منتديات جزيرة الاحلام > خايف اقلق (متجدد)

المساعدة - البحث - قائمة الأعضاء - التقويم

منتديات جزيرة الاحلام > شاطىء الاحلام الادبية > واحة الخواطر والاشعار > روائع و عظماء

1, 2, 3, 4, 5

Bassam

Jun 8 2008, 05:35 PM

وإحنا لسه في إبتدائي ..

علي سلامة

وسط اوراقى القديمة ....

اللى لسه منها باقى ...

شوفت صورتى بين زميلى ...

و احنا لسه فى إبتدائي ...

الوشوش كانت بسيطة ...

طاهرة لكن مش عبيطة ..

نرسم الأحلام خريطة ....

فى قلبها نقطة تلاقي ....

هو صاحبى

لما كان فى الدنيا صاحب

اما دول كانوم جيرانى .....

كل واحد فينا حقق ...

جزء من بعض الأمانى ...

ا ما دى الشاطرة البليدة ....

العنيدة أم الضفاير ….

تبقى حبى الأولانى .....

أد ايه حزنت عليها ...

لما راحت فصل تانى ....

ما احنا كنا تخته واحده ...

فى تانيه تالت ...

مره قلت ...

و هى قالت ..

لما مدت ايدها شالت ..

دمعة وقعت غصب عنى ....

جوه كراسة الحساب ..

كنا لسه صفحه بيضه فى الكتاب ...

الوشوش كانت بسيطه ....

طاهرة لكن مش عبيطه ...

نرسم الأحلام خريطة ...

فى قلبها نقطة تلاقى ...

واحنا لسه فى أبتدائي

Bassam

Jun 8 2008, 05:38 PM

رجل الترابيزة

______علي سلامة_____

يا عم قول كلام منطقى

تخبط صباع رجلك ..

ف رجل الترابيزة

وتبكى وتشتكى ..

وتحط مراهم

يفش الورم ..

ويروح شوية الألم

وترجع تتخبط

وترجع تبكى تانى وتشتكى ..

ياعم شوف قلبك ولا ده مش بتاعك

يا عم شوفلك حل

يا تبيع الترابيزة ..

يا تقطع صباعك ..

Bassam

Jun 8 2008, 05:42 PM

.... بايظة

علي ســــــلامة

بايظة بايظة ..
هي بايظة ...
والنهاردة معدش حد…
بيدي جايزة ..
يبقي أحسن .. خللي بالك ..
انسي همك .. ضغط دمك ..
سيبها ماشية .. بدعوة امك ..
مستحيل يقدر يضمك
حضن خايف ...
وأنت شايف ...
ده اللي لاهي ...
واللي ضايع ف الملاهي…
واللي ساكت بس ساهي ...
واللي حاله زي حالك ..
يعني إيه ..
يعني بايظة
هي بايظة ... بايظة .. بايظة
مرة حرة وبت جدعة..
ومرة يعني ..
ومرة وقعة ..
وبمزاجها ..
يعنى لما بتبقي عايزة ..
تبقي بايظة ..
بتبقي بايظة

Bassam

Jun 8 2008, 05:45 PM

........لب وسوداني

علي ســـــــلامة

بقول لها ..

ما تيجي نهزر ..

نجري ونلعب ..

ونكسر كل الحاجات ..

ونجيب م اللي فات ..

يومين حلوين ....

قالتلي والنبي إنت فايق ورايق ..

قولتلها ...

طب وليه نتضايق ..

إحنا لسه صغيرين ..

وأكبر عيالنا ..

يا دوب تسع سنين ..

يعني لو بنحكم مصر ..

تبقي يا دوب لفة ونص ..

مش عشرين ..

- وطي صوتك البت بتذاكر ..

والواد مصدقت إنه نام ...

إنما إيه اللي صحي ف قلبك ..

من تاني الغرام ..

قولتلها جوايا كلمتين غزل ..

قالتلي والنبي إنت عسل ..

بس الظروف ..

- مالها الظروف ..

فاكرة لما كنتي ..

بتحوشي م المصروف ..

جبتيلي ورد ف عيد ميلادي ..

- وجبتلك بلوفر صوف ..

- وجبتيلي بلوفر صوف ..

- فاكر لما بوستني ..

وإحنا لسه مخطوبين وأبويا لاحظ ..

يالهوي كنت هموت م الكسوف

- فاكرة أول مرة قلت لك بحبك ..

وشك إحمر ..

- إنت اللي وشك كان مخطوف ..

- مش إنتي كنتي بترسمي زمان ..

- وإنت كمان كنت بتكتب شعر ..

- هو احنا بطلنا نحس ..

- إحنا بطلنا نشوف ...

وطلعنا اللب والسوداني ..

وفتحنا التليفزيون ..

وسكتنا تاني ..

ولا زال السبب ..

غير معروف ..

غير معروف

Bassam

Jun 8 2008, 05:51 PM

[/color]استراحة عالصحراوي

[/size]

علي ســــــــلامة

[size="4"]استراحه ع الصحراوي

الجو نار

سايق ومحدش معايا

غيري انا والذكريات

وحبه حاجات

ازازه الميه

ونظره عينيا

اللي شايفها في المرايا

بتبص لي من وقت للتاني بغباء

كانها عارفه الحكايه

او واخده بالها من الطريق

مر السفر من غير صديق

اول شمال احود والف

الغنوه سكتت

والشريط عمال يسف

وازاي تخف

ياألم من غير جراحه

ادي استراحه

دماغي محتاجه الصراحه

وقلبي محتاج الحنان

اركن هنا

اشرب ياعم قهوتك

ويالاا علشان

نلحق مكان قبل الغروب

واوعي الردار يسحب

ف لحظه غنوتك

معدش فاضل في الطريق

ولا استراحه

[color="#2f4f4f"]

Bassam

Jun 8 2008, 05:51 PM

............

Bassam

Jun 8 2008, 05:56 PM

١٥/٣/٢٠٠٨

علي ســـــلامة

حكومة رقيقة أوي وشيك..

بتقفل كل البيبان والشبابيك..

عشان بتخاف علينا م البرد..

لأ إحساس مرهف بجد..

الأسمنت والحديد يغلي..

تقوم تبيع الأرض..

هو ده الفكر الجديد..

اللي بيبني المجد...

وشوف الحنان والطيبة والإنسانية..

سعر تصدير الغاز..

أقل من سعر الفول والطعمية..

ده علي اعتبار إن الناس لبعضيها..

والدنيا منفاتة..

وإحنا والحمد لله..

مش محتاجين أنابيب..

والمشتري مش غريب..

جربت الشاي بالحليب

ساعة الصبحية..

قراقيش بقي وسقي يا معلم

وانسي القضية..

ده تقريباً ماحدش شايف حد

Bassam

Jun 8 2008, 05:58 PM

كتب على سلامة

١٠/٥/٢٠٠٨

آلو آلو..
أيوه يا فندم..
أنا بكلم سعادتك من دمياط..
نفسي هفتني ع المشبك سعادتك..
وبالمرة نشوف جهاز البت جمالات..
عقبال أولادك..
دخلتها اتفشكلت يجي سبع مرات..
لأ يا فندم سوء تفاهم بسيط..
مين يا فندم..
أنا؟!
عروسة جديدة..
تاني..
ونرجع إيه سعادتك..
اللي فات..
هو ينفع يرجع؟!
شربات..
ورحمة أمي شربات..
طب ياريت سعادتك..
توطي صوتك شوية..
الحكومة جنبي سعادتك..
لأ يا فندم..
أنا قصدي مراتي..
أصل هي اللي معاها الميزانية..
والميه والسندوتشات..
إيه يا فندم..
مصانع إيه..
أسمدة..
غازات؟!
لامؤاخذة مش واخد بالي سعادتك..
بس عموماً..
إحنا طول عمرنا..
جدعان أوي مع الخواجات..
طب يا فندم..
عشان جمالات بتضرب العريس..
بسيطة ورحمة أمي..
يا نهار أسود..
ده الواد تقريباً مات

Bassam

Jun 8 2008, 06:01 PM

[/color]

كتب علي سلامة

[/size]

٧/٥/٢٠٠٨

[size="5"][b]ربنا يسهل

[/b]

بقول لها..
بحبك بحبك بحبك..
قالتلي..
كل ده كذب..
قولتلها صدقيني..
لا أنا في المعارضة..
ولا ف الحزب..
قالتلي..
بس السكوت خيبة..ولولا العيبة..
كنت أقول..
وأقول كمان..
الله يرحمك بقي يابا..
ويا ميت خسارة ع الجدعان..
قولتلها وطي صوتك..
بلاش جنان..
كل الحكاية..
أنا حاسس بشوية سخونة..
وبردان..
اديني بس إنتي شوية حنان..
وربنا يسهل..

[color="#2e8b57"]

Bassam

Jun 8 2008, 06:04 PM

[b]هل تسمعني - ١٧

كتب على سلامة

آلو آلو..

هل تسمعني..

أيوه يا فندم..

أنا بتكلم من وزارة البيئة..

ياريت سعادتك..

ندخل ف الموضوع..

ماعدش في الكارت..

ولا دقيقة..

إيه يا فندم..

الهوا..ماله الهوا..ما هو زي الفل..

والميه..

ورحمة أمي بريئة..

إيه سعادتك..

المواطن..

قدامي أهو زي القمر..

وارد سعادتك..

يقع من طوله..

قضاء بقي وقدر..

إيه يا فندم..

الدنيا مخنوقة..

ما جايز سعادتك فيه حريقة..

طب يا فندم..

بعد إذن سعادتك..

عشان تقريباً عندي إسهال..

ولو إستنيت شوية..

إحتمال..

تبان الحقيقة.

[/b]

[/color]

[color="#0000ff"]

Bassam

Jun 8 2008, 06:08 PM

علي سلامة

[b]زي الجن[/b]

ساعات كده بعيد عنك

يجيلي كرشة نفس

وألم ف المعدة

ودربكة ومغص

وساعات أحس

إني شوية أمراض

محطوطة ف قفص

بس ماشي الحال

وساعات من غير سبب

أجري ع الحمام

ويجيلي برد وزكام

وساعات أسهر

وساعات م العصر أنام

وساعات ألاقي

صعوبة ف الكلام

وده تقريباً طول السنة

وساعات أحس

إني مش أنا

بس زي الجن

فاكر اسمي واسم مراتي

وأسامي العيال

وعلي طول بقي

جسمي مكسر ومهدود

صحيح باكل وأشرب

واضحك والعب

بس مش موجود

ومعرفش ليه عيني بترف

عمال علي بطال

هو أنا عندي إيه يا دكتور

محمد منير

Jun 8 2008, 11:44 PM

ايه الجلاوه دي

موضوع اكتر من رائع

تسلم الايادي

eng/shimooo

Jun 9 2008, 02:44 AM

مقتطفات جميييييييييييييييييلة
تسلم الايادى.

Bassam

Jun 15 2008, 09:44 AM

محمد منير

eng.shimooo

شكرا علي ردزدكم ومروركم

وتابعوا معايا

Bassam

Oct 29 2008, 05:08 AM

[size="5"][/size]
زعلان شوية

علي سلامة
أنا أصلي زي بقية الناس

ماشي كده

عايش وخلاص

بتحير

واتجنن

وأتغير

وأقول يا ناس

الضحك شكل البكا خالص

تلامذة وفصول ومدارس

يا مانجة ليه

طرحة في مارس

مالك..؟

زعلان شويه

أنا أصلي

كنت زمان حبيب

وشعر إيه

وغنا ومكاتيب..

ليه كل ما أمسك

هي تسيب

مالك..؟

مبسوط شوية

يا سلام..!!

أهو يعني شوية

وده ليه؟

أنا أصلي فايت علي بيتها
لاقيت عيوني ولاقيتها

وقالتلي إيه

يخرب بيتها

مالك..؟

زعلان شوية/ علي سلامة

THE GHOST

Oct 29 2008, 09:49 PM

ايه الجمال ده

بصراحه

الموضوع من الاخر

ت س ل م

non-person

Oct 30 2008, 03:08 PM

جميله جدا المقتطفات دي

كمل يا باشا ومتابعيييييييييييييييييييييييييين معاك

Bassam

Oct 31 2008, 05:04 AM

طلع الكلام ناشف

كان نفسي أقول غنوتي

ناعمة رومانسية..

طلع الكلام ناشف..

كاشف هموم فيا..

لا القلب نفس القلب..

ولا الحياة..

هي..

Bassam

Oct 31 2008, 05:12 AM

لازم تسمعني

بكلمك من مصر..

مصر ياسيدي مصر..

مصر يا عم مصر..

مصر بالصاد..

مصر كل يوم مزاد..

مصر بنات وولاد..

بتنسرق أحلامهم..

مصر أصحاب المعاشات..

والبهدلة ف آخر أيامهم..

ومصر ناس كل اللي معاهم..

وف قلوبهم ووراهم وقدامهم

مصر..

مصر بالميم..

آه واللّه العظيم..

بكلمك من مصر..

مصر بالآه..

مصر كل يوم..

يا حد راح

يا حد تاه..

إستطعم الاسم كده..

وإنت بتنطقه..

أو بتكتبه..

أو حتي لسه بتتهجاه..

مصر..

مصر اللي لو يوم تغني من قلبها..

غصب عنك..

لازم تقول اللّه

Bassam

Oct 31 2008, 05:15 AM

زراير القميص

بفرح أوي لما أقفشك طفلة..

تلعب معايا استغماية..

وعروسة وعريس..

وأخاف علي ضحكتك..

أخبيها بين الكتب والكراريس..

وبفرح أوي لما ألمحك أم..

بترفض ترد الباب ورايا..

تبص ف عيوني..

وتفرح معايا..

تحضني بقلبها..

وتدعي لي ف سرها..

وهي بتبت..

علي زراير القميص

Bassam

Oct 31 2008, 05:21 AM

انت وضميرك

هو ينفع تسلم حد..

مالك..

وحالك..

وعيالك..

وفوق منهم مصيرك..

وتنام..

وتقوله خد بالك..

إنت بقي وضميرك..

ينفع تحرس وطن..

بحاسة الشم..

طب هاتعمل إيه لو يوم..

ضاعت مناخيرك..

ويوم يطير النوم من عينك..

ويضيع من قلبك الإحساس..

تلوم المخدة اللي علي سريرك..

خليك بقي مستني الغراب..

وشوف إيه هايرميلك..

Bassam

Oct 31 2008, 05:27 AM

التفاضل والتكامل

وأزمة تغطي علي أزمة..

وشبشب ينسينا الجزمة..

وكلام عادي..

لكلام فاضي..

لكلام يوجع ملوش لزمة..

ودق الطبل..

بيداري علي الزمار..

وعضة كلب تألمنا..

نقول ياريتنا كملنا..

معاك يا حمار..

ماسورة ميه تلخمنا..

تنسينا إننا عايشين..

ف قلب النار..

ويبقي الحزن شيء عادي..

وحتي الموت كمان عادي..

وهزار ف هزار..

ورغم إننا فاهمين وم الشطار..

لكننا دايما نغلط..

في نفس السؤال..

في نفس الاختبار..

Bassam

Oct 31 2008, 05:33 AM

نفسي اشوفك

اللي باقي من ملامحي..

لون عيونك..

والنهارده نفسي أشوفك..

لو تعيط..

لو تشخبط فوق حيطاني..

لو تبقعلي هدومي..

تبتسم دمعة همومي..

ليل نهار أحسب ف سنك..

نفسي تكبر تبقي طولي..

وتبقي نوري وأبقي ضلك..

نفسي أسمع صوتي منك..

بس إوعي..

تبقي غازي وانتهازي..

واللا طوبة طايشة..

بتكسر إزازي..

إوعي..

إوعي تبقي زي أبوك..

يجلدوك..

يطحنوك..

إوعي مرة يغربوك..

النهارده

نفسي أشوفك.

ساحرة القلوب

Oct 31 2008, 06:43 AM

السلام عليكــم ورحمـة الله وبركاتــة ،،

مصر اللي لو يوم تغني من قلبها..

غصب عنك..

لازم تقول اللّه

الله بجد

شكرا جدا يا بسام

جميلة جدا كلمات على سلامة
بسيطة وبتوصل للقلب بسرعة

Bassam

Nov 1 2008, 04:43 PM

مصر اللي لو يوم تغني من قلبها..

غصب عنك..

لازم تقول اللّه

Bassam

Nov 3 2008, 12:53 AM

ساعات المطر

علي سلامة

ساعات المطر

وساعات

أوقات بيجي ضعيف

يادوب كام نقطة

تبل وش الرصيف

وتنقش ع الإزاز خيالات

ساعات

وساعات يهز الأرض

ياخدنا نحضن بعض

نفتح شبابيكنا إزاز وشيش

تقوليلي ماتخفشي

وأقولك ماتخفيش

ياهل تري هنموت م البرد

ولا ابتدينا نعيش

ساعات المطر

ساعات

Bassam

Nov 3 2008, 03:29 AM

خمس دقايق
علي سلامة

دورت ع الأمل

مافيش..

لا فى جيوبى

ولا فى الدولاب

لا عند اخويا

ولا عند حد من الصحاب

خبطت على جارى

لاقيته زهقان

مل..

نزلت السوق

وسألت ف كذا محل

ضحكت على روحى

غبت عن الوعى بمزاجى

توهت

وخليتها خل..

صرخت

معقول..

كل البيوت ماتت

والشارع كمان اتشل

لكن لما البدر

بعد غيبة طل

ردت فى قلبى الروح

بصيت جوايا

خمس دقايق

أو يمكن أقل

ماعرفش ليه بكيت..

ياترى انتهيت

واللا خلاص

لاقيت الحل

Bassam

Nov 11 2008, 06:11 AM

جابت ورد وشمع..

وظبطت الإف إم..

وطفت النور..

وقالتلي..

وأنت معايا بتحس بإيه..

قلتلها ولا حاجة..

قامت.. ولعت النور

وراحت غابت حبة..

ورجعت سألتني برقة..

طب لما بغيب عنك..

بتحس بإيه..

قلتلها برضه ولا حاجة..

قالتلي بجد..

قولتلها أمال هزار..

قالتلي..

والنيلة الأغاني اللي بتكتبها

والزفت الأشعار..

قلتلها بس أمي قالتلي..

اللي بيكدب بيروح النار..

بصتلي من فوق لتحت بكل احتقار..

وقالتلي

ابقي خللي أمك تنفعك..

Bassam

Nov 11 2008, 06:18 AM

هل تسمعني -٢
[/color]
[color="#808080"] علي سلامة ١٧/ ٣/ ٢٠٠٨

[b]ألو ألو..

هل تسمعني..

بكلم معاليك..

من محطة أبوغريب..

هو يا فندم القطر..

اللي لا بيودي ولا بيجيب..

العتمة الكتمة..

الزحمة الكئيب..

الشعب..

ماله الشعب..

فرحان وإحساسه عالي..

وكل الحالات بتستجيب..

معانا يا فندم..

أجزخانة لكل مواطن وطبيب..

مرهم للحروق..

ورحمة أمي بعت أجيب..

طب يا فندم عشان القطر اتحرك..

الموت علينا حق يا فندم..

واللقا نصيب..

[/b]

Bassam

Nov 12 2008, 01:57 AM

بيوتنا أسمنت وزلط

وحيطان وبس

زى الأسى مترصصة

مرصوصة رص

دار النهار

من دار لدار

طبل وزمر

قال وصار

ولا حد حس

بيوتنا واسعة وضيقة

عصافير كتير

ولا يوم صحيت م الزقزقة

بحلم بعيشة محندقة

وسط البراح

لو كان صحيح

الحزن راح

طب ليه الجراح

لسه ف عيونا مخندقة

بيوتنا قامت

بيوتنا نامت

بيوتنا سكتت

ف يوم ما قالت

بيوتنا مالت على كل ناحية

بيوتنا راحت تسكن شوارع

ملهاش معانى

بيوتنا تانى

أسمنت

وزلط

وحيطان

وبس