غاية ازاى ؟؟؟؟

يعنى انتى فى كليه اية ؟؟ لكى خبرة فى المحاسبه ؟؟؟

تعرفى نظريه القيد المزدوج ؟؟؟

اصل انا مش هبدأ من الصفر يعنى

انا هفترض ان اللى قدامى فاهم بعض حاجات

وبجد نورتينى بردك دا ومشاركتك دى .. وخصوصا انها اول مشاركه ليكى

دا شرف عظيم ليا

بأنتظار اى حد تانى

باشا من يومك يا ريس

بس ازاي يا راجل تقول ان مفيش غير نومي

واننا هنوجع دماغنا

معاك يا ريس بصفتي طالب فاشل في كلية التجاره

منتظرينك يا استاذ

بجد يا باشا ؟؟؟؟

والله أول مرة أعرف انك كليه تجارة

نوووووووووووورت يا زميل

هههههههههههههههههههههه

بالنسبه لأاى عضو واخد الموضوع هواية

لازم على الاقل يكون عارف يعنى اية دفاتر .. يوميه واستاذ

ولازم يكون بيعرف يسجل فى اليوميه بالقيد المزدوج

مش لازم يكون بيعرف يسجل صح .. بس يكون عارف الطريقة حتى

أنا لا أعرف شئ بس أحب أن أتابعك..

انا عن نفسي نفسي افهم الحجات دي

ومتزعلش يا اكرم ادينا هنا بجد المرادي عايزه افهم مش عشان متزعلش...

بس انت اعارف التخصصات في الحجات دي والاهتمامات

هيا الي بتخلي الواحد يدخل هنا ويشارك

فعمني اكيد.....

وشكرا يا استاذنا..

سبحان الله

انا كنت مخيل ان محدش هيرد على الموضوع دا غير نومى ...

دلوقتى 3 شاركو .. وهيا لسه ..ههههههههههههههههههه

اوك انا هبدأ فى أقرب فرصة

طب وانتى تخصص أية يا مونى ؟؟؟

يعنى بنوتة كدا طالما مش عارفة الحاجات دى هتتعب معايا جدا لما تفهم

أتمنى انك تكونى فقاهمة المبادئ على الاقل

ولو حتى فاهماها غلط .. مش مشكله انا هظبطها

قبل ما نبدئ عاوزين نعمل حاجة كدا زى اختبار تحديد مستوى

هههههههههههههههههههههههههه

فى أى جانب يسجل المصروف ؟؟ ( مدين أم دائن )

متى تكون النقديه مدينه ومتى تكون دائنه ؟؟

اممممممممممممممممممممممممم

نقول ايه تانى ؟؟؟؟

سجل العمليه التالية بقيود اليوميه


تم شارء تكيفات لمقر الادارة بالشركه ودفع نصف ثمنها بشيك

والباقى على الحساب ...


طبعا دا كلام نظرى قوى ... بس عاوز أعرف الناس فاهمه اية علشا أشوف هبدأ منين ؟؟

تمام ياريس انا اقووول


السؤال الاول

المصرووف دائن


النقديه تكون مدينه اذا كانت تحصيل ايراد مثلا كبيع بضاعه

ودائنه اذا كانت في حالة دفع كشراء بضاعه


السؤال الثاني وبما ان الجو حر نقول


نعتبر التكيفات هنا اصول ثابته

يبقي هنقول

من حساب :التكييفات او الاصول

الي مذكورين
حساب البنك
حساب مشتريات اجله

تم تعديل المشاركه ....

هههههههههههههههههههههه

يبقى نقدر نقول مبدئيا ان اللى هيشارك معانا نومى وفارس

اما بنوتة ومونى هيكتفو بالمشاهدة

لأان بجد الكلام اللى انا هقوله كلام عملى جداااااااااااااا

ازاى تشغل شركه محاسبيا فعلا .. مصنع .. مجموعة شركات كمان

فمعتقدش انكو هتفهموا حاجة

عموما انا هحاول .. وربنا ييسر

بالنسبه لفارس ...

حسبى الله ونعم الوكيل يا فارس

المصروف عمرة يا يكون دائن ابدااااااااااااااااااااااا

الا فى حاله واحدة بس ودى نادرة الحدوث

دا انا كنت بقول السؤال دا باميه كدا

بس دا ميمنعش ان اجابتك للأسئله التانيه صح يا باشا

بس محتاجة تعديل ..

يعنى مفيش حساب أسمه مشتريات أجله

وحساب البنك لازم نقول معاة حاجة كمان غير البنك

عموما هنشوف كل الكلام دا لما نشتغل مع بعض ان شاء الله

ايه يا عم أكرم الكلاااااام بتاعك ده ؟؟

عاوز ااتفهمنى انك دخلت الكلية فاهم الحاجات الغريبة اللى بتقولها دى


انت بقى مطالب تشرحلنا الحاجات دى وتبدأ من الصفر

ايه المدرسين الغريبين دول


لا بجد يا أكرم ولو تعمل موضوع تشرح الاساسيات دى قبل ما تبدأ هنا


وبعدين مش انت اللى بتقول نعلم بعض ؟؟؟؟؟


يلا انا مستنى الموضوع


حاول بجد توضحلنا ايه الاسااسيات دى وبعد كده اشرح

والا انت حاطط ليه الموضوع فى المنتدى بقى ؟؟

علشان عضوين بس ؟؟

والله يا ابو حميد انا عن نفسى مش فاكر أتعلمت الحجات دى أزاى

اصلها غريبه جدااااااااااااااااااااا

بس بجد الحاجات دى مش هتفيد أى حد مش متخصص فى المجال دة

مينفعش أبدا أقول عليها معلومات عامه للثقافه


ثم انى كنت عامل الموضوع دا لنومى بس

ظهر معاها كمان فارس ... والله أعلم مين هيجى مستقبلا

سورى يا اكرم كان عندى ظروف منعتنى ان اشوف الموضوع
مرسى جدا على اهتمامك
طيب هما جاوبوا على السوال ينفع اجاوب عليه تانى و لا ايه
بس هجاوب بطريقة تانية ماشى
اولا المصروف دائما مدين
ثانيا:النقدية اصل و كل اصل زائد يبقى مدين و اى اصل نقص يبقى دائن
بمعنى النقدية تبقى دائنة لو قلت اى لو دفعت انا الفلوس
ثالثا:بس مش متاكدة قوى يعنى
من حساب الاثاث لانه للشركة الام
الى مذكورين
ح الشيكات او البنك
و ح شركة التكيفات

سيادة معالى رئيس الجمهوريه ممكن تتكرم على واحد من الشعب و تضمه لرعاياك انا معاك ان شاء الله و افتكر انى شوفت حاجه شبه اللى الاخوه الاقتصاديين قالوها دى قبل كدا

فربنا يجزيك عنا خير و تفكرنا بالذى مضى

ههههههههههههههههههههههه

ماشى يا نومى ... واضح انك متأسسه

بس ممكن تقوليلى الدورة المحاسبيه ؟؟؟ الدفتريه يعنى


ويا عم فنكوش انا تحت امر معاليك


بس انا عاوز رأيكو لما اعمل الموضوع الجديد اللى هبدأ فيه الشرح

أسميه اية ؟؟

انا مش فاهم حاجة خالص مالص

مش اشكال تفهم يا بوكى
المراحل هى: اولا تبدا بالتسجيل ثم الترحيل و التبويب و التلخيص و التفسير
و المراحل الدفترية
اولا يتم التدوين فى دفتر اليومية الزفرة"و دا مش كتير يعرفوة و هو عبارة عن دفتر عشوائى يقوم باستخدامه و التدوين فيه اى شخص حتى و ان لم يكن له علاقة بالمحاسبة او درايه"
ثانيا دفتر اليومية و دى اول المراحل العلمية و يقوم التدوين فيه عن طريق نظرية القيد المزدوج
ثالثا : يتم الترحيل الى دفتر الاستاذ و دا دفتر يدون فيه كل ح منفرد اى كل ما يطرأ على الحساب من زيادة او نقص
رابعا: يتم التبويب فى ميزان المراجعة و دا بيتم اخذ الارصدة من حسابات الاستاذ و يتم ترصيدها فيه و يجب ان يكون الميزان متساوى
خامسا: حسابات النتيجة و دا اما ان تكون ح/ارباح و خسائر و دا بيتم فيه ترصيد كل المصروفات و الايرادات
و ح/المتاجرة و دا بيكون يخص اى عمليات بيع و شراء فى المنشأة
او بيكون عن طريق قائمة الدخل و دى قائمة بتكون جامعة القئمتان السابق ذكرهما
و اخيرا: يتم عمل قائمة المركز المالى و دى قائمة توضح كل اصول و خصوم المنشأة و يتم وضع مكسب او خسارة المنشأة بها.
يارب يا اكرم اكون عرفت اجاوب بطريقة صحيحة

مدرسى العزيز انت لسه مشوفتش الاجابات

ههههههههههههههههههههههههههه

زاكر كويس يا فارس معاك تلميذة نجيبه ..

هو طبعا يا نومى الطريقة اللى انتى قلتيها صح

لكن معلوماتى ان العملى بيكون غير كدا

ودا اللى انا هقوله ليكو

بس برضو محدش أقترح عليا أسمى الموضوع اية ؟؟؟

انا حاولت اجاوب بطريقة علمية بحتة يا اكرم
و بعدين حلو التنافس يلا بقى هنبدأ امتى
و بعدين فين فارس
دا خاف و لا ايه

هههههههههههههههههههههههههههه

عيب عليكى .. دا فارس مغوار ...

وهيوريكى المواهب المحاسبية .. بس لما نبدأ بس

بس اهوه انسحب من اولها

لالالالالالالالالالالالالا

الراجل مشغول عندة تدريب عند حازم حسن

ههههههه