كان صلى الله عليه وسلم يستعيذ بالله تعالى فيقول


( أعوذ بالله من الشيطان الرجيم من همزه ونفخه ونفثه) ( أبو داود وابن ماجه والدارقطني )

وكان أحيانا يزيد فيه فيقول : ( أعوذ بالله السميع العليم من الشيطان . . . ) .
ثم يقرأ : ( بسم الله الرحمن الرحيم ) ولا يجهر بها ( البخاري ومسلم )


يعني يا فير الناس بتقرأ الفاتحه بس في سرهم اقتداء بالسنه الشريفه ..
انما عدم قراتها قد تؤدي الي بطلان الصلاه والله اعلم

؟؟؟

بالظبط كده ..
و على العموم فيه كتير لو ركزتى بتسمعيهم بيقولوها بصوت منخفض جدآ دا لو انتى ورا الأمام على طول ..
يعنى هيا بتتقال .. لكن بصوت منخفض جدآ .. لأن كده سُنه عن النبى صلى الله عليه و سلم ..

بصي يا فير


انا لسة شايف الموضوع حالا والله .

بقي قراءة البسملة في الصلاة حاجة وكونها من الفاتحة اصلا حاجة تانية خااااالص

الموضوع الاولاني:

الفاتحة سبع ايات بلا خلاف

وانما الخلاف في هل البسملة اية فيها بحيث يبقي اية : " اياك نعبد واياك نستعين " اية واحدة بس
او ان البسملة تبقي مش اية فيها وتبقي " اياك نعبد " اية و " اياك نستعين " اية تانية

والقرطبي والسيوطي حكوا نقاشات كتييييييييير في الخلاف ده يمكن يكون د.سيد طنطاوي اختصره في التفسير بتاعه
ما علينا .. المهم الراجح ان البسملة اية وان اياك نعبد واياك نستعين اية واحدة

موضوع قرءاة البسملة في الصلاة على خلاف بين المذاهب الاربعة:
المذهب المالكي : لا يقرأها مطلقا لا سرا ولا جهرا
المذهب الحنفي : تقرا سرا لا جهرا ومثله الحنابلة
والمذهب الشافعي تقرا جهرا

وطبعا ايه سبب الخلاف ومناقشات الادلة ده كلام كبير برضه بس على كل حال اتباع اي مذهب من المذاهب جائز ولا ينكر احدنا على الاخر

شكرا يا فارس ومورفيوس على الرد بتاعكو

وجزاك الله خيرا يا ازهري على التوضيح الرائع في موضوع ال 7 ايات واختلاف المذاهب في حكم قراءة البسملة


طيب دلوقتي

على حسب المالكي


لا يتم قراءة البسملة سرا او جهرا


طيب ده مش بيسبب ابطال الصلاة ؟؟؟؟

واشكركم مرة تانية على افاداتكم الجميلة جدا

بصي يا فير

هاحكيلك قصة سغيرة قوي وحلوة قوي قوي

" كان الامام أحمد بن حنبل يرى كالامام ابي حنيفة ان الدم اذا سال من الجرح ينقض الوضوء ويرى الامام مالك والشافعي عدم نقض الوضوء بالدم
فسال احد تلامذة الامام احمد : يا امام هل نصلي خلف مجروح لم يتوضا ؟
فالامام أحمد قال: أفلا اصلي خلف مالك؟"
يعني عاوزين تفهموني اني مش هاصلي ورا الامام مالك عشان ماتوضاش من الدم ؟ !!


يبقي احنا لازم نفهم حاجة مهمة قوي .. ان الاحكام الفقهية مبنية على غلبة الظن
يعني الفقيه يغلب عليه الظن ان الحكم كذا وكذا .. لذلك الراي المخالف هو عنده عبارة عن كلام مشكوك فيه
وده يفسر جملة الامام الشافعي :" قولي صواب يحتمل الخطا وقول غيري خطا يحتمل الصواب"
فالمسالة احتمالية محضة وبيغلب علي انها كذا .. بس
وتختلف كتير انها تكون امور يقينية ثابتة لا خلاف فيها فيبقي الراي المخالف هلفطة وكلام خايب مالوش معنى

فالصلاة على مذهب الامام مالك مش باطلة ولا حاجة ولعل الامام مالك نفسه ممن يرى ان البسملة ليست اية في الفاتحة
والمذهب المالكي انتشر ولا يزال في ربع العالم الاسلامي تقريبا( من اول ليبيا لحد اخر الاندلس بالاضافة الى صعيد مصر والسودان وبعض بلاد الحبشة ووسط افريقيا - راجع : جغرافيا المذاهب الفقهية)
واللي يقول ان البشر ديه كلها صلاتها باطلة يبقي نقول: " جاله منين المخ ده "

واعذروني مش هاتكلم عن موضوع حديث الشيخين عشان مش باحب اتكلم بالطريقة ديه