صلى عشان مش تدخلى النار
- وهيا النار دى فين يا ماما
النار عند ربنا !!


هوا ربنا شكله ايه يا ماما
- حرام اوعى قتولى كده تانى وما تتخيليش شكل ربنا اصل تدخلى النار

ماما انا بنسى القران اللى حفظته من زمان
- يوم القيامه ربنا هيعاقبك عشان نسيتى كلامه!

هوا احنا اتخلقنا ليه يا بابا
- عشان نعبد ربنا
يعنى ربنا خلقنا وسابنا كده وخلاص عشان نعبده
- حرام اللى بتقوليه ده كده تدخلى النار !


دا انا وانا صغيره مواقف افتكرتها وعلمت جوايا وفى غيره مش فاكراه بس كلها حجات علمت فيا وسابت اثرها جوايا

مع الوقت ما بقتش النار تخوفنى
ايه يعنى مانا كده كده هدخل النار .. ما تستغربوش دى الحقيقه
كنت بصلى بس بصلى كده وخلاص بصوم بس بصوم كده وخلاص
بقرا قران وبحفظ قران بس ما عدتش بعمل اى حاجه عشان بخاف من النار


اعترف ان عمرو خالد كان السبب فى انى ارجع افكر فى طريقه تفكيرى تانى
فهمنى ازاى ابقى بصلى عشان اقابل ربنا
وازاى اقرا قران لمجرد انه كلام ربنا
ازاى لما افوت فرض مش ازعل عشان هاخد ذنوب ازعل عشان فوتت معادى مع ربنا
ازاى احب ربنا
وازاى ربنا يبقى صديقى!
ازاى افتح شباكى اتكلم معاه
ازاى انا مقتنعه ان الملايكه بتبقى فعلا ماليه المسافه بين السما والارض امن الساعه3 لحد شروق الشمس


دا كان قبل ما اكتشف فيه عيوب وحجات تانيه خلتنى ابطل اسمعه

بس تماديت شويه

ولانى مش حابه فكره ان ربنا حلقنا وكتب قصص حياتنا وسبنا وبيتفرج علينا
ابتكرت حاجه اسمها العلامات
بقيت اصلى استخاره قبل ما اعمل اى خطوه
وقبل ما اخد اى قرار
صدقت ان فى علامات ودلالاات بتوجهنا فى طريقنا

مثلا اخترت فرنساوى مش المانى فى الثانويه العامه
لانى حلمت بمدرس الفرنسواى لما صليت استخاره
وفضل اسمه معلق فى دماغى يومين بعدها

ممكن ابقى مصممه اعمل حاجه والاقى مثلا دلالاله صغيره علامه وحشه فاقول يبقى دى مش ليا مش هعمل كده

كنت عايشه كده بجد بس احيانا كتير العلامات بتبقى غلط
دنيتى كلها بتتهد عليا
العالم اللى ابتكرته وعشات فيه بيقع فوق دماغى
بزعل وبغضب وبقول كلام كتير وحش
لما بفقد ايمانى بالحجات دى
بفقد ايمانى فى كل حاجه


محتاجاكم تقولولى ايه الصح
لانك وبطريقه ما بقيتو بيتى والناس اللى بصدقها
وانا حاسه انى بقيت تايهه مش عارفه راسى من رجليا
فين الصح؟
الصح انى اعبد ربنا عشان بخاف من النار وعايزه ادخل الجنه
الصح انى اعيش الحياه فى سباق اجمع حسنات اكتر واخسر سيئات؟!

ولا انى احب ربنا وان ربنا يبقى صديقى


فى انتظار تعلقاتكم

بسم الله

ابدأكلامي

بقوله تعالي (ان الله اشتري من المؤمنين انفسهم وأموالهم بأن لهم الجنه )صدق الله العظيم

من هذه الايه يتضح ان

هناك عقد اي بائع ومشتري والمشتري هواالله وهو مضمون مائه في المائه

فيبقي توقيعك اي البائع ولم يوقع الا اهل الايمان اللذين يصدقون الوعد

ولاكن كيف لنا ان نكون من اهل الايمان وهو شرط لقبول العقد ومن ثم الجنه ..

هو حب الله
وافضل تعريف الي المحبه هو سفر القلب الي المحبوب . والدخول تحت رقه وعبوديته

وايضا تلاوة كلامه وتدبر معانيه وان تلقي بسمعك وقلبك اذا سمعت ندائه لك

وصدق ابن مسعود حين قال (اذا سمعت يا ايها اللذين امنو فنتبه بسمعك فأنه اما خير تدل عليه او شر تنهي عنه)

وقال صلي الله عليه وسلم لمعاذ ابن جبل( يا معاذ اتدري ما هو حق الله علي العباد قال معاذ الله ور سوله اعلم قال حق الله علي العباد ان يعبدوه ولا يشركو به شيئا وحق العباد علي الله ان فعلو ذالك ان يدخلهم الجنه)

انا تكلمت عن سؤالك الاخير مباشرة لانو بدون المحبه يبقي هنعمل الخير عشان ايه

يبقي انا بحب ربنا عشان كده بعبدو بصليلو عشان يدخلني الجنه

اسف اني قد اكون ابتعدت عن صلب الموضوع ولاكن حبيت اني اوضح شيء اولي وهو محبة الله وقد تكون غائبه عن الكثير منا وهي اصلا صلب الموضوع

ونأتي لسؤالك



لا شك ان ربنا خلقنا لنعبده وخلق جزاء لهذه العباده الا وهي الجنه
وخلق عقاب لمن لايمتثل لهذه العباده الا وهي النار

اذا احنا بنعبد ربنا طمعا في الجنه وخوفا من النار



اطبعا لازم يكون في صراع مع نفسه لفعل ما ما يستطيع من الخير للتقرب الي الله ولادخار هذه الاعمال ليوم لا ينفع
فيه مال ولا بنون

وحكاية انك تخسري سيئات دي اعتقد انها عباره خاطئه لانك قلتي انك تخسري ولفظ الخساره يدل علي فقد شيء محبوب

والافضل ان تقولي اكفر سيئات او ازيل


وفي النهايه

أأمل ان اكون قدمت جديد

واسأل الله ان يهديكي الي محبته وغفرانه ونحن

بصى يا أسماء

فكرى فى الامر من زاويتين

الاولى هى الزواية التى ننظر منها وهى ما اخبرنا الله عنها

اننا لما نسأل نفسنا احنا خلقنا ربنا لية ... تكون الاجابة .. ( وما خلقت الجن والانس الا ليعبدون )

ونفهم من كدا اننا خلقنا علشان نعبد الله فقط .. نعبدة وننفذ اوامرة فى الارض

انما متحاويلش ابدا تعرفى الامر من وجهة النظر الثانية

ربنا خلقنا لية .. من زاويتة هو ؟؟

ربنا مش محتاج عبوديتنا ..بس اكيد خلقنا لسبب .. لكن احنا منعرفوش ومستحيل نعرفة

أتمنى انك تكونى فهمتى النقطة دى

اما بالنسبة لنقطة الغيبيات .. والتفكير فى الله

فدا أمر .. نهانا الله عنا لأان عقولنا لن ولم تستوعبها ...

ولله المثل الاعلى ...

تخيلى انك صنعتى عربية حمولتها 1 طن

ولو العربية دى بتفكر .. نفسها تعرف شعور تحميلها بـ 5 طن

فانا هقولها بلاش تفكرى فى الموضوع دا من اصلو .. لانك مش هتعرفى ابدا تشيلى 5 طن

لو سمعت كلامى .. هتعيش .. لو مسمعتش كلامى هتتدمر ..

أتمنى انك تكونى فهمتى النقطة دى كمان

بالنسبة لنقطة ان ربنا خلقنا ورفعت الاقلام وجفت الصحف .. وربنا بيتفرج علينا

فلله المثل الاعلى أيضا

الكون ليس فيديو

هظبطه على الفيلم واشغلة وأقف اتفرج

مين بيستجيب الدعاء ..

( لا يغير القضاء الا الدعاء )

اليس الدعاء هو مخ العبادة ؟؟؟

مين بأمر المطر بالنزول ؟؟

مين بيأمر البركان بالتحرك ؟؟

مين بيستجيب لقول الانسان ( أعوذ بالله من الشيطان الرجيم) ؟؟


عموما يا أسماء مسألة تخيلك للذات الألهية .. بهذة الطريقة البشرية مستحيلة شكلاً وموضوعاً

برضو ولله المثل الاعلى

لو انا صنعت عربية .. والعربية دى بتفكر وعندها عقل .. هل تستطيع العربية مهما وصل ذكائها

انها تفهم وتستوعب ذاتى وكيفيتى ؟؟؟ مستحيل طبعا

اول ما العربية هتبصلى ؟؟ اومال فين فوانيس النور ؟؟

اية دا ؟؟ دا بيمشى من غير دلكسيون ؟؟ بيحود أزاى دا ؟؟

فين العجل ؟؟

فالعربية عمرها ما هتعرف تفهم تكوينى ابداااااااااااااااااااا ..

كذلك احنا عمرنا ما هنفهم الذات الالهية

لأن عقولنا مش مهيئة لإستيعاب معلومات زى دى

تخيلى نفسك خلقتى عربية وعشتى طول عمرك عربية .. وبصى للأنسان

هتعرفى تستوعبى الانسان وكيفيتة ؟؟؟ ازاى اتصنع

وللحديث بقية عن موضوع النار والجنه

اول حاجه مشكور على اهتمامك وردك

احنا مش مختلفين احنا كده متفقبن ان حب ربنا هوا جوهر واساس الايمان

بس انا مش عارفه احبه واخاف منه ازاى ؟
حاولو تفهمو
انى بخاف من عقابه دى فيها رهبه انا مش بحب اتعامل بيها
ليه مش ابقى بصلى بس عشان دا فعلا معادى مع ربنا فى حد بيحب حد يتاخر على معاده مثلا ؟ او يفوته ؟
اوك مؤمنه ان فى جنه وفى نار
بس انا فعلا بطلت احلم بالجنه
وبطلت اخاف من النار
وقلقانه يكون ده غلط او فيها شيئ يمس ايمانى
انا بحب ربنا وما بقتش عارفه اخاف منه
اعمل ايه دلوقت ؟

شكرا يا احمد على اهتمامك وردك

اول حاجه
انت بتقول ان ربنا خلقنا عشان نعبده وبس
الايه اللى انت ذكرتها انا عارفاها فعلا
انت بتقول ان ربنا خلقنا عشان نعبده وبس والايه بتقول كده برضه
طيب معنى كده ان كل حاجه .. كل ترفيه بسيط يعتبر مكروه
على اساس اننا مخلوقين للعباده وبس
وانا قاعده دلوقت نت مش مستحب على الاقل
جايز اكون بكسب ذنوب كل ما اضيع ثانيه من غير عباده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مش بتساءل عن ربنا خلقنا ليه من وجهه نظره وان على فكره مش من النوع اللى بيسال كتير
انا يكفينى اوى اعرف اللى يكفينى اعيش
بس اعيش وانا فاهمه

وانا حاليا مش بفكر نهائى فى كنهه الله
دا كان سؤال بيتردد فى عقل كل طفل تقريبا
وانا اللى كان قصدى الفت النظر ليه هوا الرد الغلط تماما
واللى سمعت امهات واباء كتير جدا بيوقلوه
واللى بيأثر فى تفكير وشخصيه الاطفال وده اللى فى كتير من الناس مش بتفهمه

يا احمد انا مش بحاول اتخيل الذات الالهيه بصور بشريه
دى حاجه مش متظبطه اصلا
انا بس حاسه ان فى حاجه غلط فى تربيتنا
ليه مثلا بدل ما يقعدو الشويخ يزقعو ويخوفو طفل صغير

الاطفال بتبقى اساس مولوده وفيها فطره
فطره حب الله
لما تقول للطفل من وهوا صغير
ربنا والنار
ليه ما يبقاش ربنا والجنه
شايف ربنا خلق الشجره ازاى
طب تخيل كده ام مصريه واخده ابنها وقاعده فى حديقه الحيوان وبتقوله شايف جمال الشجره وتوريله منظر الغروب وتقوله شايف ربنا بيحبنا ازاى وخلق لنا حجات حلوه ازاى صدقنى ساعتها الطفل الصغير اللى بيبقى بيحب كل حاجه لوحده هيبقى بيصلى وهيفضل يصلى طول عمره بس عشان بيحب ربنا

تفتكر كده ولا لو ما صلتش هتخش النار؟



باقى كلامك افادنى وامثلتك بتسهل الفهم عليا
وفى انتظار باقى توضيحك
واتمنى تكون انت وفارس فهمتو انا قصدى ايه

فى انتظار باقى الاراء

بسم الله

السلام عليكم

أولا : إزيك يا أسماء ؟
أخبارك ايه دلوقتى ؟؟

يا رب تكونى بخير كده ومستعدة للدراسة كويس ..


ثانيا / انا والله عندى إمتحان فيزيا وأحياء بعد كام يوم وهما الاتنين فى يوم واحد ورا بعض :D


دعواتك كده ..


فإن شاء الله أول لما هدخل هارد على طول ..
وعلى فكرة الموضوع جميل جدا ..
وفيه كام حاجة لفتت انتباهى فإن شاء الله أول هابقى اقول عليها ..


وربنا يوفقك يارب


أحمد :)

العفو انا في الخدمه



جميل جدا ومتفقين



دي مشكله كبيره واظن ان ردي في هذا الوقت لن يكون شافيا لما انت فيه

ان شاء الله احاول مع اخواني في اخراجك من هذا الهم الكبير






اول حاجه اقدر اقولهالك علي الكلام ده استغفري ربنا واستعيذي بالله من الشيطان الرجيم



دا انتي حالتك ميؤوس منها خالص

ازيك انت يا احمد انا تمام الحمد له

ربنا معاك انا اكتر واحده حاسه بالماساه

ومستنيا ردك بس اوعى تنسى

طيب ممكن اعرف ليه مشكله كبيره انى مش عارفه اخاف منه
هوا ده شرط اساسى فى الايمان وليه بدل ما يبقى دافعى للايمان والقيام بواجباتى الخوف والرعب من النار
يبقى الخوف من غضبه وزعله
بصراحه انا عندى ده دافع اقوى بمراحل

بس عموما انا مستنياكو ومستنيه اراء كلها ومنزله الموضوع عشان تساعدونى



استغفر الله العظيم واعوذ بلله من الشيطان الرجيم
فى انتظارك

:D

أسماء/

مشكلتك هي مشكلتنا جميعا فنحن ابناء لرجال ونساء جيل الخمسينات والستينات من القرن الماضي
ولن نحمل هذا الجيل اي خطا فكفاهم انهم سعوا جهدهم ليجعلوا منا صالحين كل على قدر ما فهم من نظرية الحياة

ولكننا نعيش مأساة تربية دينية شبه معدومة او موجودة و90% منها مفاهيم خاطئة

هنا اسمحي لي ان اتوقف كثيرا امام كلمتك تلك والتي كانت في معرض الحديث عن الاستاذ عمرو خالد:

دا كان قبل ما اكتشف فيه عيوب وحجات تانيه خلتنى ابطل اسمعه


وهنا حق لي ان اسال والسؤال للجميع:

الى متى سنبحث عن الداعية المعصوم والمربي الذي لا يخطئ؟

انتي نفسك اعترفتي ان الراجل اثر فيكي كتيييييييييير واثر في واثر في ناس كتييييييير
وبدل ما نقول الحمد لله على نعمة عمرو خالد لعلها تعوضنا كثيرا مما فات قلنا الرجل به عيوب وبه حجات تانية !!
وكاننا لن نتقرب الى الله حتى يبعث لنا رسولا !!

لن اكثر من اللوم فكفانا ما نحن فيه .. ولكن حل مشكلتك يتلخص في:

النفس البشرية مختلفة الطبائع والاحوال والاسلوب الذي ينجح مع هذا لا ينجح مع غيره
وقلما نجد في حياتنا مربيا فاضلا يضع يده على الجرح في موضعه الصحيح فيداويه فاذا وجدناه فسيحاسبنا الله عما فعلنا تجاهه

التخويف من النار ومن عذاب الله اسلوب قد ينجح مع البعض بينما ينجح مع الاخرين اسلوب الترغيب والتشويق
بينما يرق قلب البعض لما تصور له علاقته بالله علاقة ود وشوق لقاء ..
وهكذا ..
فاي فكرة اعتنقت وعلى اي الطرق سرت فانت محقة ان شاء الله

المهم نصيحتي الاخيرة:
عودي لعمرو خالد

بسم الله

اولا احب ابدأكلامي

بكلام النبي منقول عن ربه جل وعلا

ففي الحديث القدسي من حديث ابي هريره رضي الله عنه عن النبي صلي الله عليه وسلم عن ربه قال

(قال الله تعالي وعزتي لا اجمع علي عبدي خوفين وأمنين ان خافني في الدنيا امنته يوم القيامه وان أمنني في الدنيا اخفته في الاخره) صدق الله وصدق الرسول رواه ابن حبان في صحيحه


وقال صلي الله عليه وسلم (من خاف أدلج ومن ادلج بلغ المنزل الا ان سلعة الله غاليه الا ان سلعة الله الجنه)

رواه الترمزي

ومعني الحديث (السلوك الي الاخرة والمبادرة بالاعمال الصالحه خوفا من القواطع والعوائق اي خوفا من الله تعالي)




لان الخوف من الله هو صلب العقيده لانه وان كان غفور رحيم فهو ايضا منتقم شديد العقاب

كيب انتي قلتي هنا بدل ما يبقي الدافع اني اخاف من النار ما اخاف من غضبو وزعلو
طيب غضبو وزعلو هيؤدي الي اليه؟


اختي الفاضله

الجنه لها مراتب واهل الجنه لايستوون في التنعيم فيها
ففيها منازل للشهداء والانبياء والصاليحن وغيرهم

واعلي مرتبه فيها هيا رؤية الله تعالي

انتي عاوزه تحبي ربنا بمعني انك عاوزه حبك ده يبقي مش خوف من النار انو يبقي حب روحاني اي صله بينك وبينه ..

انتي كلامك جميل ومفيهوش اي غلط والطريق مفتوح بس انتي الي مش شايفاه

وممكن الي انتي فيه دلوقت يكون كرم من ربنا عليكي لانك عاوزه تحبيه هوا

يعني ارجع واقول في ناس بتعبد ربنا طمعا في الجنه

وفي بيكونو حريصين علي التقرب بكل ما يملكون حتي وان فنو ارواحهم لك يمن الله عليهم بأسمي شيء

الا وهو رؤية الله

قال تعالي
(للذين احسنو الحسني وزياده)
قال الالباني في تفسيرها (اللذين احسنو الحسني (الجنه )وزياده (رؤية الله )

فا حضرتك عاوزه يكون بينك وبين ربنا صله بمعني انك تعبديه لكي يرضي عنك

يبقي مفيش مشاكل تقربي اليه بكل خير وابتعدي عن ما يغضبه تدبري اياته بقلبك بادري علي فعل كل ما هو
خالصا لمرضاته ..

وده كلو في النهايه حتي تنالي مرضاته وغفرانه ورضاه عنك

وأسأل الله تعالي ان يجعلك من (اللذين احسنو الحسني وزياده)

وربنا يوفقك

ازهرى

انت فهمتنى صح بجد الحمد لله وريحتنى لما قلت

((((((
التخويف من النار ومن عذاب الله اسلوب قد ينجح مع البعض بينما ينجح مع الاخرين اسلوب الترغيب والتشويق
بينما يرق قلب البعض لما تصور له علاقته بالله علاقة ود وشوق لقاء ..
وهكذا ..
فاي فكرة اعتنقت وعلى اي الطرق سرت فانت محقة ان شاء الله)))))))))))


اصل فارس حسسنى ان حالتى ميؤس منها خالص وكنت زعلت اوى من نفسى امبارح والله


بالنسبه بقى لعمرو خالد
انا مش بدور على داعيه كامل او معصوم من الخطأ والموضوع مش مافيهوش مجال لاننا نتناقش فى عيوب ومزايا عمرو خالد
بس من اهم الحجات اللى خلتنى ابطل اسمعه انه بطل يقدم جديد
نفس الكلام فى كل درس وكل شريط
نفس القصص
ونفس الدعاء فى الاخر
مش هوا لوحده هو وكل الداعين الباقيين

كان المختلف فيه انه بيقدم جديد باسلوب شيق
بس ما عدشى كده على الاقل بالنشبه لى
انا ما بطلتش اسمعه بس مش مواظبه عليه

دا غير حجات تانيه كتير
انا بقولش انه وحش هوا فعلا الافضل بين كتير اوى
وانا زى ما قلت بسمعه عادى ونصيحتك مقبوله



شكرا على ردك ومرورك الكريم

فارس

كده تمام مشكور على ردك وتوضيحك ريحتنى

امال حالتى ميؤس منها ايه بس كنت تعبتنى والله

شكرا وتقبل الله منا ومنكم

جارة موضوع هايل
تسلم ايديك

بس متذكريش عمرو خالد فالموضوع اصل ناس يجيوا يعلقوا يقولولك عمرو خالد مش عارف عمل ايه وايه
ومش سايبين الراجل في حاله
مش عارفه بيعملهم ايه عشان يضطهدهوا زي ماقالوا على تعليق فيلم اوقات فراغ

لما قالت انا اتحجبت عشان سمعت شريط لعمرو خالد

وبعدها هيا قلعت الحجاب طب زنبه ايه بقى هوه
لا اله الا الله

جزاك الله كل خير موضوع هائل

ولكن لا ننسي ان عمرو خالد وبفضل الله اثر في ناس كتير؟؟؟

وشكرا

جارة موضوع هايل
تسلم ايديك

مشكوره يا عسل على رايك وردك


اكيد يا سميلر




سبحان مغير الاحوال

مشكور على ردك تانى والاولانى انت ريحتنى بجد لما رديت

الموضوع ده مش كان اتنسى ايه اللى صحاه تانى

طبعا ازهرى حسم النقاش

رد جميل جدا

ربنا يبارك لنا فيك يا ازهرى ويا اسماء وكل الاخوة الكرام اللى اشتركوا فى الرد

بس عندى اضافه بسيطه خالص

استاذى ازهرى قال ان

النفس البشرية مختلفة الطبائع والاحوال والاسلوب الذي ينجح مع هذا لا ينجح مع غيره

انا بعتقد ان الشخص الواحد قد يحتاج انه مرة يخوف ومرة اخرى يبشر

انا سمعت للدكتور ابراهيم الفقى ان الانسان لما يضع هدف يضع معه الامور المترتبه لو فعل الهدف ونجح فيه

وايضا الامور المترتبه لو فشل فى الهدف

فالاثنين معا يعطيان الرغبه والحماس فى النجاح

وجزاكم الله خيرا

وانا عندى اعتراض على عنون الموضوع

الله ربى وسيدى

لكنه برحمه وحبه يتودد الينا

لكن الله ليس صديقى

وشكرا يا اسماء على طرحك هذة القضيه

عنوان الموضوع هو الموضوع يا ابو جوده

اقرا تانى وقولى تعليقك

مشكور على مرورك الكريم

استاذ ابو جودة/
اضافتك دارت بذهني وماقدرتش اعبر عنها بصورة مفهومة
ربنا يبارك فيك ويكرمك

عنوان الموضوع يمكن غريب شوية
بس أظن بعد بيان المقصود من الكلمة فلا حرج ان شاء الله منها

(لان الاصل الا يطلق على الله ما سمعناه من النبي صلى الله عليه وسلم .. ولكن الحكم على الشيء فرع عن تصوره)

ويا جارة الموضوع ده نفسي يتثبت لاني انا نفسي باحتاج اقرا فيه كل فترة

كلام أزهري جميل جدا وقبل ما احييه باحييكي على طرحك الموضوع ده مع انه على قدر كبير من الخصوصيه ..

ثانيا يا أسماء خدي الطريق المختصر واتعلمي دينك كويس وانتي هتلاقي كل الأمور تتكشف أمامك ..

عمرو خالد أو غيره مش ده المهم ..

المهم انك تلاقي من يدعوكي لله فتستجيبي له بشرط أن يبقى في ذهنك أنه قد يخطئ ... فليس بعد الأنبياء معصوم يمشي على الأرض .


ما أكثر الدعاة الى الله .. وأعتقد أن اهتمامك سيدفعك للتعلم والمعرفة ..


تعلمي .. تعلمي .. تعلمي .


اللهم اهدنا جميعا سبيل الرشاد .

ماهو موجود يا ازهرى مش لازم يتثبت يعنى




ده اللى توصلت ليه فى النهايه
وده اللى بحاول اعمله





يارب مشكور على مرورك واضافتك الكريمه