طبعا اللى هيشتغلو معايا هنا

المحاسب / فارس جزيرة الاحلام

المحاسبه / نومى

واللى عاوز يتابع .. يتابع .. هو حر مش هنمنع حد ( مع انه مش هيستفاد )

مع اننا هنقول هنا أسرار المهنه .. بس يلا مش مشكله



نبتدى على بركه الله ..

لو تفتكر يا فارس انت ونومى .. انا كنت سألتكم عن الدورة المحاسبيه

وبالرغم من أنكو جاوبتو اجابه صحيحه إلى حد كبير

الا انكو اهملتو اهم جانب فى الدورة المحاسبيه

وهو المستندات ..اول خطوة فى عالم المحاسبه هى المستند

المبيعات لازم تكون بفاتورة.. المشتريات بفاتورة

أى عمليه أى كاااااانت نوعها لابد من وجود مستند يدل عليها ويثبت حدوثها حقيقه

طيب جميل ... مثلا جبت السباك يركبلى جلدة حنفية فى دورة مياة الشركه ...


او مثلا جبت كهربائى يصلح الكهربا ..

هياخد 5 او 10 جنيه . ... أعمل مستند ازاى ؟؟؟

الاعمال الخدميه الصغيرة اللى زى دى .. وبكرر الصغيرة

هتجبلها مستند أزاى ؟؟؟ هتقول للسباك الجاهل الامى أكتبلى فاتورة ؟؟؟

فى مثل هذة الحالات ... تعمل ايه انت كمحاسب

تكتب انت مع نفسك ورقة وتمضى عليها كأنك السباك ...

وطبعا المراجع الداخلى بيبقى عارف ان فعلا فى سباك وعارف انه خد فلوس

اومعقول فعلا انه يكون خد 5 جنيه .. فبيمضى على صحه العمليه

المدير المالى .. بيلاحظ فعلا ان جلدة الحنفيه كانت بايظه

ومن المنطقى ان السباك يكون خد 5 جنيه .. وبالتالى بيمضى

طبعا احنا أتفقنا ان هنا الشغل عملى .. وليس علمى

-------------------------

المهم اننا أتفقنا أن أى عمليه محاسبيه أى كااااانت لابد من مستند

وهى دى أول خطوة فى الدروة المستنديه المحاسبية

المستندات

وهتليها حاجة تانيه غير دفتر اليوميه .. هنشوفها مع بعض


بأنتظار تعليقكم وأستفساراتكم

معلش يا اكرم مش الحاجات دى تعتبر مصاريف نثرية
و بيبقى ليها حساب مفتوح فى اول السنة زى ما اخدنا فى الحكومية يعنى

بأفتراض أنكو معندكوش أى اسئله على النقطة اللى فاتت

وقبل ما نتكلم فى الجاى .. عاوزكم تحلو التمرين دا

بأى طريقة تعجبكم .. علشان هنشوف بعد كدا الحل السليم ازاى ..




تمت العمليات التاليه فى شركه ((أكرم ناجى للتجارة والتوزيع)) فى شهر يناير

1/1 بلغت مبيعات الشركه 15000 جنيه وقد قام أمين الخزينه بتوريد 10000 جنيه

لبنك الاسكندريه

2/1 بلغت مبيعات الشركه 5000 جنيه وقد قام أمين الخزينه بتصفيرها


3/1 قامت الشركه بشراء لوازم دهان من شركه دهب للحدياد والبويات بمبلغ 6000 جنيه

دفعت بشيك رقم 560 مسحوب على بنك الاسكندرريه وذلك لدهان مقرها الرئيسى


4/1 قامت الشركه بالاتفاق مع المقاول محمد حسنين على تشطيب أعمال الدهان

بالمقر الرئيسى نظير مبلغ قدرة3000 جنيه دفعت بشيك رقم 561


5/1 قامت الشركه بشراء الات من الخارج بمبلغ 120000 جنيه دفعت بشيك رقم 562


15/1 دفعت الشركه 5000 جنيه جمارك مستحقه عن الالات بشيك رقم 563


17/1 قامت الشركه بأستخراج شيك بأسم الموظف محمد احمد بمبلغ 1000 جنيه

وذلك للصرف على نقل وتركيب الالات وذلك بشيك رقم 564


18/1 قامت الشركه بأنشاء سلفه مستديمه بمبلغ 1000 جنيه وذلك لزوم المصروفات

النثريه وكان الشيك بأسم الموظف رضا على وشيك رقم 565



المطلوووووووووووووب :

قيود اليوميه بس .. مش عاوز أكتر من كدا

بدأنا لماضه من أولها ... وشكلك هتنطردى بدرى بدرى

انا متكلمتش خالص عن أسم الحساب يا هانم

انا بتكلم عن المستند اللى يثبت وجودة

مصاريف نثريه أعمال سباكه ... فين المستند اللى يثبت العمليه ؟؟؟

تسهيلا وتيسيرا .. فى قاعدة لعمل أى قيد

الاصول : لما تزيد تبقى مدينه .. لما تنقص تبقى دائنه

الخصوم : لما تزيد تبقى دائنه لما تنقص تبقى مدينه


المصروفات : لما تزيد مدينه .. لما تنقص دائنه

الايرادات : لما تزيد دائنه لما تقل تبقى مدينه

دى قاعدة عااااااااااااااااااااااااامه

انا لمضه ماشى
و هترد كمان دا ما فيش حد جرأة و قالهالى ابدا
عموما هجاوب بس شوية بس اخد فرصتى فى التفكير

الا صحيح الشركة دى حكومة و لا قطاع خاص
سؤال غبى صح؟
يلا بقى اصل عايزة انام

انا جبت الاجابة بس بيتهيالى ان فيها بلاوى و غلطات معلش بقى و بلاش زعيق و لا نرفزة ماشى
من مذكورين
10000 ح/بنك الاسكندرية
5000 ح/النقدية
15000 الى ح/المبيعات
"مبيعات بمقدار 15000منها10000تم توريدها للبنك"
5000من ح/النقدية
5000الى ح/المبيعات
او من ح/ العملاء
الى ح/المبيعات
من ح/النقدية
الى ح/العملاء
بلوغ مبيعات الشركة 5000 و تم التصفير
6000 من ح/اللاثاث
6000الى ح/ بنك الاسكندرية
"شراء دهانات من شركة الدهب بشيك رقم 560"
3000 من ح/الاثاث
3000الى ح/بنك الاسكندرية
"دفع مصاريف الدهان بشيك رقم 561"
120000من ح/ الالات
120000الى ح/بنك الاسكندرية
شراء الالات من الخارج بشيك رقم 562"
5000من ح/الجمارك
5000الى ح/ بنك الاسكندرية
"دفع جمارك مستحقة بشيك رقم 563"
1000من ح/الالات
1000الى ح/بنك الاسكنرية
"استخراج شيك باسم الموظف......لتركيب الالات بشيك رقم 564"
1000 من ح/ سلفة مستديمة
1000الى ح/بنك الاسكندرية
"انشاء سلفة مستديمة للمصروفات النثرية باسم....... بشيك رقم 565"
انا بقى مش عارفة الكلام دا صح ولا

مين طفأ النور ... انا ايه اللى جابنى هنا ؟؟ !!

يلا يلا كملوا انا بسمع الزعيق وبشوف المواهب .

el3'@med
رئيس الغرف التجاريه بالجزيرة .

ههههههههههههههههه
ايه اللى دخلك هنا يا محمد
اطلع برااااااااااااااااااااااااااااااااا

طبعا فارس بيه نايم فى العسل نوم

فيا معالى الوزير .. ايااااااااااااااااااااك تبص على الاجابات لما تدخل

تحل وتجاوب وبعدين تلقى نظرة على الاجابات

QUOTE

انا جبت الاجابة بس بيتهيالى ان فيها بلاوى و غلطات معلش بقى و بلاش زعيق و لا نرفزة ماشى

لا مش هنتنرفز ... المفروض اصلا انك تجاوبى غلط علشان أنا اصححلك

QUOTE

من مذكورين
10000 ح/بنك الاسكندرية
5000 ح/النقدية
15000 الى ح/المبيعات
"مبيعات بمقدار 15000منها10000تم توريدها للبنك"

فين التاريخ يا هانم ؟؟؟ وكمان فى الحياة العمليه مفيش حساب اسمه النقديه

اسمه الخزينه .. مش النقديه

ثم تعالى هنا ... فى حساب اسمه المبيعات ؟؟؟؟

أسمه ايراد المبيعات مش المبيعات ..( لو مش عارفة ليه النقطة دى أبقى قولى)

ثم راجعى العمليه كويس .. مبيعات بـ 15000 ثم توريد 10000 للبنك

يعنى دخل الخزنه15000 وبعد كدا طلع 10000 راحو البنك

وبالتالى هيبقى القيد :

1/1/2006


15000 حـ/ الخزينه

15000 حـ / أيراد المبيعات

وشرح القيد (قيمه مبيعات الشركه)

1/1/2006

10000 حـ/ بنك الاسكندريه

10000 حـ/ الخزينه

وشرح القيد ( أقفال الخزينه بالمبلغ المودع بالبنك )

QUOTE

5000من ح/النقدية
5000الى ح/المبيعات
او من ح/ العملاء
الى ح/المبيعات
من ح/النقدية
الى ح/العملاء
بلوغ مبيعات الشركة 5000 و تم التصفير

هههههههههههههههههههه

أيه دا كلو ؟؟؟ وفين التصفير اللى تم ؟؟ انتى بتنصبى ؟؟

هههههههههههههههههه

القيد هيبقى كدا

2/1/2006

5000 حـ/ الخزينه

5000 حـ/ أيراد المبيعات

شرح القيد ( قيمه مبيعات الشركه )

كدا الخزينه لو جيتى تعملى حاجة هعلمهالك بعدين أسمها كشف حركه صندوق

هتلاقى فيها 5000 جنيه باقى مبيعات 1/1 و 5000 جنيه مبيعات يوم 2/1

يعنى المجموع 10000 جنيه

معنى ان قام أمين الخزينه بتصفيرها .. يعنى ورد كل عهدته للبنك ..

يبقى القيد كالتالى

2/1/2006

10000حـ/ بنك الاسكندريه

10000 حـ / الخزينه

شرح القيد ( أقفال الخزينه وتصفيرها بالمبلغ المودع فى البنك )

QUOTE

6000 من ح/اللاثاث
6000الى ح/ بنك الاسكندرية
"شراء دهانات من شركة الدهب بشيك رقم 560"

جميل جدا انك مفكرتيش تعجنيها أى حاجة ..

يعنى تعمليها زى محاسبين كفتجيه .. حـ/ مهمات دهان .. لأان مفيش حساب كدا اصلا

بس يا نهى الاثاث دا .. مكتب .. ترابيزة .. دولاب .. كدا يعنى

انما المبنى دا أسمه أصول ثابته مبانى ..

يعنى الحساب هيبقى اصول ثابته مبانى ؟؟ ...لا طبعا

لأن دا فى حاله شراء مبنى جديد ..

فى حساب يمكن انتى مسمعتيش عنه قبل كدا أسمه .. اصول ثابته تحسينات

ومحاسبين كتير بيسموه تحسينات على طول .. وبيصلح فى المبانى فقققققط

ركبت سراميك .. دهنت الحوائط .. غيرت البلاط .. كل دا بيبقى تحت بند التحسينات

ولا يأتى هذا الحساب الا مع المبانى فقققققط

وبالتالى القيد هيبقى :

6000 حـ/ اصول ثابته تحسينات

6000 حـ / بنك الاسكندريه

والشرح زى شرحك (شراء مهمات دهان من شركه دهب بشيك رقم 560)

وفى الحياة العملى بدل ما تكتبى بشيك رقم .. بتكتبى شـــــــــــ زى دى كدا

وفوقها رقم الشيك

QUOTE

3000 من ح/الاثاث
3000الى ح/بنك الاسكندرية
"دفع مصاريف الدهان بشيك رقم 561"

بالظبط زى اللى فات

3000 حـ /اصول ثابته تحسينات

3000 حـ / بنك الاسكندريه

الشرح (دفع أتعاب مقاول محمد حسنين شــــــ561 )

QUOTE

120000من ح/ الالات
120000الى ح/بنك الاسكندرية
شراء الالات من الخارج بشيك رقم 562"

القيد دا صــــــــــــــــــــــــــــــــــــــــــــــــــــــــــــــــــــــــــــح

QUOTE

5000من ح/الجمارك
5000الى ح/ بنك الاسكندرية
"دفع جمارك مستحقة بشيك رقم 563"

بصى يا نهى .. الالات بالذات من اول ما تطلع من عند البائع

لغاية ما توصل عندى المصنع وتشتغل ..كل مصاريفها بحمبها لتمن الاله

يعنى بعتبرها حساب الات .. والجمارك دى تعتبر برضو زيها كدا

القيد هيبقى كالتالى :

5000 حـ/ الالات

5000 حـ/ بنك الاسكندريه

والشرح ( دفع مصاروفات الجمارك الخاصة بشحن الالات شـــــ 563)

QUOTE

1000من ح/الالات
1000الى ح/بنك الاسكنرية
"استخراج شيك باسم الموظف......لتركيب الالات بشيك رقم 564"

طبقاً للكلام اللى انا لسه قايله الكلام دا صح .. لكن القيد دا غلط برضو

لية لأان أفرضى الموظف دا خد الشيك وراح البنك يصرفة مات فى الطريق

يبقى انا ثبته انه راح للألات فعلا وهو لسه

وبالتالى القيد هيكون

1000 حـ/ مدينون أخرون ( الموظف محمد احمد)

1000 حـ / بنك الاسكندريه

وشرح القيد ( أستخراج شيك رقم 564 بأسم الموظف محمد احمد للصرف

على نقل وتركيب الالات )

ولما الموظف دا يقدم مستنداته على انه صرف كذا وكذا وكذا

( زى ما نبهت على اهميه المستند قبل كدا )

أبقى اقفل الدين بتاعة مع حساب الالات

ويبقى

1000 حـ/ الالات

1000حـ / مدينون اخرون ( محمد احمد )

QUOTE

1000 من ح/ سلفة مستديمة
1000الى ح/بنك الاسكندرية
"انشاء سلفة مستديمة للمصروفات النثرية باسم....... بشيك رقم 565"
انا بقى مش عارفة الكلام دا صح ولا

هو القيد دا صح ... بس مفيش حاجة أسمها السلفة المستديمه ..

أسمه الصندوق الصغير .....

----------------

كدا انا خلصت شرح القيود معاكى .. لو فى اى حاجة واضحة وغامضة بالنسبه لك

أسألى فيها ... علشان ننتقل بعد كدا لكيفية التسجيل فى الدفاتر

وشكل الدفاتر اية ؟؟؟ وتسطيرتها ازاى ؟؟

لأن كل اللى احنا عملناه دا تسجيل على ورق أبيض

يلا بأنتظار أسئلتك ... وربنا يبعتلنا فارس بيه

انا عارفة ان فى غلطات بجد
بس اولا انا مكنتش اعرف حكاية ايراد المبيعات دى
و بينى و بينك نسيت حكاية الخزينة
و السلفة المستديمة انا ماخدتهاش او اعرف عنها حاجة الا فى الحكومية و عشان كده شقلبت قيد الحكومة و بس
و القيد بتاع التصفير انا اول مرة اشوف العملية دى اصلا
و حكاية الاصول انا اخدتها مع الدكتور زى ما قولتها و الله
و بعدين قدر انى بترجم الحاجات دى و بعدين انا بدرس اكتر المحاسبة بتاعتى بقالى 2 سنتين دولية و منشأت
و اشرحلى الحاجات اللى ما كنتش فاهمها من فضلك

اية اللى انتى مش فاهماة وانا أفهمك ؟؟؟

QUOTE

وهنا نحاول أن نلقى الضؤ على تلك المهنه التى لا تقل اهميه ابدا عن الطبيب

او المهندس او الجندى .. وللكن للأسف المجتمع المصرى اهمل هذة المهنه

وأعتبرها من المهن الدنيا .. وهى على العكس تماما .. من أرقى وأهم المهن

يا ساتر على القرّ


يا ساااااتر على القرّ

QUOTE

واللى عاوز يتابع .. يتابع .. هو حر مش هنمنع حد ( مع انه مش هيستفاد )

مع اننا هنقول هنا أسرار المهنه .. بس يلا مش مشكله

معلش بقى يا اكرم يمكن افكر اغير تخصص

QUOTE

المدير المالى .. بيلاحظ فعلا ان جلدة الحنفيه كانت بايظه

ومن المنطقى ان السباك يكون خد 5 جنيه .. وبالتالى بيمضى

وليه مايكونش مجهز الورقة ويخلي السباك يمضي عليها!!

QUOTE

تمت العمليات التاليه فى شركه ((أكرم ناجى للتجارة والتوزيع)) فى شهر يناير

بردو؟؟ يعني هتحتل السياسة والاقتصاد كمان يا اكرم

هي مصر مش هتتعتق بقى

QUOTE

2/1 بلغت مبيعات الشركه 5000 جنيه وقد قام أمين الخزينه بتصفيرها

يعني ايه (قام بتصفيرها)

QUOTE

المطلوووووووووووووب :

قيود اليوميه بس .. مش عاوز أكتر من كدا

ايه يا عمنا الدروس الخصوصية النص كم دي

دي ماحصلتش حتى نص كم


دي حمالات


طيب واحنا نعرف مينن اسمه ايه ده


يبقى نجيبهولك ازاي بقى

QUOTE

يا ساتر على القرّ


يا ساااااتر على القرّ

ايوووووووة

اصل بصراحه انتو واخدين اكتر من حقكو

واحنا حقنا مهضووووووووووووووم

QUOTE

معلش بقى يا اكرم يمكن افكر اغير تخصص

انصحك .. بلاش

علم المحاسبه أرقى من عقول المهندسين .. مش هتقدرو تستوعبة

ولو أستوعبتوة .. هتبقوا محاسبين فاشلين .. سورى يعنى

QUOTE

وليه مايكونش مجهز الورقة ويخلي السباك يمضي عليها!!

لأان السبك مش متعود لما يشتغل يمضى على ورق .. وهيخاف جداااا

دا غير كمان ان ارباب مثل هذة المهن بيكونو أميين .. هتبصميه بقى ولا اية ؟؟

ولية دا كله على 5 جنيه ولا 10 جنيه

QUOTE

بردو؟؟ يعني هتحتل السياسة والاقتصاد كمان يا اكرم

هي مصر مش هتتعتق بقى

دى شركه هفتحها لأبنائى الشباب علشان يشتغلو فيها

QUOTE

يعني ايه (قام بتصفيرها)

يعنى خلى رصيد كشف حركه الصندوق صفر

بالبلدى كدا .. خد كل الفلوس اللى فى الخزنة ووردها للبنك

QUOTE

ايه يا عمنا الدروس الخصوصية النص كم دي

دي ماحصلتش حتى نص كم


دي حمالات 


طيب واحنا نعرف مينن اسمه ايه ده


يبقى نجيبهولك ازاي بقى 

منا قلت من الاول بلاش حد من برة المجال علشان هيتوة معانا

عموما قيود اليوميه دى حاجة فى بدائياااااات المحاسبه

أ ب محاسبه

حاجة اسمها نظام القيد المزدوج .. double entry system

افهمك ازاى ؟؟؟؟؟؟

بصى القيد دا لية جانبين .. علشان كدا بيسمى القيد المزدوج

جانب مدين وجانب دائن ..ولازم الجانب المدين يكون يساوى الجانب الدائن

وبيبقى شكله

من حساب / الجانب المدين

إلى حساب / الجانب الدائن

نشوف مثال مثلا

انا بعت بضائعة بـ 500 جنيه

الـ500 جنيه دول الخزنه اخدتهم

تبقى الخزنه مدينه بـ 500 جنيه ..

والبضاعة المباعة هيا اللى ادتلى الـ 500 جنيه

تبقى دائنه بالـ500 جنيه

ويبقى شكل القيد

من حساب / النقديه ( المدينه )

إلى حساب / البضاعة المباعة ( الدائنه )

اتمنى انى اكون اضفت لمعلوماتك حاجة يا سمر ..

حاولى تقرأآ اللى فات بناء على المعلومات دى

ايه يا استاذ ده

انت بدات من غير ما تقولي

طيب اعمل ايه انا دلوقت

اجاوب علي الي فات ولا ايه بس من غير ضرب

ايوة طبعا دا انا افتكرتك مش رديت تكمل معانا و مشيت

جاوب يا سيدى ... ومتخفش فى حالات عملية جاية تانى

بس بعد ما نشوف شكر الدفاتر الاول

لا ياريس ما ينفعش كده

انا صراحه مش ماسك نفسي اني ابص علي الاجابات فكد هيبقي جابت ايه من عندها

انا اقتر ما دام انا وموني بس الي بندرس

يبقي اسئله ليا واسئله ليها عشان الغش حرام وانت عارف

وعلي فكره في الفاظ جديده واللع عليا هنا يعني في استفاده هقيقيه تسلم بجد يا احمد

زي مثلا دهانت الاثاث دي والله ما عدت عليا خالص وزي برضو التصفير

يعني ربنا معاك هتشوف الويل معانا

منتظرين

اللى حاجات يا اكرم اولا اللى جاوبتها غلط انا فعلا مش فاهماها
و زى ما فارس بيقول فى فعلا الفظ جديدة علينا
و بعدين يا فارس متتدخلش متاخر علشان نجاوب مع بعض

يا جماعة القيود دى أمرها سهل ...

بس المهم الاول انكو تشوفو شكل الدفاتر

لأنها غير ما انتو خدتو فى الكية .. ولا شوفتها

معلش يا جماعة انا أسف والله

الاوفس اللى عندى طار .. ومش لاقى اوفس .. خدت الهارد ولفيت علية امبارح بدون فائدة

فأصبرو يموين كمان بس

و لا يهمك يا اكرم و عموما احنا مستنينك

والله بحمل أوفس اهو دلوقتى من على النت

هعمل اية بس

ربنا يجزيك خير على اللى انت بتعمله معانا يا اكرم
و اشوفك كده محاسب قد الدنيا و خليفة حازم حسن فى الملاعب
هات ربع جنية بقى
هى كل الدعاوى دى ببلاش و لا ايه

هههههههههههههههه

حازم حسن مرة واحدة

طب بس احنا نطول نشتغل عندة محاسبين تحت التمرين

وعلى فكرة التحميل قطع .. بس أن شاء الله

هتصرررررررررررررف

ماشى لما نشوف التصرف
يا سيدى و نخلص من الدروس دى بقى بسرعة

يا خراشى كل دا بتنزل اوفس تعالى خدوه منى و خلاص
:huو لا انت رجعت فى كلامك تانى و لا بقى مدرس نص.......... بلاش اقولh:

والله مشغول جدا يا نومى

انا مبدئيا مشغول لمدة أسبوع ...

بس لو لاقيت أى وقت افضى فية خلال الاسبوع دا ..


هعملكو الدفاتر ... بس انا والله مشغووووووووووول

الله يعينك يا اكرم