضاء الباقين.....لاثبات نقده.


وانا لم افهم شيأ من ما كتبوا ....لاني سنه اولى حضانه في العلم

وبكده لما تخلصو مناقشتكم المنتظره....نبقىنتكلم على رواقه
يلا باي

السلام عليكم..
موضوع متميز كعادة مواضيع أبو جودة
الفكره جميلة جدا بس انتو بداتو ومكملتوش ليه يا جماعه؟؟
انا عندي الكتاب على الجهاز ممكن انزل الاجزاء الخمسة الي هنتكلم فيها ان شاء الله عشان اللي معندوش يقدر يتابع معانا ويستفيد

وياريت تحددو هتبداو امتى عشان ابدا معاكم

وجزاك الله خير أبو جودة

د.محمد ربنا يكرمك وانا مهتم فعلا بالمواضيع العلميه جدا

وياريت تتطلعنا على كل مايقع تحت يديك من جديد

ويا مرحب بيك يا صافى

مش عارف ليه والله؟

انا جت الفترة اللى فاتت كنت مشغول جدا فقرأت لكن لم يسعنى الوقت لاكتب الملخص


بس ملحوقه

ونبدأ من جديد

والله يا صافى انا موجوده ومجهزة شوية استفسارات كده

بس معرفش ابو جودة غايب بقاله فترة

عموما شوفوا هتبداو امتى وهاحاول اتابع معاكو وانا مسافرة وربنا يقدرنى بس

طيب جميل جدا


انا الكتاب عندي بقاله كتير جدا

لكن بقالي اكتر من 5 سنين ماقرأتوش


وعايزة اقترح بكرة بعد اذنكو يا جماعة


من رايي ان تلخيص الكتاب ومناقشة فكرة او نظرية

تبقى افضل لو كانت في موضوع خاص في الواحة المخصصة


يعني نادر بيقرا مقالات وكتب علمية ويشرحها بطريقته واسلوبه ويناقش النقاط اللي فيها

وقام بالفعل باضافة مواد علمية في ركن بنك المعلومات

ف ممكن نتبع نفس الاسلوب ... بحيث مثلا كتاب لا تحزن


نعمله موضوع خاص هنا وتتم المناقشة والعرض فيه


واذا مثلا حد قرا عن حاجة علمية زي الاخ محمد بدر الدين .. ينشرها في الواحة هناك


ويتم الحاق الرابط في الموضوع هنا

بحيث يقتصر الموضوع هنا على ترتيب او تلخيص او عرض لفكرة كتاب

وتكون المناقشة عن الكتاب منفردة في موضوع خاص

انا حابة اسمع اراءكو

ومع الاسف ملحقتش ابتدي معاكم من الفصول الاولى ل (لا تحزن)

لكن في استعداد للبدء معاكم

والله عندك حق يا فير
وعلى فكره.......

مفيش حد ناقش اصلا عشان تلحقيهم
لكن فكرتك ممتازه وهنفذها مع كتابي ........

فكرة حلوة يا فير

وفعلا احنا مبدأناش اصلا

وعلى فكرة انا كنت نزلت ملخص لجزء من الكتاب او ميكس كده

اسمه رساله للمكتئبين

احط اللينك هنا ولا ايه؟

انا لقيت شرح لجزء من الكتاب(النظريه النسبيه الخاصه والعامه)

والجزء يشرح النسبيه الخاصه

وحطيته في بنك المعلومات
واللينك هناالنظريه النسبيه الخاصه

فكرة ممتازة يا فيرا

وانا ان شاء الله هنزل الموضوع النهاردة وهنزل الرابط هنا

وعايزين نبدأ عشان كدة اتاخرنا كتير

والله المستعان

انا نزلت الموضوع باسم لا تحزن

الرابط اضغط هنا

والله المستعان

فكرة حلوة يا فير وانا معاكم

للرفع


والمتابعة