منتديات جزيرة الاحلام > ضيف الأسبوع: Siso Black Cat

المساعدة - البحث - قائمة الأعضاء - التقويم

منتديات جزيرة الاحلام > شاطئ أحلامنا سوا سوا > تحت المجهر

1, 2, 3, 4, 5

Siso BLack Cat

Nov 19 2003, 05:03 PM

نفسي اعرف مين اللى جاب سيرة الجواز ....

يا جماعه محدش قال انى هتجوز خالص ....

طيب تعالوا نعقلها سوا ... ويقنعكم يا تقنعوني ...

دلوقتى ازاى كده من الباب للطاق الواحد يصحى الصبح يقول عايز يتجوز ... ويروح يتجوز ... ده حتى ولو فى بنوته فى حياة الواحد .... لازم تتحسب صح

يعنى الاهل والاصحاب وكمان بقى الشغل والمرتب والشقه والفرش والمطبخ والاكل والعربيه ... ينهاري كل ده يا جماعه لسه بدري قوى .....

وتعالوا نحسبها لو الواحد بيحوش فى الشهر مثلا 200 جنيه مثلا يعنى ....

يبقى 200 × 12 شهر = 2400 جنية فى السنه
يبقى 100000 جنية ÷ 2400 جنية = 41 سنة و 6 شهور تحويش علشان اوصل للمائة الف جنية .. علشان اشترى شقه واحط فيها اوضه نوم واعمل المطبخ ....

شفتم بقى الحسابات ازاى

يبقى انا هتجوز بعد 42 سنه من دلوقتى ... لو فى وحده عايزه تعد معايا وتستنى ... كل ده

انا موافق ... ها مين هيقبل ....؟؟؟

شفتم بقى

واى خدمه

سيسو بلاك كات عزوبيه × عزوبيه

remy

Nov 19 2003, 08:08 PM

المطبخ مش علي العريس يا سيسو دة اولا
ثانيا بقي محدش هيقول علي مامتة كدة
انها ضغنونة ومورفيوس هو اللي هيقولها ولا اية يا سي سيسو
متحاولش تهرب
دة انت وقعت ولاحدش سمى عليك
يلا يابنات سمعونى الزغاريد

سمسومة

Nov 19 2003, 08:51 PM

اقتباس

- "ضاقت فلما استحكمت حلقاتها فرجت .. وكنت أظنها لا تفرج" ... ممكن تجيبلنا موقف حصل في شغلك .. انطبق عليه المثل ده؟؟؟

يوووووووووووووووه كتير قوى يا سمسومه

طب احكي حاجة يا عمو سيسو ... وبلاش لف ودوران انا تعبت ....

اقتباس

- لو محمد جبر .. صحي الصبح ... لقى كل اللي بناه اتهد ... هيتصرف ازاي؟؟؟

اقتباس

الله اعلم يا سمسومه اللى هيجري ...

بس مش هقدر اقولك اكتر من انه من المكن يكون فى اكتئاب حاد ان مكنش فيها وقف قلب ...

وربنا يستر ويبعدنا عن الموقف ده

الاكتئاب شيء طبيعي يا محمد .... مافيش اسوأ من إنك تلاقي كل اللي بنيته بيتهد قدام عنيك ... انا اللي اقصده ... هتسلم .. وترفع راية بيضة .. زي ماناس كتير بتعمل ... ولا هترجع مرة تانية وتبني من الاول ... واذا كنت هترجع من الاول ... هيكون ايه اسلوبك المرادي في ادارة الامور ... بمعنى انه هل هتتبع المقولة " لا يلدغ مؤمن من جحر مرتين؟؟" ... ولا هتفضل حسب مبادءك وافكارك ... ؟؟

سمسومة

Nov 19 2003, 08:55 PM

اقتباس

هل - و بصراحه - سلكت طريقا غير مشروعا قبل ذلك للوصول الي هدف ؟؟

سمسومة

Nov 19 2003, 08:56 PM

اقتباس

بس فانا قولتلك اتجنب الكلام واتجنب كل الى موجودين افضل كثير ليا وليهم ... ليا علشان مسمعش كلمه كده ولا كده وازعل واضايق زياده بلاخص من صحبي ...

وليهم علشان مبقاش بيقولوا انت موجود ومبتعملش اى حاجه مثلا .. فيبقى انا مبقاش موجود اصلا او اختفي اصلا ... افضل كتير .. بما انها كده كده هتتقال انت مبتعملش حاجه ... فاهمانى ..

بس لو حاولت يا سيسو .. تدور على صديق صدوق ... اكيد هتلاقيه اول واحد بيسمعلك .. وبيحس باللي جواك حتى من غير ما تتكلم ... ودايما بيقولو :

لا خير في الدنيا مالم يكن فيها صديقاً صدوقاً صادق الوعد منصفاً

وربنا يرزقك بالصديق الصدوق ... ويبعد عنك الوحدة اذا كنت كارهها للدرجادي

سمسومة

Nov 19 2003, 09:00 PM

اقتباس

وليا كمان سؤال هل فى يوم كنت فيه متضايق وحاول شخص ما بيعزك انه يطلعك من اللى انت فيه وانت عاملته وحش ؟
لو الاجابه بنعم هل خسرت الشخص دا بعدها ؟(دا اذا اخدت بالك اصلا انه اتضايق منك)
------------------------------------------------------------------

العسل

Nov 19 2003, 10:23 PM

جبر سيسو بلاك كات

ممكن بقى سؤال اخير ؟؟
انت كافحت وعملت حلمنا كلنا بس كلنا معرفناش ايه حلم جبر اللى عشانه عمل حلمنا
وايه حلم جبر اللى بتمنى يوصلله النهاردة قبل بكرة
ياريت ياجبر تفيدني بخبرتك لأنك شخصية تستحق وجديرة بالاحترام والاتباع بجد؟؟

مورفيوس جبر سمسومة انا كمان حقسم معاكم ماشي

Siso BLack Cat

Nov 19 2003, 11:22 PM

ايه يا جماعه انتم مصدقتم تلاقم جنازه وتشبعوا فيها لطم ... في ايه ... انا بكلم مورفيوس انتم ايه اللى دخلكم .. انما بقى لو مورفيوس عايز يقسم معاكم مافيش اى مشكله بس محدش يطلب منى اى حاجه تانيه ....

اقتباس

ممكن بقى سؤال اخير ؟؟
انت كافحت وعملت حلمنا كلنا بس كلنا معرفناش ايه حلم جبر اللى عشانه عمل حلمنا
وايه حلم جبر اللى بتمنى يوصلله النهاردة قبل بكرة
ياريت ياجبر تفيدني بخبرتك لأنك شخصية تستحق وجديرة بالاحترام والاتباع بجد؟؟

شكرا ليكى يا عسوله على كلامك ده ...

انا احلامى منها البسيط ومنها الكبير ...

احلامى احلام الطيور ..

بحلم انى اطير لفوق .. لفوق قوى .. لفوق قوي قوي ....

بحلم اطير بحريه ... اطير وانا قلبي جامد ...

اطير ومافيش اى حاجه تمنعني من الطيران ...

بحلم اعيش حياة الطيور .. حياه كلها بساطه ... حياه مليانه بالحب ...

بصي لطائر النورس وانتى هتعرفي ...

ابيض بيعيش علي البحر .. والرمله .. وفي الهوا ... بياكل .. ويلعب .. ويجري .. وعايش بدون مشاكل ...

نفسي اطير يا عسل .. فاهمانى .. نفسي اعلي لفوق واطير ...

واهم حاجه قبل كده ده رضا الله سبحانه وتعالى عني .. لانه هو اللى هيساعدنى فى الطيران لفوق .. وبعده طبعا رضا اهلي ....

وبحلم كمان يا عسوله ... بكتكوته يلعب معاها طائر النورس علي الشط تحت شمس الشتاء الدافئه ...

عرفتى احلامى يا عسوله ... ايه احلامى كبيره ؟؟ ولا صعبه ؟؟؟

مش عارف يا عسل .. ادينى بحاول ويارب يارب يارب ...

العسل

Nov 19 2003, 11:43 PM

الله ياسيسو حلمك جميل بجد وربنا يوفقك وتحققه

وطبعا فاهماك ويااااااااااارب طائر النورس يلاقي الكتكوتة اللى بيحلم بيها
بس انت مش شايف ان الكتكوت صغنطط قوي على النورس
دي مجرد وجهة نظر علمية بس
لكن وجهة النظر الحياتية اكيد مفيش حاجة فيها مستحيل بإذن الله وحده صح؟؟

العسوووووولة

Siso BLack Cat

Nov 19 2003, 11:56 PM

مش هرد عليكى يا سمسمه لان بعد مكتبت كل الاجابات فى رد .. النور قطع وطيرلي كل الكلام اللى كنت بكتبه

اعمل ايه بقى دلوقتى اجيب الكلام ده تانى ازاى

فعلا كلامى كان من قلبي ومعرفش اعيده تانى خالص

Siso BLack Cat

Nov 19 2003, 11:57 PM

دى كانت اجابتي على سؤال ليائوته ...

اقتباس

انا معملتش حد وحيش خالص وبحاول بكل طاقتى انى زعلش اى حد منى ... ولكن بالعكس هو ممكن يكون شافني كده فاتكلم كلام ملهوش لزمه وقال ايه مثلا علشان يخرجنى من اللى انا فيه فانا الىل ازعل زياده وتكون زعل على زعل وخنقه على خنقه .. وانا منكرش ان ده حصل .. او بيحصل ...

والسؤال هنا بقى .. هو احنا رايحين على فين ..؟؟ واخرتها ايه ..؟؟

وده كان ردك عليا يا سمسمه ...

Siso BLack Cat

Nov 20 2003, 12:03 AM

اقتباس

يارب يا سمسومه يارب

Siso BLack Cat

Nov 20 2003, 12:20 AM

اقتباس

السؤال دلوقتي ... هل انت اتعرضت لموقف .... عرض اتقدملك ... تاخد اي حاجة انت بتتمناها مقابل السير في طريق غير مشروع؟؟؟ واذا كان حصل ؟؟؟ كانت ايه رده فعلك؟؟

لاء الحمد لله متعرضتش لكده خالص ولا اتمنى انى اتعرض لكده خلص

وده لاسباب كتير جدا يا سمسمه ... اول حاجه انا استحاله اخد حاجه مش من حقى ...

تانى حاجه والاهم فى الموضوع .... ان اللى نفسي فيه بحققه الحمد لله وده بسببب انا ماشي بالمثل الشعبي اللى بيقول ( على اد لحافك مد رجليك ) يعنى انا مش بخرج بره لحافي يا سمسمه ... ولما بحلم .... بحلم حلم حتى لو كان كبير ... بالمجهود والصبر نوصله ان شاء الله .. مش بالطرق الملتويه ...

وزى مانتى قولتى

يائوتة زعيمة الغلابه

Nov 20 2003, 12:25 AM

لا بقى كدا مشمش حمض تحت المجهر لا كدا مش حاينفع
يلا يا مشمش خلاص شطبنا حد يمشيه يلا مش ممكن دودودودودو ايه فيه ايه
وبعدين ايه يا بنات اللى انتوا عاملينه دة
انا قلت بقى حاتعصروه بس اللى انا شايفاه العكس سيسو هرب من كل الاسئله
وكمان جاوب بزكاء رهيب لا لا كدا مش حاينفع خالص
هو اجنا مش قادرين على حته مشمش ولا ايه بقى قطه تعمل فينا كدا لااااااااااااااااااااا
داحنا البنات والاجر على الله
لازم نعمل حاجة انا ماحبش تحت المجهر يمشى كدا هادى وكمان الضيف يكون هو اللى مسيطر على الموقف لا لاااااازم يتعصر
ويقعد يعيط ويلم باقى السكان عليه ولو ينفع يعمل عجين الفلاحه مفيش اى مشكله
يابنااااااااااات عايزين خطه جامدة لعصر سيسو انتوا نسيتوا ولا ايه
دا عدو المراة الاول اللى ان شاء الله نهايته على يد المراة برضه
يائوتة زعيمه جمعية المراة المتوحشه

remy

Nov 20 2003, 12:35 AM

من عنينا يا يائوتة قولى بس وانا معاكى شوفى عايزةتعملى اية وخططىوانا عليا التنفيذ يلا يا بنات

Siso BLack Cat

Nov 20 2003, 12:38 AM

اقتباس

يائوتة زعيمه جمعية المراة المتوحشه

ههههههههههه

مش ممكن تصدقي لايئقه عليكى اكتر من زعيمه الغلابه ....

جميعه المراة المتوحشة ... زعميتها يائوته زعيمة الغابة

الغابة

الغابه

مش الغلابه ... هايل جدا

يا بنات الجزيره ... يارجاله الجزيره ... من النهارده يائوته زعيمة الغابة زعيمة جمعية المراه المتوحشة ....

Siso BLack Cat

Nov 20 2003, 12:46 AM

اقتباس (remy @ Nov 19 2003, 09:35 PM)

من عنينا يا يائوتة قولى بس وانا معاكى شوفى عايزةتعملى اية وخططىوانا عليا التنفيذ يلا يا بنات

الالالالا وكمان ريمى شرفت ... ايه ده ...

يبقى زعيمه الغابه ... وكمان معاها زعيمه التحرير ... لاء لاء مش ممكن كده بقى ... ده لقاء على مستوى القمه ...

بس ولو انا بلاكى والاجر على الله ....

واللى ليه شوق فى حاجه يقرب ويورينى نفسه

يلا بقى من هنا بخ بخ بخ

قال مشمش قال ... ياماما مش كل قط قولتلك قبل كده يتقاله يا مشمش ....

يلا من هنا انتى وهى

هش هش هش هش

remy

Nov 20 2003, 12:49 AM

هش هش هش هش هش ماشي يا سيسو
بسانت قولت الكلام دة
قولت قبل كده انها خفيفة .. عسوله .. صغنونه .. ذات حضور .. متالقة ... شخصيتها قويه .. بميت راجل يعنى ..
هى مامتك صغنونة يا جبر ماعلينا
طب انت قولت دة كمان
انا مقدرش انكر انى فعلا معجب اعجاب شديد ببنوته عسوله ... اللى جزبنى ليها .. غلاستها ... غتاتتها خفة دمها ... حضورها المتواصل ... وانا مش عارف بقى هي عارفه انى معجب بيها ولا لاء ...

هو في حد بردة يقول علة مامتة غلسة وغتتة وبعدين هى مامتك مش عارفة انك معجب بيهاانت لسة هتعجب بيها
يلا رد بسرعة يا جبر

Siso BLack Cat

Nov 20 2003, 03:02 AM

اقتباس (remy @ Nov 19 2003, 09:49 PM)

هو في حد بردة يقول علة مامتة غلسة وغتتة وبعدين هى مامتك مش عارفة انك معجب بيهاانت لسة هتعجب بيها
يلا رد بسرعة يا جبر

ايه ياريمي فى ايه

ايوه طبعا ماما متعرفش انى معجب بذكائها طبعا ..

امى تعرف انى بحبها حب ملهوش حدود فى الدنيا ...

مش دى برده ماما اللى تعبت العمر كله علشانى وعلشان اخواتى ولا ايه يا ريمي

طبعا متعرفش انى معجب ولكن تعرفى انى بموووووت فيها

شوفتى بقى ياريمى

remy

Nov 20 2003, 11:48 AM

طب يا جبر هى مامتك بنوتة صغنونة وعسولة وبعدين هو مورفيوس هيروح يقول لمامتك ابن حضرتك معجب بيكى وبذكائك مكسوف تقولها انت حد من اخواتك يقولها اخواتك اللي في البيت هتجيب مورفيوس من بلد تانية علشان يقولها

Siso BLack Cat

Nov 20 2003, 04:29 PM

ايه يا ريمى بهرج مع مورفيوس ...

مش ممكن كده بقى ايه ده انتم متعرفوش الفرق بين التهريج والجد .. بهرج مع مورفيوس وبقوله اوعى تقولها ... سوفتى بقى انتى ظلمانى ازاى

يائوتة زعيمة الغلابه

Nov 20 2003, 05:00 PM

اقتباس (Siso BLack Cat @ Nov 20 2003, 01:29 PM)

ايه يا ريمى بهرج مع مورفيوس ...

مش ممكن كده بقى ايه ده انتم متعرفوش الفريق بين التهريج والجد .. بهرج مع مورفيوس وبقلوه اوعى تقولها ... سوفتى بقى انتى ظلمانى ازاى

لا لا اخص عليكى يا ريمى يا كخه يا وحشه
دا مشمش بيهزر مع البرنس وماله انتى ماتعرفيش الهزار ابدا
تؤتؤتؤ انتى كدا حاتزعلينى خالص
وفيها ايه لما يقول على مامته انه اعجب بيها من اول نظرة وماله ياختى كل واحد حر فى مامته

ولما يقول صغنونة يا سبحان الله هو شايف كدا وانتى مالك انتى الله احنا حاندخل كدا فى كل حاجه

معلش يا مشمش اوعى تزعل البنت ريمى دى وحشه دايما ظلماك أأه يا ريمى
لا الا مشمش داحتى طيب وعمره ما بيحب الفشر ولا الضحك على الدقون
لا اخص عليكى بتقولى ايه فاكرنا هبل وكمان ايه وبرياله كمان لا لا كله الا كدا
انا كدا حازعل منك بصحيح

بقولك ايه يا مشمش باشا من الاخر مش علينا الحركات دى مانت كنت معترف من شويه
وفجاه بقدرة قادر اتحول الاعتراف دا الى واحد بيحب مامته لا يا شاطر مش علينا الحركات دى
وبعدين انا ساكته بقالى مده ومش راضيه افتن عليك واقول معلش الواد مكسوف معلش متحرجهوش
لكن تعمل نفسك هربت من اساله السكان لاااااااااااااا كله الا كدا قال مامتك قاااااااااااااال
وبعدين انت بتخبى ليه المفروض تفرح اننا عرفنا ان فيه واحده عصرت عليك لمون وعبرتك
يعنى على الاقل شكلك بقى كويس قدامنا شويه

قال انتى ماما وانتى بابا وانتى انور وجدى (طلعت مشمش بصحيح)

يائوتة زعيمه جمعية المراة المتوحشه (وكل سيسو بيتقالو يا مشمش)

سمسومة

Nov 20 2003, 06:52 PM

خليتو للحوار طعم تاني يا احلى سكان في الجزيرة

بس يا خسااااااااااااارة

ازف الوقت

وقعدنا بدل الاسبوع اسبوعين .. وعطلنا استاذنا الحبيب سيسو ...

وعصرناه وفصصناه تحت المجهر

ورغم انه اتهرب من أسئلة كتير

بس برده .. مسيره يقع تاني تحت المجهر

النهاردة ان شاء الله هيكون آخر يوم للأسئلة ... وللاجابات من عمو سيسو

وبكرة ان شاء الله ... هنسمع التعليقات من الحضور ... على شخصية اخونا سيسو

ونسمع ردوده عليهم

مستنياكم .. ماتنسوش

Siso BLack Cat

Nov 20 2003, 10:44 PM

احمدك يارب ... انى هطلع من تحت المجهر اخيرا ....

انتى جيتى في الوقت المناسب يا سمسومه حقيقي ...

على فكره الاسلئله لغيه الساعه 12 علشان من بعد كده يبقى التعليقات ... يااااااااااااه اخيرا هخرج من تحت المجهر .........

بالغيظه فيكى يا يائوته يا متوحشه انتى وريمى والعسل .... ااااااااخ منكم ............

العسل

Nov 21 2003, 01:36 AM

اناااااااااااا

ده انا غلبانة ياسيسو خالص

وبقولهم ده مش اعجاب من سيسو ولا حاجة
ده حب يابنات

افهموا بقى
انا مش بقومهم ولا حاجة انا بفهمهم بس

التعليق : شخصية أستاذنا الجميل جبر (سيسو بلاك كات)
شخصية قوية جدا (ماشاء الله تبارك الرحمن يعني )) وده اضاف لحلمنا
حاجات كتيرة قوي خلتنا نحبه جدا لدرجة اني مش بدخل غيره خااااااااالص
ده بلإضافة إلى الذكاء الشديد مع قمة الاحترام والتقدير لكل من يتعامل معاه بصراحة
شخصية غريبة جمعت مابين القوة والمرح والزوق والطيبة والحب والصلابة
يعني يستحق التقدير والاحترام بكل سهولة والشخصية دي يعجبني فيها أنها تحب تعامل زي ما بتحب تتعامل يعني قدرة غريبة على التحمل والكفاح والصبر ماشاء الله تبارك الله لا
قوة الا بالله
انا والله مش بحسد خالص ياجبر انا بس مبهورة بشخصية جمعت بين متناقضات صعب ان الواحد يقدر يلم بيها كلها

العسل

remy

Nov 21 2003, 01:43 AM

والله انا مقدرش اقول حاجة يعد عسولتى
بس هضيف علية انة طموح مشاء الله اما بيحط هدف بيوصلة ربنا يحيمة يارب متخافش يا سيسو مبنحدسش
وكمان انة بيعرف يهرب من الاسئلة بذكاء بس مش علينا بردة يا سيسو
وباكد كلام عسولتى ان سيسو مش بيحب بس لا دة واقع لشوشتة

يائوتة زعيمة الغلابه

Nov 21 2003, 03:54 PM

اقتباس (Siso BLack Cat @ Nov 20 2003, 07:44 PM)

بالغيظه فيكى يا يائوته يا متوحشه انتى وريمى والعسل .... ااااااااخ منكم ............

خيانه كبرى
البنات اللى انا علمتهم اصول التوحش واصول مسك الشبشب يطريقه سليمه
يعملوا فيا كدا
عمالين يشكروا ويمجدوا فى شخصيه عدو من اعداء المراة المتوحشه
يا شماتت استاز مشمش فيكى يايائوتة يا طيبه يا ملاك

بقى كدا يا ريمى وانتى كمان يا عسوله تعملو كدا
لا وكمان الخيبه التقيله اللى اسمها سمسمه هانم
اللى عملالى برنامج مخصوص لعدوا الملاك او المراه عادى ما الاتنين واحد
ماشى يا سمسمه لن انسى لكى هذا

بس بجد انا اكتر واحده هنا زعلانه انك ماشى يا مشمش خسارة ماقدرتش اوصل للى انا كنت عايزاه كان نفسى اعملك عصير مشمش
بش يلا بقى
ريمى عسوله سمسمه هاتوا القله بسرعه

يائوتة زعيمة الغلابه ورئيسه جمعية المراة المتوحشه

remy

Nov 21 2003, 04:39 PM

قلة اية يا يائوتة انا جبت زير بحالة يلا بقي علشان نكسرة

leystat

Nov 21 2003, 06:41 PM

خلاص يا سيسو خلصت يا عم وايك الاخر خت كلمتين زى العسل

ياللا بقى لما نشوف سمسمومة حتختار مين

العسل

Nov 22 2003, 05:16 AM

هههههههه زير وقلة والله ياسيسو شكلك كده عامل عمله في زعماء حركة التحرر

طيب انا جايه معاكم استنوني ههههه بهزر طبعا ياسيسو

والله معاك حق ياليستات ربنا يستر من اللى جاي

يجعل كلامنا خفيف عليكي ياسمسومة

والنبي احنا غلالالالالالالالابة

العسل

Siso BLack Cat

Nov 22 2003, 01:58 PM

هو في ايه بقى عايزن تكسروا وريا زير بقى كده طيب انا زعلان

وكمان انا زعلان من ان المشاهدين والسكان نايمين على الاخر

سمسومة

Nov 22 2003, 05:16 PM

مش عارفة والله يا سيسو

انا استسلمت خلاص

خلينا نختم وامرنا لله

سمسومة

Nov 22 2003, 05:18 PM

السلام عليكم ورحمة الله وبركاته

قضينا ايام جميلة جداً .. ممتعه ودمها خفيف زي السكر ... مع ضيفنا وأخونا الحبيب ... محمد جبر

وجعناله قلبه ... ونشف ريقنا على بال ما عرفنا اللي هو عايز يعرفهولنا عن نفسه ... بس بجد امتعنا بشخصية لذيذة جداً...

في نهاية لقائنا .... انا حابة الخص اللي انا استشفيته من اجابات وحديث سيسو معانا خلال الفترة اللي فاتت

محمد جبر ....
شاب طموح مثابر ....
مخبي جواه طفل صغير ..
بيدور على معاني بريئة في كل حاجة حواليه ....
بيدور على صداقة حقيقية ....
بيدور على مشاعر صادقة في قلوب اللي حواليه...
مخبي مشاعر جميلة جدا ... ورا قناع "عدو المرأة"... وهو في الحقيقة اكتر واحد ممكن يقدر قيمة المرأة ...

بيعرف يخرج نفسه بسهولة وبلباقة من مواقف محرجة كتير ....
متحدث لبق...
وشاعر فنان...

بس برده ... محتاج حد يقدر يخليه يثق فيه .. ويغير شوية من أراءه .. ويخرجه من وحدته ...

بس كفاية كده

اشكرك جدا يا سيسو على الوقت اللي قضيته معانا وامتعتنا فيه بحوار لذيذ وجميل .. وبعتذر نيابة عني او عن أي حد من الحضور عن أي سؤال سألناه وسببلك احراج .. ولو انك ماقصرتش يعني في التهرب بذكاء من الاجابة ....

وانا زعلانة من حالة النوم العجيبة اللي سائدة في تحت المجهر.... ومش عارفة العيب فين بالظبط .. لان ضيفنا كان لذيذ جدا ... وحقل خصب جداً لأي نوع من الأسئلة ....

أشكرك يا سيسو مرة تانية على مجهودك ومتابعتك معانا للأسئلة ..

وبشكر كل الاخوة والاخوات الاعزاء اللي شاركونا في تحت المجهر سواء بأسئلتهم او بتعليقاتهم ...

وبترك المايك ليك يا سيسو لكلمة أخيرة او أمنية أخيرة ... بتحب تقولها للجمهور قبل ما ننهي اللقاء....

remy

Nov 22 2003, 10:17 PM

يلا يا سيسو عايزين نعرف امنيتك اخمن انت اكيد عايز
تــــــــــــــــــــــــــــــــــــــــــــــتــــــــــــــــــــــــــــــــ
ــــــجــــــــــــــــــــــــــــــــــــــوز

Salma

Nov 23 2003, 06:39 AM

هههههههههههههههههههههه

حرام عليكي ياريمي يا مجرمه سيبى مشمش في حاله

الاستاذ محمد نورنا بجد وكانت الحلقات معاه حلوة جدا جدا وممتعه للغايه

لدرجة ان الواحد كان اول ما يدخل الجزيره يروح يشوف الاسئله اللي

اتحطتله وردورده الظريفه جددددددددددددا والذكيه..و لو ان يعني الواحد

مكانتش عنده فرصة للمشاركه والاسئله وكده لكن بجد حضرتك امتعتنا

جدا باستضافتك معانا تحت المجهر وحسينا ان الوقت معاك عدى كانه

ثواني...

الاستاذ جبر زي ما شفت من اجاباته شخصية محترمه جدا وذكيه لاقصى

الحدود وبيعرف يتهرب تمااااااااااااااااام

ومبيديش فرصه لحد يمسك عليه حاجه

دمه خفيف وظريف ومهذب جدا

بس متعقد من الستات

بصراحه من احلى الشخصيات في الجزية على الاطلاق بسم الله ماشاء

الله

ربنا يوفقك وتنورنا تاني

سمسومة

Nov 23 2003, 06:54 AM

مممممم

صح النوم يا جماعه

شكراً على التعليقات الحلوة يا عسل وياريمي وسلمى

وخلاص

خلونا نفتح باب التعلقات كمان يوم

مستنية تعليقاتكم يا جماعه على ضيفنا الاسبوعين اللي فاتو

Rose

Nov 23 2003, 02:21 PM

السلام عليكم يا جماعه
كده يا سيسو؟؟

عايز تمشي من غير ما تسلم عليا

000000هممم انت خايف؟؟؟ مش باين
المهم المهم اولا معلش علشان اتأخرت كتير في الرد0000اصل حبيبه عمري-ست الكل طبعا- تعباني معاها في طلبات البيت

ايا كان00000خلاص؟؟؟ هاتمشي؟؟؟؟؟
عموما قبل ماتمشي انا عايزه اوضح حاجه0000اولا انا ماكنتش اعرف سيسو الا شكلا000بس لما قعدت مره معاه- على الواقف- اكتشفت حاجات كتير-مش كتير اوي يعني-
وانا هاقول رأي اللي انا حاساه
هوا مش بيكره المرأه بجد 00000هوا بس بيدعي كده 0000خايف يحب 000وينجرح في يوم
مش عارفه0000مش لاقى البنت اللي بيتمناها 0000علشان كده بيستخبى ورا حيطه كره المرأه00000علشان ما يجرحش حد
البنت اللي سيسو بيدور عليها-على فكره هوا هاينكر انه بيدور عليها بس اكيد بيدور عليها في كل مكان حواليه- 000ليها مواصفات مميزه كتير0000 بس هوا لسه مش لاقاها
بصوا يا جماعه انا لسه واخده قعده Data Base وفعلا راسي ملخبطه000بس المشكله اني مسافره تاني النهارده ومش هالحق ارد

بس فعلا اللي انا عايزه اقوله0000ان محمد مش زي ما بيدعي بخصوص كرهه للمرأه00000

وبجد بجد يا بخت اصحابه بيه00000 لانه فعلا انسان يستحق الاحترام00000لانه انسان عنده اراده وتصميم وعزيمه
000وبيتنقل من نجاح الى نجاح ان شاء الله
انا بأشكر بجد كل اللي شاركوا بتعليقاتهم000لانهم ادونا فرصه اننا نفهم شخصيه حلوه كتير زي شخصيه سيسو

ومعلش يا سيسو اذا كنت غلست شويه ولا حاجه0000اديني يا سيدي بأردها

وبجد بجد اتعودت انك على طول هنا000خساره انك هاتمشي000الكلام كان حلو كتير معاك

كل سنه وانتوا طيبين جميعا
سلاااااااااااااااااااااااااااااااااااااااااااااااااااااااااااااااااااااااام

Siso BLack Cat

Nov 23 2003, 04:07 PM

شكرا ليكم يا شباب .. وشكرا لسمسومه على استضافتها ليا ... واسئلتها اللى فى الصميم ...

اى نعم الاسله فى الصميم والمضمون ... ولكن حقيقي فى اسئله كتير كنت متخيل انها هتقولها ولكن االحمد لله الاسئله كلها جت تحت امكانيات الطالب المتوسط .... يعنى الحمد لله متزنقناش قوى ....

بس بجد اسئله جميله ... وانا حاسس انى كشفت على اجزاء كتيره موجوده فى حياتى ....

اما بقى الحبوبه ريمي ... فشكرا ليها ولاسئلتها البسيطه اللى تمت طرحها ... واحب اطمنها لاء مافيش جواز فى الوقت الحالى ... ليه ؟؟ فلشويه حجات كده ... ومنها عامل الوقت والتوقيت ....

انا بقى العملاقه اللى انا متخيل انها لو كانت قادة الاسئله مع سمسومه كنت ممكن اكون فى مازق لا احسد عليه ... هي Rose فعلا .. انا قعت مع Rose - على الواقف - فتره لا بئس بيها .. كان الحوار معاها اكتر من رائع ... وبالاخص اسئلتها اللى في الصميم واللى فى الجون وانا مقدرش انكر انى كنت هتزنق بس الحمد لله طلعت من الزنقه بسرعه .... وطبعا ده كان واضح من الكلام والاسئله اللى هى كتباها .... بجد لو كانت روز توافرت ووقتها متاح انا كنت متخيل ان الحديث هيختلف تماما .... ويمكن كان اخد اسلوب تانى خالص فى طريقه العرض القويه ....

اما بقى اللى زعلان انها مكنتش موجوده اثناء الحوار فهي يائوته .. لانها كانت من اوائل الناس اللى رحبوا بيا فى البدايه واللى انا توقعت منها هجوم شديد بالاسئله .. اى نعم انا بحمد ربنا انها مكنتش موجوده بس برده وجودها كان اكيد هيختلف فى طريقه العرض ايضا والحوار ....

اما بقى عسوله الجزيره العسل .. فهي عسل فعلا ... واسئلتها كانت بسيطه ولذيذه ....

اما الى انا عايز اديله علقه سخنه فهو مورفيوس .. مش عارف ليه بس هو ده اللى انا عايز اعمله دلوقتى ....

اما بقى باقى سكان الجزيره فانا زعلان منهم جددا جدا لانهم مكنوش موجودين معانا فى الحلقه الاولي وده يخلينى افكر كتير جدا فى عدم وجودهم .... ولكن نعمل ايه هو ده اللى جري ...

على العموم الف الف الف شكر لكل اللى تواجد معانا وساهم حتى بقراءه الموضوع او حتى سائلنى اى سؤال ...

واخر كلمه باب الاسئله والمناقشه معي مفتوح تماما على الممموقع بالكامل واى حد عايز يسئل اى سؤال او يناقش اى موضوع معايا فبمنتهى البساطه ممكن يعمله فى موضوع ويبعتلى الينك بتاعه فى رساله خاصه وانا هدخل واكون معاكم فى الموضوع الى انتم عايزن تعرفوا رائي فيه او فى مناقشته ... وعلى فكره انا بفضل جدا المواضيع اللى فيها مناقشه ... وفيها حوار .. يعنى متخاوفش انا معاكم على طول ان شاء الله ...

واخيرا شكرا لكل الموجودين .. وانا فى انتظار تعليقتكم ...

يائوتة زعيمة الغلابه

Nov 23 2003, 07:39 PM

اقتباس (Siso BLack Cat @ Nov 23 2003, 01:07 PM)

اما بقى اللى زعلان انها مكنتش موجوده اثناء الحوار فهي يائوته .. لانها كانت من اوائل الناس اللى رحبوا بيا فى البدايه واللى انا توقعت منها هجوم شديد بالاسئله .. اى نعم انا بحمد ربنا انها مكنتش موجوده بس برده وجودها كان اكيد هيختلف فى طريقه العرض ايضا والحوار ....

كدا يا سيسو بقى كل البنانيت تشكر فيهم وانا اللى بنت البطه السودا

ماشى يا سيسو انا زعلانه ومش حاكلمك تانى خالص

وبعدين ياسيدى انا حاولت بقدر الامكان انى اتواجد مع حضرتك واغلس عليك لانك عارف انى اليومين دول يا دوب برجع من الشغل بابقى مش شايفه نفسى وقبلها كنت بسافر كتير القاهرة وبارجع ميته مش تعبانه
فايعنى اعزرنى يا سيدى انى ماكنتش متواجده بالصورة اللى انت كنت متوقعها
حقيقى سووووووووووووو سوووووووووووورى

والله انا متضايقه اكتر منك لانى كان نفسى اعصرك اكتر من كدا بس يلا حظك حلو بقى
بس واضح عليك انك كان نفسك تتعصر

قط بقى ومابيحبش غير خناقه

على العموم يا سيسو الحلقه بتاعتك كانت لذيذة اوى اى نعم انت بقالك 10 صفح بترغى وبق حضرتك المفروض يوجعك من كتر الرغى بس على مييييييين دانت مشمش والاجر على الله
يلا بقى امشى بقى شطبنا دانت شكلك ناوى تلزق تحت المجهر وقال ايه مستنى تعليقتنا
هو احنا لسه حانعلق يا خراااااااااااابى دانت مشمش بغرا يوووووووووه قصدى لزقه بغرا
يائوتة زعيمة الغلابه كشك عم عبده يووووووووه وزعيمة المراه المتوحشه

MoRphEuS

Nov 23 2003, 07:47 PM

بسم الله الرحمن الرحيم

يا سيسو احنا الى اتشرفنا بضيافتك دى ..

و بجد بجد انت اجاباتك كانت هايله جدآ ... و الحلقه كانت فيها اثاره و اهتمام للكل ..

المهم يا جماعه ... انا ردى ده عباره عن تنويه لكل سكان جزيرة الأحلام ..

بـــــــــــــــــيـــــــــــــــــــــان هـــــــــــــــــــــــــــــــــــــام
من غير زعل ... و من غير ظن سيئ ..

الشخص الى اتكلمنا عنه فى الأسئله الى انا كنت نزلتها غير معروف نهىئيآ بالنسبه لأى حد فى الجزيرة ..

مع العلم انه ساكن فعلآ معانا ..

لكن ساكن جديد ...

و محدش يعرفه ..

و انا كل الى كنت قولته ده ..

كان عباره عن هزار مع سيسو بلاك كات ..

بسبب مكالمه تليفونيه عملها و هوا قاعد معايا فى العربيه ...

و عرفت عن طريق المكالمه دى الى استغرقت حوالى ساعه او اكتر من كده .. عرفت معلومات كتير جدآ ..

وكمان بعد المكاله عرفت معلومات اكتر ..

فيا جماعه ..

أن بعض الظن أثم ..

وأنا متأكد ... أن مفيش حد يعرفها من الموجودين ..

أنتها الـــــــــــــبــــيــــان ..

(( هذا البيان حقيقى و غير مدفوع الأجر ))

MoRfuS
Prince of Dream Island
Men In Black

MoRphEuS

Nov 23 2003, 07:52 PM

الى فات كان رسمى ...

و دلوقتى ..

الكلام الشعبى ..

بجد بجد انا مش عارف اقول ايه ..

أنا حاسس انى غلست على سيسو موووووووووت ..

بس كان ممكن اعمل اكتر من كده بكتير ..

لكن لأسباب مرضيه طواااااااااااال شهر رمضان .. لم استطع ان اكمل حديثى ..

و ده جه فى مصلحه سيسو طبعآ ..

بس يلا مش مهم ...

ان الله حليم ستار ...

و كل سنه و انتوا طيبين ..

remy

Nov 24 2003, 12:02 AM

اية دة يعنى في يا مورفيوس حاجة يلا الف مبروك يا سيسو وربنا معاها والله قلوبنا معاها بس بجد جدعة انها قدرت توقعك يا سيسو
لوووووووووووووووووووووووووووووووووووووووووووولى
سيسو وقع يابنات
وهيجوز اول ما ظروفة تبقي مناسبة ويبقي مهياء نفسيا لدخول القفص الدهبي طب يا سيسو مش تشغلي الركن وتيجوا قال يعنى اتعرفتوا عن طريق السايت بقي وكلام من دة يعنى نحسس الناس ان المكان دة شغل وتعملى شكل حلو كدة لحسن اا كدة مشرفة علي مكان مش شغال شكلى وحش كدة
يلا يابنات اعملوا فرح لسيسو يلا مبرووووووووووك يا سيسو

MoRphEuS

Nov 25 2003, 05:01 AM

خلاص يا جماعه ..

لحسن الراجل بقى فى نص هدومه .. و مكسوف يعتب عتبه البرنامج تانى

محدش يحرجه اكتر من كده ..

و الف الف مبروووووووووووووووك يا سيسو ..

MoRfuS

سمسومة

Nov 25 2003, 02:14 PM

انت فين يا سيسو

هو احنا نجيب المشاهدين الضيوف يهربو؟؟؟؟

تعالى بقى رد على التبريكات دي

وكل سنة وانت طيب بمناسبة العيد

يائوتة زعيمة الغلابه

Nov 26 2003, 12:56 PM

جارى البحث عن مشمش بلاك كات

ياعمنا انت كدا حمضت تحت المجهر حد يطلعه بقى

يلا يا سمسمه ايدك بايدى هيلا هوووووووووووووووب

يا خرابى دا الواد لزقه مش راضى يمشى خالص
يلا يا بابا شطبنا
انت يا مشمش خلاص ماتزعلش بس يا ميرفيوس يا كخه

خلاص يا سيسو ضربتهولك
يلا تعالى بقى انهى الحلقه لان سمسومه لسه شايفها كانت قاعده فى ركن وعماله تعيط وتقول انا اللى جيبت لنفسى كل ده لازم يعنى كنت استضيف مشمش اديه لزق ومش راضى يمشى

معلش يا سوسو نعمل ايه بقى مشمش الادمن يعنى مسنوووووووووود معلش استحمليه