ياللا يا جماعه هواة الرياضيات و محبي المسائل و المعادلات الغريبه

اقدم لكم مسأله لذيذه جدا و غريبه جدا جدا جدا جدا

و هي ببساطه أثبت أن 1 = 2


معقول ، حاجه غريبه جدا ،
بس ممكن نخليها معقوله ، ودا طبعا عن طريق حاجه اسمها المغالطه ، و هي أنك تلخبط اللي قدامك أو تتلخبط أنت شخصيا
و تفوت أو تتناسى قانون كده في النص صعب على اللي قدامك أنه يكتشفه
المسأله دي على حسب علمي ليها حلين ، واحد سهل جدا و اكتشاف المغالطه فيه سهل ، و التاني بتاع العباقره بقى ، يعني المغالطه محتاجه واحد دارس رياضة أعلى من مستوى علمي رياضه بتاع ثانوي

بس طبعا مش هاقولكم الحلول دلوقتي ، و دي مش رخامه مني لا سمح الله ، و لكن بس علشان نكتشف لو في حلول جديده و كده

و مستني مشاركاتكم

انا مبحبش الرياضه خالص مالث يعنى

بس هاتابع الردود اما نشوف الحل ايه

جميل يا توجرا

اقوووول انا اقول


-

classic شكرا جدا لتشريفك الموضوع ، و يكفي بس أنك رديتي دا بمثابة حل للموضوع

نينجا ، لأ طبعا أنت لأ علشان أنا اللي قلتلك

ان اثبت ان 1=2 سهله جدا جدا

انا عايز اللى يثبت ان 1 = 10

نلتقى بعد الفاصل

abo_gooda
شكرا على مرورك الطيب ، و ياراجل مش نثبت دي الاول و بعدين نثبت أن واحد بتساوي عشره

شكرا ليك مره تانيه ، و ياللا يا جماعه عايزين الناس الجامده

يادي الكسوف يا جماعه

فين الناس الرياضيه بتاعت حلمنا ، معقول مفيش حد عارف يحلها

ياللا عايزين الناس تيجي تحل

بالنسبه لـ (1=2)

بما ان س2 - س2 = س2 - س2 بأخذ عامل مشترك من الطرف الاول وبتحليل الطرف التاني

.:. س (س - س) = (س - س)(س + س) بالقسمه على (س - س)

.:. س = 2س
.:. 1 = 2

وطبعا الغلط هنا بيكون القسمه على س-س لان س-س= صفر
والقسمه صفر ÷صفر بتدينا كميه غير معينه القيمه..يعني (صفر\صفر) ممكن تبقى واحد او مليون وعلى حسب المعادله الي فيها


وعلى نفس الاسلوب ده تقدر تخلي 1 = الجن الازرق

و الله تمام جدا يا محمد ، و أحييك على ردك و أجابتك اللذيذه ، و لكن للأسف دا الرد الأول و طبعا المغالطه تمام و باينه جدا


و علشان أنت تمام كده و جاوبت الاجابه دي

أنا هاديك الحل التاني المتخصص ، بس مش هاديك حل المغالطه ، و لأنك و أعضاء حلمنا الكرام ان شاء الله هايطلعوها

و الحل

دع X تنتمي لمجموعة الأعداد الصحيحه الموجبه يعني X = 1 ,2 ,3.............to infinity

اذا X تربيع = X . X = x + x + x ............ ( X times
يعني X تربيع = x + x + x ............ ( X times

باشتقاق الطرفين بالنسبه لــ X

2X = 1 + 1 + 1.......... ( X times
so
2X = X
بالقسمه على X في الطرفين

اذا 1=2

ياللا يا حلماويه ، شدو حيلكم و طلعوا المغالطه

[color="#0000ff"][/color]

اذاكانت (×) تنتمي لأي مجموعه فأنها تاخذ رقم واحد فقط لو كانت ثابته
وتاخذ اكثر من رقم لو كانت داله في متغير آخر زي (y)

وبالمناسبه...مشتقه الثوابت = صفر

وبما ان (×) داله في نفسها(يعني بتتغير بالنسبه لتغير نفسها)

ماتبقاش داله عشان نشتقها..(ازاي الحاجه تتغير مع نفسها؟)
و (×) تتحول الى ثابت

وبكدا :

مشتقه الـ(×^2) = صفر
ومشتقه(×+×+×+×...) = صفر

بجد أشكرك جدا يا محمد على اهتمامك بالمسأله دي ، و متتصورش أنا فرحان ازاي بكده

بس الحقيقه أن أجابتك مش مضبوطه طبعا ، و دا طبعا لأن م أبسط قواعد الاشتقاق أن :

اشتقاق (X)^{n يساوي}

n(X)^n-1



و بالتالي فان تفاضل X تربيع بالنسبه لـ x بيساوي 2x

لأن x هنا متغير في مجموعة الأعداد الصحيحه الموجبه ، أحنا ما نعرفش قيمته بالضبط علشان نفاضله بالصفر

و مشكوووووووووووووووووووووووووووووووووووووووووووور

بس مش هي دي المغالطه

هوة الكام بكام ؟؟؟

اية دة انتو من نفس الكوكب

دنا عقدت حياتى الرياضةمن الاعدادي والبراهين والاثباتات حتى الثانووية

دنا ولله الحمد نقصت 5درجات فالرياضة 4تفاضل 1جبر

من اصل 12درجة ف تانية ثنوى

آهو انا فهمتك وفهمت لعبتك

اساسا لو كانت (×) متغيره زي مانتا بتقول


يبقى ماينفعش نقسم عليها وتضيع من المعادله

يبقى من الخطوه الي هيه 2×=×..(-×)
.:. ×= 0

مش 1 = 2

وأرجو انها تكون صح

برده لأ يا جميل ، و الله أنا مبسوط جدا أنك بتحاول ، بس احنا عادي نقدر نقسم على x هنا
و ممكن أقولهالك لو عايز بس أنا مش عايز كده بجد علشان لما بتكتشف الحاجة بنفسك ، استحاله تنساها خااااااااااااااااااااااااااااالص

و ربنا يكرمك و ان شاء الله تعرف تجيبها

لحد رد محمد بدر الدين الاولانى
تمام وفاهمه
ن اول بعد كده
مش فاهمه اى حاجه

محمد باشا ، أشكرك على اهتمامه و قلتلك كده كتير ، و لكن أنا ماحطيتش الموضوع ده بغرض التباهي و التفاخر ، و عيب الموضوع ياخد مسار التحدي بالطريقه دي ، أنتا لو كنت فعلا طلعت المغالطه صح أنا كنت قلتلك و حييتك و عملتلك أحلى شغل

أما الكلام الكتير دا فأنا شايف أن مالهوش أي لازمه .

و أنا لغاية دلوقتي مش عارف أيه المشكله في أننا نقسم على X زي ما أنت قلت أننا بنقسم عليها لما تحتاج لتبسيط

و لأن في x في الطرفين ، فأحنا نقدر نقسم عليها عااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااادي خالص لأن حتى لو في عفريت بيتحرك في المعادله و لكن في الطرفين نقدر نقسم عليه


و حل المغالطه علشان أريح دماغي من الموضوع ده

أن أحنا أساسا ما ينفعش نشتق هنا ، لسبب :

أن أحنا قلنا أن X تنتمي لمجموعة الأعداد الصحيحه الموجبه ، و اشتققنا على R و هي مجموعة الأعداد الحقيقيه

و في نظريه بتقول " أذا أردنا اشتقاق داله فأنها يجب أن تكون متصله على مجال الاشتقاق "

و طبعا الداله هنا مش متصله أساسا على مجال الاشتقاق ، لذلك ما ينفعش نشتقها

و شكرا ...........

i know it




coz u told me


موضوع لذيذ يا وادور

واكيد الغرض منوا مش التباهى ده انا واثق منوا

لكن اننا نشغل مخنا شويا مش كلوا لعب فى لعل

و محولات جميله منك يا محمد

بس هو المغالطه صعب ان اى حد ياخد بالى منها فعلا

انتا ظلمتني....



يبن الحلال...اقنعك ازاي

هاقولك على حاجه بسيطه...افترض ان (×) تنتمي لمجموعه الاعداد الحقيقيه
واعمل الكام خطوه دول واقف عند ( × = 2× )
هتعمل ايه؟ والناتج هيبقى ايه؟






يوه

مخدتش بالي...

مش قوتلك اني جاهل...وفاكرني بتحداك
انتا ظلمتني...

ومفيش مانع نشغل مخنا


طيب هاديكم مسأله(مش عايز تحدي من حد رغم انه مش عيب ولا حاجه ولا المفروض انه يزعل حد)


اوجد مشتقه الاولى الدله

y = x^x

حيث ان y داله في ×

و الله يا محمد أنتا شخص زي العسل ، و أنا مش زعلان و لا حاجه ، بس معلش أمبارح كنت متضايق حبتين

و شكرا يا جميل ، و شويه كده و هاحللك دي ، بس هو الاشتقاق بالنسبه لأيه ؟

بالنسبه لـ (×) ..

وعادي يا طغراء الموضوع مالزقش فيا ولا زعلت

خليك كووول

أوك يا جميل

و بالنسبه لحل المسأله بتاعتك









بس كده ، و شكرا

y = X^X

y = e^XinX

y^\ = e^XinX (XinX + (X)x(1/x))

y^\ = e^XinX (XinX + 1)

وللتبسيط

y^\ = X^X (XinX + 1)

ملعوبه منك...

ايه يا جماعة
كل الرموز ديييييييييييييييييييييييييييييييييييييي

ببساطة
المعادلة الأولى
0x1=0

المعادلة الثانية
2x0=0


بما ان 0=0
اذا
1x0=2x0

شيل صفر من هنا مع صفر من هنا
2=1


مش معضلة دي يا جماعة

محمد باشا ، أصلي كنت لسه حالل المسأله دي أمبارح و بنفس الأرقام ، و طبعا أعتذر عن عدم التبسيط بعد كده و تظبيط الحل ، بس و الله كنت مستعجل و لازم أنزل ، علشان كده حلتها بسرعه

Marshal_Raoof

مش فاهم حاجة بس أكيد أنت صح ، و كده بقى في حل تالت

هههههههههههه

بيقول شيل الصفر من هنا ومن هنا

يعني قسم على الصفر

ماينفعش طبعا^//

عادي ياطغراء متتأسفش

الرياضه عامله زي البينج بونج

خد وادي انا بس بسطت عشان الباقي مش اكتر