واضح يادكاتوره انا ماحدش شافها واااااااصل ..

سلامو عليكوو ..

محدش شافها ليه يعني

دة استهتار و تسيب

طاب انا مشوفتهاش كان عندي عذري

عندي امتحانات يعني

و الباقي بقي فين كان ايه عذرهم يعني





واضح يا محمد ان محدش يعرف اساسا

ايه PRISON BREAK دي من اساسه

بس يارا بتشوفها مستنياكي يا يارا تحكيهالي

طيب انا مش شفتها عشان غلبانه ومش عارفه اجيب اكشن

طب انتى بسيطة يا بيبو اخر حلقة بس

انا اخر اسبوعين مش شفتها

للاسف لنفس عذرك

لو حد يكملهالى ابقى مشكور اوى

انا شفت الموضوع

وكنت داخلة ارد عليكى يادكتر بيبو واقولك

































انا كمان مش شفتها

واصلا مش اعرف المسلسل خالص

أنا ممكن احكيلك الحلقة اللي فاتتك يا اسلام

و ندور احنا الاتنين علي حد يحكيلنا الحلقة اللي مفقودة


عادي يا روني انا عارفة ان ناس كتير ممكن يكونوا مش عارفينه يعني و لا يهمك


علي فكرة يا جوجة مسلسل روعة بجد suspense م النوع المحكم


يالا يا يارا فينك بقي تحكيهاليييييييييي

انا بقى اتفرجت عليها

بس ف الاعادة يوم الاربعاء

بس لقيت حاجه غريبة جدا يا بوبتى

لقيتها تقريباً والله اعلم بتتعاد

لانها جابت قصة كل واحد من الأول خالص وأزاى دخلوا السجن

مش عارفه بقى هما بيعدوها لحد ما يجيي جزء تانى ولا ايه

بس ده اللى شوفته الاربع اللى فات

لو الحلقة اللى تقصديها يا بيبو هى الحلقة اللى كلاسيك قالت عليها يبقى أنا شوفتها وانتى لأااااه

بصى يا ستى هوا فى الحلقة دى جاب كل واحد منهم حكايته إيه بالظبط وإيه السبب فى دخوله السجن

أنا هاعمل فيكى واجب وهاقولك على موقع عليه حلقات Prison Break الموسم الأول والتانى

ويا رب تعرفى تنزلى الحلقة اللى انتى عايزاها منه لأنى جربته والحلقة نزلت بس ماشتغلتش وتقريبا والله أعلم دى حاجة عندى أنا

فى الجهاز .. فخدى الموقع وحاولى جايز يطلع حظك أحسن من حظى

الموقع من هنا

الحلقة اللى انتى عايزاها رقم 16 بعنوان عذاب الضمير وهاتلاقى تحميل ملف الترجمة بالعربية والفرنسية

هاتعملى كليك يمين وتجيبى Save Target As

وربنا معاكى فى امتحاناتك

طيب مش عايزه مسلسل لوست طيب
اصل انا شوفت كام حلقه من المسلسل ده ومعجبنيش

prison break بصراحة مسلسل ممل جدااا . انا كنت بتابع لوست وزهقت من بطئ الاحداث كل اسبوع حلقة فروحت داخل ع النت ومحمل اغلب الحلقات من الجزئين الاولين واخر 6 حلقات من الجزء التالت والاخير .. بس بصراحة تحفة ..

Prison Break ممل !!!!!!!!!

إنتا أول واحد أسمعه يقول الكلمة دى على مسلسل زى دا يا GM

يا بنى دا حتت مسلسل ولا اتعمل ولا هايتعمل زيه .. دا خارب الدنيا فى أغلب دول العالم تقريباً والحلقة الواحدة منه متكلفة حوالى 2.5مليون دولار ... شوف انتا بئة دى ميزانية كام فيلم من الأفلام العبيطة اللى بنعملها هنا فى مصر

Lost برضه مسلسل جامد جداااا

بس اللى بيزعلنى أوى بئة لما بشوف الحاجات دى .. لما تشوف المسلسلات الأمريكية بيجيبوا الأبطال على طول بيفكروا ومش بييئسوا
الناس بتتعلم منهم عدم اليأس والتفكير المستمر وخصوصا الأطفال مثلا لما يشوفوا الحاجات دى

تعالى بئة عندنا فى أفلامنا ومسلسلاتنا الهابطة .. الناس بتتعلم منها اللعب والتهريج والسطل .. وعلى كدة

مفيش أصلا وجه للمقارنة

يلا ربنا يسهلها للإعلام العربى بتاعنا شوية وينتعه بالسلامة من النومة اللى هوا فيها دى

والله يا جى انا مليت فعلا من مسلسل lost ده لانه بطئ جدا جدا جدا كل سبت حلقه

على ما الواحد يتفرج عليهم كلهم يكون مات

احداث المسلسل فعلا بطئيه جدا وانا مليت منه

بس لقيت حاجه تحفه انهم يوم الجمعه بيجيبوا احداث المسلسل اللى حصلت كلها فى الاسبوع فى حلقه مجمعه بتكون ساعتين من الساعه 3 العصر

فبتكون زى الفيلم واحداثها سريعه جدا لانهم بيجيوا اهم الاحداث بدون تطويل وملل

فعجبتنى جدا بس الجمعه الاخيره اللى فيها اخر 6 حلقات مسفتهاش للاسف

فياريت لو حد يحكلنا اخر 6 حلقات بقي

يا جماعة المسلسل طلع سخيف جدا

و انا كان هيجيلي شلل رباعي من اخر حلقة

خلصت الحلقة و نزلت التترات و انا عمالة اقول هاه و بعدين يعني

ندمت علي كل حلقة شوفتها فيه

بجد حاجة تنقط يعني....

و فيه جزء تاني بس انا قررت اني مش هشوفه حتي لو عملوا ايه

توبة من دي النوبة

هارد لاك لينا بقي و فرصة سعيدة في مسلسل افضل من كدة ان شاء الله....

لا يا بيبو المسلسل مش سخيف ولا حاجة

ده لان لسه فى جزء تانى وتالت كمان بس هو مجاش على طول

دى الفكرة

لكنه بجد جميل ومتشوقة اشوف الباقى وهاموت وانزل الحلقات بس مش فاضيه

راجعى نفسك يابنتى علشان مزعلش منك