(هو)
الامبراطور :
هاي
(هى)
سوسو :
انت مين ؟
سوسو :
وعرفت ايميلي منين ؟ وبأى حق تضفتني؟ ومين اداك الايميل؟...الخ
الامبراطور :
بسم الله
براحه عليا شويه طيب
سوسو :
سلامتك ... بسرعه جاوب
الامبراطور :
ليه هوه انتى بنت؟؟؟
سوسو :
أيه عندك مانع ؟!
الامبراطور :
لا بس انا غلطان ... لاني كنت بضيف صديقي وطلع الايميل غلط
سوسو :
وليه تغلط .. أعمى مبتشوفش
الامبراطور :
يا انسه قلنا آسف عن الغلط من البدايه مش تحقيق بقى
سوسو :
اه ماهو تضيف بنات الناس ومش عايز حد يحقق معاك
شباب فاضى والله
الامبراطور :
انا بقول فرصه سعيدة وآآسف مرة ثانيه وممكن انك تحذفيني اذا مش عاجبك الوضع
سوسو :
يعني تقصدايه؟
الامبراطور :
اقصد مع الف سلامه
سوسو :
ليه بس معتقدش ان كلامى يزعل
الامبراطور :
لا بس انا مشغول شويه باي
سوسو :
لحظه لحظه
الامبراطور :
تأمرى بحاجه؟
سوسو :
لا سلامتك بس ... ماقلتليش اسمك ؟
الامبراطور :
هههه ليه مهم
سوسو :
وليه الضحكه ما اعتقدش أن كلامي يضحك
الامبراطور :
لا ابدا لكن سبحان مغير الاحوال
سوسو :
طيب آسفه على السؤال باي
الامبراطور :
باي
**
وفضلت سارا حاقدة عليه لانه استفزها ومادهاش وش
ومر يومين وماشافتوش بالنت طبعا مدة طويله لوحده طول وقتها علىالنت
المهم لما دخل على الماسنجر على طول هي الي بدت الكلام
سوسو :
السلام عليكم
الامبراطور :
وعليكم السلام
سوسو :
كيف الحال ؟
الامبراطور :
بخير
وبعد صمت طويل
سوسو :
آسفه الظاهر انك مشغول وانا عطلتك
الامبراطور :
لا ابدا يا حبي لكن انا باشتغل على بحث وما بدخلش ع الماسنجر كتير
سوسو :
حبك ... حبك قرد بأى حق تقولى حبك
الامبراطور :
ايه بس مالك يا بنتى
سوسو :
بأي صفه تقول حبي
سوسو :
ماهو الحق مش عليك الحق عليا انا
الامبراطور :
سوري آنا آسف وحقك علي
سوسو :
سوري ولا لبناني مش مهم دى آخر مرة تقول الكلام ده
الامبراطور :
طيب ياصاحبه السمو اوعدك مش هاكررها
سوسو :
الـــله عجبتني كلمه صاحبه السمو هوه ده الكلام ولا بلاش
الامبراطور:
خلاص من النهارده هاناديكى صاحبه السمو
سوسو :
طيب انا اناديك بايه
الامبراطور :
هههههه
انا ناديني باسمي خالد
سوسو :
واااو اسمك جنان حلواوى مش زيي حظى وحش
الامبراطور :
كل واحد اسمه حلو ولايق عليه
سوسو :
مش حابب تعرف اسمي
الامبراطور :
على راحتك اذا حابه تقولي قولي واذا مش حابه اكتفي بصاحبه السمو
سوسو :
طيب عندك كام سنه شكلك مش كبير
الامبراطور :
عمري 25 سنه
سوسو :
صغير
سوسو :
على فكرة انا اسمي سارا وعمري 18
سوسو :
بقولك ايه انا معي شله بنات اضيفهم بالمحادثه وندردش
الامبراطور :
لالا انا مثل ماقلتلك عندي بحث ولازم اخلصه
الامبراطور :
باي
سوسو :
براحتك باي
***
وفضلت سارا تفكر فيه وبعدها فضل لمدة ثلاثه شهور مايدخلش النت
البنت اتجننت وقالت اكيد شافله شوفه ثانيه
وفضلت تفكر فيه لكنها كانت تقول ديما انه غير الشباب اللي عالنت ...
غيرهم كلهم واحد تقيل ما بيهموش البنات
وبعد اسبوع....
*****
الامبراطور :
يامساء الخير والاحساس والطيبه
سوسو :
اهلا اهلا فينك يابنى
الامبراطور :
انا هنا لكن الامتحانات ما بترحمش ودى اخر سنة ليا
سوسو :
ربنا يوفقك
الامبراطور :
وحشتيني مووت
سوسو :
انت اكثر
الامبراطور :
بجد؟ معتقدش
سوسو :
والله
الامبراطور :
خلاص انا عندى حل يرضي كلا الطرفين
سوسو :
ايه هو ؟
الامبراطور :
ايه رايك اديكى رقم موبيلى واذا حبيتي تكلمينى ع لنت او وحشتك زى ما بتقولى ابعتيلى رساله
سوسو :
نعم نعم نعم انت فاكرنى زى البنات الي انت بتكلمهم انا بنت ناس ومتربيه وو .....
الامبراطور :
ونعم... لكن انا ماقلتش هكلمك قلت ابعتى رساله
سوسو :
خلاص غير الموضوع بسرعه
الامبراطور :
اوكي لكن ده رقمي اذا حبيتي تشوفيني مرة ثانيه ع النت ابعتى بس رساله
سوسو :
طيب باي
الامبراطور :
باي
××××××
طبعا سارا اخذت موقف من خالد لكنها ولشدة فضولها سجلت الرقم
المهم بعد كم يوم اشتاقت تكلمه او بالاخص عندها موضوع حبت تقوله عليه
فكرت وفكرت تعمل ايه او ازاى تشوفه ع النت
فقالت لنفسها : ليه ما ابعتلوش رساله زى ماقال هو مش هيكلمني ولا انا هاكلمه
المهم كتبت فى رسالتها (( خالد معلش لو سمحت تدخل النت ضروري ))
المشكله انه ماردش عليها
مرت نص ساعه على الرساله
انقهرت البنت وبعتتله رساله تانيه (( معليش آسفه على الازعاج ))
وكرهت نفسها بعد الموقف ده لانها افتكرت انه مطنشها
وبعد ايام (( شافته بالنت ولا كلمته وفضلت على الوضع ده ربع ساعه ))
فزهقت وتنازلت انها هي الي تبدأ بالكلام
×××××××
سوسو:
السلام عليكم
الامبراطور :
أهلاااااا
سوسو :
لو سمحت احذفني من عندك وما اشوفش وشك ع الماسنجر
الامبراطور :
اللهم سكنهم ... ليه بس؟؟؟
سوسو :
بعد الحركه اللي عملتها معايا مش عايزةاكلمك او حتى اشوفك ع الماسنجر عندى
الامبراطور :
ليه بس لاسمح الله انا عملت ايه؟
سوسو :
لا انت برئ مبتعملش حاجه
سوسو :
بس طنشتني وانا كنت محتاجه لك ف اليوم ده
الامبراطور :
أي يوم
سوسو :
اقصد الرسايل اللي بعتهالك لك متستهبلش
الامبراطور :
آآآة تقصدي بتاعت النت
سوسو :
أه ليه مادخلتش النت او حتى قلت انك مشغول
الامبراطور :
لا انتي فهمتي غلط انا افتكرته واحد من صحابى وده رقمه الجديد
سوسو :
بجد ... انا آسفه كانت لحظه طيش
الامبراطور :
متقوليش كده ...وتاني حاجه انتي قلتي انك مش عايزة الرقم ف آخر مرة شفتك فيها
سوسو :
طيب خلاص انسى الموضوع
الامبراطور :
طيب ايه هو الموضوع المهم الي كنتي عايزة تقوليهولى
سوسو :
خلاص مفيش داعي
الامبراطور :
قولى بقى
سوسو :
كل مافي الموضوع ان انا خطبني محمد ابن عمي ... وانا ما بحبوش ولا بطيق اشوف وشه
واهلي موافقين كلهم واخاف ارفض وعمي يزعل من بابا
الامبراطور :
والمطلوب ؟؟؟
سوسو :
انصحني
الامبراطور :
شوفي انا مش سريع فالكتابه
يعني هاتصل عليكي واقولك رايي لان الموضوع باين عليه طويل
سوسو :
لااااااااا انت مجنون
الامبراطور :
يابنت الناس هوه انا هأكلك وثانيا انتي مش هتتكلمى انا بس الي هاتكلم اوكي
سوسو : وبعد تفكير
طيب لكن انا مش هقول ولا كلمه
الامبراطور:اوكي
××××××××
بعد ثواني
تررررن
خالد : الوو مرحبا
سارا :...... (صامته)
خالد : طيب قولي مرحبا انا كده ما مش هعرف اكلمك وانتي ساكته يعني كأني مجنون بكلم نفسي
سارا : (( بلا شعور )) لا سلامتك
خالد : الله يسلمك ايه الصوت الحلو ده
سارا : (( لاتعليق ))
خالد : اوكي مش هاطول عليكي انتي قلتي انك مش بتحبيه ممكن اعرف السبب ؟
سارا : ضروري تعرف
خالد : اكيد عشان اقولك رايي
سارا :
(( سارا طبعا بلا شعور )) لانه واحد معقد وتافهه
خالد : على طول خلتيه معقد ؟ اكيد في سبب
سارا : لا بس من طريقه كلامه واسلوبه وثانيا شايف نفسه معرفش على ايه كأنه مفيش حد درس جامعه غيرة
خالد : يعني المثقف عندك معقد او مغرور
خالد : طيب مانا مهتم بدراستي فوق ماتتصوري
سارا : لاااااا انت غيره
خالد : من أي ناحيه
سارا : كلك على بعضك حلو
خالد : احم احم
خالد : كله من ذوقك يا عسل
سارا : تسلم (قالتها بكل خجل )
خالد : المهم اذا كنتي للدرجه دى مش بتحبيه خلاص ارفضي واللي يحصل يحصل
سارا : طيب ممكن طلب
خالد : آمري
سارا : ممكن ترسلي صورتك
خالد :هههههه لا طبعا
سارا : طيب آسفه
خالد : لا ... متزعليش لكن انا مش وسيم واخاف تتصدمي
سارا :طيب اوصفلي نفسك
خالد : احم احم طبعا ...انا قصير ،اسمر، شعري خشن
سارا :ههههههههه
خالد :طيب ابن عمك ده حلو
سارا : ياي يجنن طويل ،وابيض ،عيونه عسليه، وشعرة ناعم
خالد : هههههه كل ده
سارا : ماشاء الله عليه وسيم اوى يمكن احلى مني
خالد :ليه انتي مش حلوة
سارا : لا قمر واحلى من القمر لكن انا متواضعه
خالد : هههههه واضح
سارا : اووو خالد الساعه 2 الوقت سرقنا وانا عندي بكرة مدرسه
خالد : اوكي مش اطول عليك لكن بكرة هارن عليكى اوكى
سارا : اوكي مع السلامه
خالد : تصبحين على خير
×××××××
جلست سارا الصبا ح وهي متأخرة على الحصه
وطبعا حرموها من الحصه الاولى
قعدت تفكر بخالد وفجأة رن الموبيل
خالد : الو
سارا : الوووو
خالد : صباح الخير
سارا : صباح النور سبحان اللهالطيب عند ذكرة
خالد : ماشاء الله كنتي بتفكري فييا ولا كلام بس
سارا : انت شايف ايه
خالد : مقولتليش انتى مش عندك حصه دلوقتى ؟
سارا : لا عندي بس حرموني منها لاني رحت متأخر
خالد : اوووف معاش ولا كان اللى يزعلك
وفضلت سارا وخالد على ده الحال كل يوم تكلمه ولاتفوت أي حاجه الا وتقوله عليها
ورجع في يوم من الايام ابن عمها وتقدم لها
لكن اهلها المرة دى غصبوها على الموافقه
ووافقت بعد تردد وتفكير طويل
واتصل خالد :
الووو
حبيبتىعامله ايه ؟
سارا : اهلا يا خالد عامل ايه ؟
خالد : تمام
سارا : خالد عايزة اقولك على حاجه تعبانى اوى
خالد : ايه خير
سارا :
ابن عمي رجع خطبني تانى والمرة دىاهلي غصبوني عليه
خالد : طيب ( يعني ايه )
سارا : يعني انا وافقت عليه وبقى خطيبي وبعد اسبوع كتب كتابي عليه
خالد : طيب تحبي اخطبك
سارا : انت بتهزر ( تقولها وهي بتعيط )
خالد : لاعيا حبيبتى لكن ليه بتعيطى
سارا : لانك آخر واحد فكرت انه يهزر ف حاجه زى دى ويستهزأ بيا
خالد : طيب اقولك على سرانا كمان مش قولته لحد قبلك
سارا : ايه هو
خالد : انا كمان خاطب بنت قرايبتنا
سارا : ايه وليه ماقلتليش للدرجه دى انا رخيصه ووو...
خالد : اصبرى بس
خالد : آة وعلى فكرة اسمها سارا وعمرها 18 وهي بنت ولا كل البنات
سارا : تقصد ايه ؟
خالد : اقصد ياحبى ان انا اسمي محمد ولسه متخرج وخاطب بنت عمي سوسو
سارا : (بدون شعورقفلت ف وشه السماعه )
المهم بعد ماعقد قرانهم جه عشان يشوفها ويقعد معها
هي كانت عماله تعيط وتقوله ليه عملت فيا كده ..حرام عليك
قالها لانك مكنتيش بتحبينى وانا خليتك تحبينى غصب عنك
صح ......؟
قالتله : صح
وتبادلو الضحكات
تمـــــــــــــت
