والله يا محمد انا مبسوطه جدا لاختيارك ده

بجد بجد يعنى

وصافى حببتى اول واحده ردت كمان

بس براحه عليا والنبى وتاتا تاتا كده


بص بقى يا سيدى

الاسم اسماء
السن 18 سنه الا كام شهر


مستعجله والباقى هجيبه من البطاقه بقى

اهلا

بيكي يا جارة القمر


ايوه كده الواحد اول ما يعرف

يعرف اللي عمله موضوع ترحيب

في انتظارك



بس يعني ايه 18 الا كام شهر

كان ممكن تقولي 17 وكام شهر



منوره البرنامج يا (( اسماء ))

منتظرين جارة القمر والغامض
وحوار علي نار هادية..

أهلا أهلا أهلا

أيه النور ده وانا بقول الاستديو منور كده ليه

منورة يا حبيبتى ومنتظرينك مع أسئله جامده الجمهور هيحضرها أن شاء الله

ويارب تنبسطى معانا

الا قوليلى ايه رايك ف الاستديو والديكور

شكرا يا جماعه لكل الردود

نص لسان
وانلى
ويارا
وزبادى
ونص لسان

شكرا ليكو كلكو

الاستديو جميل جدا
وانا معايا الميكرفون دلوقتى لو سمحتو هدو بقى

الله ماسكه ميكرفون حقيقى مش الفرشه

احم احم


ايوه اتفضل اسال


جارة القمر ... أسم جميل بس ايه ياترى سبب أختيارك للقب ده بالذات ؟

انا قلت كده قبل كده
ان جارة القر ده اساسا لقب فيروز اللى هيا اصلا حببتى دا غير ان الاسم ده بيعبر عن حاجه نفسى اكونها وهيا انى اسكن ولو على طوبه بس تكون فى الفضا




أحيانا وأحنا بنتكلم على الموقع بنحس بالمثاليه المبالغ فيها ... هل ياترى حسيتى بالاحساس ده في يوم .. يعنى

اكيد انا دلوقتى مثلا سايبه سيكشن واصحابى اللى كانوا خلاص ممكن يضربونى بجد عشان مخنوقه ومجرد انى اشوف الصفحه الرئيسيه بتاعت حلمنا بحس انى خلاص بقيت فى المكان الوحيد اللى بحس فه بلامان
بص يمكن حلمنا فيه كتير وحش يمكن فى اعضاء بيعكرو صفو الجمال اللى فيه
بس انا واحده تخيلت ان المكان ده مثالى يبقى لازم يبقى مثالى

لقيتى فرق كبير بين شخصيتك فى الحياه وشخصيتك داخل حلمنا .. ؟؟
بدات الاحظ ده
بس مع الناس الل مش تعرفنى كويس بس

يعنى لو حد عارفنى من زمان واعرفه مش هيحس بفرق بينى هنا وبينى معاه
بس لو حد معرفتى بيه سطحيه استحاله يعرفنى لو شافنى هنا

وياريت تدينا نبذه عن شخصيتك هنا ... وهنا ؟

انا هنا زى مانتو شايفين انتو اللى تقولو بقى

بس بره انا اهدى كتير
مش بتكلم كتير
ارق يعنى

أسماء ... بتقضي يومك العادى أزاى ... ممكن تحكي لنا ؟؟


ممممممممم
يومى العادى
بص يا سيدى
فى نوعين من الايام
نوع شغل ونوع اجازه

النوع الشغل
بصحى من النوم انزل الجامعه احضر اللى يعجنى ولما ازهق اتصل بحد من العيال اقعد معاه شويه
وبعدها اقعد نت شويه اكل
ادخل على انى هنام ساعه
وانام 4 ساعات

اصحى من النوم يكونو كل اللى فى البيت نامو
المفروض اذاكر بقى
بس الصراصير فى مخى بتبقى كتير فى الوقت ده
وبقعد افكر فى كل حاجه متعبه ومقرفه
مش بعرف اذاكر الا اذا كنت متفقه مع حد من اصحابى يسهر معايا عشان يرن لى كل شويه
عشان لما اسرح يفوقنى يعنى

اليوم الاجازه بقى
بنام
ولما اصحى من النوم
بصحى عشان انام تانى

ايه هى أكتر أهتماماتك .. وهواياتك ... والحاجات اللى بتعمليها فى وقت فراغك ؟
اهتماماتى وهويااتى

حلمنا
اصحابى
القراه
المزيكا النضيفه


اوقات الفراغ بقى
انا مش بحس بيها خالص بجد
لانى استاذه تضييع وقت
بعمل اى حاجه
اجيب اخواتى مثلا الصغيرين وامسك عليهم ذله
واخليهم يقعدو يسمعونى وانا عامله لهم حفله غنائيه
لا ومش كده وبس لازم يمثلو انهم مبسوطين ومستمعتين
او اشخبط
اتفرج على التلفزيون
اقرا
مش بغلب يعنى

انا رغايه جدا مش كده

معلشى فى واحد ممكن يقول وانتا ت عرف جارة الاقمر منين؟

بس هرد واقول اننا اخوها الصغير (اصغر بسنة)

وطالما الغامض جاب سيرة الخوات فلازم اكون مراقب كلامها

لان هيه مبتعرفشي تغلس عليا ممكن على اخواتى الاصغر

وهيه فعلا مقتنعة ان صوتها حلو ولما معنويتها تبقى فالحضيض

لازم تعمل حفلة غنائية فالبيت والجمهور المسكين طبعا بتكون منى ومن اخواتى

بس هية فعلا طيبة ولما حد بيطلب منها حاجة تقدر تعملها ليه بتعملها

غير كدة هيه المسؤلة على الرد عل باقى الاسئلة

ومشكور ياغامض عاى الموضوع

طيب وذنبهم ايه العيال الصغيره

دا انتي رتم حياتك بيقول انك هاديه

واخوكي بيشكر فيكي ( مين يشهد ..........)



وربنا يوفقك

موضوع جميل يا غامض


هو انت هتسمح ياسئله من الاعضاء ولا انت بس اللي هتسال؟

شكرا علي ردك بسرعه جدا


يا غامض



لاني بصراحه

كنت محتاج

اعرف الرد




بس انا حاليا ماليش اسئله


لما ادور كمان شوية في مواضيعها كلها


واذاكرها

علشان العضو اللي هييجي هنا


هيموت من الاسئلة




وشكرا
( نص لسان)

عدنا بعد الفاصل

ايون

نكمل بقى






اكتر مدينه نفسى ازورها الشرقيه
عشان يا سيدى نفسى اشوفها

بس لو هعيش فيها يبقى الاسكندريه طبعا





الله
صافى وسمر وبسمه ورنيم و بطوطه
ياااااااااه دى تبقى حته رحله يا محمد




لا طبعا

يااااااااااااااه دانا قمه المتعه عندى لما اركب مع حد متهور مثلا عربيه والطياره استحاله اخاف منها ركبتها كتير وانا صغيره
بس انا عامه بحب الاثاره واحساس ان قلبك مش قادر تتحكم فيه من كتر الدق ولمعه العين بتاعت اكتشاف حاجه جديده




من سنيتن
كان هيجى لى اكتئاب واقعد اصلى كتير وادعى ربنا وكل ما اقبل حد اساله ليه اللى بيحصل ده بهبل وبعاطفيه زياده عن اللزوم

بس دلوقتى هغير المحطه باسرع ما يمكن
واقفل التلفزيون وانام!!!!



اسرتى اسره عاديه جدا

اب وام
والدى دكتور وامى مدرسه
اخويا الكبير اتخرج السنه اللى فاتت وبيشتغل شبه صحفى
وعامل لى مهم وجاب لاب توب وانا بحقد عليه دى شغلتى فى البيت

وبعدين انا
وبعدين الظريف اللى رد فوق ده
انا اعرف ايه اللى جابه كنت ناقصاه هنا كمان مش كفايه مطلع عينى فى البيت



بالذات اللى فوق ده اكتر واحد ممكن يستفزنى فى البيت كله
بيخلينى اتنرفز لدرجه انى اعيط من كتر النرفزه

بس طيب جدا ولمات بيشوفنى بعيط بيبقى نفسه يكسر دماغ اللى كان السبب
هوا عصبى جدا وصوته عالى بطريقه مزعجه
بس ماليش غيره فى البيت يعنى لانه اصغر منى بسنه واحده بس

بعديه بقى
بنوته

ودى بقى ابله نظيفه بتاعت البيت
ياربى بحس انها اكبر منى بعشر سنين مع انها يادوب اولى اعدادى
منظمه جدا
وعاقله لدرجه تغيظ

بعدين
الصغير ده بونبونيه
رقيق جدا
وبيسمع الكلام ودمه شربات
انا بس اتفرج عليه وهوا بيتكمل انسى اى وكل حاجه مزعلانى
وعليه حته حضن


ا
انا وهيا اتفقنا على ان لا نتفق

بس حقيقى بحبها جدا ونفسى الاقى منطقه وسط اتفاهم فيها معاها






بابا دا سكره




بابا اقوى
لانه صبره اطول
ومش عارفه بس بيفهمنى اكتر
وبصعب عليه بسرعه


انا ما بحبش اى اسم دلع
بحب الناس اللى بحبها تنه لى باسمى بحس انه اقرب حاجه ليا

غير كده فى مؤءه بس
فى الاول كنت مش بحبه خالص
بس جدو الله يرحمه كان دايما ينده لى بيه
وواحده صاحبتى

وانت كمان
فبقيت احبه



فاصل اعلانى عشان اصلح الميك اب لو سمحتو
ونواصل

ممممممممممم

كل حاجه عندى بتختلف بلاختلاف علاقتى مع اللى قدامى
لو حد مش اعرفه كويس
هشوفه ايه تاثير الكلمه دى عليها
لو هوا نفسه عمل مش واخد باله وعداها
يبقى اكيد مش هعلق بس لو تاثر هقوم واعتذر واحاول انسيه الموقف باى طريقه

ولو حد قريب منى من غير تفكيير هقوم احضنها او امسك ايديها او اغنى لها او اعمل اى حاجه اخليها تبتسم على الاقل





اكتر حاجه بحبها
ساعه المطر بس
لو حتى فى البيت لازم اطلع على السطح وابل نفسى واعيط نفسى باى طريقه عشان دموعى تبقى مستخبيه فى المطره

بس لما الدنيا تغيم قلبى بيتقبض بطريقه
مابقدرش اتحكم فيها مهما حاولت لازم يجى لى اكتئاب والدنيا مغيمه





هستخبى فى الدولاب بتاعى
او انام واحضن نفسى بالغطا




هاواجها
واهزقها
واطلع كل اللى جوايا

وفى الاخر لو كانت صاحبتى اوى من اعز اصحابى يعنى انا متاكده اننا هنرجع اصحاب تانى جايز مش بنفس الدرجه بس مش بعرف اخسر حد قريب منى
بس لو كانت عقتنا عاديه مش ههتم




هههههههههههههههه
لا ابدا ووالله

انا مهما كنت زعلانه من حد بجرد بس ما اتكلم معاه وابعب واطلع اللى جوايا بنسى كل حاجه

اشطه يا غامض هوا ده الشغل ولا بلاش

وهيا دي الناس الي تستاهل الشنق


ربنا معاكي يا أوختيييييييييييييي

جاي إن شاء الله

انا جيت معلشى اتاخرت عليكم بس كونت تعبانة شوية ومش بدخل نت

سومة شدى حيلك محمد بيسال ومبيرحمش

ربنا معاكى يابنتى

بسم الله ما شاء الله

الناس كلها داخله فرحانه في كده ليه

نكمل بقى

المايك لو سمحت




انا لوحدى ياااااااااه
قمه الهدوء والرقه وكل الحجات العبيطه دى

انا اول ما جيت من السفر قضيت اول سنه دى مش بكلم اى حد فى الفصل بتاعى
كنت الطفله الوحيده اللى بتاخد جوايز على الهدوء

يعنى العيال يرجعو لمامهاتهم واباباهتم بجوايز عشان طالعين الاوئل على الفصل
شاطرين
جاوبو على سؤال
وانا ارجع لمامتى بجايزه عشان يقعد ساكته فى الفصل

بس لو اتلميت على حد بقى
انا اساسا مغامره جدا ولو جت فى دماغى حاجه مطرقعه بعملها بدون تفكير
افكارى الناريه دى بقى كلها تطلع

مش فاكره غير مره كنت نا واخواتى كنا لسه صغيرين
وكنا تلاته بس لسه
بابا كان لما يعزم حد من اصحابه عندنا
كنا مش بنعرف ناكل معاهام عشان احنا عيال
وطبعا بنضايق جدا من الحكايه دى

نعمل ايه نعمل ايه

فى ورق كده بيتكتب عليه وتلزقه بسهوله وكن عندنا منه كتير
قلت لهم احنا لازم نخليهم مش يجو هنا تانى
ازاى يا عبقريه

كتبنا حجات وحشه على الورق ده
والمفروض اننا هنحطها بالعكس عشان لما يجو يقعدو تلزق فيهم

رحت انا طبعا زى الذكيه المفروض انى بتسحب
حطيت الورقه بالعكس
يعنى لزقتها على الكرسى



مع اصحابى بعمل اى حاجه يعملها اى طفل متشرد
شلقه ورا عربيات

نجرى ورا طنط اللى مش عايزانا نلعب قدام بيتها وتغرقنا بالميه

براءه اطفال بقى

اياااام التالق

المنصوره


اى لون هادى
دا جنب الاسود طبعا




السله
فى الثانوى كنت بلعبها شبه يومى حتى المس كانت عايزه تاخدنى احترف
بس دلوقتى انا مش لاقيه وقت اكل اصلا



1989

السرطان

حالم رومانسى يعيش فوق القمر

الابراج اللى انا بحب اقرا عنها هيا مجرد علم ان كام واحد مولودين من الفتره كذا لكذا عندهم صفات مشتركه ودا اه بصدقه
بس طبعا حظك اليوم ومولود سعيد والحجات دى لا





الموضوع نسبى جدا
بس انا اهم حاجه عندى ان الواحده اللى هصاحبها وهاتمنها على اسرارى

ما تبقاش خبيثه

ولا منافقه ولا كدابه

اصحابى دول يعتبرو حياتى كلها

ومالييش غيرهم

بنعيط سوا
وصوتنا بيعلى باحلى ضحكه سوا
احلامنا مع بعضينا
نكره اى حد يقرب او يحاول يفكرانه يقرب من واحده فينا
هما دول اصحابى

وعشان كده مش سهل ان حد اقول عليه صاحبى

ردودى انا بقى على الناس الحلوه اللى شرفت

صافى

منوررانى ياارق صافى
اوعى تمشى وتسيبى الاستديو احسن اتلبخ ومااعرفش ارد

بدات احس انك مش موجوده


فارس وازهرى

اا مستعده ياعم انت وهوا انا قلبى جامد وما بخافش من حاجه اه

مشموشه

منورانى بجد ومنوره حلمنا تانى وانا كاتبه الرد ده عشان حاسه انى مقصره معااكى وياريت ما تكونيش زعلانه منى


سنو
اهلا يا عسل
ولا يهمك المهم انك جيتى
فى انظار الاسئله

شوية للجمهور يا مذيعنا الهمام






ايه الحاجة اللي حسيتي انها غيرت حياتك 180 درجة ؟

وامتى؟

ومبسوطة كده ولا نفسك ترجعي زي زمان؟




ايه دور قلبك في حياتك؟

امتى دق اول مرة؟

ولمين ؟ - الاوصاف مش شرط الاسم -

وهل انتهى ولا لسة؟

كنتي تتخيلي وقتها انك تبقي زي مانتي دلوقتي؟

واثر الحدث ده على حياتك بعد كده؟




ايه شعورك ناحيته؟ .. قلق ؟ .. خوف؟ .. ترقب؟ .. اطمئنان؟ .. تفاؤل؟ .. .....؟

ناوية تشتغلي بعد التخرج؟

انسب سن للزواج في رايك؟

انسب عدد اطفال بالنسبة لك ؟ - كام ولد وكام بنت -

شكلك ايه بعد خمسين سنة من دلوقتي ؟ - ربنا يدينا ويديكي طول العمر والصحة -



اهم الصفات المشتركة بينهم ؟

اهمية وجود رجل في حياتك ؟ باعتباراته المختلفة - اب - اخ - شريك حياة - ...

ايه مفهوم المساواة عندك؟

ومفهوم ولاية الرجل على المرأة؟



احساسك وانتي بتقري الاسئلة ديه؟

بسم الله

السلام عليكم


منورة ي أسماء البرنامج ..


ممممممممممم


أنا كنت مش هرد هنا

لسبب واحد ..

إن اللى بيقوم بالبرنامج مش فير


بس الغامض عامل مجهود رائع ..

ربنا يوفقه ويرجعلنا فير بألف سلامة

**********************************


أسماء..

الشخصية المتمردة فى رداء الإنسانة الحالمة , ولا يخفى على أحد تمردها على أشياء - وأشخاص - يعتبرها الكثيرون مبادئً لا يمكن التخلى عنها ..

* يا ترى ما سبب رفضك لتقاليد كثيرة ربما اعتادت عليها الفتاة المصرية ؟ وما تصورك للوضع الصحيح للفتاة ؟
* من السبب - فى اعتقادك - فى تكوين أفكارك وثقافتك ؟ وبم أثر ؟؟
* إعجابك بشخصيات ثورية ( عبد الناصر , جيفارا , زينب الغزالى ... ) .. لها أثر على حياتك أم لم يزد على كونه إعجابا ؟
* أخيرا .. تعتبرى أسماء .. شخصية إيجابية أم سلبية من ناحية التأثير فى الآخرين وفى الحياة عموما .. سواء سابقا أو حاليا .. أو مستقبلا إن شاء الله .. ولماذا ؟

************************************

وسلمى على محمد كتير جدا ودعواتك إنتى ليه وليا

أحمد

اللى عايز المايك ياخده

الهروب الكبير


فينك يا جارة ؟؟

محدش عاوز المايك دلوقتى

مين جاب سيره هروب المايك كان بيكهرب بس

ادينى جيت اهه


هوا فى غيره الحب

من حوالى 4 سنين

مش فى كل حاجه ببقى مبسوطه من التغيير اللى حصل لى

لانها ماكانتش تجربه سعيده بالمعنى الحرفى
بس انا من غير ما اعدى بللى عديت فيه ده كنت زمانى لسه عبيطه اوى
كان زمان شكلى نفسه مش كدده خالص
انا فعلا بالمعنى الحرفى اتغيرت 180 درجه






مدوخنى وراه

قلنا من اربع سنين

قال يعنى كنت هقولك الاسم

كان حد اعجبت بشكله
وهقولك ايه اللى حصل بعد كده
نا كنت عبيطه جدا يعنى شفته تقريبا مره او اتنين من بعدها رسمت له صوره بايدى انا
وكنت بعم

اقتباس

ل حاجه ظريفه اوى
كل ما يحصل اى حاجه تزعلنى اروح ابص للصوره دى واقعد اقول اكيد انت مش كده
ايوه صح اكيد اكيد انت بتفهم
وبتقرا زيى
وكمان حنين
وكمان مش عارفه ايه
لما عرفت الشخص ده عن قرب
اكيد ماكانشى فيه حجات من اللى انا رسمتها
انا كنت بلزق فيه صفات واصدقها بمزاجى
واكتر حاجه اخدت وقت منى هيا كان انى استوعب ان الصوره مش زى الاصل

انتهى الحمد على خير وعلى احسن صوره

لا خالص

عودنى افكر كتير اوى اوى اوى اوى لدرجه التعقيد يعنى قبل ما افتح قلبى مره تانيه



ايه شعورك ناحيته؟ .. قلق ؟ .. خوف؟ .. ترقب؟ .. اطمئنان؟ .. تفاؤل؟ .. .....؟

ناوية تشتغلي بعد التخرج؟

انسب سن للزواج في رايك؟

انسب عدد اطفال بالنسبة لك ؟ - كام ولد وكام بنت -

شكلك ايه بعد خمسين سنة من دلوقتي ؟ - ربنا يدينا ويديكي طول العمر والصحة -

انا اكتر واحده متفائله شفتها فى حياتى

انا دايما متاكده ان اللى جاى احسن
وان اكيد اكيد ماحدش هيقدر يسرق منى اى حلم
حتى دايما لما يبقى فى اى حد من اصحابى تعبان او زعلان مااعرفش اقوله حاجه تهديه
اقوله اكيد اللى جاى احسن وكل حاجه هتبقى كويس
بيتنرفز اكتر طبعا ويقولى وانتى متاكده كده ليه

بس بجد انا واثقه من ده مش عارفه ليه


- امال لا يعنى
انت عايزنى اضيع 16 سنه من عمرى فى دراسه ومع مدرسين ومواد عشان فى الاخر اقعد فى البيت
ايه الناس دى


25 فما فوق على الاقل اكون عملت لى قرشين


ولد وبنت حلوين اوى


-هكون ميته ان شاء الله

اقتباس

* الجنس الآخر


اهم الصفات المشتركة بينهم ؟

اهمية وجود رجل في حياتك ؟ باعتباراته المختلفة - اب - اخ - شريك حياة - ...

ايه مفهوم المساواة عندك؟

ومفهوم ولاية الرجل على المرأة؟

*


احساسك وانتي بتقري الاسئلة ديه؟

rolleyes.gif



مافيش اى حاجه مشتركه بينهم
الاتنين دايما ماشين فى اتجاهين مختلفين وبيدورو على حاجه مختلفه


الاب
اكيد اهم رجل فى حياتى دلوقتى
دايما اقول ان مافيش حد قادر يخلينى اعيط من غير ما احس الا زعل بابا منى

الاخ
علاقتى مع اخوات خاصه جدا
سواءا الكبير او الصغير

صديق
كنت بحلم انى يبقى ليا واحد مش اعرفه وانا صغيره ونبقى اصحاب ومش عارفه ايه
بس اكتشفت انى مش بعرف اعمل كده
غصب عنى دايما فى حجات ما بعرفش اتكلم فيها
وما ينفعش ابدا يبقى ولد وبنت اصحاب
مش هيفهمها زى البنت اللى زيها
ومش هيحس بوجعها زيها

شريك حياه
اكيد مهم
بس مستنيه الفرج والفرصه والشخص المناسب

- مفهومها ازاى انا كده هرغى كتير اوى
يعنى ان الراجل ما يجيش على حق المراه
وان المراه ما تجيش على حقه

صعبه عليكو دى


ولايه الرجل على المراه
مش فاهمه بصراحه انت قصدك ايه


احساس غريب احساس مختلط بناعس وجوع ووجع قلب وصداع
بس ده كله عشان لسه صاحيه من النوم

بس الاسئله لذيذه وانا جاوبت بصراحه
عايزه كمان بقى

نادر

فعلا محمد واضح انه تعب جدا ومحضر كل حاجه من زمان
والاسئله كمان كويسه اوى

حقيقى مش بدعى لمحمد الا وافتكرك انت وبسمه

ربنا يوفقكو
وتحققو كل اللى تتمنوه يارب



مش عارفه حقيقى ايه سبب الرفض جايز عشان الوضع نفسه مش مظبوط اصلا
ان يبقى فى عدل
وثقه اكتر فى تصرفات البنت


- اخويا الكبير
كان بيخلينى اقراكتب كبيره اوى عليا وانا لسه صغيره
او لما بجى اقول عن الموضوع ده بيقولى انا كنت بسيب لك الطعم وانتى اللى بتاكليه يعنى بجيب الكتاب واحطه فى البيت الاقيكى بادتى فيه اعمل لك ايه يعنى

اثر بكل حاجه طريقه تفكيرى
تمردى اللى انت بتتكلم عنه ده
انى ابقى مش ههاممنى كلام الناس
وان مش اى ممعلومات اثق فيها واصدقها
وان الدنيا دى فيها خع كتير اوى
والذكى اللى يقدر يفهمها


فى فتره من الفترات ايام الثورجيه
كان ليها تاثير كبير جدا
وكنت مقتنعه ان لما اكتب كلمتين فى ورقه وامشى فى مظاهره وازعق بصوت عالى هغير العالم
بس للاسف دلوقتى بفتكر الايام دى واضحك
وبفتكر الناس دى واقول ياترى صبرو ازاى


- السؤال الاخير ده غريب انا ما اقدرش اقول انا كويسه وباثر فى الناس كويس

والعكس برضه
دى حاجه تقولوها انتو





انا فعلا كتبت لها جواب ولونته
وحطيته لها على المرايه
كلنا بنحبك يا اغلى ام ما تزعليش من اى حد فينا

ما جبتش بلاش احراج بقى

مش معايا فلوس اعمل ايه يعنى
انا اجمل هديه يا ابنى


نستو منوره الاستدويو
بس لوتعرفى تجيبى صافى هاتيها والنىب

90%


60%




20%


0%



50%



80%

80%

30%

طيب هل الاختلاف ده ... أثر على حياتك .. ؟

اكيد
بس اتعودت افصل بينى على النت وبينى على الطبيعه



عأكيد تضييع الوقت ده ... سبب لك أكتر من مشكله فى حياتك ... تقدرى تكلمينا عن اى مشكله فيهم ؟؟
(( أن وجدت ))تالته ثانوى
كان ممكن اجيب مجموع اعلى بكتير من اللى جبته
بس الحمد لله على كل حاجه بس بابا لسه فاكراها لى


بس لو هعيش فيها يبقى الاسكندريه طبعا

طيب ... وأشمعنى الاسكندريه طبعآ ... biggrin.gif ؟؟




هوا فى حد مش عايز يعيش فى الاسكندريه يعنى



سماء وهى فى الحاله دى ... أيه اللى بتحاول تعمله عشان تخرج منها ؟بنام
واحلم
وادعى يكون حلم حلو
لما تكوني متضايقه ... مين الشخص/ه اللى بتحبي تفضفضي لها عن اللى جواكى ؟ .. هل صديق/ه .. أم قريب /ه.. ؟؟

أم من ... ؟

لحد دلوقتى مافيش تاثير زى تاثير صافى وبسمه وفير عليا فى الموضوع ده
فى فترات فى السنه بتعدى على الواحد بيكون المووود بتاعه مش مظبوط خالص ... !

ماهى الفترات اللى بتهاجمك فيها الحاله دى .. ؟؟

الشتا


أول مره اسمع عن حكايه السفر دى .. blink.gif

انتى كنتى مسافره فين ... وكانت ايه الاسباب ... ؟؟؟

انا قعدت 4 سنين تقريبا فى الكويت

الاسباب من غير اسباب الناس كلها كانت مسافره



بيقولو على اهل المنصوره ... انهم اهل الكرم .... ؟
انتى كريمه ولا بخيله ... بصراحه ؟

عمرى ما بحط الفلوس فى دماغى
حتى العيل بيقولو عليا اللى فى جيبى مش ليا اصلا
لو معايا فلوس اعصابى بتتعبنى اصلا لازم اخلصها باى طريقه
ويبقى اسمى مفلسه تانى
وش تشرد بقى



طيب بمناسله الابراج ... تتمنى شريك حياتك يكون من برج أيه .. ؟؟

هقولك تقسيمه الابراج اصلا لانى رغايه

فى مجموعه من الابراج التربيه
مش فاكره هما ايه بالظبط
بس الابراج دى المود العام بتاعها العمليه والتفكير بدماغهم

والمائيه
السرطان والعقرب والحوت
انا احب المجموعه دى جدا
مش عشان انا منهم والله

واتمنى انه يكون حوت او سرطان زيى ارق برج ممكن تشوفه الحوات ده ودا واقع بجد

الناريه بقى

زى الاسد كده مثلا
لاحظها كده هتلاقى اكتر ناس عصبين اللى فى البرج ده


طيب كان ايه شكل حياتك قبل التغيير ... هل ماكنش فيه ايجابيات خالص ؟؟؟

كنت اطيب
واكثر رومانسيه
وقلبى سليم بس


هاتسميهم ايه ياترى .... ؟

حنين
والولد على اسم باباه عجبانى الفكره دى