حتى انتى يا هدى
دخلت كلية الاثار لية؟؟
*مجموعى
*وكمان لأنى كان قدامى هيه او كلية تربية وانا مبحبش تربية ولا احب اكون مدرسة
*وبعدين عملت استخارة وتوكلت على الله
مين اكتر دكتور حبيتيه فى الكلية؟
د. مختار الكسبانى ... تاريخ فن
د.حنان محرم ... هيروغليفى
د. عبد الرحمن مش عارفه اسمه والده
... تاريخ يونانى ورومانى ده بقى اكتر واحد خالص
ومين اكتر دكتور كرهتيه ؟وليه؟
مش كرهته بس محبتوش
د. محسن نجم ... لانه ادانى 9 من 20
يعنى رفع ف مادة انجليش عيب اشيلها حتىموقف محرج حصلك فى الكلية؟
مرة كنا ف أول سنة خالص وكنت انا وواحدة صحبتى من الزقازيق معايا ف الكلية وقاعدين قدام المدرج
مستنيين المحاضرة تخلص لأننا مدخلنهاش علشان كنا لسه بنسافر ومقعدناش مدينة
واحنا قاعدين لاقينا تحتنا كمية مية الحمد لله لا بأس بها كفيلة بأنها تبل الجيبة بتاعتى
طبعاً قمة الاحراج بس اتحكمت ف الموقف الحمد لله
جبتى كام فى تانية ثانوى؟
88.7
وفى تالتة ثانوى؟
كله على بعضه 92.3
كنتى علمى ولا ادبى؟
علمى احياء ف 2 وحولت ف 3 الحمد لله
سؤال مبتحبيش حد يسؤلهولك؟
انتى عايزة ايه يا يارا ؟
بيعصبنى السؤال ده
لية اطلقتى على نفسك اسم كلاسيك؟
دى قصة طويلة وهبلة جداًبس أحب اقولك ان ده اسمى من 2 ثانوى يعنى بقاله معايا حوالى 4-5 سنين اهو
والحكاية يا ستى انى كنت باخد درس فرنساوى عند مدرس يعنى بيحب يهزر وكده
وكان مطلع على كل واحد اسم والشباب ف الفترة دى كانوا بيحبوا يطلعوا القاب
واللى يناديله باسم العيلة وكده وفى اصحاب ليا كان ليهم برضه نيك نيم فقولت اشمعنى انا
ف و انا بقرأ ف مذكرة انجليش بالصدفة وقع عنيا على كلمة CLASSIC
فقولت والله حلوة فبدأت اكتب يارا كلاسيك ولما هو اخد باله والاسم انتشر بقيت اكتفى بالنيك نيم بس
حتى فى ناس بعد كده عرفتهم وكانوا معايا ف الدرس ومعرفونيش الا بكلاسيك
بس من ساعتها كلاسيك بقى ف كل حته وحتى سبحان الله كتير من هدومى او اى حاجه بشتريها
بلاقى عليها الاسم ده
ايه اكتر حاجة بتلاقي نفسك فيها؟
انى اعمل اى حاجه بحبها او اتكلم عن حاجة انا عندى خلفية كبيرة عنها
او اقعد مع ناس تفكيرنا واهتمامتنا واحده
او انى اساعد حد والاقيه مبسوط اوى
أكتر انسان او انسانة كرهتيه فى حياتك؟
مش كره بس بجد ربنا يسامحه
الحمد لله انى معرفوش شخصياً ولا عمرى شوفته بس كلمته مرة قدراً كده
مع واحده والحمد لله هيه المرة كان فيها كل المفيد
ماهي اللحظة التي لن تنيساها في حياتك... ؟؟
كل لحظه اكشفت فيها انى كنت مغفلة ف يوم من الايام
لو رجع بيكى الوقت,,, ايه اللي تتمنى تغيّره؟؟
كنت هاقرب من ربنا من قبل كده واكتر وكنت هاحفظ القران من بدرى
احسااااااااسك ايه وانت مستجوبة دلوقتى وايه اكتر اسئلة ازعجتك؟؟؟؟؟؟
جبت وجع الدماغ لنفسى
بس كويس برضه علشان اوضح حاجات كان لازم توضح
مفيش كل الاسئلة كويسه بس سؤال جى ام بالنسبة للنفاق ده قاقلنى شوية
حلمتى بأية امبارح؟
ههههههههههههههههههه ده انا لو قولتلك حلمت بايه هتموتوا على نفسكوا من الضحك
حلمت ان انتوا بتسألونى ولان اخر واحد رديت عليه امبارح كان نينجا
فحلمت انه عمال يسألنى كتييييير اوى
أن شاء الله لما ربنا يرزقك بالزوج الصالح .......تحبى ولادك يكون اسمهم اية؟وتحبى تشوفيهم ازاى؟
الاولاد : يوسف .. ادم
البنات : مريم .. ملك
احب اشوفهم احسن ناس
وهاحفظهم قران من وهما صغيرين وان شاء الله هاربيهم تربيه اسلامية
اية اكتر شئ لما تفتكرية تبكى بشدة؟
الظلم
بتخصى فى صلاتك مين بالدعاء؟
كل اللى بييجى على بالى وعموماً كلكوا والله بجد
اية رائك فى كل عضو هنا فى حلمنا؟ ((كلــــــــــــــهم))
قولنا السؤال ده مؤجل شوية لحد ما النت يتعدل
واية اكتر حاجة مش عجباكى فيهم؟
هاقول برضه المميزات والعيوب مع بعض
لما بتشوفى حد بيعمل غلط؟بتقوليلة؟ولا لا؟؟؟؟وطريقتك الموجهة لية بتكون ازاى؟
للأسف صعب جداً ومش اى حد لان مش الكل بيتقبل النصيحة
بس عموما بحاول اجيبها من ورا اووووووى لان ديركت كده ممكن تحرج وبتبقى صعبة عليا
يعنى ممكن اسأل شوية اسئلة متعلقة بالموضوع وبعدين واحده واحده بقى أقول النقد
اسئلة جامدة احييكى عليها يا دودتى
