السلام عليكم ورحمة الله وبركاته
..._..._..._..._..._..._...
مـــــــــــيـــــــــــلاد روح جـــــــــــديـــــــــــــدة
يوم 8-6-2006 كنت خلصت امتحانات الفرقة الثانية الحمد لله
فتحت الماسنجر لقيت ايميل غريب ضايفنى قولت اقبل يمكن يكون حد من أصحابي
وغير ايميله أو حد اعرفه
كلمته وطلع واحد اسمه محمد فوزي اتكلمنا شوية
وسألني إذا كان ليا ف المنتديات وأدانى لينك منتدى اسمه
7lmena.com
ودخلت وسجلت
كنت ف الأول تنشن جداً ومنطوية أوى
ومع الوقت أتعرفت على :
فوشى ومشموشة والشمس المشرقة وميمو و بيبو وحنان وهدى الله (نور الحب ) ولافلى جيرل وفير وأسيرة الحب
واونلى دا أنا وصاحبة العصمة وجارة القمر وصافى ...
وديزني وعمرو سالم وفرفور وفارس وبسام وتوجرا وزبادي وأزهري ... وناس كتير أوى لأكون نسيت حد
واتعملت من كل دول حاجه وعملت مزيج نتج عنه
( يارا كلاسيك )
النهارده أنا هاحتفل بمرور سنة على وجودي ف المكان ده
أجمل موقع شوفته وهاشوفه إن شاء الله
ربنا يباركلنا فيه ويحفظه من كل سوء وشر ومشاكل
ف المكان ده
ضحكت وبكيت
تعبت وارتحت
انبسطت وزعلت
حبيت واتخنقت
أتعلمت كنير أوى من الناس اللي هنا
يمكن مكنتش أتعلمتها ف عمري كله
أنا عايزة اشكر:
* الغامض
* سيسو على الموقع وعلى مجهوده الهايل
* كل حد هنا شارك ف سعادتي ف يوم من الأيام
وأولهم أصحاب ورفقة عمري إن شاء الله
* وكل حد بيتقى الله ف كل كلمة بيكتبها هنا
وأحب اعتذر عن :
* كل كلمة كتبتها مكنتش صادقة فيها
* كلمة مفيهاش إفادة
* أى كلمة ضرت أو ضايقت حد هنا
* و أعتذر اعتذار كبير جداًَ لحلمنا نفسه
إن كنت ورطته ف اى مشاكل شخصية
* و لأصحابي برضه لو كنت حطيت أي حد فيهم ف موقف مش ظريف
أو عرضته لأي كلمة من أي حد
وعندي طلب :
بطلب من أي حد أن كنت زعلته ف أي يوم من الأيام ميزعلش منى
أو لو كنت غلطت ف حد ف عدم وجوده يسامحني بالله عليكو
وأنا عن نفسي مسامحه اى حد غلط فيا
أو ظلمني ف يوم من الأيام وأمري لله
وكل سنة وأنا طيبة وأنتوا طيبين
ونكون سوا كل سنة إن شاء الله
وزى ما بقول دايماً
اللي ملوش خير ف حلمنا ملوش خير ف اى حاجه
خدوا بقى تورتة بالمناسبة دى
