اما وريتك يا فضيحه


ههههههههههههههههههههههههه


فاكره يا هبه المكتبه

بس مش هكمل

لا مش فاكرة


***********

المترو لو حد فيكم بيروح محطة السادات

في تمثال هناك اعد مربع تقريبا

اوك التمثال متغطي بزجاج

المهم ان التمثال دة غريب اوي

التمثال كله مترب بس في حتة واحدة بس اللي مش متربة

كانها صوابع ..يعني حد كاتب بصوبعه حاجة

انا هتجنن و اعرف اللي كتب دة كتب ازاي من تحت الازاز

كل ما اروح هناك اقف قدامه و استغرب اوووي

لحد اما هبلني التمثال دة

انا بقى في ذكرى بتمر في بالي كل ما اشوف طفل صغير في مسجد ..

بفتكر اما كانت أمي تاخدني كل يوم الصبح وانا عندي أربع سنين توديني عند الشيخ عبداللطيف - مش عارف والله توفى ولا لأ - بس ممكن أقول الله يرحمه ..

كنا بنمشي مشوااااار من شقتنا القديمة في المطرية ونعدي على مكان كان اسمو الرشاح بس كنت بكرهه مووووت .. كان مليان زباله ومقرف .

واقعد عند الشيخ لحد بعد العصر ..

من الصبح لحد الظهر نقعد فوق نحفظ قرآن ونتعلم القراءة والكتابة ..

ودايما اروح الاقي الشيخ بيفطر وبياكل الفول بطريقته المميزه اللي اتعلمتها منه بعد كده ..

ياكل العيش حاف وبعديه الفول بالمعلقه ..

يمكن مكانش بيحب يغسل ايده بعد الأكل عشان مكانش عنده سخان

كانت زي حضانه بيقوم بالتدريس فيها الشيخ عبداللطيف وأولاده ..

أصل والدي مكانش مقتنع ان الحضانة العادية اللي اسمها كي جي دي ممكن تطلع رجاله ...

ويقول حضانة ايه دي اللي كلها مراجيح ولعب وتنطيط ..

وكان أكتر شيء بيعجبه في الشيخ عبداللطيف انو عندو فلكه ممتازه ولو اتأخرت في يوم عن معاده يبقى يا ويلي ..

بس الحمد لله انا مدقتهاش الا مره واحده وانا عندي ست سنين اما اتعلمت أروح لوحدي .


وكان فيه هناك كمان دروس عملي بقى .... ( كلينيكل يعني )

قبل صلاة الظهر ننزل الدور الأرضي حيث يوجد مسجد الشيخ اللي كانوا بيعلمونا فيه الوضوء والصلاة ..

وكانو يوقفوا ورانا واحد مخبر من العيال اللي أكبر مني عشان يقولوا للشيخ مين اللي مبيصليش كويس أو بيعمل غلطات في صلاته ..

كنت بكره العيال دي مووووت و كان عزائي اني اقول لنفسي ( العيال دي هتروح النار عشان مبيصلوش وعشان بيفتنوا علينا ) ...


ونرجع تاني فوق لحد العصر وبعدين ننزل نصلي العصر واخرج الاقي ماما حنت عليا أخيرا وجت تاخدني من المعسكر ده عشان اروح اتحبس في الشقه ..


ــــــــــــــــــــــــــــــ

الموضوع ده بجد فكرني بذكرياتي القديمه وان شاء الله ابقى احكيلكم عن ذكريات تانيه لأماكن تانيه .

مرسي يا أسماء على الموضوع الجميل

فعلا زي ما بقولوا بالفصحى ... انتي كده " بتفتحي قرائحنا"


من عمري 5 سنوات لغاية 12 سنة كنا عايشين في عمارة عادية يعني التكييف عادي مش "سبلت" ولا "مركزي" وكمان الأسانسير عادي ... يعني اللي بيفتح زي الباب مش بوابتين بيقفلوا على بعض...


خلال فترة عمري دي كلها ... كان دايما الأسانسير يتعطل ويوقف والناس فيه وتطفي فيه الكهرباء .... واسمع عن الحاجات دي من جيرانا


بس أكتر موقف هزني لما شفت بعني الأسانسير كان موقف بوحدة ست بين طابقين .......... يا سلااااااااااااااااااااااااااام


من يومها وأنا بستخدم السلالم ... وبما أني في الدور الأول ويبقى بس عندنا الميزانيين فهي سهلة ومش صعبة اوي


بس في مرة اضطريت أطلع أودي حاجة لجيرانا في الطابق التامن ..... اعتقدت إني يومها ختمت القرآن


بعد كده نقلنا للعمارة اللي احنا فيها حاليا وكل حاجة فيها عكس التانية .... طبعا أحلى من التانية


بس الحاجة اللي مش الحلوة هنا إنه الجيران كانوا أحلى زمان ... هنا ما حدش يعرف حد أو يسأل عن حد



ابقى أقولكم عن ولاد الجيران وأيام زمان

من ذكرياتي اللي بفتكرها اما بشوف طلبة المدارس خصوصا إبتدائي واعدادي ..

زماااااااااان أول يوم دخلت فيه سنه اولى ابتدائي في مجمع المطرية التعليمي وكان اربع مباني كبييره وكنت مستغرب المكان والناس الكتيييييير اوي دي ..

المشرف الإجتماعي طلب من الطلاب اللي حافظين قرآن يطلعو في الطابور وانا كنت خايف من الناس الكتيييير حواليا وخايف اطلع في سط الطابور وكنت مش حافظ غير جزئين بس ( عم وتبارك ) .. واخويا الكبير في سنه تالته كان حافظ اتناشر جزء .. قلت لنفسي خليك في حالك انت مش قد العيال الكبيره دي ..


بعد شويه اما دخلت الفصل وانا قاعد العب في الزمزميه لقيت اخويا جه وخدني وقاللي استاذ محمود عاوزك .. ده بقى الأخصائي الإجتماعي ..

لقيته اداني شيكولاته والله وقاللي انت مطلعتش ليه ..

مردتش عليه واخويا قال هو كده مبيحبش الناس تبص عليه وبصراحه كلام أخويا معجبنيش ..

قاللي انت بكره هتقرأ قرآن في الإذاعة المدرسية واجيبلك شيكولاته تاني ..

تاني يوم طلعوني عشان اقرأ قرآن بصفتي أصغر قزم حافظ قرآن في المدرسه وانا بالعند فيهم هما واخويا محمد رحت قاري سورة الحاقة بالكامل و هما ملطوعين في الطابور ..


********

ويوم ما ماما جت تاخدني من المدرسه في أول الترم التاني عشان تحوللي للشرقية المُدرسة بتاعتي كانت زعلانه جدا وكان اسمها أبله سوسن كانت بتلبس تحت الركبه وشعرها توب كاريه وكانت أموره ..

.. كانت بتحبني جدا وانا كمان كنت بحبها وبحب حصتها ، واما لقيت انو مفيش مفر ولازم همشي راحت كاتبالي رقم تليفونها وعنوانها في ورقه وحطتها في جيبي ..

واما جيت البلد كنت بكتبلها جوابات من ورا بابا واديهم لعمي محمد ( والد فرفور ) وكان بياخدهم يرميهم ويقوللي انو بعتهم ..



********

بفتكر كمان شكلي اللي يفطس من الضحك وانا في سنه خامسه ابتدائي اما كنت بقف أحيي العلم واقول نشيد بلادي بلادي ..

واياميها كنت الدغ في الراء ( محدش يتريق ) بس اللدغه دي راحت في سنه اولى ثانوي

كنت اول ما اوصل المقطع اللي بيقول ( مصر انتي اغلى درررررره .. فوق جبين الدهررر غرررره .... يابلادي عيشي حرررررره ...واسلمي رررررغم الأعادي ) كنت ببقى في نص هدومي عشان كنت بتكلم في الميكروفون والبلد كلها سامعاني ومع ذلك كنت برضو بحيي العلم كل يوم وادور الطابور كمان .. عشان انا امين اتحاد الطلبة مع اني كنت قزعه كده وعامل زي عقلة الإصبع .

وفضلت برضو كده في اعدادي بس كنت بحيي العلم من غير النشيد فمكنتش ببقى محرج من حد .


************


في يوم انتخابات اتحاد الطلاب في سنه من سنوات اعدادي تقريبا سنه تانيه كنت غايب في اليوم ده ..

ومع ذلك رجعت تاني يوم لقيت نفسي امين اتحاد الطلاب مع ان محدش انتخبني عشان مكنتش موجود أساسا ..

شايفين الكوسه .


******************



كانت ايام عز والله والواحد كان حاسس انو له قيمه أكتر من دلوقت ...

على الأقل مكنتش شايل حتى هم نفسي .

ومن ساعتها وانا انقلب حالى مش بيهمنى حد الا ربنا

لما اجيلك يا سمسم هاعلمك ازاى تطلعيها

..........

جامعه المنصورة

كل ما افتكر جامعه المنصورة ييجى ف بالى على طول يوم ما رحت هناك انا وسنو وايت

وقابلت البناتيت العسل دول جاره وهمسه واونلى ومشموشه وطبعا حياتى شمس

وبعدين انا قبل ما هما ييجوا انا وشمس رحنا نجيب واحده صحبتى معايا ف جامعه القاهره

وهيه اصلا من المنصورة فاتصلت بيها ورحت اقابلها وسبت سنو مع عمرو سالم وديزنى

ولما رجعت لقيت البنات جم فانا طبعا اول مرة اشوفهم

فسلمت على جارة عرفتها لوحدى وبعدين قالولى دى اونلى فسلمت عليها

وبعدين لقيت بنوته سغيره وسفروته ( سورى يعنى )

واقفه جمبى وعماله تبصلى ومستنيانى اسلم عليها

المهم انا بصتلها وبعدين بصيت لهم وشاورت عليها كده بصابعى وبقولهم

هو انا اعرفها ؟؟؟؟؟؟؟

راحت بصالى وقايلالى ايش حال مورياكى صورتى

فقولت مشموشه صحيح ههههههههههههههههههههههههههههههه

المشوار اصلا نسانى انها جايه

وكل ما افتكر نفسى وانا بشاور عليها واقولهم هوه انا اعرفها اضحك اوى على نفسى

احسن احسن

الحج محمد اكبر من كدة

مشغل يابنى عمك محمد بسطجى ماشى يا أحمد

انا لو كنت موجود ساعتها


مكنتش عملت حاجة


هابقى احكيلكوا موقف ليا

هههههههههههههههههههههههههههههههه

اية الست دى هههههههههههههههههههههههههههههههههه

هيا بتنسى بسرعة لية !!!