أحباب رمضان
سنـه كامله .. بنحلم بهلالك
وقلوبنا بتتمني صيـــــامك
وصبـــــرنا .. وكان أملنا
نتهنى يارمضـــــان بأيامك
من حــــارة لحارة أتجمعنا
علقنا زينتنا وكهــــاربنا
وفانوسك نــــــور شوارعنا
والناس بتسلم وتبــــــارك
وبيوت الرحـــــمن الواسعة
عمرها عبــــادة المتواضعة
في رحـــابه من ركعة لركعة
وقلوبها بتدعــي في أوقاتك
ويقـــول المدفع في المغرب
أيــــاك تتعـصب أو تغـضب
تخســر حسناتك .. لو تكذب
وتضيع أجـــــــرك وثوابك
رمضــــان أهو جالك تستغفر
تحمد .. وتسبـــح .. وتكبر
وتقوم في الفجــــرية تشمر
تتوضي وتخرج لصـــــــلاتك
ساعة التراويح تلقي المسجد
وضيوف الرحمــــــن تتعبـد
بين فتحة وقرآن وتشـــــهد
وأملها تكون من أحبـــابك
و يا بخت اللي يزكي بمـاله
أو يكرم محتــــاج لو جاله
يبارك له ربنا في عيـــاله
وجزاؤه .. دخــوله من بابك
وياريتك ما تضيـــــع يومك
كســــلان عن عملك وشئونــك
وتروًح وتكمـــــــــل نومك
وتقوم على المدفع عصافيـرك
رمضان شهر نشـــاط وعبـادة
أجرك فيه أضعــــاف وزيادة
خللي ضميرك .. عنـده إرادة
ويطهر قلبـــــك بصيـــامك
أكسب فرصـــة .. وزود زادك
للأخــرة .. من ٍطيب أعمالك
غير من نفســــك .. وحياتك
خللي الدنيـــا تكون خدامك