لا ايجل انا مينفضش زى مانت بتقول

راجع الاجبات والاسئله هتلاقينى جاوبت على السؤال بتاعك ده فى اجابات سمسومه لان ... السؤال بتاعك ده اتكرر اكتر من مره لاكتر من مستخدم ...

فطبعا مش معقول هرد على كل واحد باسمه يا ايجل ... بما ان السؤال اتكرر وانا جاوبت عليه

ياريت يا ايجل تراجع الاجابات بتاعتى على سمسومه هتلاقى الاجابه ...

لا لا لا مش معنى انى فى تدريب اليومين دول وانشغلت فى الشغل
برنامج تحت المجهر يعدى كدا بالساهل وسيسو يخلص البرنامج بسلام
لا لا لا لا لا يمكن
هو انا ناسيه اللى عمله فيا

يلا مش حارغى كتير خلينا ندخل فى المهم
طبعا انت اتسالت اكتر من مرة انت ليه عدو المراة وليه بتكرهها وكلام من ده
انا بقى هنا حاسال حضرتك انت ليه عامل نفسك بتكره المراة
هل لانك بتحس انك مش محبوب من الجنس اللطيف اللى هو المراة؟
او علشان بتحب تلفت نظر المراة ؟
---------------------------------------
انت طبعا بتشتغل واللى اعرفه انك بتشتغل فى مجال انك بتحبه
هل مرة رئيسك او احد زمايلك فى الشغل قالولك
(ايه العبقريه دى يا محمد دانت جهبز ) من غير فشر والنبى
-----------------------------------------
اكيد طبعا عندك شلة اصحاب
هل فى سنه يووه اقصد فى يوم حسيت انك مكروووه وسط صحابك؟؟
-----------------------------------------
هل بتعتمد اعتماد كبير على والدك؟
بمعنى لو كوكى (عربيتك) راحت للدكتور قصدى للمكانيكى
مين اللى بيدفع الفاتوووووورة ؟ (بتفشر حرام انت صايم)
---------------------------------------------
ايه هى اكتر حاجة ممكن تعصبك وتخليك تخرج عن شعورك
غير اسئلتى طبعا؟
------------------------------------------------
هل ساعات بتحس انك محبوس جوة زجاجة ومقفول عليك بغطا صعب الفتح ؟
يعنى من الاخر مخنووووووووووق
-------------------------------------------------
بمناسبة رمضان هل حسيت انك عايز فانووووووووس؟؟ زيي كدا
-----------------------------------------------
هل ساعات بتحس انك طفل ؟؟؟؟؟؟؟
-----------------------------------------------
ايه اصعب موقف محرج حصلك ؟؟؟؟؟؟؟؟ طبعا ازكر الموقف ؟ اسالة العربى الغلسه
------------------------------------------------

تعمل ايه فى المواقف دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

1- ماشى فى الشارع وشوية اطفال بيلعبوا ماتش كورة وفجاة
ديب بوووم طااااااااااااخ طووووووووخ
الكورة جت فى وش حضرتك وكان شكلك شبه سيسو كدا
هااااااااا حاتتعصب عليهم؟
حاتعدى الموقف وتمشى من غير اى كلمه ؟؟؟
حاتقعد تهزر مع الاطفال
---------------------------------------------------
2- وانت قاعد فى السايبر كدا جالك واحد عايز يصلح الكمبيوتر بتاعه
وانت اكيد عبقرى
المهم حصل انك لقيت نفسك مش عارف تصلحه تعمل ايه
ترسم قدامه وقال يعنى الواد ابو العريف؟
ولا تعترف قدامه انك مش عارف تصلحه ؟
---------------------------------------------------
انت قاعد فى محاضرة فى الكليه مثلا
والدكتور عمال يشرح كانه راديوا مش بيفصل
وانت طبعا زى بقية الاخوة اللى قاعدين جنبك متنح
وفجاة الدكتور ينده
الولد اللى لابس ازرق لا مش انت ولا انت لا اللى قدااامك اييييييييوة انت
قوم اقف هااااااا كنت بقول ايه ؟؟؟؟؟؟؟؟؟
وطبعا لقيت حضرتك هو الشخص المختاااار
حاتعمل ايه ؟؟؟؟؟؟؟؟؟؟؟؟
------------------------------------------------

يلا كفاية عليك كدا
لانك صعبت عليا بتفكرنى باعلان معجون الاسنان كلوس اب
وانت بتمثل دور لمون وانا بمثل دور ابو نعناعه(امال انت كنت فاكر ايه )
وانا بقول حاعصره الله عصير سيسو حايبقى خطييييير
يلا يا مشمش يوه اقصد يا سيسو باشا اتعصر يوه قصدى جاوب

اختك يائوتة زعيمة الغلابه (الملاك الطاهر)

اة على فكرة
ممكن تلاقو بعض الاساله اللى سالتها متكرر
معلش اعزرونى العتب بقى على النظر
اختكم يائوتة

انا ليا سؤال صغير اوى

ايه فكرتك عن التجاهل يعنى ليه تتجاهل انسان

تحب حد يتجاهلك

تحب حد مايدكش ادنى اهتمام

ماشى طب لو واحد عمل كده فيك حتعمل ايه

اكيد حتزعل و حتقول ازاى حد يعمل فيا كده

بس فكرت لو عملته فى حد حيكون شعوره ايه

يا ريت تجاوب

يامحمد للتحليل النفسى عده طرق تختلف من فرد لاخر من اسلوب لاخر

ونعم ولا اسهل وادق طرق التحليل النفسى وانا معاك فى ذلك
بس كان لازم استخدم الاسلوب الجديد ده والنتيجه اهيه


أنت إنسان متحمس تحب القيادة و التوجيه صاحب عين فاحصة تعرف مواطن الخلل و الضعف في الخطط و الأحداث و تعرف كيف تقود الناس و الموارد إلى الأهداف البعيدة أو الاستراتيجية. أنت لا تحب عدم الانضباط أو الحال المائل كما يقال و لا تستطيع السكوت عليه بل أنك قد تكون شديدا جدا في تغيير و تعديل الحال أو الوضع المائل و هذا السلوك واحد من أبرز مشاكلك مع الناس و خصوصا في أماكن العمل. أنت في العادة تجيد التخطيط للمستقبل و عندك نظرة إستراتيجية تمكنك من ذلك.

أنت تشم و تشرب و تعشق التحدي بل أن حياتك كلها تحديات تجد متعة غير عادية و حماس في التعامل مع الناس و التفاعل معهم. و عادة ما تتحدى أفكار و قرارات الآخرين و حتى سلوكياتهم و تتوقع منهم أن يدافعوا عن أنفسهم أمامك فيحدث انتقال المعرفة بينك و بينهم نتيجة لذلك.و الحقيقة أنك إنسان تحب التنقل في فروع المعرفة و عادة ما يتفاجأ الآخرين بما عندك من ثقافة و معرفة في شتى المجالات المعرفية فأنت في الغالب تحب القراءة و الإطلاع في كل شئ تقريبا لذلك عادة ما تكون مثقفا جدا تجيد التحدث و الارتجال. و تحب إظهار ما عندك من معرفة للآخرين و يعجبك الناس الذين لهم علم واسع و تبحث عنهم في حياتك خصوصا أولئك الذين يجيدون توضيح و شرح أفكارهم و تصوراتهم و المجادلة بشأنها.فأنت تحب الذكاء و المهارة و تمقت الغباء و التسيب.

أنت إنسان منطقي محلل و ناقد موضوعي صاحب قرار و رأي واضح جدا من يجالسك يعرف ما تفكر به أو تعزم على القيام به لا تسكت عن حقك أبدا بل تطالب به بشدة أحيانا ذو فضول شديد بالأفكار و المعلومات و المعرفة و كل ما هو جديد و مفيد تحب أن تحل و تحلل المشاكل المعقدة. تفكيرك و اهتمامك كبيران لا تتوقف عند همومك أنت بل تتعدى ذلك

عموما أنت تحب أن تكون الأمور ثابتة و مستقرة و واضحة , طلاقتك في الحديث و ثقتك في نفسك و نزعتك القيادية قد تجعل الآخرين يتهموك بالغرور و لكنهم في العادة يحترمون فيك الموضوعية و التجرد في إصدار الأحكام و العدل في سلوكك و وضوحك الشديد.


عاشق الليل

الله


الناس بدأت تصحى يا جماعة .... لا لا لا

مش ممكن....

انا مش مصدقة عينيا

بس فيه نقطة يا جماعة

ده مش مجال للخلاف ... او للعراك .... ده موضوع مناقشة مع ضيفنا ...

فياريت الحاجات دي تتحل في رسائل خاصة ... مش في الموضوع ده

يا جماعة انا اسفة اني اضطريت احذف اجزاء من الردود ... لاننا خرجنا اوي بره الموضوع

واستاذنا محمد هيجي في اقرب فرصة

ويصالح الناس دي كلها

ياجماعة الحكاية ان اخونا العزيز جبر مشغول جدا .. فمعلش اعذروه

اعتقد ان النقاش بقى حامي اوي اوي .. على اواخر ايام الاستضافة ... وسيسو مابقاش ملاحق .... ومش عارفة اذا الناس تحب تمدد الاستضافة وتغلبك اكتر معانا يا سيسو ولا لا ....

وبشكر عاشق والعسل وروزوايجل ويائوتة السكر وليستات... اوي اوي على مشاركتهم واسئلتهم الجميلة ... وشكر خاص لاختي الجميلة روز .... وماتحرموناش من الاسئلة دي ..

نرجع بقى لسيسو ...

عايزين نديك شوية اسئلة تتسلى فيهم....

- هل تعتبر "العند" طبع في محمد جبر؟؟؟ واذا كانت الاجابة بنعم ... احكيلنا عن موقف كان عندك فيه سبب في نجاحك .. وموقف تاني تسبب فيه العند بمشكلة كبيرة اوي ...
- اما اذا كانت الاجابة بلا.... فانت مش شايف ان العند ممكن يكون سبب من اسباب نجاح الانسان؟؟؟
- "ضاقت فلما استحكمت حلقاتها فرجت .. وكنت أظنها لا تفرج" ... ممكن تجيبلنا موقف حصل في شغلك .. انطبق عليه المثل ده؟؟؟
- لو محمد جبر .. صحي الصبح ... لقى كل اللي بناه اتهد ... هيتصرف ازاي؟؟؟

على العموم يا ستى انا موافق ان انتى حذفتى جزء من الرد

بس يا ريت تخلى سيسو يرد على سؤالى

علشان انا عايز اعرقف حيكون شعوره ايه

و انا مستنى رده

اشكرك اخي العزيز ... وسيسو ان شاء الله هيرد

اخي العزيز محمد جبر

طبعا انا قاعد عمال اراقب في اجاباتك و اقراها بجد وانا مستمتع جدا بيها و بالدبلوماسيه الشديده اللي فيها...........

انا بس كان ليا سؤالين ليك...

هل - و بصراحه - سلكت طريقا غير مشروعا قبل ذلك للوصول الي هدف ؟؟

هل انت مقتنع بفكرة الزواج من علي النت ....يعني ممكن تتجوز من علي النت؟

سيسو

علاقتك بربنا

راضى عنها ؟؟؟؟

قويه؟؟؟؟؟؟

الى انهى درجه علاقتك بربنا؟؟؟؟؟


لو مفهمتش سؤالى هوضحهولك اكتر

سيسو


ايةالنظرية الخاصة لسيسو بلاك كات بالنسبة للمراءة

و نعود اليكم بعد الفاصل ....


والأن .. سيسو بلاك كات ... ( الأنكار مش هينفعك )

هذه الجوله الأولى معى ...

و بها بعض الأسئله المباشره و الصريحه .. (( مفيهاش لف و دوران ))

الأول : من تشجع اكثر ... الفرنجه .. ولا العرب .. (( النوع الممنوع يعنى )) .. و ليه ؟؟؟

يعنى ايه الى بيعجبك فى دول و دول ... ؟؟؟ .. و خلى بالك الصور معانا .. بالتفاصيل ...

الثانى : بعد جيهاد عنيف مع المرأه .. آخيرآ .. تم اختراق حياه سيسو بلاك كات بواسطه انسانه غير عاديه ..

بسم الله ما شاء الله .. جمال .. آدب .. من الأخر مواصفات بسم الله ما شاء الله ..

المهم .. السؤال .. كيف استطاعت اختراق قلبك .. او بمعنى اصح .. ما هوا الغير طبيعى بها الذى جعلك بكل خبرتك مع المرآه ان تعترف انها شيئ غير معتاد بالبنسبه لك ؟؟ (( انك حبتها من الأخر ))؟؟


الثالث : عايزين شويه معلومات عن الأنسانه المجهوله .. الى سيطرت على سيسو بلاك كات ؟؟
مش قصدى الأسم او كده ... لأ .. انا قصدى الشخصيه نفسها ..


الرابع : هل الحب ده كان من اول نظره .. ولا حاجه جت بالتعامل .. ولا مترتبه (( اهل يعنى و كده )) .. مش هقبل غير بالتفاصيل ..؟؟؟


الخامس : بعد محاولات البحث عن الحب فى فتره الدراسه و الكليه .. و التى بائت بالفشل .. ايه الى استفدته من الموضوع ده .. و تحب ان كل الشباب يعرفوه .. و مايقعوش فى نفس الغلطه .. ؟؟؟

السادس و اسابع و التامن ....... الخ ..

بعد اجابه المذكور اعلاه ..

و انتهاء اعلان بيبسى ....




مديحه كامل .. بجوار تلاجه بيبسى .. كشك عم سيسو .. جزيرة الأحلام

فى البدايه الف مبروك على الشغل الجديد ... ويارب تبقى كده مدير عام اد الدنيا ...

وطبعا انا بحمد ربنا انك اتلخمتى فى الشغل ومش موجوده علشان متزنقش اكتر مانا مزنوق

على العموم اهلا بيكى مره تانيه .. ويلا نشوف انتى ناويه تزنقينى فين ...

يا سمسومه انا مش معارض خالص عمل المراه ابدا انا مقتنع جدا بعملها وبمجهودها القوى جدا فى تطوير المجتمع ... وكمان الاثار على حياه المراه .. من عملها ...
وتقريبا انا قولت الكلام ده قبل كده وبعيده تانى ان ...

انا ملاحظ ان الاغلبيه العظمي من الامهات الغير عاملات ( ربات البيوت ) يعنى اللى قاعدين على طول فى البيت .. بيكون اهتمامهم بالبيت صفر .. وبالاولاد تقريبا صفرين .. وخاصه لو ان الابناء منهم بنات ... وده انا برجعه للدماغ الفاضيه قوى من هولاء السيدات ... يعى يا دووبك بتصحى من النوع على الساعه 1 الظهر ووياخرابي على بعد كده لما تقوم تبداء فى ترتيب البيت وتحضير الاكل يبقى الساعه بقت على 5 المغرب والراجل جى من بره مش لاقى حاجه يكلها ولا مكان ينام فيه ... وبقيت اليوم هتلاقى هذه السيده قاعده ادام التليفزيون او على سماعه التليفون بتمارس هوايتها المفضله وهى الكلام فى الكلام ... وطبعا بدون اى اهتمام بالابناء او حتى الرجل ...

وغير كده والاهم فى الموضوع .. ان ثقافتها بتبداء فى الانحدار .. لعدم اختلاطها بالعالم الخارجى خارج منزلها ... وده طبعا بياثر على العلاقه الفكره بين الابناء والام وخاصه البنات منهم ...


اما على الوجه الاخر هاتلي اى مراه عامله ... هتلاقى التالي

من الفجر صاحيه ... لتحضير واجبتها المنزليه .. من طعام وتنظيم ... وبعد كده التعامل مع الابناء ومساعدتهم للذهاب الى المدرسه وبعد كده بتنزل على شغلها وكل ده ومعها وفى حضور زوجها ... وبكل تاكيد بترجع من شغلها على الساعه 2 الظهر ( بتكون يا دوبك الست هان اللى فى الحاله السابقه لسه صاحيه ) بكون فى الوقت ده البيت مرتب والاكل جاهز من الصباح الباكر ... الابناء يرجعون من المدرسه والزوج بنفس الوقت .. وبيكون كل شئ منظم ومرتب .. وده بقى بجانب الثقافه والمعرفه والاتصال بالعالم الخارجي الى هيخليها تفهم كويس جدا ولدها بيفكروا ازاى وتعرف تتعامل معهم ... شوفوا بقى بقيت اليوم للنوع ده من المراه ... باقى اليوم طويل وفيه وقت كبير جدا تعمل فيها حجات كتير .. ليه ...

ايوه اسئلم ليه ... علشان دمغها مش فاضيه زى النوع الاول اللى قاعد فى البيت ليل نهار ومش وراه حاجه
دى فعلا وراها رساله بتاديها وطبعا عارفه كويس جدا انها لازم تهتم بالبيت وكمان بشغلها فهتلاقيها بتعمل كل شئ على اكمل وجه .. انما التاينه تقولك ياسيدى ماليوم طويل ... لسه بدره وفاجه تلاقى الوقت خلص وزوجها رجع من الشغل والبيت زى ما هو ..

شايفين بقى الفرق


وتعالى هنا يا سموسمه انتى بتقولى وببتتكلمى عن البنات والانترنت .... لا انا مش شايف ان البنات وخدين حد معين فى التعاامل مع الانترنت .. بالعكس تماما انا شايف ان تعامل البنات تعامل عادي جدا زيها زى اى ولد ....

وده انا بقوله من واقع عملى ومن واقع تعاملاتى مع بنات كتير .. بالاخص على الانترنت .. وعلى فكره انا مش بقول البنات اللى بيتشتغل فى المجال انا بتكلم على البنات اللى بتستخدم الانترنت ....

ولو انتى فتحتى الموضوع ده هتلاقى الكلام فيه طويل جدا وطبعا فى موضوع للدكتور اون لاين فى هو وهي على صافيح ساخن بيتكم فيه على الموضوع ده ممكن نرجع لهناك ونشوف الردود على الموضوع نفسه والمناقشه فيه كمان

ماشي يا سمسومه

تعالى للاسئله بتاعتك نشوفها ونشوف الرد عليها

اهلا يا فارس انت مختفى فين

وايه الاسئله دى كلها ... اتنين مره واحده طيب تعالى ورينى اللى انت عايز تعرفه

ازيك يا طماطمايه

يلا بتقولى ايه

]ابنات تعالوا بسرعة وزغرطوا لعدو المرأة هيتجوز يا الف مبروك عقبلا البكارى وتكونوا اربع بنات توام
يلا لوووووووووووووووووووووووووووووووووووولى مبروك يا سيسو الف مبروك يا خويا

حرام عليكم يا جماعه

انتو هتحطوني في النص ليه بس


مورفيوووووووووووووووووووووووووس


انت بتجيب اشاعات؟؟؟ .. وتيجي تقولهاله كده في وشه؟؟؟؟

وريمي بتأمّن وراه؟؟؟

الله


ممممم
وسيسو جاي بينكر

لا لا لا

فيه سر في الموضوع


قولو بقى يا جماعه انا كده بقيت فضوووووووووولية

سيسو بينكر انه خاطب .. وصديقه العزيز بيؤكد انه خاطب

غريييييبة

بما ان الموضوع دخل في خطوبه اسمحولي بقي ..... اااه و النبي وسع شويه كده وانتي شويه كمان ... وانتي يا حاجه والنبي شيلي البصل من ع الرض...

مورفيوس مقلش انه خطب... و فعلا انا لما كنت مع سيسو انا و مورفيوس لاحظنا عدم وجود دبله في ايده اليمين مما يؤكد انه ليس بخاطب ولا بقاري فتحه...

بس سيسو بيحب يا جدعاااااااااان و لازم يا سمسومه تعرفي ايه الحكايه عشان احنا واجهناه و قعد ينكر مع اننا متاكدين انه بيحب

الالالالا ايه ده كله

في ايه


ايه ياشباب ده خلتونى قريت فتحه واخطب لاء هتجوز كمان فى ايه

لاء لاء مش ممكن ايه الاشعات دى كلها ... فى ايه يا جماعه انتم كلكم عليا ولا ايه ...

وايه ي مورفيوس الكلام الغريب الى انت بتقوله ده انت وفارس ....

لاء لاء لاء من الواضح ان مصادركم مخوخه ...

على العموم انا مش لاقى وقت ارد عليكم شويه كده احول اشوف وقت ارد على اسئلتكم الغريبه دى

ايه ده ايه ده ؟؟؟؟؟؟مش معقوووووووووووووووول
سيسو.........لا لا لا لا لامش ممكن معقولة
أخييييييييييييييييييييرا يا أنت كريم يارب
بجد سمعوني أحلى زغرووووووووطة لسيسو بيه الجميل
بجد ياجبر الكلام ده ؟؟؟؟؟؟؟؟؟
العسل

الى الأخ العزيز .... سيسو بلاك كات .. الأدمن الخاص بجزيرة الأحلام ..



السلام عليكم و رحمه الله و بركاته ..

وبعد ..


ايها الأخ الكريم .. لقد قمت بطرح بعض الأسئله عليك فى هذا البرنامج ..

و انتظرت منك الأجابه ..

حتى اتمكن من طرح المزيد من الأسئله ...

ولـــــــــــــــــــــــــكـــــــــــــــــــن ..

لم اتلقى اى رد على اسئلتى .. سوى انك قولت انك مشغول .. و ان هذه مجرد اشاعات ..



أخى العزيز ..

أنى استطيع اثبات كل حرف قمت بكتابته .. وبشتى الوسائل الممكنه ..

و هذا آمر غااااااااااااااااااايه فى السهوله كما تعلم ..

ولكنى احببت ان تقوم انت بالرد عليها .. حتى تكون على سبيل المزاح ..

مع العلم ان هذه الأسئله هى ابسط ما وجدت حتى اكتبها على صفحات جزيرة الأحلام ..


و مع انك طلبت مرارآ و تكرارآ ان اخلصك من هذه الورطه .. و ان تتجنب الأجابه على اسألتى ..

الأ أنى اقولها بكل صراحه ..

اقوووووووووووول :

اخى العزير سيسو بلاك كات ... اطالبك بالرد على جميع اسألتى فورآ ..

و ذلك حتى منتصف ليل اليوم ..

بعد ذلك .. ان لم تكن قمت بالأجابه ..

فأنى اعتزر لك ... لأنى سأدلى بكل ما عندى ..



و اللهم انى قد بلغت ..


MoRfuS
Prince of Dream Island
Men In Black

هقتلك يا مورفيوس

انت بتهددنى ... طيب يا استاذي ...

هات ياعم اسئلتك اللى انت بتقول عليا بهرب منها ... ورينى ...

ايوه يا يائوته جيبالى ايه تانى ...

لووووووووووووووووووووولى سيسو حب يا بنات تعالوا باركوا وافرحوا يلا
عموما يا سيسو بعد الكلام اللي انت قولتة انا في ناس في دماغى يعنى تخمين يا ترى تخمين هيطلع في محلة ولا لأ
عموما هنشوف
بس مبروك مش قولتلك هنجوزك قريب يلا عقبالبقي ما تجيب اربع بنات توأم مرة واحدة ولا نخليهم خمسة علشان يبقوا كامل العدد

والله يا سيسو في حد في دماغى وبلاش تتاكد كدة وانا مستنية سيادك تقول لية ماشي يا سيسو انت تعرف كدة بس الحاجات دى زي الملوخية رايحتها بتفوح
وبعدين جواز لا لية هو مش الاعجاب بداية الحب والحب النهاية الطبيعية لة الجواز يبقي جواز لا ازاى بقي
وبعدين انشاء الله هتجيب 5 توام بنات واحنا في ايام مفترجة والدعوة مستجابة
وبكرة نشوف يا سيسو

ههههههههههههه والله وجالك يوم ياسيسوووووووووو
وربنا يسهل ونعرفها وياااااااااارب تكون واحدة جدعة كده زي سيسو
ونفرح بيييييييييك أنت والتواائم الحلوين

العسل

السلام عليكم يا جماعه
اولا كل سنه وانتوا طيبين وياريت تفتكرونوا بصالح دعائكم0000 وتقبل منكم ومنا
سوري سيسو للتأخير في الرد0000
بس للاسف انا برضه مش هارد النهارده من غير شر0000وعلى فكره انا فيه حاجات كتييير هاتتغير000000

ميعادنا بكره ان شاء الله -للي يعيش-00000000سلااااام
يوووووووووووه0000ماقدرتش امشي من غير ما اقول كلمتين برضه
مين دي يا سيسو؟؟؟؟؟؟لحقت غيرت رأيك؟؟؟؟طيب ايه اللي غيرك؟؟؟؟
مش قولتلك اكيد السيده الوالده بتدعيلك ليل ونهار000000واضح ان ربنا استجاب دعائها
تاوي تصرح لجهازنا الاعلامي باسمها؟؟؟؟امتى ناوي تقدمها هنا؟؟؟؟
بكره بكره اكمل00000سلام دلوقت

ايه يا شباب فى ايه انتم ماصدقتم ...

انتم عايزن بتاعه دى وتشبعوا فيها بتاع ده ... مش ممكن كده

يا جماعه انا هصرح باسم حببتى ...

حببتى ..

تبقى حبيبه عمرى ...

استحلمت منى كتير ...

طلعت عنيها فى اوقات كتير ...

ياما غلست عليها ومع ذلك استحملت غلاستى ...

من الاخر كانت بتشيل منى كتير جدا ....

وانا زى اسمه ايه ده اللى مش بيفهم ...

عايزن تعرفوا مين هي حببتى ؟؟؟


اللى تعبت من اجلي كتير وانا لو عملت ايه مش هيكفي اللى هى عملته علشانى ...


هي امي .. ايوه ماما ...


عرفتم بقى ان فى وحده فى حياتي .. لاء من الطبيعى تكون فى حياه كل واحد مننا .. امى اللى استحملت منى كتير .. وانا زى الطفل الصغير اللى بتامر على كل حاجه هى بتعملها ... امى حبيبه قلبي .. اللى مش هيفكى ولا كلمه علشان اردلها حقوقها ..

شفتم بقي ؟؟

تصدق يا جبر بتعرف تهرب بس مش مننا مش من تحت المجهر

ماشي يا عم مورفيوس

فى نفس المكان وعلي نفس العنوان

بس هو انت مش مصدق ولا ايه

لا لا لا لا انت خلصت من مورفيوس لكن انا لسة انت ناسي انا زعيمة تحرير المرأة

جميل اوىى
يا بخت من لقى على سيسيو يوم مالكم يا جماعة سلخين الولد لية
وفيها اية لما يحب
مكل الناس بتحب ولا الكعكة فى ايد اليتم عجبة
بس ياسيسو هم عوزين يعرفوا من الامورة والسنيورة لا خطفت قلبك كدة
مع انى متاكدة انك بدور على الحب فى عيون من حوللك
يارب تلاقى القلب لا يستاهل سيسو بلاك كات