عقده عندنا في جميع المجتمعات ومع أختلاف الجنسيات
من الناس اللي بنخاف من كلامهم؟!
وليه بيوصل بينا الحال للخوف منهم للدرجه دي ونحاول نتجنبهم بشتى الطرق ؟!
و معقول ان احنا بنضطر احيانا كتيره ان احنا نعمل حاجات مش عايزنها لمجرد ارضاء الناس اللي حوالينا ؟
مثلا
العاطل خايف من كلام الناس ..
المطلقه خايفة من كلام الناس ..
وكمان العانس ..
الفقير خايف الناس وكلامهـم ..
أسباب كتيره جدا هي اللي بتخوفنا من الناس وكلامهم !!
ليه ما سألناش نفسنا ايه سبب الخوف ده ...؟!
هل هو فعلا ً خوف من كلام النـــاس ..
أو إنه خوف من المظهر الذي سنظهـر به أدام النـاس دي .. !
فالكثير منــا عاوز يظهر بالشكل اللي يحبه ويرغبه ..
لكنه خايف من ردة فعل النـاس ومن كلامهـم ..
والناس حتقول عنه ايه .. ؟؟
وحيبصولوا ازاي في المستقبل ً ..؟؟
وبذلك يخسر طموحـه .. ورغبته في الظهور بالشكل الذي أرادهـ ..
وذلك كلـه بسبب خوفه من نظرة النــاس وكلامهـم .. .!
الحديث بيكبر .. !!
وعارف أن لكل شخص منكـم رأي .. ووجهـة نظر حيال هذا الموضوع ..
لن حطول عليكم .. ووحسيبلكم المجال .. للكلام.. ولمنـاقشة المســأله دي ..
وبعد كل ده حختم الموضوع بقصة لجحا ولابنه بتثبت ان رضا الناس غايه لا تدرك
كان ابن جحا راكب على الحمار وماشي وجحا ماشي جنبه فناس قالت عليهم شوفوا الولد العاق دع
ابوه يمشي وهو يركب الحمار !!!!
قام الولد حس بالكسوف والخجل راح نزل فجحا ركب الحمار و ابنه مشي على الأرض الناس شافتهم قالو
شوفوا الراجل ده لا عنده قلب ولا رحمة هو راكب على الحمار وسايب ابنه كده
قام جحا وابنه قاله طيب احنا الاتنين بقى نركب على الحمار قاموا ركبوا الاتنين على الحمار الناس شافوهم
قالوا لا حول الله شوفوا قسوه قلوبهم دول الاتنين راكبين على الحمار
قام جحا وابنه قاله طيب احنا حنمشي جنب الحمار الناس برضو شافوهم وقالوا ايه الهبل دول سايبين الحمار
بدل ما يركبوه وماشيين على رجلوهم
قام جحا وابنه اتخنقه كل ما يعمله حاجة مش عاجب الناس قاموا الاتنين شالوا الحمار الناس شافتهم من هنا وقعوا على نفسهم من الضحك قالوا شوفوا جوز الهبل دول شايلين الحمار
وبعد كل ده اتمنى يكون وصلكم وجهه نظري ...
