بسم الله

السلام عليكم




حسبى الله ونعم الوكيل


انا لو كنت بحكم علية

كنت هديلة اعداااااااااااااااااااااااااااااااام

عشان يكون عبرة لغيرة




ربنا يهدى المسلمين

أنا مش قادر أستوعب .. هما أفرجوا عنه ازاى أصلاً ؟؟

وأهل البنت دى مهما بلغ مستواهم المادى أو الثقافى يسكتوا كدة ومايطالبوش بالعقوبة ويكتفوا بعرضها فى برنامج تليفزيونى

الحقيقة الواحد مش عارف يقول دى مشكلة قانون بلد " ولو إن معلوماتى بتقول إن اللى اعتدى على بنت عقوبته الإعدام قانوناً "

ولا مشكلة ناس معندهاش وعى ومعرفوش يطالبوا بحق بنتهم ..

فعلا دى بلد ولا تعرف تاخد حقك ولا تدى للناس حقوقها

ربنا يرحمنا كلنا ويسترها مع بناتنا

طيب ما هو لو اتحكم عليه بالاعدام هو هيموت ويستريح

وهيه هيتعيش ف الماساة دى لوحدها

لا هوه فى حكم تانى افضل

لا يا خالد اهل البنت مجوش البرنامج اكيد الا لما يأسوا تماماً

والدها قال امبارح انه لو اعدموه حتى مش هيسيب حق بنته

اصلها مش هند الحناوى ولا واحدة كبيرة تقدر تعيش وتدبر امور نفسها

دى طفلة طفللللللللللة

والحمد لله البرنامج اتبنى القضية ومش هيسيبوا حقها برضه

العيب على القانون يا خالد

الواحد مش عارف يرد يقول ايه!!!


طبعا أنا مع انه القانون ياخد حقها


وحلال في اللي عمل كده إعدام


بس برده حرام على الأهل انهم خلوها تكمل فترة الحمل


الشرع أباح الإجهاض في الحالات دي


وبرده حقها ما بيضعش


بس مش كفاية انها اتظلمت المرة الأولى


نظلمها المرة التانية بانها تكون ام وهي لا جسديا ولا نفسيا ولا اجتماعيا مهياة



بجد حرام



وحسبي الله ونعم الوكيل على كل ظالم

حسبى الله ونعم الوكيل
حسبى الله ونعم الوكيل
حسبى الله ونعم الوكيل

دى اقل شئ ممكن يتقال

انا اتفاجاه امبارح وانا بتفج على برنامج 90 دقيقه على قناه المجور بالبنت وبالقضيه

البنت طفله فعلا ولا يوجد اى حاجه ممكن نقول انها مغريه مثلا او نعيب عليها مثل مالمجتمع بيعيب على اى بنت بتكون لابسه ملابس ملفته

البنت طفله .. طفله فاهمين يعنى ايه .. طفله فى خمسه ابتدائي

انا بجد مزهول من اللى بيجري

وغير كده انتى بتقولي يا Nostolgia to Love

الاجهاض .. جميل ده لو كانوا اهلها عرفوا من البدايه انه تم اغتصابها ... دول عرفوا وهي فى نهايه الشهر الخامس يعنى مصيبه ..

وعرفوا عن طريق الصدفه من ان البنت بطنها منتفخه مثل ما الام قالت .. وقالت انها شكت فى ان الكبد يكون فيه مشكله فودتها للحكيمه ( على حد قولها ) الخاصه بالوحده الصحيه وقالت لها الحكيمه ان البنت حاول وبدائت المشكله

بجد شئ فظيع ...

مافيش اى كلمه تتقال على الوحش اللى عمل العمله دي غير


حسبي الله ونعم الوكيل

حسبي الله ونعم الوكيل

حسبي الله ونعم الوكيل

هاقول ايه بعد اللى قولتوه

حسبى الله ونعم الوكيل

يا جماعة انا من يومها اعصابى تعبانة
البنت حتى مش فاهمة الى الان ايه اللى حصل ليها
كانت قاعدة يا عينى حاطة ايديها ع خدها مش فاهمة ايه اللى بيتقال
اذا كان الست العاقلة اللى متجوزة بتبقى محتاسة فى طفلها مش عارفة تشيله اذا كان الحال فى طفلة بريئة مش بايديها حاجة
عارفين يعنى ايه طفلة تودع طفولتها و مستقبلها كله يتجنى عليه و تبقى ام مسئولة عن طفلة حتى مش عارفة تقول للناس عليها ايه
انا بس عايزة اسألكم سؤال لو لقدر الله حصل كده لبنت حد مسئول فى البلد كان هيحصلها كده برضه
انا مش هقول غير مفروض يطبق عليه القصاص و تتنسب البنت ليه
و حسبى الله و نعم الوكيل

شكرا يا نومى على كلامك واحساسك

وياريت كلنا ندعيلها اي جماعة

وربنا ان شاء الله مش بيسيب حق حد ابدا

مش لازم تبقى بنت مسئول وان شاء الله حقها هيرجع

ربنا على الظالم

بسم الله الرحمن الرحيم

لا حول ولا قوة الا بالله
شىء صعب تخيله وتحمله ...... ضاع زمن الحقوق وجاء زمن ضياع الحقوق
بنت عندها 11 سنه وشايله طفله .... مش فاهم يعنى ايه ده ؟
يعنى دلوقتى العمل ايه ؟
حلال اعدام الرجل ....... ؟ ان شاء الله حلال ؟
المشكله باه فى البنت ...... طبعا انا مش متصور برضوا موضوع ان احنا مش نعدم الرجل من اجل ان الرجل ده يتجوزها او كده يعنى لأن الامر صعب وسن الجواز قانونى 16 او 18 سنه على ما اظن ...

وكمان مستغرب ازاى يتم الافراج على هذا المجرم بكفاله ..... غريبه والله

الموضوع محتاج علماء دين وقضاء عادلين يبتوا فى هذه المسأله ... لأنهائها ....

الحمد لله الذى عفانا على ما ابتلى به كثيرا من خلقه ... الحمد لله

شكرا كلاسيك على هذا الموضوع انا فى الحقيقه ما شوفتش البرنامج ولا سمعت عن الموضوع من اساسه ءالا دلوقتى حالا...

سلام عليكم

واجمع عدد كبير من المتصلين علي اعدامه والبعض بسجنه لفترة طويلة وتعذيبه


وجاءت الدكتور سعاد صالح وتقول يتجلد 100 جلدة !!!!! (ماشي يا دكتورة : صباح الخير )



بس يا جماعة فيه قاعدة شرعية فيه قصاص فيه دين فيه اجماع

(( الجزاء من جنس العمل ))

يعني .......................


اه زي ما بقول كده الراجل ده بعد ما حس برجولته

لازم يحس بعجزه

((ولكم في القصاص حياة يا أولي الالباب )


يعني يا اصحاب العقول !!!!!

لا حول ولاقوة الا بالله

انا اول مرة اسمع عن الموضوع ده ..

بس يارتني ما عرفت من اصله

موضوع محزن جدا
واكتر من كدا مفيش كلام
وانا فعلا اللي مش متخيلاه ان الحيوان البشري ده حر طليق

يعني ايه !!

امال فين الحكومه فين القانون فين مصـــــــــــــــــــــــــــــر !!!

فين بلد الامن والامــــــــــــــــــــــــان



حسبي الله ونعم الوكيل
حسبي الله ونعم الوكيل

موضوع مؤسف ي كلاسيك

معلش بقى

ماحنا لازم نعرف برضه البلاوى المستخبيه


مصر هيه امى يا جماعة

قضت محكمة جنايات بنها برئاسة المستشار أحمد عطية رئيس المحكمة ببراءة المتهم "محمد سامي عبدالعظيم"الذي يبلغ من العمر 17 عاما في قضية إغتصاب الطفلة هند. وإستمعت المحكمة لدفاع المتهم الذي قام ببناء دفاعه على خمس نقاط أساسية وهي إنتفاء الركن المادي والمعنوي للجريمة وخلو الأوراق من سمة أي أدلة ضده إضافة إلى تقارير الطب الشرعي الثلاثة التى قامت بإلغاء نسب نجلة هند إلى المتهم محمد سامي عبد العظيم.

شاهد جلسة المحاكمة .. (خاص - القاهرة اليوم)

وأكد محامي المتهم ببطلان تحريات المباحث لتضارب أقوالهم خلال التحريات الأولية كما قام دفاع المجني عليها هند ببناء دفاعه في تضارب أقوالها على صغر سنها وبشاعة الجريمة وخوفها من إنتقام المتهم وطالب بتوقيع أقصى العقوبة على المتهم وطلب بحضور الطبيبة التي قامت بتحليل ال"دى أن آيه"لإثبات النسب .

وأدلى المتهم بأقواله مؤكدا أنه برىء من التهمة بدليل تسلم نفسه للشرطة دون القبض عليه .

هند تحكي قصتها..شاهد(خاص..برنامج 90 دقيقة)

م
ن
ق
و
ل
منقول

بصراحة الواحد مش عارف الحقيقة فين

الله اعلم فين الحقيقة
بس البت لسة صغيرة اوووى

وكمان مش باين عليها انها متاصرة ولا اى حاجة

الله اعلم برضو
شكرا ليك

يعنى البنت بتتهم الواد كدة عادى واذا كان مطلعش المتهم متهم يبقى مين يا جماعة انا بجد الموضوع ده شغلنا لدرجة كبيرة

يمكن مفيش متهم من اساسه

ممكن الحكايه كلها تغطيه لحاجه تانيه حصلت للبنت

وحبو يدارو الحكايه في اتهام واحد مالهوش زنب

وتمت برائته بالدليل القاطع...دا معناه ان الموضوع اكبر من اغتصاب بنت صغيره

وفى اكبر من قضية اغتصاب
ولو الموضوع اكبر من كدة تتوقع الموضوع يكون ايه؟؟؟؟؟؟؟؟

السلام عليكم ورحمة الله ..

إقتباس

وفى اكبر من قضية اغتصاب
ولو الموضوع اكبر من كدة تتوقع الموضوع يكون ايه؟؟؟؟؟؟؟؟

متهيألى يا سوفت محمد يقصد ان المتهم ده ممكن يكون فعلاً برئ

وان هند فعلاً تم اغتصابها او الإعتداء عليها بس من شخص تانى



وأكيد كان الحل الوحيد (فى رأى اهلها ) عشان يتجنبوا

المشاكل الى ممكن تحصل للبنت فى المستقبل

هو انهم ينسبوا الفعل لشخص ما ..



انا بأيدّ الرأى ده صراحة لأن الجرأة الى تكلمت بيها البنت

والطريقه الى اهلها عرضوا بيها القضيه على الفضائيات

كانت سيئة جداا ..

وأيضا اخى الكريم .......(سيماهم فى وجوههم )

ولكن ..إن بعض الظن اثم ..

و العلم لله وحده عالم الغيب ,,,

بالضبط كدة
والله اعلم

غشاء البكارة الخاص بالمجنى عليها سليم؟!!!!!!
ده من ضمن التقرير اللى طلع المتهم برىء
فى ايه يا جماعة بجد لغز جامد مين اللى حيحله
هههههههههه

صحيح إيه اللغز دا

اقولك انا يا مان
الركن المادى هو تناقض أقوال المجنى عليها فى محاضر الشرطة بعد أن قالت أن المتهم اعتدى عليها فى الطابق الاول وبعد ذلك قالت أنه اعتدى عليها فى الطابق الرابع .........
اما الركن المعنوى هى التقارير الطبية التى أثبتت أن غشاء البكارة الخاص بالمجنى عليها سليم وأكد تقرير الطب الشرعى النهائى أن تحليل الحامض النووى (DNA) يبرئ المتهم .
تقريبا هما قصدهم كدة وده راى

بس السؤال بيطرح نفسه..

لو كانت حادثه الاغتصاب تمت من شخص تاني..ماكانو يتهمو الجاني بدل البريء..

الا ان الخاطر الي بيجي لعقل كل واحد يرى الموضوع بيقول ان الجاني شخص قريب جدا من البنت

ممكن يكون(.......)ـها مثلا يعني

والله اعلم

لا حول ولا قوة الابالله
هى الدنيا حصل فيها ايه

الموضوع محير جدا
لان كون البنت تطلع فى التليفزيون هى واهلها ويتكلموا كده بكل صراحة خلى الناس صدقت وكلنا الصراحة اتفاعلنا واتاثرنا جدا باللى البنت قالته وكمان اشفقنا عليها

لاحول ولا قوة الا بالله

انا مكونتش شوفت البرنامج بس سمعت الحكاية

ولما سمعت كلام البنت حسيت ان الدنيا مفيهاش امان اكتر من الاول وزيادة

مش عرفة اقول ليه

العفو ياباشا
بس انا الحمدلله بعيد مش بدرس الحقوق هو انا فاضى
بس شوية معلومات عرفنها كدة

حسبنا الله ونعم الوكيل ....

والله كل حد مسؤل هيتحاسب على اللي بيحصل ده

مسكينةوالله البنت دي مساكين اهلها اكتر معندهمش ذنب في اي حاجة

يا جماعه طبعا انا مش بدافع على اللى عمل الموضوع دا ولازم انه يتحاكم محاكمه كبيره ولكن المتهم المحكمه افرجت عنه ومش بكفاله لكن حكمت ببراءته لان قدموه للطب الشرعى وحلله DNA له ولا للبنت المولوده لاقوه مختلف تماما وهذا يثبت علميا انها ليست بنته ومازال اللغز من هو الجانى الحقيقى فى هذه الجريمه

منا كنت بقول ايييييه من الاول؟؟

يا ناس الموضوع تغطيه واضحه جدا على واحد قريب جدا من عيله البنت..ويمكن واحد من افرادها

وموضوع غشاء البكاره ده ليه؟ وازاي؟ فدا مش شرط لمنع الحمل

بعد اذن صاحبه الموضوع ...
أنا كنت متابع الحدث ده أول بأول .. و كمان اتفرجت على حلقة برنامج 90 دقيقة على قناه المحور
والى حاولوا فيه يكشفوا الموضوع كاملآ .. لكن للأسف أنهوا المناقشه فى الموضوع فى دقايق معدوده
رغم حضور والد البنت و البنت نفسها و المتهم فى اختصابها ... (( المتهم البرئ ))

مع احترامى للكل ..
المحكمه الجنائية اثبتت برائه المتهم فى القضية عن طريق تحليل ال DNA
ولو فيه حد مايعرفش ايه هوا ال دى ان ايه ده .. فأحب اقول انه تحليل لا يقبل الشك فيه ..
ولو بنسة 0.0001%
ونتيجه التحليل كانت برائة المتهم ...
ولا يمكن ان تكون قد تم التلاعب فيها لأنها كانت قضية رأى عام .. و كمان الواد مش زو سلطه او شأن ...
دا فاروق الفيشاوى نفسه ماعرفش يلعب فى الموضوع بتاع ابنه فى قضية مماثله ..

دى حاجه ..

الحاجه التانيه و الأهم ...
هوا تضارب اقوال البنت مع نفسها ..
فهى تقول المعلومه و تعود و تثبت عدم صحتها فى اسرع وقت ..
مثال (( ده هوا قابلنى مره صدفه و عمل كذا و كذا ... يرد المذيع فى نفس اللحظه ( الكلام ده حصل كام مره ) تجاوب هى أكتر من مره ))
والنبى ده كلام ...؟؟
وكل كلامها غير عقلانى بالمرة .. ولا حتى ابوها كلامه عقلانى لأنه كان بيوصف الموضوع ويتدخل فيه كأنه كان معاهم ...


وقد تم انهاء اللقاء التلفزيونى لأن الأب والمتهم تطاولوا على بعد بعد ان اثبت الأب غبائة فى الحوار ..
مما أدى فى مصدقية برائه المتهم ..


أسف جدآ جدآ للأطاله ..
وأنا مش بدافع عن حد ... أنا بتكلم بالحق .. الى لازم كلنا ندافع عنه ...
و نرفع الظلم عن المظلومين

و مش كل اب مش لاقى اب لأبن أو بنت بنته يحاول يدبسها لحد تانى .. علشان يسترعليها .. ده حراااااااااااااااام

أولا بشكرك يا كلاسيك على طرح القضية دي ...

لأنها فعلا قضية رأي عام بجد..........ياجماعة ازااااااااي تحصل حاجة زي كده في بلد تقريبا كل الناس


بتعرف بعضها يعني الجاني يطلع من وسط ملييييييييييييوووووون

دي حاجة فظيعة تحصل .......وكلام البنت زي ما قلت يا أمير متضارب

يعني وغير كده تحس البنت وهيا قاعدة خايفة أنها تغلط أو خايفة انها تقع بحاجة

هل دي حاجة مقصووووووووودة؟ بمعنى ان المتهم(((((((((البرئ))))))))))) قصود انه يبقى متهم وجاني في نظر المجتمع وناسه؟؟


والله أنا مع أمير بجد كلللللللل كلامه حكم بجد والله

الموضوع ده في سر كبيييييييييييير في حد مش عاوزة يطلع ......والله أعلم

العسوووووووووووووووووووووووووولة

الموضوع ابسط من كل الكلام ده

البنت مش كويسه والله اعلم مين الى عمل كده راحت قالت لابوها الشخص ده هو الى عمل كده

قامت الدنيا واعدت تانى بعد ما الواد طلع مش هو الى عمل كده يعنى ملفقه

وتحليل dna اثبت كده وقضى الامر وانسو بقا الموضوع ده

انا اول مرة اقراء الموضوع اليوم 23/11 بس كل الأراء اللى اتكتبت تحكم من جهة واحدة فقط وهى الجهة الانسانية ولكن لابد ان ناخذ فى الاعتبار ان المتهم برئ حتى تثبت ادنته وبعد ظهور تحليل dna اثبت ان الطفلة التى وضعتها طفلة لا تنتمى الى هذ الاب المتهم وتحليل dna يصدر عن جهة رسمية معترف به - الطب الشرعى - وهى نفس جهة الاختصاص التى اثبتت ان الطفلة الام ليست طفلة كقول الاب و لام ولكنها مكتملة الانوثة وهذ ما ادى الى الحمل وان طفلة لا يمكن ان تحمل لان الجهاز التناسلى غير مكتمل النمو ولا يمكن ان يتكون الجنين وان هذه الطفلة او الانسة اكبر من سن 14 سنة وان اقوال هذه الام الطفلة كما قيل عنها كانت متضاربة ولم تقوم باثبات ما قالت

انا مش بدافع عن المتهم البرئ ولكن ادافع عن الحق
وكمان انا مبدرسش حقوق انا فى الفرقة التانية تربية رياضية