classic
Aug 25 2006, 04:31 PM
اخوانى اخواتى ف الله .....
كل عام وانتم بالف خير هتقولولى ليه ؟... هاقولكوا النهارده اول شعبان
طيب نعمل ايه يعنى ... هاقولكوا ده شهر معظمنا ميعرفش قيمته
المهم ندخل ف الموضوع علشان مطولش عليكوا
فى حديث شريف للاسف مش حفظاه ولكن فيما معناه :
( ان اسامة بن زيد سال الرسول - عليه الصلاة والسلام لماذا يكثر الصيام فى شهر
شعبان فأجابه بأن هناك شهر بين رجب ورمضان يغفل الناس عنه فيه ترفع
الاعمال ويحب ان يرفع عملى وانا صائم )
هذا رسول الله فما بالنا نحن اين نحن من هذا ...
وعن السيده عائشة رضى الله قالت فيما معناه انها لم ترى رسول الله يصوم شهر
كاملا سوى رمضان ولم تراه يصوم شهرا غير رمضان مثل شهر شعبان
وفضل رفع الاعمال فى شعبان لا يعلمه الا الله ولكن يمكن ان نستخلص من
احاديث المصطفى عليه الصلاة والسلام بأن الله اكرمنا ف شعبان بتحويل القبلة
وتوحيدها الى المسجد الحرام كما يعتبر شهر شعبان نهاية للسنة التشريعية
حيث يأتى رمضان اللذى انعم الله علينا به وفيه انزل القران وفيه ليله خير
من الف شهر وبدايه لسنة روحانية جديده وعتق من النار بأذن الله ...
وفى النهاية احب اقولكوا ياريت نبدا سوا مع بعض بداية جديده ونسيب بقى
الاكتئاب اللى احنا فيه واللى سيبناه يسيطر علينا وعيشنا نفسنا فيه
صدقونى احنا وهمنا نفسنا وعشنا ف الوهم ده وسايبين الشسطان بيتفرج علينا
وهو فرحان بينا جدا ياجماعة لا تشمتوا بنا الشيطان
انا بقول نبدا نصوم من بكرة كام يوم كده ف سبيل الله او نصوم اتنين وخميس
وايام النصف من شعبان ونجدد توبتنا ونقرأ القران اللى كتير مننا هجروه وانا
اولكوا انا عن نفسى حاسة ان الشيطان مسيطر عليا بقاله فترة
بس انا خلاص زهقت فقولت اعمل الموضوع ده تذكرة لينا
ومحاولة لان نشدد من أزر بعضنا ببعض واتمنى ميعديش شعبان علينا زى كل سنة
والله المستعان ,,,
الشمس المشرقة
Aug 25 2006, 04:37 PM
فعلا و الله
عندك حق في كل كلمة قولتيها
عايزين نفتح صفحة جديدة مع نفسنا و مع ربنا
و اللي بيدور ع السعادة الحقيقية
مش هيلاقيها إلا في طاعة ربنا
شكرا يا كلاسيك علي تذكرتك لينا
و جزاكي الله خيرا
الغامض
Aug 25 2006, 04:40 PM
اولا : كل سنه وانتى طيبه .. وكلكم طيبين بخير .. والامه الاسلاميه كلها .
ثانيآ : انا فعلا كنت لحد دلوقتى ماعرفش فضل شهر شعبان .. وليه الناس بتصوم فيه .. الخ .
فاشكرك طبعا يايارا على التذكره دى ... وكمان متفق معاكى فى كل كلمه قولتيها لان احنا اللى بنخلق جو الكأبه من حوالينا .. وده دليل على فشلنا
وعلى ان الشيطان ماشاء الله يعنى .. مبسوط مننا جدآ ... اتمنى والامنيه دى طبعا ليا وليكم اننا نبسط ربنا بدل مانبسط الشيطان ... واسئل الله الهدى لنا جميعآ .
وشكرآ ليكى يايارا مره تانيه على الموضوع والتذكره الاكثر من رائعه .
.. ،،،،
الغامض
Aug 25 2006, 04:41 PM
وكمان ياريت ياجماعه لو حد عندوا معلومات اكتر عن فضل شهر شعبان ... يتفضل ويقولنا عليها .
.. ،،،،
classic
Aug 25 2006, 04:42 PM
الشكر لله يا جماعة وجزاكم الله خيرا على مروركم
احنا اخوات وفايدة الاخوات انهم يفكروا بعض ولا ايه
ربنا يخليكوا ليا يارب
والله بحبكوا كلكوا ف الله
وربنا يهدى الجميع
akrm-nagy
Aug 25 2006, 05:01 PM
جزاك الله كل خير على التزكرة
وجزاك الله خيرا مضاعفا على الروح اللى بتبثيها فينا ..
والطاقة الجميله اللى بتشحنينا بيها .. للتخلص من عيوبنا
جزاك الله كل خير يا كلاسيك .. وان شاء الله هصوم الثلاثاء والخميس القادمين
كبداية ... وياريت يا جماعة كل واحد مننا يحاول يقرأ قرأن
ولو صفحة واحدة كل يوم .. صفحة واحدة
CAMARA
Aug 25 2006, 05:55 PM
اللهم بلغنا رمضان
و اعنا علي صيام رمضان
مشكور ع الموضوع الجميل
classic
Aug 25 2006, 06:20 PM
نورتنى بردك يا اكرم وجزانا واياكم
ويارب بس نبدا سوا كده كلنا يا جماعة والله الموضوع يستحق العناء بجد
اللهم امين يا كمارا شكرا على مرورك
classic
Aug 26 2006, 12:53 AM
ايه ياشباب محدش ناوى يصوم معانا ولا ايه؟
موج البحر3
Aug 26 2006, 02:09 AM
جزاك الله كل خير يا كلاسيك
classic
Aug 26 2006, 02:13 AM
واياكم يا عسل منوررررة
شمس الوداع
Aug 27 2006, 12:07 AM
شكرا ياجميل على الشحنه دى
والمفروض احنا اصلا نبدأ نستعد لرمضان من اول شعبان
انا الحمد لله بدات بقراءه جزء كل يوم
وهبدأ ان شاء الله اصوم بعد اسبوعين كده من الشهر
وانتى اكيد يايارا عارفه السبب " الدوا وكده "
يالا ربنا يعينا كلنا
ويبعد عنا ابليس واعوانه
وياريت نعمل برنامج نمشى عليه كلنا فى الشهرين دول
لانهم مهمين جدا
وجزاكى الله كل خيرا
classic
Aug 27 2006, 12:17 AM
الشكر لله يا قمر
الف سلامة عليكى يا حبى
انا كمان بدات من النهارده اقرا جزء واحفظ صفحه كده ولا حاجه وهاصوم ان شاء الله من يوم الاتنين
يارب بس باقى الناس يبدوا معانا علشان نشجع بعض
classic
Aug 27 2006, 11:21 PM
على فكرة يا شباب المفروض بكرة صيام
مين هيشجعنى ويصوم معايا ولا مش ناوين ولا ايه ؟
