الشمس المشرقة
Aug 31 2006, 11:21 PM
هل يستطيع المخ البشري رؤية الأصوات و الكلمات التي يسمعها علي شكل ألوان مختلفة، لكل كلمة أو صوت لون محدد ؟
هذا السؤال يبدو غريبا لكن ظاهرة سماع الأصوات و الكلمات علي شكل ألوان موجودة بالفعل و خضعت مؤخرا إلي دراسة مهمة بدأت بخطابات أرسلتها سيدة أمريكية إلي عدد من المجلات العلمية تشرح فيها أنها تستشعر الأصوات التي تسمعها و كأنها ألوان تراها بعيون خفية في مخها.
عند وصول خطاباتها إلي فريق من علماء النفس و المخ و الأعصاب جاء تفسير أشد غرابة خلاصته أنه أثناء نمو الجنين يقوم المخ بتصنيف حواسه و تقسيمها إلي مراكز متخصصة و منفصلة، و في بعض الحالات لا تكتمل هذه العملية و تبقي بعض الروابط قائمة بين بعض المراكز و خصوصا بين مركزي السمع و الإبصار. فكل صوت يتحول إلي لون محدد ينبعث من المخ و يختلط مع مراكز الإبصال ، ليصبح مرئيا و مترجما بهذه اللغة الرمزية الفريدة !
فارس جزيرة الاحلام
Aug 31 2006, 11:54 PM
سبحان الله
شكرا ا مي علي المعلومه ..
classic
Sep 1 2006, 01:30 AM
سبحان الله جزاكى الله خيرا يا قطتى
الغامض
Sep 1 2006, 02:14 AM
شكرآ يامى على المعلومه .
جديده بجد .
الشمس المشرقة
Sep 1 2006, 03:04 AM
شكرا يا .....
فارس،،،،،
كلاسيك،،،،،
الغامض،،،،،
علي المرورر و الردود
نورتو الموضوع
محمد بدر الدين
Sep 1 2006, 03:58 AM
سبحان الله
المخ مازال الكون الصغير الذي لم نرى كل مجراته بعد
Without Fear
Sep 21 2006, 11:03 AM
سبحان الله
انا احيانا لما بكلم شخص
بحس بلون معين بينبعث منه
والغريبة
اني في الفترة الاخيرة على موقع تيكيل ... عملت اختبار لللون الموافق للشخصية ووانا بعمل الاختبار حسيت اني اجوبتي ليها لون معين ... وطلع بالفعل هو اللون الموافق لشخصيتي في الاخر
واخدتها لعبة بعد كده
وبقيت اكلم الناس اون لاين واستشعر اللون اللي بحسه من كلامهم وبعدين اخليهم يعملو الاختبار واقولهم هتطلعو بلون كذا
المعلومة جميلة جدا جدا ي شموسة
سلمت يداكي
MoNy
Sep 21 2006, 02:56 PM
سبحان الله
شكرا كتير يا شمس على المعلومه الرائعه
الشمس المشرقة
Nov 24 2006, 12:56 AM
اقتباس
سبحان الله
المخ مازال الكون الصغير الذي لم نرى كل مجراته بعد
فعلا ...برغم كل اللى اتعرف عن المخ من أسرار
إلا إن لسة فى حاجات كتيير لا يعلمها إلا الله
شاكرة لمرورك و تشريفك الموضوع
Without Fear
Nov 24 2006, 08:27 AM
سبحان الله
وما اوتيتم من العلم الا قليلا
طيب ي جماعة
حد قدر يفسر لغاية دلوقتي ازاي بيت هوفن ... قدر يعمل السيمفونيات والروائع دي كلها
وهو اصمّ؟؟
ناس كتير اتحججو بانه لم يولد اصم وبالتالي كان عارف الاصوات
لكن بردو ازاي التالق والابداع ده طلع من شخص اصمّ؟؟؟
ومشكورة ي شموسة على الموضوع والمعلومة 
---------------
هههههههههههه
ايه حالة النوم اللي انا فيها دي
انا رديت هنا قبل كده
هههههههههههههه
بس بردو الموضوع جميل ي شمي
أزهري صميم
Nov 25 2006, 03:18 AM
موضوع محتاج تفكير دقيق فعلا
شكرا يا شمس
عادي يا فير .. وازاى بشار بن برد وابو العلاء المعري وطه حسين وصفوا الوصف الرهيب في كتابتهم سواء شعر او نثر وهم عُمي ؟؟
محمد بدر الدين
Nov 25 2006, 02:38 PM
انا عارف بيتهوفن كان بيحل مشكلته ازاي..
كان عيب صممه هو طبله الاذن..
فكان بوصل انابيب نحاس صغيره من اوتار البيانو للفم
تلتقط القوقعه السمعيه الاهتزازات مباشره دون الطبله
ويسمعها قريبه من الي كان بيسمعها من الطبله
بس يا سيتي
اما عن رؤيه الالوان المنطبقه للشخصيه
فأحب اقولك اني بحسن ارسال الراديو بطريقه مدهشه..
والاجهزه المعقده زي الكومبيوتر..بتتجاوب معايا بشكل افضل من غيري..
ممكن تقولي انها بتحبني او بتتواصل معايا...مش عارف افسرها ازاي
طيب سؤال....انا لوني ايه؟؟
محمد بدر الدين
Nov 25 2006, 02:57 PM
حاجه كمان ...انا بتكهرب من سلك التليفون
وساعات بحس بالكهربه في الجو وقت المطر..
والبلاستك معظم الاحيان بيلزق بكهربيه استاتيكيه في جسمي
والي يعاشرني فتره وجيزه...اقدر اقرا افكاره...بطريقه لا اراديه
واتوقع حاجات هتحصل..وانا نايم..مش مجرد احلام...لا مجرد افكار تتوارد بسرعه لا صوره لها...زي الراديو كده
هتقولي عليا مخبول لو قلتلك اني بحس ..او بسمع ماما او باب ينادوني
اروحلهم الاقيهم كانو بيفكرو لسه ينادوني...
اقولك ايه ولا ايه...
اقدر استشف مدى الشخصيه وقوتها وحاجات كتير بمجرد كلام على الماسنجر مع واحد...
هتقولي عليا فشار او قولتلك اني اوجدت مشاكل ونظريات علميه كنت اول مره افكر فيها او ابتكرها...او ادرسها
الاقيها متقاله من ايام 1900 بالنص
ولسه محتارين فيها..وكله بمجرد التخيل والمقارنه بين النماذج المفترضه والمكتشفه..من غير الكلاكيع بتاعه العلماء..
اقولك اني مره قدرت اميز حيود الضوء بمجرد النظر من خلال طرف كبايه قزاز
او طرف اي شيء له طرف...والفرق بسيط جدا لدرجه لا تصدق...بس موجوده
برده اقدر اميز هالات حوالين كل واحد ماشي في الشارع
زي كبيات الازاز لما يعدي فيها النور العادي...تلاقي الصور معوجه...بس الاعوجاج بسيط
اي حد ممكن يلاحظها لو دقق كويس...
انا طولت في الكلام عن نفسي...
الا ان كله هيضيع مع الوقت والانشغال بالحياه...
كله بياخد نصيبه..
وكويس انكم فتحتم الموضوع....في البيت فاكريني مخبول او بستهبل....كويس اني لاقيت حد شبهي...