أنا هنا اهوه

بالراحة عليا بس

و بلاش حكاية دكتور بيبو دي

بيبو و بس من غير دكترة

ربنا يستر...

ربنا يسامحك يا جــــــــــــــ ـــــــــــي...

مييييييييين

بيبو

اهلا اهلا

انت جيت يا رمضان................منور والله

طب نبدأ بقى مع المقبلات الاول كد كام حاجة صغيرين

معلومات شخصية

الاسم:

مجال الدراسة:

هبة فى تلات كلمات:

الاكلة المفضلة:

المشروب المفضل:

اجمل لحظة ممكن تعدى عليكى:

اجمل لحظة عدت عليكى:

بيبو لما تخرج تحب تروح فين:

ايه رأيك مش حاجات لذيذة وسهلة خالص اهوه

من الداخل

شايفه انك ناجحة ولا فاشله من و جهة نظرك؟

لو كنتى تتمنى انك تبقى حاجة تانية فى اى حتة تانى كنتى بقيتى ايه فين وليه؟

لحظات فشل بتعدى علينا كلنا مش هسألك ايه بس بتخرجى منها ازاى ؟

الدنيا من و جهة نظرك؟

لو فى أيدك 4 امنيات هتتمنى ايه؟

ايه اكتر حاجه ممكنك تزعلك من حد؟وايه اكتر حاجه ممكن تفرحك؟

ايه رأيك فى البعد؟

-----------------------------------------

انا مكنتش عامل حسابى فجت كده حاجات بسيطه ها

لنا عودة

مش معقول ياقهلا ياقهلا ..

ايه الهنا اللى احنا فيه ده بس ... الدكاتوره بحالها موجوده عندنا فى تحت المجهر .. وانا اقول الموقع منور ليه لييييييه ..

اتاريه نورك ..

أحم أحم .. نشغل الغساله بقي .. بروجرام سريع ماتخافيش مش هى اتوماتيك

:::::::

بيبو فى 2006 .. مش عايزين يومياتك طبعآ لكن عايزين نعرف كانت ايه بالنسبه لك السنه دى ..

يعنى كان ايه احسن خبر سمعيته فيها " على المستوى الشخصي والعام " .. ؟؟
...... كان ايه اسؤ خبر سمعيته فيها .. ؟؟
أمنيه قدرتى تحقييقها خلالها .. ؟؟
امنيه اخرى اتمنيتيها ولكن ماقدرتيش تحقيقها فيها .. ؟؟

طيب احنا بقينا فى 2007 ...

ايه الخطه اللى رسميتها لحياتك ووعدتى نفسك انك هاتنفيذها خلال 2007 .. ؟؟

::::::::::::

ليه اخترتى اسم " د . بيبو " وانتى بتشتركى على حلمنا .. ؟؟

حياتك مختلفه كتير خارج اسوار الشبكه العناكبوتيه ؟؟

استفدتى ايه من الانترنت .. ؟؟ وهل تقدرى تعيشي من غيره ؟؟

::::::

بس كده .. لينا عودة اكيد اكيد اكيد يعنى ..
ومنوره تحت المجهر ..

أومال لما جى يجي هاتعملي ايه ..

:::::

طيب انتى قولتى ان حياتك مختلفه خارج اسوار الشبكه العنكابوتيه .. ايه ياترى شكل الختلاف ده من وجهه نظرك ؟؟

دكتور بيبو .. شخصيه قويه .. ؟؟ نعم / لا (( مع ذكر السبب )) .

::::::

أدى نفسك نسبه على كل كلمه جايه وكلمينا عن الحاجات دى بالنسبه لك .. اوكى .. :

ذكاء

غباء

نكد

فرح

حب

كره

كرم

بخل

صدق

كذب

خجل

جراءه

انطواء

ثقه بالنفس

:::::::::::::::

كفايه كده دلوقتى و لينا عودة ...

إحم احم ..

اهلا يا دكتور في تحت المجهر .. ونقولك دكتور منقولكيش ليه .. مش انتي تعبتي لحد ما دخلتي الكلية دي ... ؟؟؟؟ ده مش سؤال لسه الاسئلة جاية تقدري تقولي عليه سؤال استنكاري شويه ..

النهارده الجو جميل وماشاء الله بيبو مفعمة بالحيوية .. والنشاط اللي اتعودنا نشوفه فيها طول فترة تواجدها في حلمنا ..

نبتدي الاسئلة بقه ...

بسم الله ..

من كلامك فهمت انك ذكية ... وواثفة من نفسك ودمك خفيف وكل الصفات الحلوة .. والصفات التانيه اللي ذكرها الغامض زي ما يكون مش موجوده عندك او بنسب قليلة .. نفتكر من كده أنك انسانة مثالية ؟؟

ولو انتي مش مثالية .. إيه الحاجات اللي بتتمني تعمليها عشان توصلي للمثالية دي ؟؟

وهل المثالية بتعتبر ليكي شئ مهم ولا هي مجرد مكانة محدش بيوصلها من البشر ؟؟

سؤال شخصي .. بيبو مواليد 89 يعني دلوقتي تقريبا عندك .. 18 سنه ..

امتي حسيتي انك كبرتي وبقيتي بتقدري تخدي قرارات خاصة بيكي في حياتك ع طول الفتره دي ..
اتعملك كام عيد ميلاد في 18 سنه ؟؟؟
مين اكتر شخص كان بيفتكر عيد ميلادك ؟؟
مين احسن واحد جابلك هدية في عيد ميلادك؟؟
ومين اللي افتكرتيه في عيد ميلاده ؟؟ ويوم عيد ميلادك ولا عبرك ؟؟؟


سؤال خاص بالانترنت :
طبعا تقريبا دلوقتي كل بنت بتقعد علي الانترنت عامله ليها مملكة ع المسينجر وعملة جروبز .. يعني اصدقاء زملاء عمل الليسته السودية ...

في كام ايميل ع المسينجر بتاعك حاليا ؟
علي مره السنتين دول كام واحد كان مصيره الليسته السودة في المسينجر بتاعك ..؟؟؟
وكام واحد/واحدة عاملالها بلوك حاليا وانتي بتردي ؟؟

بلاش اسماء عشان الاحرااج ..

انتي اجتماعية وده بان من كلامك فوق .. امتي بتزهقي من الناس والبشر ..
وهل كل لما بتدايقي بتروحي تمشي ع النيل ؟؟

باين ان اختك ريهام مأثرة فيكي .. (هي معانا في حلمنا ؟) السؤال ايه اللي نفسك يكون فيكي عند ريهام اختك ؟؟
وايه اللي حاسه انها نقط ضعف في ريهام وعايزه تقوليلها عليها ؟؟ وهل عندك الجرءة دي انك تقولي للناس انكم غلط ؟؟ ولا بتسكتي ؟؟


هقولك ع حاجه انا تقريبا لحد فتره قريبا او يمكن لحد دلوقتي مكنتش بعرف البنات بتوع حلمنا من بعض .. مكنتش متوقع ان دكتور بيبو يطلع بنت ..

تفتكري ان بيبو لو ولد ايه اللي كان ممكن يبقي حلو .. في حياته وايه اللي مكنتيش تتمني يكون فيه ؟؟
وهل اتمنيتي في يوم تكوني ولد عشان يعني تقدري تعملي اللي انتي عايزاه وتخرجي بره حتت الكونتروول .؟؟؟؟

صحيح السنه اللي قعدتيها بره البيت دي مع موني .. كنتي بتصحي الساعه كام .. وكنتي بتروحي الجامعه ولا بتكسلي .. وكلمينا يا ريت اكتر عن الدروب اللي حصل وسببه كان ايه بالظبط .. وازاي خرجتي منه ؟؟


اجمل حاجه الواحد يسأل ..

منوره تحت المجهر يا بيبو .. وحد يحضر جلسات الكهربااااااااااا

ولنا عوودة

ويا ريت كل اللي بيتابعو الموضوع يشاركوناا .. بيبقولو في لحمة بيبو هتوزعها ع اللي هيسألها

كل دى اسئله

لا انا هكون رحيم بيكى ومش هسألك حاجه

ربنا يعينك يا بنتى

سندباد متقطعش برزقك يا بني .. خدلك كيلو لحمة ببلاش ... .. كده ولا حاجه كيلو اللحمة بقه ب35 جنيه ..


يلا بيبو عشان تحضري كياس اللحمة قبل ما تخلصي الحلقة عشان متهربيش ..

ِأي يا سناني .. ياانا ااا .. فكرتيني والله .. ان شاء الله هبقي اعمل عملية تركيب السنان معاكي بقه عشان تعمليلي ديسكونت ..

انا هخف علييكي شويه عشان الناس لما بتلاقي اسئلة نازله مبتسألش ..

ادي فرصة لغيري .. بقه .. استنيني هرجعلك في الصفحة التانيه ..

اهلا ياجي منور ..
انا كنت بروق اعصابها بس عقبال مانت تيجي ..

طيب نسئل شويه بقي .. ::

د . بيبوو ايه احساسك دلوقتى وانتى تحت المجهر .. ومعصوره كالعاده " زى كل الضيوف " من جى أم ؟؟

كل الضيوف اللى نورو " اتعصرو " فى تحت المجهر بعد نهايه الحلقه أكتشفو فى نفسهم حاجات كتيره جدآ .. ماكانوش يعرفوا عنها حاجه خالص .. تفتكرى ايه الجديد اللى هاتعرفيه عن نفسك بعد نهايه أسعد اسبوع فى حياتك .. هاتفقدى على اثره الذاكره زى كل اللى قابلك .. ؟؟

بما أننا فى الاجازة دلوقتى .. بتقضي يومك أزاى .. هل بيقتصر فقط على أستخدام الانترنت .. ولا بتحاولى تمارسي اى نشاط ثقافي اخر .. زى القراءه مثلا .. أو الكورسات
.. ممارسه الرياضه .. ؟؟

بتشجعي اى فريق من فرق كره القدم المصريه .. ؟؟ وليه ؟؟ وهل هو تشجيع وراثي ولا لا ؟؟

أجمل مصيف قضيتيه فى حياتك كان فين ؟؟ و أمتى ؟؟ ولو ممكن تحكلينا عن موقف طريف ميزه عن غيره من المصايف ..

ايه افضل جريده مصريه بالنسبه لك ؟؟ .. وهل قراءة الجرنال شىء اساسي يوميآ عند د . بيبوو ؟

:::::::::

كفايه كده ولينا عودة مره تانيه ..

بيبــــــــــــــو

اهلا بيكى ياجميل

منورة والله

اتمنى ان اسئلتنا تكون خفيفة عليكى

ومتدعيش علينا

وتتبسطى معانا


ان شاء الله راجعة ف اقرب وقت

وبداية

الله معك

منوره ياهبهوبه


ربنا معاكى يابنتى يااااارب


انا هسألك شويه اسئله بسيطه


بس بعد شويه ياقمر

أل,,,,ه في ايه يا جماعه كل واحد بعد شويه ..

طيب نشمر ايدينا ونبتدي بقه ..

الحقيقة يا بيبو انا متكلمتش مع الغامض ولا اتفقنا ع حاجه .. بس الظاهر الناس بتحبك قوي .. وعايزين يخلصو فيكي الجمايل ..



نبتدي بقه ندردش شويه ... ونغوط في داخل بيبو ..



بيبو .. انتي بتصلي ؟؟؟؟

ولو انتي انتظمتي في الصلي من امتي؟؟

وايه السبب اللي خلاكي تنتظمي ؟؟

انا مش عارف انتي محجبة ولا لأ بس عموما .. امتي اتحجبتي ؟؟ وهل اتحجبتي بناء ع رغبتك ولا من البيت ؟؟

ايه رأيك في الموضه الايام دي ؟؟

هل انتي بتمشي ع الموضه دي ؟؟

مع العلم ان الموضوه الايام دي في مصر ... البديهات الضيقة .. اللي تقريبا مبتتفصلش وانما بيروحو لواحد نقاش عشان يدهن البدي علي الجسم بدل ما يقلعو ويلبسو ويوجعو دماغهم .. فا انتي ايه رأيك في الموضوع ده ؟؟

بالنسبة لموضوع المعاكسات اللي فتحناه من شويه ... ايه رأيك لما الموضوع تطور جداا وكان اكتر حاجه الموضوع اللي كان ايام العيد واللي انا مكنتش متخيل انه يكون فعلا حقيقي بس للأسف كان حقيقي .. يا ريت تكلميني ع الموضوع ده ..

دلوقتي في موضوع حساس وعايز اكلمك فيه بصراحة .. دلوقتي بيبو ماشاء لله كلها كام سنه وهتبقي دكتوره قد الدنيا .. المهم في موضوع الارتباط تقبلي اللي يرتبط بيكي ويتأدملك يكون اقل منك في الدرجة العلمية .. يعني مثلا دبلوم صنايع او حتي بكالوريوس تجارة الفكرة يعني انه مش بنفس الدرجة العلمية هتوافقي .. سيبيكي من موضوع الحب والكلام ده عشان الاهل وضغطهم مش بيعترفو ا بالكلام ده .. او بيكون بأهمية أقلل .. انتي ايه رايك في الموضوع ده ؟؟؟؟


كفايه كده واشوفك الصبحيه ع خيرة الله ..

جي

شكلي انا هاخد اللحمة كلها ..

بيبو حبيبتي منورة تحت المجهر بجد مش عارفه اقولك ايه غير اني بحبك جدااااا

ومش عارفه اعبرلك عن حبي ده ليكي ازاي بس كل اللي اقدر اقولهولك ان ربنا يوفقك في حياتك

وتبقي سعيدة ديما

بيبوووووووووووووو يا جدعااااااااااااان اهلين والله


بصى اولا انا لازم يتعمل لى ديسكونت لانى مش زى اى حد

ثانيا منور فى تحت المجهر

بس مش اوى يعنى


بصى بقى
جاوبى

جاوبى


جاوبى يا بت يالا


انتى فى حلمنا من امتة ؟

بتحبى حلمنا ولا لا ؟


بتحبى مين من الاعضاء فى حلمنا ؟

بتزعلى من مين من الاعضاء ؟

وانا بقى هبقى من انهى فيهم


معنديش اسئلة دلوقتى بس هحضر واجيبلك دى حاجة بسيطة بس

منــورة جــامد يا بيبوو



يلا ربنا معاكي

منورة تحت المجهر يا بيبو




ولو ممكن أسأل ؟

مين اكتر عضو سألك اسئله رخمه ملهاش لزمه؟





انتو طابخين اية النهاردة ؟





مين اكتر عضوة بتحبها في المنتدي؟

واحدة بس!!!

الفكرة ان اغلبنا اللي بيحصل معاه التالي انه بيكون عايش كده ولا في دماغه .. وحتي لو في حد بيوجهه .. وبيجي يحصله موقف ما بيفوقه .. شويه ..





مش محتاجين سؤال لحد انتي صادقه يا ستي .. ربنا يوفقك ديما ..



نيجي نسألك ندردش معاكي في شوية مواضيع يا رب تكون لذيذة ..

احنا بنمر في حياتنا اليومية والعادية بمواقف كتير عايزين نعرف بيبو هتتصرف في المواقف دي ازاي ..

أولا .. انتي ماشية انتي وصحابك في يوم حر من ايام الجماعه فدخلتو عن محل عصير قصب .. ووقفتو تشربو .. بتدخلي انتي تحاسبي ولا المعاملة انجليزي ..

بعد كده العصير كان ساقع والمروحة شغاله والجو عن الراجل ملوش حل .. ونفسكوا في كبايه تانيه عصير قصب لان الاولي مكفتش .. هتطلبي واحدة تانيه ولا تكسفي ؟؟

==========

تاني حاجة كتير بنتحط في مواقف زي مثلا مشاكل عائلية وحد جاي البيت وبيزعق مع بابا او ماما ايا كان قريب ولا ايه .. ايه تصرفك ساعتها لو بابا او ماما مدفعوش ولا اتكلموا؟؟؟

==========

الشغل .. تقدري تستحميلي تشتغلي في مكان ويكون مديرك في الشغل مش متفاهم او مش فريندلي .. ع الرغم ان الدخل في المكان ده هايل ..

==========
الحبيب : لو في يوم حبيبك او خطيبك .. طلب منك طلب وقالك انه بيدايقه الحاجة دي وانتي شايفة انك صح .. ومش عايزه تنفذي اللي طلبه منك .. هتتصرفي ازاي مع الموقف ده .. مع الخروج بأقل الخسائر يعني متزعليش خطيبك وبرده متجيش ع نفسك ؟؟ ازاي؟؟؟

==========

طبعا انتي الحمد لله من عيلة كويسه ومستواكي كويس .. تخيلي انك بنت عادية من اسره تحت العادية .. ومطلوب منك انك كل يوم الصبح تروحي تقفي ع الفرن عشان تجيبي بجنيه عيش لاخواتك .. هتتصرفي ازاي مع حاجه زي كده ؟؟؟


==========

الظلم .. كتير قوي بنتحط في موقف ونتفهم غلط ويتحكم علينا غلط .. فهل بيبو من النوع اللي بيسكت .. ولا من النوع المكافح اللي بيدافع عن نفسه ؟؟؟

=======

كفاية كده دلوقتي ونلتقي .. بعد الفااصل ..



والله شكلك يا جي هتاخد العجل كله لوحدك

1-مــــن انـــــــتى ؟

2- ماهو هدفك ؟

3-ماهي أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهيها ؟

6-ماهي التجربه التي تتمنى تكرارها ؟

7-ماهو أفضل مكان تترددى إليه ؟

8-مـــــن يطـــــربك ؟

9-من هو توأم روحك ؟

10- ماهو اكثر شئ تخشيه ؟

11- مالذي يشعرك بأكثر قدر من الحرج ؟

12-شخص تحتاج لقربه الآن منك ؟؟

13-متى تغضبى ؟

14-باقة ورد لمن تهديها ؟

15- باقة شوك لمن تهديها ؟

16- شخص لاترفضى له طلبا ؟

17-ماهي أعظم صفة تفضليها ؟

18-ماهي الصفه التي تكرهيها؟

19-أعظم شيء فقدتيه ؟

20-وأعظم جرح دفنتيه ؟

21- اسوأ خبر سمعتيه ؟

22-ماذا يمثل لك الموت ؟

23-دعوه صادقه من اعماق قلبك لمن تهديها ؟

24-اوصف نفسك كما تراها انت؟!

25-و اخيراً صف نفسك بكلمات بسيطة كما يراك الناس ؟؟؟؟




واتوصى بنصيبى ها,,,,,,,,,,,,,,,,,,,,

اشوفك بعدين

هههههههههههه الكل عمال يشوط في بيبو .. لما خلاص مبقتش ملحقه الظاهر الكفته هتطلع عليكي يا بيبو ...
ونور القمر "بت " ايه بس يا ستوو .. ده احنا ضفتنا دكتوره قد الدنيا .. وصيطها مسمع .. وسيرتها بقت ع كل لسان

بالخير طبعا ..

ياي ... .


لا يا شيخة ..
ههههههههههههههههه

الظاهر اننا بنتكلم مع بيبو أحمد بهجت ...


طيب يا بيبو هعديها بمزاجي مع اني مش مقتنع انه مش بيحصل مهما حصل .. انتي بتكلمي في ايه

اوعي كمان تقوليلي لو لو الصبحية بقه وريحة الطعمة السخنه والفول اللي بالزيت الحاااار وشمتيها وتقولي ياااي برده .. ساعتها .. هخرط علي نفسي نص كيلو كوسه واقعد ساااكت ..

ردي ع الاسئلة اللي في انتظارك .. وراجعلك بعد شويه ..

صواريخ ويا ريت بلاش الاختصار .. في الردود .. عايزين رغي رغي رغي .. اجيبلك اريال