سلام الله عليكم


الموضوع فكرته اختمرت فى ذهنى ولأنى ما زلت جديدا آثرت أن أضعه الآن وليس بعد ذلك

فكره الموضوع قد تمتد لبعد هذا الموضوع الذى أكتبه حاليا , وقد تنتهى ويجئ أجلها سريعا
لكن عساها أنها تفيد وتنفع ..

مقدمة :

وائل وعلياء اتنين اخوات متدينين فى مكان ما فى مصر فى زمان ما ..

** المشهد الأول :

( الهاتف يرن )

وائل : السلام عليكم
المتصل : ( صوت شاب ) وعليكم السلام .. لو سمحت حضرتك سمر هنا ؟
وائل : لا حضرتك الرقم غلط
المتحدث : أنا آسف جدا
وائل : لا ولا يهمك
المتحدث : شكرا . السلام عليكم
وائل :وعليكم السلام ورحمة الله وبركاته


علياء تجلس بجوار وائل وتسأله :
مين بيتصل ؟
وائل : ده نمرة غلط , مش عارف أنا ايه الناس البجحة دى ..
علياء : ليه بس ؟
وائل : قال ايه عاوز سمر !! طب يخلى اخته تتصل طيب ولا حد تانى .. مفيش اخلاق
علياء : ( تصدق على كلامه ) أيوه فعلا .. لا حول ولا قوة الا بالله العلى العظيم . ربنا يهدى بقى
وائل : ربنا يهدى


** المشهد الثانى :

وائل يقف مع صديقه عمر أمام محل آيس كريم ويمر أمامهم شاب وفتاة ويدخلان محل الآيس كريم

وائل : استغفر الله العظيم , مش مكتفى انه خارج مع واحدة .. وداخل وسط البشر كمان ياكلوا مع بعض
عمر : فعلا .. الناس الحياء اختفى منهم خلاص
وائل : ربنا يهدى
عمر : أيوه فعلا .. ربنا يهدى




المشهد الثالث :

وائل وعلياء فى البيت يتحدثان

علياء : وائل ..
وائل : أيوه ا حبيبتى
علياء : أنا عاوزة أخرج أتفسح شوية
وائل : بس كده .. يلا نخرج دلوقتى
علياء : شكرا يا أجمل أخ فى الدنيا

( يخرج علياء ووائل ليذهبا إلى نفس محل الآيس كريم ويمران أمام شابين لنفرض أنهم س وص )

س يتكلم على وائل وعلياء ) لا حول ولا قوة إلا بالله .. يعنى مش مكفتى انه خارج مع واحده ..
ص : ايوه فعلا .. ناس معندهاش حياء
س : ربنا يهدى
ص : ايوه فعلا .. ربنا يهدى
!!!

** المشهد الرابع :

علياء : وائل .. قوم اتصل على إيمان بنت خالتى شوف عيالها عاملين ايه دلوقتى عقبال ما اخلص الشغل اللى فى ايدى واجى
وائل : ايوه فعلا .. انا قايم اهه
ويتجه نحو الهاتف ويطلب رقما خطأ
وائل : السلام عليكم
المتحدث : وعليكم السلام
وائل : لو سمحت إيمان هنا ؟
المتحدث : النمرة غلط
وائل : أنا آسف جدا .. السلام عليكم
المتحدث : وعليكم السلام
( ويغلق المتحدث السماعة ويقول فى نفسه :مش عارف أنا ايه الناس البجحة دى ..)






من وصايا القرآن الكريم :

(( يا أيها الذين آمتوا اجتنبوا كثيرا من الظن , إن بعض الظن إثم , ولا تجسسوا ولا يغتب بعضكم بعضا , أيحب أحدكم أن يأكل لحم أخيه ميتا فكرهتموه , واتقوا الله إن الله تواب رحيم )) [الحجرات: 12]


من وصايا رسول الله - صلوات ربى وسلامه عليه - :

(( ‏ ‏إياكم والظن فإن الظن أكذب الحديث ولا تحسسوا ولا تجسسوا ولا ‏ ‏تناجشوا ‏ ‏ولا تحاسدوا ولا تباغضوا ولا تدابروا وكونوا عباد الله إخوانا ))


وجزاكم الله خيرا لحسن المتابعة ..

فعلا هذه المشاهد تتكرر يوميا فتكون أقوالنا وأفعالنا أو حتى مواقفنا عرضة لسوء الفهم من قبل الآخرين , و هذا الأمر شائع بين الناس فنُحاكم على أساس فهمهم دون بينة وهذا هو الأشنع

بداية جد موفقة أخي الكريم، ننتظر المزيد من موضيعك و إبداعاتك .

بالتوفيق أخي

السلام عليكم

المحاور
جزاك الله خيرا

وأكرر ما قالته الأخت الكريمه HANANE
بداية جد موفقة أخي الكريم، وننتظر المزيد من موضيعك و إبداعاتك .

الأخت حنان



جزاك الله خير لمرورك واضافتك ..
والمشكلة ان احنا للاسف برضه بنحاكم الناس دون بينة
والمفترض كل انسان يحسن الظن بأخيه
زى ما رسول الله ما أمرنا


الأستاذ





آسف ..

المشاركة اللى فاتت نزلت من غير ما أكملها !!

الأستاذ الكريم : دكتور أحمد



جزانا وإياكم ..وجزاك الله خير لمرورك ..

وأرجو إن الموضوع يكون وصلت فكرته

فعلا كلامك صح ممكن اى حد فينا يظن
فى اى حد سوء

بس دة من اللى بنشوفة يعنى مش من فراغ

شكرا ليك بجد

فعلا الموضوع ده بجد بيحصل كتير جدا كمان

يارب اغفرلنا يارب

جزاك الله خيراً

السلام عليكــم ورحمـة الله وبركاتــة ،،

اهلا بيك يا استاذ محاور

الاصل في الحياة ان الواحد دايما
يبدي حسن النية
و حسن الظن
بس بصراحة كلنا معذورين
من كتر المناظر اللي الواحد بيشوفها
و المواقف اللي الواحد بيتعرض لها
للاسف بئة سوء الظن هوه الغالب

محتاجين اوي
النماذج و الطباع المحترمة هية اللي تبان و تظهر
و لا انت ايه رايك ؟؟
و مرة تانية اهلا بيك .


MARO