السلام عليكم ورحمة الله وبركاته
زى ما كتير منكو يعرف أنا كنت ف مدينة الأقصر الأسبوع اللى فات
يعنى الرحلة لم تكن ممتعة بالقدر الكافى ولكن الحمد لله على الأقل اتعرفت على مكان جديد
وشوفت أماكن جديده
وبصراحة أنا كان نفسى أتكلم بأستفاضه وأقول رأيى ف البلد
بس علشان محدش يزعل مش هاتكلم لحسن حد يطلع من الاقصر ولا حاجه
أو الموضوع يتحذف فبلاش أحسن
عموما هيه بلد كويسة بس رؤية المناطق السياحيه شاق جدا
على الاقل بالنسبالى
احنا زرنا ف اليوم الاول :
معبد الاقصر ... معبد جميل تحس فيه بالرقى والنظام رغم صغره
متحف التحنيط ... متحف جميل وطريقة العرض فيه لذيذه متوفر فيه الى حد كبير مقومات المتحف الناجح
متحف الاقصر ... من أفضل المتاحف ف العالم ف طريقة العرض أفضل حالا بمراحل من المتحف المصرى
بل أنه يصل لحد عدم توافق المقارنه بينهم نظرا لطريقه العرض الشيقه
اليوم الثانى :
سافرنا مدينة سوهاج وتبعد عن الأقصر حوالى ساعتين ونصف بالأتوبيس
زرنا فيها معبد أبيدوس وده من المعابد اللذيذه برضه والصغيره
ورزنا معبد دندرة وده معبد رائع بجد حاجه كده متعرفوش اتبنت ازاى وهو معبد مكرس للالهه حتحور ربه الامومه
اليوم الثالث:
زرنا معبد مدينه هابو وده من معابد المتأخره وهو نسخه بالكربون من معبد الرامسيوم الشهير
وبعدين رحنا معبد الدير البحرى الشهير للملكة حتشبسوت
المعبد خالى من أى متعه والمتعه الوحيده هى رؤية منظر المعبد بمستوياته فى حضن الجبل
منظر رائع
وزرنا أشق حاجه كانت فى الزيارة وهى منطقة وادى الملوك
على المستوى الشخصى لم تروق لى مطلقا
خاصة انى كنت هاموت من الخنقة
وده لانى عندى فوبيا من الأماكن المغلقه
وكان مطلوب منى أنزل على عمق خمسين متر تحت سطح الارض لكن أعتقد أنى مقدرتش انزل غير 10 او 20
وبعدين تراجعت قلت أشترى نفسى بقى ودى كانت مقبرة تحتمس الرابع
اليوم الرابع :
زرنا منطقة دير المدينة والمنطقة دى كانت خاصة بسكن العمال المسؤلين عن بناء مقابر الملوك
فى منطقة وادى الملوك وكان فيها معبد دير المدينة وبعض مقابر لأشهر العمال
وزرنا منطقه مقابر الاشراف ودى كانت مقابرها بديعة جدا
اليوم الخامس والاخير :
أكتفينا بزيارة معبد الكرنك او بمعنى أصح معابد الكرنك
وهى معابد غير منظمة محبتهاش بصراحه
هيه كانت زياره مرهقه جدا وكان نتيجتها خسائر لا بأس بها
وعلى كل حال
على قد ما قدرت كنت بصور مناظر حلوة علشان تشوفوها
فدلوقتى هانقلكوا بعض المناظر بعدستى
منظر من فوق روف الفندق وزى ما احنا شايفين فى منطاد واقف على الارض وكان شكلها بيبقى جميل اوى
والكلام ده كان بيبقى حوالى الساعه 6 بعد الشروق كنت بحب اوى اتفرج عليها واحنا قاعدين بنفطر فوق
منظر للنيل والمراكب الشراعية ألتقطها من مركب
ده برضه منظر للنيل مع الجبل والخضره من المركب
دى صورة من الاتوبيس من أحب الصور الى نفسى نظرا لألوان الزرع مع الجبل
ندخل بقى على المناظر الاثريه[/b]
منظر للبيوت ف حضن الجبل وأصحاب البيوت دى يا جماعه عايشين حياتهم الطبيعية جدا
بجد حاجه تخوف موت
[b]من المناظر التحفة معبد الاقصر بليل بجد راااائع
منطقة دير المدينة
ودى صورة مقربه لمساكن العمال عاملة زى ما يكون متاهه ف الأرض
منظر للأعمده ف معبد دندره في سوهاج
طريق الكباش الشهير ف الكرنك
ودى صالة الأعمدة الكبرى
تقريبا دى مسلة حتشبسوت
وأن كانت هيه فهى من أعلى المسلات ف العالم
معبد الدير البحري الشهير لحتشبسوت
عمود طهارقه الشهير ف الكرنك
*******
كفاية كده طولت عليكوا
وأنا ورتكوا الصور مش حباً ف الفراعنه لا سمح الله
لكن علشان تشوفوا اللى أنا شوفتوا
يلا أكأنكوا روحتوا وزياده
أتكتبتلكوا طالعه ههههههههههههه
يلا رأيكوا أيه بقى فى الموضوع ؟
زى ما كتير منكو يعرف أنا كنت ف مدينة الأقصر الأسبوع اللى فات
يعنى الرحلة لم تكن ممتعة بالقدر الكافى ولكن الحمد لله على الأقل اتعرفت على مكان جديد
وشوفت أماكن جديده
وبصراحة أنا كان نفسى أتكلم بأستفاضه وأقول رأيى ف البلد
بس علشان محدش يزعل مش هاتكلم لحسن حد يطلع من الاقصر ولا حاجه
أو الموضوع يتحذف فبلاش أحسن
عموما هيه بلد كويسة بس رؤية المناطق السياحيه شاق جدا
على الاقل بالنسبالى
احنا زرنا ف اليوم الاول :
معبد الاقصر ... معبد جميل تحس فيه بالرقى والنظام رغم صغره
متحف التحنيط ... متحف جميل وطريقة العرض فيه لذيذه متوفر فيه الى حد كبير مقومات المتحف الناجح
متحف الاقصر ... من أفضل المتاحف ف العالم ف طريقة العرض أفضل حالا بمراحل من المتحف المصرى
بل أنه يصل لحد عدم توافق المقارنه بينهم نظرا لطريقه العرض الشيقه
اليوم الثانى :
سافرنا مدينة سوهاج وتبعد عن الأقصر حوالى ساعتين ونصف بالأتوبيس
زرنا فيها معبد أبيدوس وده من المعابد اللذيذه برضه والصغيره
ورزنا معبد دندرة وده معبد رائع بجد حاجه كده متعرفوش اتبنت ازاى وهو معبد مكرس للالهه حتحور ربه الامومه
اليوم الثالث:
زرنا معبد مدينه هابو وده من معابد المتأخره وهو نسخه بالكربون من معبد الرامسيوم الشهير
وبعدين رحنا معبد الدير البحرى الشهير للملكة حتشبسوت
المعبد خالى من أى متعه والمتعه الوحيده هى رؤية منظر المعبد بمستوياته فى حضن الجبل
منظر رائع
وزرنا أشق حاجه كانت فى الزيارة وهى منطقة وادى الملوك
على المستوى الشخصى لم تروق لى مطلقا
خاصة انى كنت هاموت من الخنقة
وده لانى عندى فوبيا من الأماكن المغلقه
وكان مطلوب منى أنزل على عمق خمسين متر تحت سطح الارض لكن أعتقد أنى مقدرتش انزل غير 10 او 20
وبعدين تراجعت قلت أشترى نفسى بقى
ودى كانت مقبرة تحتمس الرابع اليوم الرابع :
زرنا منطقة دير المدينة والمنطقة دى كانت خاصة بسكن العمال المسؤلين عن بناء مقابر الملوك
فى منطقة وادى الملوك وكان فيها معبد دير المدينة وبعض مقابر لأشهر العمال
وزرنا منطقه مقابر الاشراف ودى كانت مقابرها بديعة جدا
اليوم الخامس والاخير :
أكتفينا بزيارة معبد الكرنك او بمعنى أصح معابد الكرنك
وهى معابد غير منظمة محبتهاش بصراحه
هيه كانت زياره مرهقه جدا وكان نتيجتها خسائر لا بأس بها
وعلى كل حال
على قد ما قدرت كنت بصور مناظر حلوة علشان تشوفوها
فدلوقتى هانقلكوا بعض المناظر بعدستى
منظر من فوق روف الفندق وزى ما احنا شايفين فى منطاد واقف على الارض وكان شكلها بيبقى جميل اوى
والكلام ده كان بيبقى حوالى الساعه 6 بعد الشروق كنت بحب اوى اتفرج عليها واحنا قاعدين بنفطر فوق
منظر للنيل والمراكب الشراعية ألتقطها من مركب
ده برضه منظر للنيل مع الجبل والخضره من المركب
دى صورة من الاتوبيس من أحب الصور الى نفسى نظرا لألوان الزرع مع الجبل
ندخل بقى على المناظر الاثريه[/b]
منظر للبيوت ف حضن الجبل وأصحاب البيوت دى يا جماعه عايشين حياتهم الطبيعية جدا
بجد حاجه تخوف موت
[b]من المناظر التحفة معبد الاقصر بليل بجد راااائع
منطقة دير المدينة
ودى صورة مقربه لمساكن العمال عاملة زى ما يكون متاهه ف الأرض
منظر للأعمده ف معبد دندره في سوهاج
طريق الكباش الشهير ف الكرنك
ودى صالة الأعمدة الكبرى
تقريبا دى مسلة حتشبسوت
وأن كانت هيه فهى من أعلى المسلات ف العالم
معبد الدير البحري الشهير لحتشبسوت
عمود طهارقه الشهير ف الكرنك
*******
كفاية كده طولت عليكوا
وأنا ورتكوا الصور مش حباً ف الفراعنه لا سمح الله
لكن علشان تشوفوا اللى أنا شوفتوا
يلا أكأنكوا روحتوا وزياده
أتكتبتلكوا طالعه ههههههههههههه
يلا رأيكوا أيه بقى فى الموضوع ؟
فعلا يايارا زيارة المناطق السياحيه شاق جدا جدا جدا وبالذات لما تكون رحلة دراسيه ..
..