الغامض
Oct 16 2006, 01:41 PM
يوميات مدير .. أخطاءه كتيرإذا كنت مديرا فعليك أن تراقب سلوكك وتقيم قراراتك كل فترة لأن أثرها لن يقتصر عليك بل سيمتد لمنظومة العمل التي تقودها إما بالسلب أو بالإيجاب. وأي مدير في العالم يخطئ ويصيب ، ولكن إذا لم يتعلم من أخطائه فساعتها يصبح في خانة الفاشلين ، أما إن كان من الذين يستدركون أخطا ء هم أو لا يكررونها فهو عندئذ من الناجحين .
ولأن بعض المديرين نياتهم حسنة ، ويتخذون قراراتهم على اعتقاد أنها تحقق السعادة للموظفين ولمصلحة المؤسسة ، ولكن قد تجر هذه القرارات خيبة الأمل عليهم وعلى مؤسساتهم ؛ لذا حاول أن تكتشف معنا الخطأ في المواقف التالية لتعرف كيف تتلاشاها ... ؟.
هانشوف الموقف الاول .. :
الذراع اليمنى
أحد الموظفين متميز جدا في العمل ؛ لذا يعتمد عليه المدير في كل المهمات الصعبة باعتباره الذراع اليمنى له ، حيث يؤدي العمل بكفاءة ودقة أكثر من زملائه ، وكلما حدثت مشكلة اعتمد عليه في التعامل معها، وكذلك يكلفه بأعمال أثناء الإجازات.
وبحسن نية يعتقد المدير أن الموظف سعيد بذلك حيث إنه محل ثقته ، كما أنه يستفيد من المقابل المادي العائد عليه نتيجة العمل الإضافي والتكليف بمهمات صعبة... !! 
فى أنتظار مشاركاتكم .. وعايز اعرف ايه الغلط اللى المدير عمله .......... 
؟؟؟
el3'@med
فنكوش المنكوش
Oct 16 2006, 06:03 PM
لا اعلم ان كان خطا ام لا انا اتفق تماما مع راى الاخت مها و لكن ماذا ان كان العمل بينهما يقوم على مبدا الشورى متهيألى افضل لان فكرين احسن من فكر واحد
Dr.beboo
Oct 16 2006, 06:29 PM
الخطأ من وجهة نظري
انه بيعتمد علي واحد بس في الشغل
ممكن يكون فيه ناس تانية كويسة في الشغل بس هو مش واخد باله منهم
و غير كدة المدير بيفترض من عنده حاجات ممكن تكون غلط
انه الموظف فاكره واثق فيه و بيعتمد عليه في كل حاجه
موضوع رائع يا غامض
Without Fear
Oct 16 2006, 07:48 PM
انا بردو موافقه على موضوع ان لا يجوز الاعتماد على شخص واحد بعينه في تحمل مسؤوليات العمل وده لسببين او 3
الاول قالته مها... وهو ان فيه البعض بيحاول دايما يرتقي في شغله وده احيانا لو انتفى الضمير بيعمل مشاكل كتير جدا
وبالتالي ده ممكن يسبب مشاكل لزملاؤه
ومن ناحية تانية ممكن يثير حقد زملاؤه عليه ويعملوفيه مقالب
والسبب التاني ... انه ممكن يبقى زي حلاتنا كده (ام اي بي) ... لكن ماعندهومش صلاحيات الادمنستريتور ...
وبالتالي لا يقدرو يصلحو اخطاء في الموقع
ولا يحلو مشاكل ولا يعملو اي حاجة جذرية
وكذلك الحال في اي شغل تاني
وموضوع رائع يا غامض
الغامض
Oct 17 2006, 02:45 AM
طيب ياجماعه .. جميل جدآ
انا فى انتظار باقى الاعضاء .. ياريت الكل يتفاعل معانا
والموضوع ده على فكره تابع ومكمل لدورة التنميه البشريه .. لان الهدف منه تصحيح أوضاعنا لنكون قائدين ماهرين فى المستقبل أن شاء الله
لما نكمل عشر ردود .. هاقولكم على الغلط
el3'@med
MR_ZABADE
Oct 17 2006, 03:20 AM
تقريبا ان الخطأ ف الزراع الايمن اللي بيشتغل مع المدير
و هو اللي اخد المدير عليه و حرمه من اجازته -__
لأ بجد اعتقد ان مش من الغلط ان المدير يعتمد على واحد بس ف كل حاجه
زي المربكه بردو
لو المدير جاب اكتر من واحد يمسك الشغل
المركب هتغرق
بس من رأيي ان اي غلط بيحصل ف اي عمل
بيكون راجع لسوء تقسم العمل
تقسيم العمل اهم شئ ف اهم عمل
و هنبقى نشوف الحكايه دي بعدين
و طبعا موضوع ممتاز و متميز يا صاحبي
ايوا كدا هو دا الشغل
محمد بدر الدين
Oct 17 2006, 04:28 AM
انا الرد رقم 8:
الغلط من وجهه نظري:
1) الخطأ في عمليه توزيع الادوار والمهام بين الموظفين الي تحت دارته.
2) الاعتماد على موظف واحد فقط...لان الكمال لله وحده.
3) عدم الاهتمام بحاجات الموظف الملحه والاساسيه و الا اراديه في طلب الاجازه.
4) الثقه العمياء في الموظف مما يسبب مشاكل للمدير نفسه...لان المال السايب بيعلم السرقه.
5)عدم الاهتمام ببقيه الموظفين...مما يفقد الفريق روح الزماله والتعاون...وبذلك هدم النظام القائم عليه العمل.
6) توكيل كل المهام الصعبه على الموظف مما ينال المدير وحده الثناء وربما الترقيه ويبقى الموظف متعلق بحافز كالطير على الشجر...مما ينمي الحقد والحسد و...هدم النظام ايضا..
اظن ان دي كل الغلطات الي عملها المدير صاحبنا...
وانا محتار يا غامض من خيارات التصويت...
مش كنت تحط خيار(ممتاز مع مرتبه الشرف)؟؟؟!!
Without Fear
Oct 17 2006, 03:50 PM
ناقص 3 ردود
فين الباقي
انتو هتخلونا متعلقين كده يعني؟
Dr.beboo
Oct 17 2006, 05:57 PM
يا اخوانا ردوا.....!!!!
عايزين نعرف الغلط فييييييييييين؟؟!!!
بص يا غامض ما تمشيها 8 ردود و خلاص
بجد موضوع ممتااااااااااااز....
فارس جزيرة الاحلام
Oct 17 2006, 07:39 PM
اقتباس
الذراع اليمنى
أحد الموظفين متميز جدا في العمل ؛ لذا يعتمد عليه المدير في كل المهمات الصعبة باعتباره الذراع اليمنى له ، حيث يؤدي العمل بكفاءة ودقة أكثر من زملائه ، وكلما حدثت مشكلة اعتمد عليه في التعامل معها، وكذلك يكلفه بأعمال أثناء الإجازات.
وبحسن نية يعتقد المدير أن الموظف سعيد بذلك حيث إنه محل ثقته ، كما أنه يستفيد من المقابل المادي العائد عليه نتيجة العمل الإضافي والتكليف بمهمات صعبة... !!
اعتقد ان ده مفيهوش اي حاجه خالص ان المدير يعتمد علي شخص معين هوا شايف انو مميز
بس مش يعتمد عليه ويروح ينام في البيت ...لآ
لازم يتابع اكيد عشان انتو عارفين الثقه الذايده ممكن تودي لفين
وانا اشايف طالما ان المدير بيتابع وواخد بالو من الي حوليه
يبقي مفيش حاجه انو يعتمد علي شخص معين لكونو متميز وكفء
واكيد ده هيحمس زملائه علي العمل الجاد عشان يوصلو لثقة المدير ومن ثم التميز والرقي الوظيفي ...
وموضوع رائع يا محمد
واخلص بقي قولنا ايه الصح
الغامض
Oct 17 2006, 08:19 PM
أولا اشكركم على المتابعه والردود .. ثانيآ هاقولكم خلاص على الغلط عشان ماتزعلوش اقتباس
أحد الموظفين متميز جدا في العمل؛ لذا يعتمد عليه المدير في كل المهمات الصعبة باعتباره الذراع اليمنى له، حيث يؤدي العمل بكفاءة ودقة أكثر من زملائه، وكلما حدثت مشكلة اعتمد عليه في التعامل معها، وكذلك يكلفه بأعمال أثناء الإجازات.
وبحسن نية يعتقد المدير أن الموظف سعيد بذلك حيث إنه محل ثقته، كما أنه يستفيد من المقابل المادي العائد عليه نتيجة العمل الإضافي والتكليف بمهمات صعبة... 
الخطأ هو ... :المدير وقع في خطأ كبير بالموقف الأول ، فمن ناحية اعتمد على موظف واحد في معظم الأعمال ، وهذا الموظف يمكن أن يترك العمل في حالة وجود فرصة أحسن أو للحصول على إجازة أو لأي سبب ؛ وهو ما قد يسبب مشاكل كثيرة في العمل ، كما تتسبب هذه المعاملة في إحساس باقي العاملين بالدونية والغيرة من زميلهم المتميز ؛ وهو ما يفسد مناخ العمل .
classic
Oct 17 2006, 08:30 PM
انا شايفه ان غلطته انه حمل الشغل كله على واحد بس ومداش فرصه لحد تانى
وكمان كده برضه انانيه منه انه رامى الشغل كله عليه
محمد بدر الدين
Oct 17 2006, 10:06 PM
ماشي يا غامض...هي دي بس الغلطه...الوحيده..!
ماااااااشي...ادينا الموقف التاني
الغامض
Oct 17 2006, 10:57 PM
الموقف التانى ... :مهمة خارجيه
طُلب مدير عام الشركة من أحد مديري الأقسام ترشيح أحد العاملين بالقسم لديه لمهمة خارج الشركة لمدة عام كامل ، وبحسن نية رشح أسوأ الموظفين لديه على سبيل التخلص منه ، وبالتالي يحقق الراحة والتواؤم في القسم الخاص به ، ويخلص زملاءه في القسم من المشاكل التي يسببها نظرا لمستواه الضعيف مقارنة بزملائه... !!!
snowwhite20
Oct 17 2006, 11:19 PM
اولا الخطا ان مدير القسم دة بيعالج شىء سلبى بشىء سلبى اكبر
يعنى لما يبعت اسوء موظف عنده فى مهمة خارجية المفروض اسمها مهمة
يعنى يتطلب فيها الامانة والدقة فمن المفروض انه يكلف موظف كفء للمهمة دى
ثانيا بقة وهوة الاهم انه المفروض يعالج مشكلة الموظف السىء دة امال هوة مدير قسم ازاى ولا ايييييييييه؟؟؟؟؟؟؟؟؟
محمد بدر الدين
Oct 18 2006, 02:47 AM
انا اؤيد رأي سنو وايت 
shahd
Oct 18 2006, 04:22 AM
انا كمان رايى من راى سنو يهنى هو عشان يحقق الراحة فى القسم بتاعه يخرب ناحية تانية وكمان فى حاجة المفروض ان لما تكون فى مهمة ومطلوب مظف لها يتم الاختيار تبعا للمجهودات المبذولة من قبل كل موظف ويشرف المدير بنفسه على ذلك
only_da_ana
Oct 18 2006, 05:01 AM
انا مع سنوو برضوا
وفي حاجه كمان انه لما يبعت اسوأ موظف عنده
هيعطي انطباع سىء لاصحاب المهمه
اللي الموظف هيعملها ليهم ..
وكمان مدير القسم ممكن بعد كده يفقد الثقه في مدير القسم ده
لما المهمه تفشل..
والمدير اصلا مش هيكون فهم الموظف اخطاءه
لا دا كده هيكون حسسه انه من افضل الموظفين عنده ..
وبس ..
MoRphEuS
Oct 18 2006, 07:36 AM
فعلآ ..
يعنى ..
1 - أحتمالات فشل المهمه بشكل كبير .
2- أعطاء الموظف الفاشل الأحساس بأنه الأفضل .
3- حث غير مباشر لباقى الموظفين على التكاسل و الفشل .. بما ان الفاشل هوا الى بياخذ مكافآه الخروج لمهمه خارج موقع العمل
4 - حل الخطأ فى العمل بخطأ أكبر .
5- مكآفآه الموظف المهمل بدلآ من عقابه بشكل مباشر .. (( بما ان المهمات الخارجيه لها مكافآت .. ))
وموضوع هاااااااااااايل يا غامض ..
الغامض
Oct 18 2006, 02:20 PM
اقتباس(محمد بدر الدين @ Oct 17 2006, 08:06 PM)
ماشي يا غامض...هي دي بس الغلطه...الوحيده..!
ماااااااشي...ادينا الموقف التاني
للتوضيح بس مش أكتر
انا بنزل الموقف وبشوف ايه الخطأ من وجهه نظر كل واحد فينا .. وبعدين بقول الخطأ اللى حصل من وجهه نظر المتخصصين مش أكتر
لكن أكيد طبعآ اننا هانطلع اخطاء تانيه كتيره بتحللينا الشخصى للموقف .. وده هايفيدنا باردوا .. يعنى الموضوع مش مسابقه ولا الغاز .!!
وشكرآ على متابعتك للموضوع يامحمد .. واتمنى تتابع للاخر
el3'@med
Dr.beboo
Oct 18 2006, 04:42 PM
مش قادرة تاني مقولش ان الموضوع رااااااااااااااااائع يا غامض
و الخطأ في الموقف التاني:
ان مهمة خارجية محتاجة موظف كويس للمهمة
و بعدين الناس اللي برة هيفتكروا ان كل اللي بيشتغلوا عند المدير ده بالطريقة دي متكاسلين
احنا ال
مفروض نبين احسن ما عندنا مش اسوأ
classic
Oct 18 2006, 06:20 PM
طبعا دى عدم امانه منه انه يختار موظف غير كفء
وكمان سلبيه انه يختار شخص غير لائق للمهمه لمجرد انه يريح دماغه
وبرضه ده هيخلى الموظفين التانيين يهملوا عملهم مادام ان الفاشلين هما اللى
يوكل اليهم المهام ف الخارج والموضوع برضه الى حد كمبير يرجع لعدم الامانه ف الاول والاخر
موضوع جميل اوى يا غامض
الغامض
Oct 19 2006, 01:41 PM
طيب جميل جدآ ياجماعه ... انا فى أنتظار باقى الاراء من الاعضاء
اتمنى ان الكل يشارك .. وشكرآ
el3'@med
MoRphEuS
Oct 19 2006, 11:42 PM
يا عم انت ما تقول ..
أنت كده بترتكب خطأ جديد من أخطاء المدير ..
وهو انك هتخلى الناس الى ردت تنسى الموضوع ..
ولما الموضوع يطول .. هتخلى الأعضاء تكسل عن المشاركه
وكمان .. هتخلى الأعضاء يقولوا نفس الكلام ..
الحــــــل
أنك تعمل نص الأجابه مخفى ..
وتنبه على الأعضاء انهم مايقولوش الخطأ فين لما يشوفوه
الغامض
Oct 20 2006, 12:07 AM
طيب .. بناءآ على رغبه الجماهير .. هانعلن الخطآ للموقف التانى .. " مهمة خارجيه " .اقتباس
طُلب المدير العام للمؤسسه من أحد مديري الأقسام ترشيح أحد العاملين بالقسم لديه لمهمة خارج الشركة لمدة عام كامل، وبحسن نية رشح أسوأ الموظفين لديه على سبيل التخلص منه، وبالتالي يحقق الراحة والتواؤم في القسم الخاص به، ويخلص زملاءه في القسم من المشاكل التي يسببها نظرا لمستواه الضعيف مقارنة بزملائه...
لم يناقش المدير الموظفين في مسألة الترشيح ، فربما تكون لدى بعضهم الرغبة في هذه المهمة ، ويرى في نفسه الأحقية ، وبالتالي يرى ترشيح ذلك الموظف نوعا من المحسوبية ، وفي نفس الوقت لم يحسب حساب سمعة الشركة عندما يذهب موظف ضعيف المستوى إلى مهمة خارجية ممثلا اسم الشركة .
مشموشة
Oct 20 2006, 04:54 AM
موضوع رائع جدااااااا يا غامض
الخطأ إن المدير لم يختار بنفسه أحد العاملين لقضاء المهمة
لأن مدير القسم الذى طلب المدير منه ترشيح احد العاملين .. ممكن يختار أسوأ موظف للتخلص منه ومن مشاكله كما قال المتخصصين
كما يمكن ان يختار موظف بالاتفاق معه في عائد مادى عليه من هذه المهمة التى يقوم بها ويأخذ عليها أجر
يعني ممكن يختاره ويتفقوا علي فيفتي فيفتي يعني
وممكن يكون فى موظف جدير بأن يقوم بهذه المهمة ولكن بينه وبين مدير القسم نوع من الحزازية والكراهية فالبتالي مش هيختاره مدير القسم
وخطأ المدير العام أنه لم يتناقش مع موظفينه وعدم الوصول الي القدرة الذاتية بالعمل لكل موظف حتى يختار بنفسه ويحسن الاختيار
انما مش يسيب الاختيار لمدير القسم ويا تصيب يا تخيب 
MoRphEuS
Oct 20 2006, 06:25 AM
اقتباس(مشموشة @ Oct 20 2006, 04:54 AM)
موضوع رائع جدااااااا يا غامض
الخطأ إن المدير لم يختار بنفسه أحد العاملين لقضاء المهمة
لأن مدير القسم الذى طلب المدير منه ترشيح احد العاملين .. ممكن يختار أسوأ موظف للتخلص منه ومن مشاكله كما قال المتخصصين
كما يمكن ان يختار موظف بالاتفاق معه في عائد مادى عليه من هذه المهمة التى يقوم بها ويأخذ عليها أجر
يعني ممكن يختاره ويتفقوا علي فيفتي فيفتي يعني
وممكن يكون فى موظف جدير بأن يقوم بهذه المهمة ولكن بينه وبين مدير القسم نوع من الحزازية والكراهية فالبتالي مش هيختاره مدير القسم
وخطأ المدير العام أنه لم يتناقش مع موظفينه وعدم الوصول الي القدرة الذاتية بالعمل لكل موظف حتى يختار بنفسه ويحسن الاختيار
انما مش يسيب الاختيار لمدير القسم ويا تصيب يا تخيب على فكره الحل اتقال قبلك بأربع ساعات
وأحسن واحد فينا ماجبش نصفه
Dr.beboo
Oct 20 2006, 04:23 PM
لا يا مرفيوس انا جاوبت نص الحل
وفي نفس الوقت لم يحسب حساب سمعة الشركة عندما يذهب موظف ضعيف المستوى إلى مهمة خارجية ممثلا اسم الشركة .
انا قلت كدة برضه........
الغامض
Oct 20 2006, 05:26 PM
الموقف الثالث ... " التغطيه على الموظف " .. :
انضم للعمل موظف جديد قليل الخبرة وكُلف بأداء بعض المهمات الصعبة التي لا تتناسب مع خبرته؛ لذلك قام المدير بحسن نية بتنفيذ الأعمال بدلا منه، وتقديمها للشركة على اعتبار أن الموظف الجديد هو الذي قام بتنفيذ تلك الأعمال اعتقادا منه بأن ذلك سيسعد الموظف الجديد ويحقق له خطوة إلى الأمام في العمل... !!
فى أنتظار ردودكم ومشاركاتكم ... *
el3'@med
Dr.beboo
Oct 20 2006, 06:07 PM
اولا هما ارتكبوا غلط كبير بتكليفه بمهام لا تتناسب مع خبرته
هيحس انه مش عارف يعمل حاجه
و الغلطة التانية انه عملهم بدل منه
بكدة كل اما يتنسبلوا مهام صعبة المدير هيعملها بداله و هو مش هيتعلم
و لو حصل و المدير مكنش موجود الموظف مش هيعرف يعمل اااي حاجه
كان اولي انه يخلي حد يعمل المهام دي قدام الموظف الصغير عشان يتعلم
هو كدة مش هيحققله خطوة للامام بالعكس ده بيوقف مستوي الابداع عنده
only_da_ana
Oct 21 2006, 12:36 AM
اولا: هو فعلا ممكن يسعد الموظف الجديد
بس معني كده انه يوقف عنده الابداع زي ما بيبوو قالت
وكمان لما يعطيله شغل اكبر من امكانياته ويعمله هو
فدا مش هيخلي الموظف يتعلم ..وهيخليه دايما معتمد علي المدير
بس هيوقف عنده التفكير ..يعني هيخلي المدير هو اللي يفكره له في المهمات وازاي يعملها
وبكده هيحقق له خطوه للوراء مش للامام..
وهيخلي الموظف يفتكر انه احسن الموظفين لانه بيأخد مهمات كبيره
بس المدير هو اللي بيعملها
وممكن يولد الضغينه بين الموظفين
لانهم شايفين ان المدير هو اللي بيعمل شغل زميلهم
موضوع رائع يا غامض
ومستنيين بقيت المواقف..
Dr.beboo
Oct 21 2006, 06:21 PM
فين الردود يا جماعة؟؟؟؟؟؟؟
عايزين نعرف الغلط فيييييييييين؟؟
شاركوا لو سمحتوا
الموضوع هايل بجد ما شاء الله
فارس جزيرة الاحلام
Oct 21 2006, 07:41 PM
مع ان ردودي زي ما يكون مالهاش دخل بالموضوع انما هقول
اقتباس
الموقف الثالث ... " التغطيه على الموظف " .. :
انضم للعمل موظف جديد قليل الخبرة وكُلف بأداء بعض المهمات الصعبة التي لا تتناسب مع خبرته؛ لذلك قام المدير بحسن نية بتنفيذ الأعمال بدلا منه، وتقديمها للشركة على اعتبار أن الموظف الجديد هو الذي قام بتنفيذ تلك الأعمال اعتقادا منه بأن ذلك سيسعد الموظف الجديد ويحقق له خطوة إلى الأمام في العمل... !!
اولا الخطا ان المدير كلف موظف جديد بعمل ليس اهلا له وبالتالي قام هو بنفسه بإنهاء العمل فكان اولي انو يقوم بيه من الاول ولا داعي للتغطيه
اما بالنسبه للموقف فالموظف معوزر لكون خبرته العمليه قليله ويمكن ان يكون مثل هذا الموقف بمثابة اكتساب خبره جديده للموظف في العمل من حيث مشاهدته لما يقوم به المدير
وممكن جدا الموقف ياثر علي الموظف ويحمسو انو يكون جدير بمثل هذه الاعمال وخصوصا ان المدير قام بالتغطيه عن الموظف بدون وساطه
يعني لو كان عمل كده بالوساطه يلبقي الموظف هيفضل طول عمرو كده اعتمادا علي ما سبق
خلصنا يا عم انت بقي .....
رائع الموضوع
الغامض
Oct 23 2006, 03:38 AM
طيب يلا ياجماعه ... فين الناس .. انا فى أنتظار بقيت الاراء
el3'@med
الغامض
Oct 30 2006, 11:29 AM
اقتباس
الموقف الثالث ... "
التغطيه على الموظف " .. :
انضم للعمل موظف جديد قليل الخبرة وكُلف بأداء بعض المهمات الصعبة التي لا تتناسب مع خبرته؛ لذلك قام المدير بحسن نية بتنفيذ الأعمال بدلا منه، وتقديمها للشركة على اعتبار أن الموظف الجديد هو الذي قام بتنفيذ تلك الأعمال اعتقادا منه بأن ذلك سيسعد الموظف الجديد ويحقق له خطوة إلى الأمام في العمل... !!
الخطأ ف الموقف الثالث من رأى المتخصصين " بالاضافه لارائكم طبعآ " ... :
كان من المفترض أن يتعاون المدير مع الموظف الجديد لا أن يقوم بالعمل بدلا منه ؛ لأن هذا من ناحية أعطى صورة غير صحيحة عن أداء الموظف ومستواه الفني وفي نفس الوقت لم يتعلم الموظف أي جديد يُضاف إلى خبرته ومهارته العملية.
مشموشة
Oct 30 2006, 12:42 PM
Dr.beboo
Nov 1 2006, 08:03 PM
يالا يا غامض منتظرين المواقف الباقية
only_da_ana
Nov 2 2006, 05:07 AM
الغامض
Nov 11 2006, 10:42 PM
الموقف الرابع ..... (( يوم الإجازة )) .
قام أحد الموظفين بالعمل في عطلة يوم الجمعة لإعداد مجموعة من العروض سيستخدمها رئيسه في اجتماع سيعقده مع عميل مرتقب ، وأثناء قيامه بذلك اكتشف وصحح بعض الأخطاء الحسابية القاتلة.
وعندما عرف المدير ذلك قام بحسن نية بتكريم الموظف بشكل مفاجئ في أحد الاجتماعات ، وأصر على أن يلقي خطابا أمام زملائه عما قام به والخطأ الذي اكتشفه...
safi
Nov 11 2006, 11:31 PM
اممممممممممم
الموقف يه اكتر من خطأ
أولا الموظف المفروض انه ميشتغلش خارج وقت عمله..مش واجب عليه وبالتالي بردو مش من حق المدير يكرمه لنفس السبب
كمان المفروض المدير يدور ويعرف ايه الاخطاء اللي حصلت ومين السبب فيها ويتخذ الإجراء المناسب معاه لانه لو مكنش الموظف اكتشفها وعدلها هتحصل مشكله مع العميل وتسوء سمعة الشركة
بس تكريم المدير للموظف فيه جانب ايجابي وهو انه ممكن بكده يشجع باقي الموظفين ان كل واحد ياخد باله من شغله ويحاول يكتشف اي خطا ويصححه يمكن يتكرم هو كمان 
موضوع متميز كالعادة يا غامض
only_da_ana
Nov 12 2006, 10:04 PM
اخيرآآ...الحمدلله
انا بقي شايفه فعلا انه كويس انه كرم الموظف
ودا طبعا تشجيع ..وبالتالي الموظف بعد كده هيأخد باله
بس كان لازم فعلا يدور علي صاحب الغلط ..ويحاسبه زي ما صافي قالت..
وكونه اشتغل في يوم العطله فممكن يكون عشان ينجز شويه في شغل..
عادي يعني..
انا عندي احساس ان الموقف دا معقد شويه ..
الغامض
Nov 16 2006, 09:27 PM
شكرآ ياصافى وشكرآ يامها على الرد والمرور .. والاجابات كمان
وفى أنتظار بقيه الاراء .. انا مستنى ،،
el3'@med
الغامض
Nov 18 2006, 10:43 PM
شكرآ يابيبو على الرد والاجابه
هو تقريبآ الموقف فيه غموض شويه .. بس أكيد هاتعرفوه قريب
el3'@med
safi
Nov 30 2006, 11:17 AM
فين الحل يا غامض؟؟
انت نسيتنا ولا ايه!!
الغامض
Dec 5 2006, 08:12 PM
اقتباس(الغامض @ Nov 11 2006, 08:42 PM)
الموقف الرابع ..... (( يوم الإجازة )) .
قام أحد الموظفين بالعمل في عطلة يوم الجمعة لإعداد مجموعة من العروض سيستخدمها رئيسه في اجتماع سيعقده مع عميل مرتقب ، وأثناء قيامه بذلك اكتشف وصحح بعض الأخطاء الحسابية القاتلة.
وعندما عرف المدير ذلك قام بحسن نية بتكريم الموظف بشكل مفاجئ في أحد الاجتماعات ، وأصر على أن يلقي خطابا أمام زملائه عما قام به والخطأ الذي اكتشفه...
ثانيآ : زى ماعرضنا مع بعض أرائنا في الموقف .. تعالوا نشوف المتخصصون شافوه من أنى اتجاه وقالوا ايه ...التكريم جاء بشكل مفاجئ من قبل المدير في الموقف الرابع ، وكذلك إصراره على إلقاء الخطاب دون مناقشة الموظف في ذلك أو حتى إعداده نفسيا لذلك الموقف، فربما يكون خجولا لا يحب الظهور بهذا الشكل؛ وهو ما يسبب له إحراجا دون داع. .
أنتظروا الموقف الخامس ... والاخير فى موضوعنا
el3'
@med
Dr.beboo
Dec 6 2006, 10:23 AM
طب افرض مش بيكسف يعني
ايه المشكلة يعني دي احل يحاجة في الموضوع التكريم الفجائي دة
و بعدين دول في الشغل مش في حفلة و ناس منشية يخاف منهم
مش مقتنعة بالحل يا غامض....
غامض 
