منتديات جزيرة الاحلام > حكايات الشله الفلته-مع تحيات فصل1-7

جارة القمر

Jul 22 2007, 11:12 PM

النص اللى جاى ده
مش عارفه انا ازاى نسيته
الظاهر ذاكرتى ما بقتش بتوقع الاحداث الوحشه بس
لا والرائعه كمان
دى قصيده كنا كاتبينها فى اولى ثانوى
ولان الفصل كله يا اسماء يا ايه
فكنا بننده لبعض باسماء باباهاتنا او اسماء دلع كنا بنكرهها
والفنا الاغنيه اللى جايه دى

ممكن لما تقراوها تلاقوها رخمه
او مش راكبه على بعضيها

بس مع صوتنا فى الحصص الاحتياطى
والاداء بتاعى انا والبت رنيم

كانت بتبقى مسخره

اسمعو وقولى رايكو بقى

--------------------------------------------------------------

بصو يا جماعه ....انا هحكى لكم حكايه
حكايه الشله الحلوه ....اللى بتعصى الهدايه

وايييييييييييييييييييه

كنت قعده فى مره. . . الناس قالولى قومى
قلت لهم فى ايه . . . قالولى دا بيومى

واييييييييييييييييييييه

مره كنت واقفه.. لقيت واحده بتجرى
قلت لهم فى ايه.... قالولى دا صبرى

وايييييييييييييييييييه

كنت ماشيه فى مره لقيت الناش بتنادى
قلت لهم على مين .. قالولى دا ناجى

واييييييييييييييييييييه

المدنى قاعده تاكل.. سندوتش او اتنين
واحده عطفت عليها .. وادتها رغفين

وايييييييييييييييييييه

مره جبنا كاميرا ....عايزين ناخد فوتو
لقينا الصوره اتحرقت.... عشان فيها توتو

واييييييييييييييييييييييه

مره ستمت اصحابى.... قلت لهم انتو زعلتو
قالولى عايزين نتصالح... قلت لهم كلو ملتو

وايييييييييييييييييييييييه

محفظتى مره اتسرقت... قالولى شفناها فى ايدو
قلت لهم مين اخدها ...قالولى دى حميدو]

واييييييييييييييييييييييه

قالولى مره سمع ...قلت هم النص ناقص
قالولى مين يكمل... قلت لهم روحو لحافظ

وايييييييييييييييييييييييه

وتوتو بتصبركم ...باحلى الكلام
والشله بتودعكم... وبتقولكم سلام

وايييييييييييييييييييييييه

مع تحيات فصل 1-7 مدرسه الثانويه بنات

------------------------------------------------------------------------------------------

اما النص الجاى فكان مخصص للاستاذه والابلوات

واله وحشونى جدا

اللى بينكش مستر فوده .. ويناكف فيه ويضايقه

يبقى الواد ده ايه .. واد قادر

واللى يزعل مستر حمدى - ههههه والله كان بيعزنى انا والبت رنيم جدا مستر حمدى - .. وبيعمل قدامه افندى
يبقى الواد ده ايه.. واد قادر

اللى ينرفز مستر فاضل .. ويخلينا قدامه صنادل
يبقى الواد ده ايه .. واد قادر

اللى يزعل ابله سلوى... ويجيب لنفسه بلوى
يبقى الواد ده ايه .. واد قادر

اللى يزعل ابله نانى .. ويخليها منا تعانى
يبقى الواد ده ايه .. واد قادر

اللى يزعل مستر عاطف.. وبيعمل قدامه قطايف
يبقى الواد ده ايه .. واد قادر

واللى يزعل مس شربات\.. وبيعمل حبه حراكات
يبقى الواد ده ايه.. واد قادر

واللى يزعل مستر طارق .. ويخليه للفصل يفارق- كان طول السنه بيهددنا انه هيسبنا-
يبقى الواد ده ايه واد قادر

واللى يزعل ابله ساميه .. ويقمع قدامها باميه
يبقى الواد ده ايه ... واد قادر

مع كامل تقديرى واحترامى لكل استاذ من دول
بجد بجد كانت احلى ايام
هيا والاعدادى
وحشتنى المدرسه وحياطانها وكل تذكار سبنناه فيها
والعيال بتوع الفصل
والاستاذه

ايه رايكو بقى

بسمة أمل

Jul 22 2007, 11:20 PM

هههههههههههههههههههه

لالالالا بجد فظيعه

احنا كنا بنعمل حاجات كده برضه

بس كانت قصيرة يعنى مش اغانى كامله كده

هههههههههههههه

انتوا شلة نكته بجد يعنى

Nostolgia to Love

Jul 22 2007, 11:29 PM

عسل يا عسل

وانتي بقى توتو ولا حميدو ولا ناجي ولا مين فيهم؟؟؟

فكرتيني بأيام المدرسة

بجد أحلى أيام

جارة القمر

Jul 22 2007, 11:29 PM

يا بنتى دانا شايله حجات يعنى قلت عشان مش اطول

منوره يا بسبوسه
وشجعتينى كنت خايفه مش تعجبكو واكون انا حاباها عشان عايشاها وليا معاها ذكريات يعنى

يعنى ككنا ننفع فرقه
حولت اقنعهم بس ماحدش سمع كلامى

جارة القمر

Jul 22 2007, 11:40 PM

نستو

انا ناجى عقبال عندك

اصلى كنت مهمه والناس كلها بتجتاجنى وبتنده عليا كتير

منوره يا سكره

last_ninja

Jul 22 2007, 11:53 PM

ههههههههههههههههههههههه

لا حلوة اوى بجد

والله عيال دماغ

بس تعرفى انا عرفت الفرق بين مدارس الولاد والبنات دلوقتى

احنا كنا بنعدى مرجلة العتى والاناشيد
كنا.................................

لا بلاش فضايح

last_ninja

Jul 22 2007, 11:54 PM

موضوع لذيذ او يا جارة

جارة القمر

Jul 23 2007, 12:57 PM

ههههههههههههه

لا قول انا عايزه اسمع
مش تشاركنا ذكرياتك كده

منور يا ننيجا وكويس انه عجبك

classic

Jul 23 2007, 01:34 PM

فعلا ايام الثانوى دى بتبقى احسن ايام

انا بقى مش فاكراها لانى مكنتش بروح المدرسة اصلا الا نادرا

وف اعدادى كان بيتحايلوا عليا علشان اروحلهم يوم لما اوحشهم

ههههههههه

عسل يا ناااااجى

نونة

Jul 23 2007, 02:24 PM

حلوة يا اسماء بس انا اللى كنت فى فصل 1-7
وانتو كنتو فى فصل 1-6
مش تلغبطينى بقة
قول لزمان ارجع يا زمان

Nostolgia to Love

Jul 23 2007, 02:35 PM

ايه يا ناجي!!!

كمان مش فاكر كنت بشعبة كام

فرحة

Jul 23 2007, 07:24 PM

ايوة يبنتى احنا كنا 1_7

انا مش فاكرة الاولى لكن فاكرة التانية

لان كنا ساعتها مش لسة بنطيق بعض

فاكرة لما كنت اجى واعد اتراخم عليكى وانتى تبصى بقرف كدة وانا احرق فى دمك كمان وكمان

الله كنت بحب استفزك اوىىىىىىىىىىىىىى

كنت بقول ساعتها اية البت الهبلة دى كنت دايما احس انك هبلة واسوق الرخامة عليكى

لغاية مابداتى تسوقيها انتى كمان وبقينا اصحاب

فرحة

Jul 23 2007, 07:25 PM

سورى ياجماعة انا مااخدتش بالى

احنا كنا 1_6

جارة القمر

Jul 23 2007, 07:26 PM

يادى الاحراج يا امانى

مالفصلي كانو مفتوحين على بعض يا بنتى

مش فاكره يا بت دانا كنت مزوغه نص اليوم عندكو
دا كان استاذ كده فضل لحد اخر السنه فاكرنى معاكو

ههههههههههههههه

كان لازم الفضايح قدام الناس يعنى

يويو ونستو
منورينى

جارة القمر

Jul 23 2007, 07:34 PM

هههههههههههههههههههههههههههه

ما تفكرنيش
دانكانا بيبقى نفسى اخبطك على راسك وانتى قاعده قدامى

كنت بستنى الحصص الاحتياطى عشان اخبط على ضهرك وافضل ادور انا ورنيم على اى حاجه نفرسك بيها

هههههههههههههههههههههههههههه

كانت ايام

Mo2mEn

Jul 23 2007, 08:03 PM

ههههههههههههههه

فظاع

بس احنا مش بنعمل كدة خالص

Without Fear

Jul 23 2007, 08:51 PM

ههههههههههههههههههههههههه

زي العسل ي ناجي

وبموت فيك اوي وي اوي

فعلا ايام المدرسة كانت بجد جميلة

جارة القمر

Jul 24 2007, 12:43 AM

فرفور

مانا عارفه يا اخويا انكو مش بتعملو كده

احنا بريئين وطيوبين

منور يا مؤمن

سمورتى

انا اللى بحبك اوى اوى وى

منورانى يا قمرى فى الليالى المظلمه

نـور القمر

Jul 26 2007, 06:43 AM

اولا انا و امانى و امنية اللى كنا فى 1 / 7 يا شاطرة
وانتى فى 1 / 6

بطلى نصب بقى

بس و الله فاكرة لما كنا بنسيب وقت الشرح و نفضل نقول لمستر العربى نكت كان مدرس بصرااحة مسخررررررة

الله يمسيه بالخير
بسببه كنت هشيل مادة العربى دى ههههههههههههه
كانت ايام سودة بعيد عندك بس و الله نفسى ارجعلها تانى

هى و ايام تالتة ثانوى و انتى عارفة الباقى بقى

بس كلامك و الله جامد عن اللى بيحصل فى فصلك دة لا ما نتى حلوة اهه يا بت

جارة القمر

Jul 27 2007, 01:46 PM

ههههههههههههههه
فاكره يا بت مستر حسن علام

والحوض اللى كان فى فصلكو

فاكره لما قالى يا معزه تعالى هنا عشان كان بيطول فى الحصه وكنت ببقى عايزه ادخل لكو عشان الاكل واشرب
فنقعد نخبط على الباب

ههههههههههههههههه

المدرس الوحيد اللى كان بيهزق بمعزه

اياااااااااام

فرحة

Jul 27 2007, 10:08 PM

يخرب عقولكم فكرتونى ياعيال بالايام دى

ومش هقول ياريت ترجع

هقول يارب الجاى يبقى احلى

يختى انتى وهيا ترجع اية بلا هم داحنا كان كل شوية ذاكرى ذاكرى ذاكرى لما الواحد جالة امراض الدنيا فى الثانوى دة دانا بعدها مفيش دكتور مروحتلوش علشان اتعالج من تعب معين

cute gurl

Jul 28 2007, 08:52 PM

ههههههههههههههههههههه

بجد ايام الثانوى دى مش هاتتعوض عند اى حد

احلى ايام حياتى فعلا ومش عارفه ارجعها تانى

كنت متشرده جدااااااا وانا فى ثانوى

احلى حاجة انكوا كنتوا مع بعض وعاملين تفكروا بعض بحاجات جميله

ربنا يجليكوا لبعض بجد صحكت على كلامكوا

بالنسبه للفشله امل الى كانت هاتشيل العربى دى باب النجار مخلع فعلا

يلا كملى باقى البلاوى مستنياكى

نـور القمر

Jul 30 2007, 05:36 AM

حسن علام

حد يقدر ينساااااااااه ده مصيييييييييييبة

ولا لما كان يقول حسى المسالة و عيشيها راجل غريب غريب

والله ايام عسل

جارة القمر

Aug 24 2007, 11:49 PM

ههههههههههههههههههههههه

ولا فاكره يا بت يا اسماء استاذ حمدى بتاع العربى

فاكره كان بيكرهك جدااااا

وانا اموت فيه عشان بيحب يعذبك

ولما كنت انا واو البت رنيم نبقى ناسين الكتاب او الكراسه كان يقعد الفصل كله

فضل لحد 3 ثانوى اصلا كل ما يشوفنا يسلم علينا