حلقات الرعب
اعترافات ليليه

هذا الموضوع غريب نوعا
وشكلا
ومضمونا
فهو يشبه الاعترافات الليليه

لكن ليلتي كحلي

أأقصد اننا سنكون حلقه رعب ليليه مرعبه
بكل لنواعها
الخوف من المجهول
ما وراء الباب المغلق
........ألخ.
احداث غامضه...حدثت مع الجميع بلا شك ولا احد معصوم منها
لا ماضيا ولا حاضرا
ولا مستقبلا.

انا كنت قد بدأت في هذا الموضوع ولينك موضوعي <()هنا()>

بس اعذروني لان موضوعي كتبته بعد القصه بيوم
ولكن من هنا ورايح كل القصص الي هتتنشر تكون على هيئه ردود
ومش لازم نخليها قصه كامله على بعضها ......... ندي التشويق مساحته شويه
ولن تدخل قصه الاعند الانتهاء من التي قبلها والاسبقيه لمن يرد اولا
ومن المستحسن (لمن له القدره على كتابه القصص) جمال القصه(اسلوب عرضها بالكتابه)
والي ما يقدرش مش مهم
المهم انه حكى لينا قصته.......وفي النهايه ارجو تثبيت موضوعي
ويارب قصتي تعجبكم

يا مساء الرعب..

ما كنا كويسين

مش كفايه علينا النداهه

ههههههه

عموما اتمنالك ردود

كلها رعب و ابهار

بص بقى يعم محمد طلما انت دخلت فى الموضوع ده

انا كنت مره ماشى باليل لوحدى حوالى الساعه اتنين المهم سمعت زى ما يكون فى صوت وأحدمخنوق أو بعيط مش عارف

الصوت استمر حوالى خمس ثوانى حسيت بعدها ان نصى الشمال خدل منى ومش حاسس بيه ورجلى الشمال بحركها بصعوبه

والله بجد لان الصوت كان مرعب المهم مشيت زى مكنت ماشى وخلعت بجلدى

بس كده.

الحمد لله انها جت على خير.......قريت القصه الي انها حطيت ليها اللينك بتاعها في الموضوع هنا

احسنلك تقراها........لانها مشابهه لحالتك......

والظاهر ان الانسان معظم الاحيان في حاله الخوف الشديد بينسى حاجات كتير....منها الاستعاذه بالله الرحمن الرحيم

والحمد لله :.....الاستاذ اموور حط اول مشاركه ايجابيه....في الموضوع بتاعي

مستني المزيد...منكم ان شاء الله

ثانيا يريت تحكيلي التفاصيل....ممكن يكون في حاجه تانيه غير الي احنا بنفكر فيه.......

علشان ساعه الخوف بيخطلط علينا بعض الحقائق المهمه للتفسير والتأكد من صحه الظنون

"ان بعض الظن اثم"

فى البدايه عايز اقول ان الموضوع جميل جدا واكتر من رائع .. وكمان عايز اقول انى همسح المشاركت الموضجوده فى البدايه علشان الموضوع هنا كده عباره عن محادثه بين الافراد والافضل ان شكون فى مشاركات فعاله فعلا ... فانا هشارك بالمشاركه واتمتنى من الجميع المشاركه بالردود فى الموضوع نفسه وليس كويس وتمام

المهم

الموضوع جميل لان فعلا كل واحد من الممكن يكون حصل معاه موقف خلاه يخاف او يحس برعب ومن الممكن يكون عيناه دمعت كمان

المواقف كثيره معي .. ولو حكيت مش عارف ايه هيكون ردكم

على العموم انا هشارك معاكم فى الموضوع هنا واحكي لكم .. موقف

المكان منطقى اقامتى ... ( ملحوظة هامه .. منطقة الفيلات والعمارات اللى انا مقيم فيها على البحر مباشرة وكانت فى فتره الخمسينيات والاربيعينات مقر لكمب انجليزي ... تم قتلهم فى الحرب )

في يوم من ايام الشتاء البارده جدا الساعه 2.30 بعد منتصف الليل ...( الشتاء الماضي )

كنت اتحدث في الموبيل وانا سائق العربية ..

كنت فى طريقي الى منزلي .. منزلي على البحر مباشرة ..

وصلت الى المنزل ولازلت اتكلم في الموبيل ... الحيث تفاعل جدا مع الطرف الاخر ووصل لدرجه المشاده الكلامية والصوت الشبه العالي .. فاخترت انى اجلس على شاطئ البحر اتحدث الى الموبيل ومن ثم الصعود الى المنزل .. والهدف من كده انى اتكلم براحتى ومافيش حد فى البيت يصحي ...

المهم جلست على كرسي على شاطىء البحر .. وبدائت الكلام فى الموبيل .. وبداء الحواء فى الهدوء الى انى جلست وركزت نظري على الارض تحت رجلي وانا جالي وبدائت اللعب برجلي بطرف الحذاء ..

وفضلت على هذا الشكل لمدة ساعتين فى الحيث المستمر ولم يقطعنى سوء انزار بطاريه الموبيل لتقول ان البطاريه ضعيفه وهنا فصل الموبيل ولم يتبقى معي اى وسئله اتصال ..

ورفعت عينى من على الرمال

ولم اري اى شئ خالص

ولا حتى متر امامي

السبب وجود ضباب رهيب .. لم اى فعلا اى شئ .. لا يوجد غير الرمال تحت قدماي ... لايوجد بحر ولا عربية ولا عمارات ولا فيلات ولا اى شئ ..

وفاجاه اصوات اقدام .. وحركه .. ومن ثم احد يهمس باسمي ...

ومنها حركة سريعه لاصوات اقدات كثيره .. ولكن كلها هامسة وضعيفه .. ولكنها قريبه جدا ...

وحركه احد فى اتجاه الحديقه .. وصوت حنفيه قديمة تفتح .. ومياه غزيرة جدا فى الجنينه ...

بجد مش هقولكم ايه مدي الرعب اللى انا كنت فيه .. لدرجة انى تسمرت فى مكاني فتره مش عارف اعمل ايه ولا ايه

وبداءت احدد مكان العربيه للوصول اليها .. ومنها علشان اوصل لبيتى الذى يبعد 100 متر من شاطئ البحر ... اللى اختفي من اثر وجود الضباب

وانا اتحرك فى اتجاه العربيه اسمع صوت اقدام خلفي ..

بجد مش هقدر اوصف مدي الرعب اللى انا كنت فيه فعلا ..

المهم الخطوات من خطوات عاديه الى خطوات سريعه الى الجري حتى وصوللي للعربيه ..

وجري جري الى السكيورتي

وقال ايه انا بسلم عليهم واطمن عليهم وفضلت واقف معاهميجي نصف ساعه لغيه لما هديت خالص .. ومنها صعت الى بيتى وغرفه نومي .. وفضلت صاحي حتى ظهور الشمس لليوم التالي لانه فعلا مجاليش اى نوم فى اليوم ده

دي كانت احد المواقف اللى انا اتعرضت لها

ايه رئيكم بقى

يلا عايز اشوف الردود وكمان المواقف اللى انتم اتعرضولها

خير ما فعلت ....انا كنت هفقد الامل في اي حد ممكن يرد في الموضوع بتاعي...

على العموم....انا بعد ما قريت موقفك....قلت لنفسي..الضباب وارد حدوثه في الشتاء عند البحر...لكن صوت الخطوات.(محتاجه تفاصيل اكتر من حكايتك) ...صوت الحنفيه.والميه الغزيره...ممكن اي حد يفتحها..لكن الهمس بالاسم ...!! مش عارف افسرهولك ازاي
لكن عموما الرسول كان دائما يوصي بالهدوء والسكينه اثناء الليل....ومداومه ذكر الله

في حالتك كان صوتك عالي...واكيد كان مزعج ...(لو كان عند جيران من البني آدمين)...

كان لازم حد يسكتك بأي حال.....ولعبوها عليك يا حدق

عشان كده حاول انك تكون هادئ ليلا وذاكرا لله...حتى لا تتكرر..

وشكرا على حكايتك ......

وبما انك المشاركه الايجابيه رقم 2#

هديك موقف ....من عندي
مره كنت قاعد بذاكر رياضه 2 لغايه ما وجعت دماغي...وحطيت الكتب علىجنب عشان ارتاح....

سمعت صوت زي تشويش الراديو....قلت لنفسي اني تعبان

قمت من مكاني امدد على السرير...لقيت الصوت بيتغير...
احرك راسي...يتغير الصوت معاها..
بقيت مش مصدق نفسي...قمت واتحركت في الاوضه...الصوت بيتغير وبيتعدل...

رحت ناطط فوق السرير....وفجأه

الصوت اتعدل وبدأت اسمع صوت شخص بيتكلم...الصوت كان مشوش حبتين بس الصوت الآدمي مميز جدا....بقيت اجيب ال..FM ...

وفجأه...

ماما دخلت عليا الاوضه وشايفاني زي الاهبل فوق السرير...شوف بقى قمه الاحراج

قعدت تزعق فيا شويه...تقولي يا اهبل يا عبيط بتعمل ايه عندك؟!!

اقولها ولا حاجه اصلي بدور على حاجه..
تقولي بتدور على ايه؟..
ساعتها بس حسيت بحاجه صلبه تحت رجلي..

رحت ماسكها وقولت ان دي هيا الي كنت بدور عليها....

شتمتني واتهمتني بالهبل والعبط .....ما علينا..

المهم ابص على الي انا ماسكه ...الاقيه راديو محمول صغير...ففهمت ان ده كان السبب


بس ده كان مقفول .!!!!!
وصوت التشويش بدأ يزول تدريجيا......!!!!!!!!!

وده كان موقفي....او احد مواقفي المتعدده...

ايه رأيك....؟؟

انا مش عارفة ارد عليك يا محمد لان حصلى موقف مشابه الكمبيوتر عندى فى الاوضة امام السرير فى يوم صحيت لقيت الكمبيوتر شغال قولت يمكن اخويا جلس وتركه شغال المهم قمت لقيت المشترك مغلق ببص على الشاشة تانى لقيتها مطفية خرجت اغسل وشى سمعت صوت فى الاوضة صوت اغانى رجعت الاوضة على صوت الاغانى واول ما دخلت مش سمعت حاجة وبارضو المشترك مغلق وبعدها بيومين حصل نفس الشئ صحيت لاقيت الكمبيوتر شغال والمشترك مغلق روحت خليت اخويا ياخدو عنده الاوضة ولحد دلوقتى مش عارفة دة حصل ازاى وبخاف اعد على الكمبيوتر لوحدى ولازم اولع نور الاوضة

كان من الممكن انك تقعدي عليه وهو شغال لوحده....تسأليه ليه انتا شغال؟

هتقولي عليا اني بهزر..... اقولك اني مش بهزر ولا حاجه...

السؤال دائما كان اول طريقه للمعرفه...

لكن من الواضح ان الموقف لم يكن سوى عبث شيطاني

قعادك على الكومبيوتر فترات طويله+ سماع الاغاني الكثيره....كل ده يخلي الشياطين تهزر معاكي..

لانك عجبتيهم بأفعالك الي زي دي......

حاولي التقليل على الاقل من سماع الاغاني....لانها قرآن ابليس...
او امتنعي عنها ...وذلك افضل...

والله اعلم....

كان من الممكن انك تقعدي عليه وهو شغال لوحده....تسأليه ليه انتا شغال؟

هتقولي عليا اني بهزر..... اقولك اني مش بهزر ولا حاجه...

السؤال دائما كان اول طريقه للمعرفه...

لكن من الواضح ان الموقف لم يكن سوى عبث شيطاني

قعادك على الكومبيوتر فترات طويله+ سماع الاغاني الكثيره....كل ده يخلي الشياطين تهزر معاكي..

لانك عجبتيهم بأفعالك الي زي دي......

حاولي التقليل على الاقل من سماع الاغاني....لانها قرآن ابليس...
او امتنعي عنها ...وذلك افضل...

والله اعلم....