الجنيه
صدقينى يا جنيه
انا منك ما عدت بخاف
لا ... من ولادك
العفاريت المجنونه
ولا .... من سنانك المسنونه
ومش هرتعش
من حكاياتك
ومش هشيب
ومن جعزاتك
وفى عز الضلمه
همشى بدون كشاف
وفى عز برد الشتا .....
هرفس برجليا اللحاف
وفى عز حر الضهريه
هميل جنب شجره الصفصاف
يا ام العيون مشقوقه
والاظافر خطاف
صدقينى يا جنيه
انا منك ما عدت بخاف
لو تحرقى قميصى الوحيد
وتكسرى حصان ابنى الحلاوه
هبقى زيك اخر شقاوه
احضنك . ابوسك
اكسر ضروسك
واللى يدوسك
ابنى الى انكسر حصانه
تروح اللته من لسانه
ينتق يقول الحق
يقدر يقول لا
ومن غير عصايه موسى
البحر له ينشق
تغرق العفاريت والجنانى
وانا من تانى
اكتب على الجميزه عنوانى
والخوف من يخاف
انا منك ما عدت اخاف
اولا :-
احب ان اوضح اننى احترت فعلا فى وضع تلك النصوص
مش عارف الصراحه انا من المفروض انا اضع ذلك النص
اين
هل فى من المحيط الى الخليخ
ام فى احداث مصريه
ام فى واحه الاشعار
اخيرا انا قولت ان اضعها فى المنتدى العام
ملحوظه مهمه:-
تلك القصيده كاتبها :- محمد نجيب العراقى
مصدرها :- مجله ادبيه يصدرها اقليم شرق الدلتا الثقافى
المجله :- اوراق ثقافيه
شكرا ليكم جميعا على حسن قراتكم
وارجوا ان يكون نقل النص والنص نال اعجابكم
شكرا