انا قرر احكى بقى بدل ما اهدر مواهبى على الارض والعيال اخواتى بيكتحنو الايام دى وانا اللى متشرده كده وكل ما اقرب من حد فيهم ماما تزعق لى عشان هبوظهم
وكل فتره هجى احكى لكم حدوته جديده لو عجبتكو القديمه وحتى لو مش هعجبتكم انا هحكى برضه
----------------------------
كان ياما كان
يا سعد يا كرام وما يحلى الكلام الا بذكر النبى عليه الصلاه والسلام
صلو عالنبى
كان فى مره شاب عايش مع مامته وباباه فى بيت على الغابه
وكان الشاب ده بيشتغل فى الحقل بتاعهم وبيجيب حطب من الغابه ويبيعه فى السوق
وفى اليوم كان الشاب فى الغابه وسمع صوت "كرو كرو... كرو كرو ..."
فقال عاد ى جاير بخرف ولا حاجه
بس شويه وسمع صوت جاى من على شجره
"ساعدنى لو سمحت انا مجروحه "
فتسلف الشجره لقى عليها من فوق طائر جميل جدا ونادر اوى ومجروح فالائر ده قاله ساعدنى انا اتجرح وانا طايره
قالها انتى مين
قالت له كنت اميره زمان وكنت المفروض اتجوز الامير .-نسميه فايز مثلا
- بس انا حبيت اخوه الاصغر وهربنا سوا بس قبضوا علينا وسحرونى وحكمو عليا انى افضل كده فصبت عليه اوى وقرر يراعيها لحد ما تخف وفضل كل يوم يجيب لها الاكل والشرب لحد ما فى يوم راح يطمن عليها لقاها طارت
زعل اوى الشاب الطيب
وخس وبطل ياكل ونشف واصفر خالص ومامته قلقت عليه جدا
وفضلت عماله تقول لجوزها طب الواد هيروح مننا وهنضطر نطلع الفلوس اللى شايلنها لجوازه نعالجه بيها وانا قلبى مش مطمن
وفى يوم من الايام ...
خبطت الباب فقامت اللام تفتح لق بنوته امور ه اوى ولون عينها رمادى شكلها بنت ناس كده
قالت لها انتى عايزه مين يا حلوه قالت لها انا عايزه ابنك-نسميه نادر-
ردت عليها الام قالت لها دا فى اغابه بيشتغل قات لها خلاص هستناه هنا وقعدت على الباب لحد ما رجع
لما رجع قالها انتى مين قالت له انا عايزه اتكلم معاك فى حاجه
قالها اتفضلى
قالت له انا بعرف اطبخ وانضف وبسمع الكلام وبتعلم بسرعه وعايزه اتجوزك
فاستغربو اوى
قالت لها امها
انتى هتعيشى معانا هنا وهيبقى البيت عليكى وهتراعى ابوه المريض وتاخدى بالك مننا ومن معاد الوا بتاعنا
قالت مواقفه
قال لها انا فقير وبخرج من الصبح مش برجع الا متاخر
قالت مواقفه
فقالت له والدته اتجوزها يا نارد
اتجوزو وعاشو سوا
ولما اتجوزها بدا ينسى احزانه لانها كانت فتاه مطيعه وحنونه شجاعه وذطيه
وفى يوم ادت لوالدته فى عيد ميلادها قطعه قماش نادره جدا وغاليه جداجدا لونها رمادى ونوعها ماشافتش الام زيه ابدا
فقات لها تعرفى يا مرات ابنى العزيزه انتى لو نسجتى لنا كميه كبيره من القماش ده احنا هنبقى اغنياء جداجدا
فقالت لها ابنوته
بس يا والدتى احنا صحيح فقرا بس مش محتاجين اوى ونسج القماش ده فيه مشقه كبيره جدا
فقالت لها انتى بتتلككى ولا ايه مش عايزانا نبقى احسن
فبصت لها الفتاه وقالت لها خلاص بس على شرط هقعد فى اوضه لوحدى تقفلو عليا لمده شهر كامل
فوافقو وبعد شهر خرجت الفتاه ومعاها القماش
بس كان تعبانه ولونها اصفر ورفعت جدا
اخد نادر القمش وباعه فى السوق واداه واحد تمن عشر الاف دينار من الدهب
فرح اوىى واشترى بيت جديد لاهله
وامه طبعا ما صدقت اشترت هدم بالهبل ودهب وبقت تنافس اغنى اغنياء البلد
بس البنوته الرقيقه ماانتش فرحانه زيهم كانت صحتها تعبانه جدا
وفى يوم بدا الدهب يقل وافترت الام البن فراحت لها وقالت لها انسجى لنا كميه كمان من القماش
فرد عليها ابنها وقال لها يا امى بس مراتى المره اللى فاتت تعبت جدا وحتى لسه مش استعادت صحتها كامله
قالت له دا دلع بنات وهيا بتتلكك وفضلت تزن على ودنه
وانت مش راضى تحقق لامك العجوزه طلبها الاخير بعد ما تعبت معاك كل التعب ده
فراح الشاب وطلب من مراته تنسج كمان قطعه قماش عشان خاطر والدته
فبصت له بصه حزينه طويله وقالت له حاضر بس الرمه دى ماحدش يزعجنى لمده 3 شهور فواقفقو
وفى الشهر التانى
فضلت الام عاله تقول هيا يعنى هتفضل كل ده بتعمل ايه
هيا بتحلم بدل ما تشتغل
دى ماكانتش متحمسه اوى
وفتحت الباب عليها نص فتحه
بس كان الى شافته فظيع لدرجه انهها صرخت بصوت عالى
لما شافت طائر كركى بيغزل قطعه قماش من ريشه والدم اللى بيسيل منه
لما شافها الطائر طار بسرعه من الشباك
ولقاها نادر مرميه على اطراف الغابه
جناحها الجريح ما قدرش يوصلها الا هناك ..
ماتت المسكينه قتلها جشع والده جوزها وضعف جوزها واهماله
تته توته خلصت الحدوته حلوه ولا ملتوته
مش ملتوته طبعا انا عندى احدث حواديت نزلت السوق
