مش ممكن والله
حد يصدق قرار خصخصة شركة صيدناوى
وعلى رأى المثل بلاها ليلى وخد سوسو
يعنى بلاها عمرو افندى وخد صيدناوى
اما نشوف بقى الحنش ونصبه هيعمل ايه تانى
وفى اخر كلامى عايز اقول حاجة
مشكور سيد وزير الاستثمار محمود محى الدين على هذا القرار
ياريت تقولوا ايه رأيكم فى القرار ده

هوة فى اجمل من دة قرار
يلا ربنا يوقفلهم ولاد الحلال
شكرا يابوكى على الخبر

العفو على ايه ياسنو
انا نفسى استغربت والله من الخبر مش ممكن بجد

الله يرحم قؤاد المهندس


هيبعتلهم دعوي !!!!!

يا جماعة الموضوع ميحكمش علية كدا

الاول نشوف بس صافى أرباحة السنوية كام .. واتباع بكام

وساعتها نقدر نقول قرار كويس ولا وحش

والخصخصة مفيدة فى كثير من الحلات والاحيان مش زى ما معظم الناس متخيلة

يا سلام عليك يا اكرم وعلى دماغك العالية

لا تمام بجد

بس يعني الحنش مش نصاب ولا حاجة

المشكلة ان الفساد الاداري في مصر بلغ حدا لم تبلغه روسيا يوم سقوط الاتحاد السوفييتي

يا جماعة بس بوكى مضايق لان بابا مدير فى الشركة و احنا اول ناس ممكن تضر
بس يا اكرم فعلا انا دخلت على موقع وزارة الاستثمار و لقيت ان الشركة بقالها متوسط 3 سنين خسارة
اه الخسارة بتقل بس حتى الميزانية بالسالب و دا اعتقد انها مؤشر بيقول ان الشركة ماشية فى مسار غلط

طيب يبقى الشركة كدا بتمثل نزيف فى الميزانية

وكان لابد من التخلص منها ... بس يارب يكون دا بعيد عن الاعيب الاقتصاد والسياسة

شكرا على الردود
بس يااكرم انت بتقول الخصخة كويسة انا معاك كويسة للبلد
انت او انا مش هنستفيد منها حاجة البلد هى اللى هستفاد
لكن بالعكس الناس اللى شغالين فى الشركات ديه هما اللى هيضروا صح ولا لا
ولا انت ايه رأيك برده

بص يا سونة
فى افادة هترجع على الشباب لان هنفتح مجال و فرص كتير للشباب
انا معاك ان فى ناس هتضر بس بيتهيالى ان الافادة هتكون اكتر

ولو اني مش عارفة مين صيدناوي ده


لكن مسألة الخصخصة في مصر زادت عن حدها

وانا بتكلم بشكل اجمالي بغض النظر عن عمر افندي مثلا


يعني مسألة خصخصة البنوك ... وبيعها لشركات وبنوك اجنبية ... ده تصرف خاطئ تماما


احنا كده بقى عندنا استعمار في البلد !!


فلو امتد الموضوع لكل المؤؤسسات الحكومية

يبقى كده هنبقى مستأجرين في بلدنا ي جماعة


انا مع الخصخصة ان كانت في سبيل الاصلاح ولكن ايضا تكون خصخصة داخلية

فير ..
مش عارفة صيدناوي !!

اهي ديه احلى حاجة في الموضوع كله

على فكرة يا جماعة انا جيبالك خبر تحفة
عمرو افندى تم بيعه كاملا أمس لشركة الانوال السعودية

انا اول مرة اسمع الاسم ده بصراحة يا ازهري

انا بشوف عمر افندي في الافلام العربي ... كانه حاجة من اثار مصر ... ده الهرم وابو الهول مش بيطلعو اد عمر افندي في الافلام


انما اخونا صيادية ده معرفوش


ده بتاع ايه بالظبط؟؟؟

انتو كده لخبطوني ي جماعة

مين صيدناوي ومين اللي اتباع ومين اللي اشترو ايه


ههههههههههههههههههههههههههههه


مصر مابقتش بتاعتنا ي جماعة

صيدناوي زي عمر افندي بالظبط
محلات كل حاجة واي حاجة

وحصل فيهم كلهم اللي حصل في لعبة الست