ألو ألو..

هل تسمعني..

بكلم معاليك م المستشفي..

آه والله العظيم..

تصور..

كبد البلد سليم..

ووشها منور..

قطن وشاش..

لأ يا فندم ما يلزمناش..

ده الشعب كله متعور..

دكاترة..

أشعة..

تحاليل..

ده ترف يا فندم..

أوامر سعادتك..

ورحمة أمي هادور..

رسم قلب..

عارفة يا فندم..

بتاع طويل كده ومدور..

بعد إذن حضرتك يا فندم..

جالي كرشة نفس..

تقريبًا بموت..

الدوام لله يا فندم..

ألو ألو..

أوطي صوت التليفزيون إزاي يا فندم..

ده أنا بتكلم من سوق الخضار..

طول عمرها القوطة مجنونة سعادتك..

بس الجديد بقي الخيار..

والبطاطس..

هايصة خالص..

عشان الزيت أسعاره نار..

والكوسة شكلها يفرح..

ماشفتهاش أبدا كده..

والشمس طالعة..

وف عز النهار..

المواطن..

نفس الابتسامة العريضة حضرتك..

هيموت م الفرح..

خصوصا بعد ما سمع..

عن علاج البواسير بدون جراحة..

إمبارح ف نشرة الأخبار..


المشكلة أنا يا فندم..

من يومين كده..

ابتدي يلعب ف عبي..

ييجي مليون فار..

إيوه يا فندم..

بكلم سعادتك م الاستاد..

عارف يا فندم إن المباراة مذاعة..

بس قلت أشيل علم..

وأفسح الولاد والجماعة..

أنا..

أهلاوي يا فندم..

ورحمة أمي عن قناعة..

الأهلي حضرتك..

مش إجوان بحرفنة وشجاعة..

الأهلي رغيف العيش..

أنبوبة البوتاجاز..

والسد العالي..

اللي بيحمي مصر من المجاعة..

هو البطل..

هو عم توفيق التمرجي..

اللي بيدي حقنة ف العضل..

ينام الألم كام ساعة..

مصدر الفرح الوحيد للشعب..

والزمالك أكيد..

مقدر الظرف الصعب..

تصور الموقف يا فندم..

لو الأهلي ماعندوش قلب..

أو بعد الشر بعد الشر..

اللاعيبة عضهم ف رجليهم كلب..

وراح الدوري والكاس..

قوللي بقي سعادتك..

هاتفرح بإيه الناس..

طبعًا الزمالك..

هايعمل م القصيدة دي شماعة..

وكل مرة يتغلب ستة..

وهات م الشبكة يا معلم..

طب يا فندم

أكلمك بعد الماتش

صـا حـبى شـا فـنـى فى و ســط ا لــز حمـــــــــــــة

قـــا لــى مــــــــــا لــك

قــلـت نـفـسـى فى حـتـتـة لحمـــــــة

قـا ل يــا عــم شـا يـفـك لـية مـحـتـا ر

قـو لـت ز هـقـت كــــلا م فـى ا لا سعـــــــــا ر

أ يـة بـس ا للى جـــر ى لـلـد نـيــــــــــــــا

قـا لـى صـا حبـــى د ى قـصــة تـا نيـــــــــة

ا لحميـــــــــــر ر ا حـــو ا و جـــا بــو هــا

و عينــى عينـك بـيـد بحـــــــــــــــــو هـا

قـا لى صـا حبى أ ية ر أ يك فى أ كلت حميـــــر

قـو لــت ليــة ر ا ح بــس ا لـــضميـــــــــــر

قا لى يـا عـم بــــلا ضـمـيـر بـــلا د يـا و لــــــــــو

دة ا لـضـمـيــــر ا لـكـــل شــــــا يــلــو

قـو لـت طيــب أ ز ا ى ا لحميـــــــــر بـتـتــا كـل

قـا لـى مـفـهـا ش أ ى مشــــا كــل

طـيـب أ يـــة طــعـم ا لحـمــيـــــــــــــــر

قا لى صا حبـى

كـفتـة و كـبـا ب و كـمـــا ن تـحـمـيــــــر

و بتتبــــا ع على عينــك يــا تـــــــــا جـــر

مــا هــو أ صــل بيعــــهـا ر ا جــــل فـــا جـــر

و عــر فـت نــا س كـتـيـــــــــــر

من الغـو لـب أ د مـنـت أ كــل ا لحميـــــــــــر

مــا هــى بـقــت أ كــل ا لـفـقـــيــر

و ا لـنبـى مش حــــر ا م د بــــــح ا لــحـميـــــــر

ر ا ح فيـــــــــــــــــــــن بس ا لـضميـــــــــــــــر

و لا عشا ن الحميـــــــــــــــــــــر

مـلـهـا ش كـبـــــــــــــــــــير

غسيل قلوب




هي القلوب بتتغسل

زي الهدوم

وإزاي بتغرق ف الغرام

وإزاي تعوم

وإزاي بتبقي طوق نجاه

وبتبقي شط

وإزاي بتنخل الكلام

وإزاي بتعرف أي خط

وإزاي بترقص م الفرح

وإزاي بتقتلها الهموم

وإزاي بتبكي وتبتسم

واشمعنا يعني بتترسم

فوق الشجر

ساعات بتدبل ف الربيع

وساعات بتعشق المطر

ليه لما بتبطل غُنا

بنحس فعلا

الخطر

جمهورية إمبابة


قالت لي


أنبوبة البوتجاز بتنفس


قولتلها


الحمد لله إن لسه


فيه غاز


ولسه قادرين نتنفس


قالتلي النور قطع


قولتها


يا ستي نحسس


قالتلي


الرغيف اتسخط


قولتلها


فرصة بقي نخسس


قالتلي


مش هاينفع كده


قولتلها ده كده كويس


وطي صوتك


يقولوا علينا عملاء


وخونة وبنتجسس


لصالح جمهورية إمبابة

تحس إن البلد بتصحي م النوم


بتقول آه يا ضهري


شعرها منكوش


وصوتها مبحوح


كأنها كانت نايمة


ف عشة الفراخ


اللي فوق السطوح


وتسند علي مين


ده الكل مدبوح


لا ضل راجل


ولا ضل حيطة


مفيش غير شوية زيطة


تيجي شوية


وبعدين تروح

أقولك حكاية


يمِكن متصدقهاش


النور قاطع ف شارعنا


من سنين ولسه مجاش


عارف ليه


آه والعيش والملح


زى ما بقولك كده


ودوَّرنا كتير مخلَّيناش


وملقيناش


غير سلك عريان مكشوف


واقف ف العتمة مكسوف


ساكت آه


لكنَّه مبينساش


لمَّا الماسورة اتخرمت


وربطناها بحتة قماش


ولكل جرح بينزف


شوية بُن


ولو البن غالى بلاش


إيه ياعم


إحنا كل ده ف ميدان التحرير


لسَّه متحركناش


آه والعيش والملح

صباح الخير


مين ده اللي مصر


عملت له توكيل


بالبيع لنفسه وللغير


وكمان بنقل الملكية


مين ده اللي مصر


وقعت أوي كده في هواه


وكل ما يتكلم تقول الله


وكل دقيقة تغنيله أغنية


ومين ده بقي اللي معاه


مفاتيح الشاي والسكر


والهوا والنور والحرية


طب إيه رأيك


التوكيل ده مضروب


بص كده معايا يا عم عطية


ماعرفش يا ابني


تعالي نسأل في الشهر العقاري

الطريق الدائري




جميل منظر النيل..

من ع الدائري..

والنسمة اللي بتقدر تفوت..

سرقة كده من وسط البيوت..

بس يا ريت بقي..

حد يلحق الشجرة الكبيرة..

قبل ما تدبل وتقع وتموت..

أسند علي سور الكوبري الحديد..

وأحلم وأسرح بعيد..

يصحيني صوت عربيات شايلة كراتين..

أغني هلت بشاير الدعم..

يا حلاوة بطاقة التموين..

بس من إمتي السكر والسمن..

بيمشوا ف حراسة الأمن..

وتحت عيون المخبرين..

قلت يا واد

اقطع الشك باليقين..

سألت واحد م السواقين..

سكر ده يا حاج..

قاللي ده مر متعبي ف شوية قوانين..

قلت خير برضه..

يمكن عشان نحارب الفقر والجهل..

ويرجع تاني يطلع الفرح سهل..

م القلب الحزين..

أم يمكن عشان الاحتكار..

وحدوتة الأسعار..

والتجار الطماعين..

أو يمكن عشان الصحة والتعليم..

والطفل اليتيم..

وحقوق المعاق قبل السليم..

أخيراً بقينا بني آدمين..

لكن لما سمعت صوت بيقول..

إنت ياض يا اللي هناك..

يا زفت الطين..

عرفت إن ده كله عشان نخاف..

ونخاف ونخاف..

أكتر ما إحنا خايفين.

أول يمين



ساعات أحس إني أخرس..

بتكلم مع حد..

مش فاهم لغة الإشارة..

أقوله قلبي تعبان..

يا عم بلاش دخان..

يعزم علي بسيجارة..

أقوله ما تعرفش مصر فين..

يقولي فيه فطاطري كويس..

أول يمين بعد الإشارة..

أقوله أنا فرحان أوي..

يقولي بس لو قربت شوية..

ده لسه القطر طالع..

يا خسارة..

تصدق..

سنين بدور علي صاحبي..

وهو ساكن جنبي..

ف الشقة اللي قصادي..

ف نفس الدور..

ف نفس العمارة..

حبيتها أيام ما كان..

شارع القصر العيني اتجاهين..

كان أياميها ممكن جدًا..

نتعشي بيض بالبسطرمة..

ونشرب شاي بنعناع ف الحسين..

كان لسه رمسيس ف الميدان..

والدنيا أمان ولذيذة..

وكان فيه أهرامات ف الجيزة..

اللي بعد كده اسم الله عليك..

اتبني مطرحها سيرك أبوعزيزة..

ماكنش لسه مترو الأنفاق..

وكنا بنرفض..

أي معني للفراق..

وكان فيه حب من نظرة عين..

تصدق بقي..

كانت البيوت فيها بركة..

رغم المساحات الضيقة..

وكان فيه شوية حاجات جميلة..

ما تعرفش راحت فين..

بقيت عامل زي الترس ..

اللي بيلف ع الفاضي ..

وآخر الليل لما آجي أنام ..

كل طموحي ..

تزورني ف المنام ..

البت اللي كنت بحبها ..

وأنا ف تانية إعدادي ..

مابقتش عارف ..

آخد بالي من صحتي ..

ولا من جيبي ..

ولا من ولادي ..

بس ساعات بحس ..

إني مكبر الموضوع ..

و إن كل ده عادي ..

لما اكتشفت أخيرًا ..

إن ف العتمة ..

عزبة خيرالله.. ما تفرقش ..

عن مصر الجديدة ..

والزمالك ..

والمعادي ..

حبيبتي


زي القرش الأبيض


في اليوم الطين


زي آخر رغيف عيش


وآخر إسطوانة أوكسجين


وحبيبتي


حبة فرح

من زمان باقين

وحبيبتي

رغم عيونها الطيبين

مش عبيطة

لأ .. دي عارفة

ومذاكرة الخريطة

من فوق لتحت

وم الشمال لليمين

وحبيبتي

ما أتلقيتش جنب جامع

يعني معاها شهادة ميلاد

معروف أبوها

وأمها مين

وحبيبتي

عقبال السامعين

موعداني .. بكره

تلاته العصر

في مظاهرة بتحلم لمصر

وناسها المظلومين

فاكر ..

زمارة الخطر ..

وطفي النور ..

وأكياس الرمل ..

وقدام كل بيت ساتر ..

فاكر ..

أيام السهر ..

والامتحانات ..

وكوباية شاي من إيد أمك ..

وانت بتذاكر ..

كنت بتفرح لما بتنجح ..

أو حد يقول عليك شاطر ..

فاكر الأمان ..

ننام وفاتحين البيبان ..

دلوقتي ف كل شارع لجنة ..

وف كل بيت عساكر ..

وعشش عشوائيات ..

زي سوبر لوكس فاخر ..

مابنشوفش حاجة ..

وبرضة بنقطع تذاكر ..

معقول عشان تعيش ..

لازم تتاطي وتقضيها ..

طيب وحاضر ..

مين اللي قال ..

البحر غادر ..

مين اللي قال ..

إنك خلاص تعبان ..

ومش قادر ..

ومين العبقري ..

اللي سماك

شحات وعريان وصابر ..

هو أحنا ..

توهنا من بعض ..

هو أحنا ليه ..

ماشيين وباصين في الأرض ..

هو احنا لسة بنحلم ..

وبنحاول ..

وبنعافر ..

سؤال لا كان عالبال ولا ع الخاطر ..

أسأل عليك ..

يقولوا نايم ..

وتسأل علية ..

يقولولك سافر ..

واخد بالك ..

دلوقتي ف كل ثانية ..

بنسمع الزمارة ..

وبدال الغارة ألف غارة ..

لكن لا بيصحى شارع ..

ولا حارة ..

وكل واحد فينا محتاج ..

مليون أمارة ..

عشان يحس بالخطر ..

يا ساتر .....

طبق اليوم




ربع كوباية مية م الحنفية..


ده لو تيسر..


نص كيلو بصل..


ومش شرط يتقشر..


وسنة ملح وفلفل أسمر..


ولو مفيش أسمر..


أي لون يعجبك..


يا عم إكتب ورايا..


إحنا من أولها هانكشر..


شعار البرنامج إيه..


الطبيخ نفس..


مش أكتر..


وتشهد علينا الحلل والبوابير..


إننا طبخنا لحم الكلاب..


والحمير..


لا حد مات..


ولا حد قال آي..


ولا حد وقع وإتكسر..


والجدع بقي اللي يعرف ليه..


أو يقدر يفسر..


معادنا الأسبوع الجاي..


مع حلقة جديدة م البرنامج..


لو كان لنا عمر..


وفينا روح..


نضحك..


ونبكي..


ونهزر..

=====================


طبق اليوم 2





الطاجن ده زمان..


كان بيتعمل باللحمة الضاني..


والنهارده يا جدعان..


بقي فيه فكر تاني..


أولاً الطاجن ملوش لزوم..


ومش محتاجين لحوم..


كل الحكاية..


اكتب ورايا..


ربع لمونة..


وفصين توم..


وشعار البرنامج..


الجوع صحة..


وعلي الله تصحي..


يا وطن م النوم..


أي استفسار..


حد عايز يتخانق..


يتنفس..


يتكلم..


يبرطم..


أنا علي قهوة سعد رزة..


بجوار حسن كاوتش..


أمام مستشفي المقطم..


أشوفكم الحلقة الجاية..

طوابير وفواتير..


وحاجات تانية كتير..


ده المشهد..


وده المسرح..


ودول بقي الجماهير..


المهم..


كل يوم وأنا راجع م الشغل..


أعدي ع الست العجوزة


بتاعة الجرجير..


أميل آخد حزمتين..


لعل وعسي..


أعرف أنا مين وفين..


وربنا يكرمني ويتحسن الأداء..


ويتظبط التفكير..


الحقيقة البعد الإنساني ف الموضوع..


كبير كبير..


بس مكسوف أقول للست العجوزة..


فين الدفاتر..


ولا انت رأيك إيه يا معلم..


بقولك إيه..


هو الربيع ما بيعديش علي بلدنا..


معقول السنة كلها أمشير..


سلامتك يا طيب..

يا عم أبوس إيدك..


فيه أمل..


ولا حتي احتمالات ضعيفة..


أنا مش بقولك..


ترجع البيضة تاني بتعريفة..


ولا الانتخابات الجاية..


تبقي مية المية نضيفة..


ولا أتقابل أنا والوزير..


ف نفس الطابور..


بدون حرس وأمن وتشريفة..


ولا لما أدخل القسم..


يقولولي ف خدمتك يا مواطن..


ويجيبولي عصير فراولة..


مع ابتسامة لطيفة..


عارف..


هموت وأعرف مين..


بيسرق مني الغطا..


وأنا نايم بالليل..


بجد حركة مش ظريفة..


بس بيني وبينك..


دي غلطتي..


حد يسيب الشباك مفتوح..


ف عز الشتا..


وينام كده بهدوم خفيفة..


حصل خير..

علي باب المطار ..


لمحت إبليس وف عيونه شرار ..


بقوله مالك ..


قاللي بفكر ف الانتحار ..


بتتكلم بجد ..


قاللي ودي فيها هزار ..


قلتله وإيه اللي جابك ..


قاللي هو أنا كنت عايز ..


بس تقريبا ..


جهاز الوسوسة عندي بايظ ..


محتاج دروس تقوية ف الفساد ..


متعرفش مدرس كويس وحياة أبوك ..


أنا ورايا بيت ومصاريف وولاد ..


تصور بقولهم هناك زوروا الانتخابات ..


وهيصوا وباعوا كل الحاجات ..


قالولي دي بلدنا ..


إنت أهبل ياض ..


دول حافظين نشيد بلادي بلادي ..


أكتر منكم ..


يخرب بيتكم ..


مابقيتش نافع شيطان ..


يا راجل ده أنا بفكر أتوب ..


وأعمل تواشيح ف رمضان ..


حرام عليكم

معاك ومعايا

مش فارقة

لا الشعر أصفر

ولا حتي العيون زرقة

وبنهاتي وبنطاطي

ولا لسانه عارف ينطق خواجاتي

وإحباطك .. وإحباطي

مدام جينا وعلي كتفنا تلال الهم والأحزان

نقول كمان

يا طالع الشجرة

هاتلي معاك إنسان

هاتلي معاك إسم

تاريخ ميلاد

عنوان

هاتلي معاك وطن حر

ومواطن مش جبان

وبعدين نبقي ندور

ع اللي ضايع

من زمان

البيت كبير..

لكنه فاضي..

وبارد أوي من جواه..

والشكل بني آدمين..

بس مين روحه معاه..

وعلي أد كبر الألم..

علي أد ما بننساه..

ياه..

مش ممكن يكون..

هو ده شكل الحياة..

ولا دي معاناة..

ولا إحباط..

خايف يكون فيه شيء..

جوانا مات..

ودي حالة وفاة..

للأسف



لما الحمول تزيد


ونرجع ونسأل من جديد


ومانلقيش غير الأسف


ناديت علي القمر أنا


عطشان ونس


بص بخجل ليه واتكسف


ومشيت كتير


وداريت الحزن ف ألف بير


بس اتكشف


مشيت أمل


ومشيت فرح


ومشيت زهق


ومشيت كده من غير هدف


وقلت من قلبي كلام


معرفش ليه كله اتحذف


كان نفسي أغني للسلام


لكن حبيبتي


للأسف

لما أنا مش بتاع كده..


ولا بتاع كده ولا كده..


أمال أنا بقي..


أبقي بتاع إيه..


لما أنا مش شيخ..


ولا فلتان..


لما أنا مش فايق..


ولا سكران..


وساعات يتهيألي..


إن أنا فرحان..


أتنطط وأصرخ..


وأقول هيه..


لما أنا مش أفندي..


ولا فلاح..


ولا شجرة جميز..


ولا تفاح..


لا أنا بتألم ولا مرتاح..


لا عندي شيء استناه..


ولا عندي شيء أبكي عليه..


ولما أنا شايف الحال بقي كده..


طب ساكت ليه..


يا عم أنا مش بتاع كده..


فيه إيه!

البنت بنتي..


كل يوم تكبر سنين..


حلوين عينيها..


بس ليه..


مش فرحانين..


في السن ده..


وبتقول كلام..


ليه لما تصحي..


بكون بنام..


حاولت أقرب منها..


لاقتني مش عارف أنا..


أبقي مين..


وفتحت قلبي يقولها..


ملقيتش غير..


مصاريف المدرسة..


وفلوس المدرسين..

مطلوب عروسة طيبة


ومتعلمة ومؤدبة

ومؤمنة بالقضاء والقدر

سنها من سني

أصغر أو أكبر مني

مش هنختلف

المهم مبتعرفش تطبخ

عشان مش هقدر أجيب

أي حاجة تنفع للطبيخ

وتكون بتحب القراءة

وتهوى الرحلات

وتعشق السفر

مش عضو في أي حزب

وطبعاً عارفة ان الكدب حرام

بتحب الكورة ..

مهمومة بالدوري العام ..

وملفوفة القوام ..

حلوة وزي القمر ..

شعرها ناعم حرير ..

ملهاش أي مصلحة

فـــ شارع القصر العيني ..

أو مجمع التحرير ..

وفاهمة كويس ميدان الجيزة ..

مش متابعة جلسات مجلس الشعب

ولا بتسمع البيان الختامي

لأي مؤتمر ..

وتكون من عيلة بتشتري راجل

لا عايزة شبكة ولا مهر ..

وأنا بقى .....

خبرة في المرمطة ..

وجميع أشكال القهر ..

مواطن من إنتاج مناهج

وزارة التربية والتعليم ..

ثانوية عامة ...

النظام القديم ..

أيام الأرنب الغضبان ..

والخس والجزر ..

وزي النسمة والله ..
يعني تعتبرني من دلوقتي

مش موجود ..

لا حس ولا خبر ..

بس مخي نضيف ..

وعاقل ورزين ..

وعندي شوية نظر ..

ورغم إني ياما أتزحلقت ..

لكن لسة بفرح بالمطر ..

على فكرة .......

أنا حاجز شقة بحري

أربعين متر ..

أخر طريق الواحات ..

بس لسة محطوش الأساس ..

عشان تقريباً ..

مش لاقيين الحجر

حلوين اويييييييييي بجد اخره حبه دول

تسلم إيدك والله يابسام
أنا مش لاقي كلام أقوله من كتر ..
حلاوة كلامك

إنتى فين
[/color]
[color="#0000ff"] على سلامة ٢٢/ ١١/ ٢٠٠٨شاورى بالمنديل

ارمى ورقة صغيرة

فى مشبك غسيل

أى شىء منك جميل

بس قولى إنك بخير

وبس..

اطلعى فوق السطوح

وشوشى قلب الحمام

طلى م الشباك

أشوفك

أسمعك

من غير كلام

أو زورينى مرة واحدة

ف المنام

بس قولى إنك بخير

وبس..

واحشانى موت

ده أنا جيت أقولك

إنتى فين

ماطلعش صوت

قلقان عليكى

وأنا لى مين ف الدنيا

غير ضحكة عنيكى

وقلبك..

وبس..

الجمعة كان يوم مختلف

ريحة البخور

طعم الفطور

صوت الأدان

تحضن الميم الألف

تطلع الشمس بحنان

تروح وترجع بالسلامة

بالهنا وبالشفا

يا قلب ماما

الدنيا رايقة

وقلبى هو اللى إتملا

بعد الصلاة

رحمة وأمان

ع الناصية كان

بياع لمون

وبيت براح

من غير بيبان

يحدف لى من أجمل عيون

ضحكة بخجل

أمشى وأنا عندى أمل

وأقول يا رب أعيش

للجمعة الجاية

واللى بعدها

وأحسب خطاوى العمر

من غير ما أعدها

أكيد هييجى يوم

تقوللى وأقولها

وأحس تانى بالرضا

وأعيش كمان

وتروح سنين

وأغيب سنين

ويا خدنى من تانى الحنين

وأعدى على نفس المكان

وأمشى أفتش ف الوجوه

وأتوه وأنا ف إيدى العنوان

وأسأل فلان

وفلان يروح يسأل فلان

لا حد عارف مين أكون

ولا مين ده

بتاع اللمون

ولا البيت

ولا البراح

ولا العيون

ولا فين ده راح

يوم الجمعة بتاع زمان

طيبين

علي سلامة

لدرجة إن كل همومنا

مع أول ضحكة بتتنسى

ولما العصفورة

بتعملها على هدومنا

بنصدق إننا هانتكسى

ولما نهرش ف إيدينا

ولما بترف عنينا

ولما إيه

يتنصب علينا

نقول نصيب

ننضرب

نقول ده ضرب الحبيب

نتسرق

نقول ف بيتها

وآدى آخرتها

شوفتى بقى

إحنا طيبين أد إيه

بنسامح اللى بيجرحنا

قاصد

وعن عمد

ونقوم الصبح

نبص ف وشك

نقول اللهم لك الحمد

يارب ديمها نعمة

واحفظها من الزوال

ولما يدق الفرح بابنا

نقول ده رزق العيال

وآدينا عايشين

شوفتى بقى

إحنا أد إيه طيبين

عايزة أنام
على سلامة

خد وإدى معايا

وقوللى كلام

غير أى كلام

ولّا الدنيا خلاص

والناس بطلوا

حب وأحلام

طب أقولك

إحكى لى حدوتة

لحد ما انام

والعب لى ف شعرى

بقاله سنين مشدود ع البكر

فى بطاقتى الشخصية

مثبوت إن أنا أنثى

وإنك دكر

الميه الرايقة ساكتة سنين

وملاها العكر

كام صيف وشتا

وخريف

وأنا رايحة وجاية

أستنى المطر

فتش جوايا

تلاقى حاجات وحاجات

ضحك الفوانيس

وعروسة وعريس

ودلع ومياصه

ولؤم بنات

محتاجة لحضن

وفرح

وحزن

ودمع ساعات

جرب تعزف

يمكن لسه

جوانا دهب

ونغم وعجب

وسامحنى

إن كنت صريحة معاك

الفجر وجب

شايفاك ف عيونك

نار وغضب

سمعاك بتقول

ودى مين رباها

بنت الكلب

قليلة الأدب

ماتخفش م العسكرى

م العتمة

م الأتوبيس

ومن إبليس

ماتخفش م بكرة

من الماضى

وإياك فى يوم

تحزن على الفاضى

وتعالى شوف الأسد

ف السيرك واتفرج

آخر مسخرة

مسطول وبيهرج

وف الغابة عامل عفريت

بص ع التعبان ف إيد حاوى

والقرد فى سلسلة قرداتى

سارح ع القهاوى

زى كتب الحواديت

بص ع الطبلة و ع الزمار

وشوف القط ويا الفار

وقولى فين الجد

وفين الهزار

دى الهزيمة بشرف

وده التعادل اللى بطعم الانتصار

وبص على شريط الأخبار

مفيش زيادة ف أسعار الدوا

الزمالك لسه بيحاول

والأهلى يبحث عن مهاجم أفريقى

شاطر ف ألعاب الهوا

وجريمة خيانة أمانة وشرف

لما الفينو أبو سمسم

يبقى ترف

بجد بجد

بلاش قرف

بص ع الهموم

لون الهدوم

شبه المطب

اللى ف أول طريق الفيوم

وفى طريق الواحات

بنعيد من تانى

نفس الحكايات

نفس التهمة

نفس المحكمة

ونفس القاضى

قوللى بذمتك

تفرق إيه قلعة الكبش

والدويقة

عن الزمالك والمعادى

بص كويس

بقولك

ملقيش عندك نشيد بلادى

بتاع الشيخ سيد درويش

واللا أنت لسه خايف

م العسكرى

جميل جميل جميل..

ملقتش فى الشتا ونيس

غير كيس البرتقان

آخد منه وأقشر

وأضحك أحسن ماكشر

وأكدب على روحى وأفشر

وأصدق إنى بقدر

أفرح زى زمان

ولما خلص البرتقان

وراح م المكان الونس

قربت م التليفون

جايز يرن الجرس

لاقيتنى أنا وروحى

مش مرتاحين لبعض

قلت مش مشكلة

المرة الجاية بقى

أعمل حسابى ف قفص

مليان بالبرتقان

الاستاذ / راضي (1)

أيوه يا فندم

أنا راضى

راضى سعادتك راضى

موجود يا فندم

ورحمة أمى

ف سيرتك على طول

وحياة ولادى

عارف إنك مشغول

ومش فاضى

كان الله ف العون

إيه يا فندم

الوضع

مش حلو أوى

بس هو ده العادى

المترو..

شغال يا فندم

واهو ساعات يعطل

عند سعد زغلول

وساعات يريّح ف المعادى

كل سنة ومعاليك طيب

انت العيد ده معانا

ولا لسه ف بلاد بره

طب والنبى

ابقى اغلط مرة

وعدى اشرب الشاى

لا إله إلا الله

باى باى

الاستاذ راضي (2)

يا فندم صاحى

والله صاحى

بس زى ما تقول

غفلت شوية

أوامر سعادتك

حاضر

من عينيا

هو معاليك غريب

مين يا فندم

قضية الواد الحبيب

التحقيق سعادتك واخد مجراه

ربنا معاك ومعانا ومعاه

يا فندم ده غلبان

وقلبه رهيف ووديع

بياخد الأرض ببلاش

ويبنى ويبيع

وبأسعار ف متناول الجميع

سبع تلاف للمتر المربع

غير المناور ومداخل العمارة

شطارة يا فندم شطارة

واللى بنى مصر

اسم النبى حرسه

لا كان نظره ضعيف

ولا بيلبس نضارة

منه لله بقى اللى عمله

سكة المزز والسيجارة

يا فندم ده حقد

والحسد سعادتك

مذكور ف القرآن

لا يا فندم

أنا مش بردان

بس زى ما تقول سعادتك

شوية سخونة

حضرتك عارف بقى الخشونة

وتعب المفاصل

ف اجتماع معاليك تبقى معانا

ع الكريسماس

أى مرهم حلو للركب

والنبى وأنت جاى

لا إله إلا الله

باى باى

الاستاذ راضي (3)




يا فندم إنت ف غربة

خد بالك من نفسك

ماتحرقش دمك

بلاش قرف

يا فندم موجودة البهايم

ومتوفر العلف

وبعدين ع النوتة يا فندم

ع النوتة

والناس مرتاحة

ومبسوطة

وطول عمرنا بناكل سلف

يا فندم ده حقد بقى

على رأى أخونا خلف

هو اللى ينجح ف البلد دى

يقولوا عليه انحرف

وبعدين لحمة إيه

دى كلها أمراض

لا يا فندم أنا مش بعيط

أنا بس صعبان عليا الولاد

معاليك ف احتمال

تبقى هنا ف اجازة نص السنة

لا أبدا

مفيش

المرهم بس سعادتك

تعيش يا فندم تعيش

لا إله إلا الله

باى باى

الاستاذ راضي (4)



يا فندم راضى

راضى بس

راضى من غير أستاذ

راضى حاف

ما هو اللى بيته

زى حالاتى من إزاز

لازم وضرورى يخاف

أنا يا فندم

بكلمك من تحت اللحاف

إيه يا فندم

شقاوة

هنا

وأنا مقيم عند حماتى

يا فندم دى البلد كلها مجروحة

والإزاز شفاف

عسل ورحمة أمى

شربات خشاف

معاليك فيه احتمال

تبقى معانا ف راس السنة

السيدة ف ضهرك ما تنسى المرهم

أنا عايش ف الزحمة

ومفيش أمل

توصل هنا عربية الإسعاف

والنبى ما تشغل بالك

انت ف غربة

لا إله إلا الله

باى باى

الاستاذ راضي (5)



يا فندم دى خطة

وأمانة

وسياسات

وبعدين سعادتك

فيه أولويات

يعنى نحزن ع الخيبة

اللى إحنا فيها دلوقتى

ولما نستقر

نبقى نحزن ع اللى فات

ورحمة أمى

اللى خلف عمره ما مات

سعادتك الأهلى راح اليابان

والبيتزا ف الدكان

والتوك توك م الهند

والكبريت من باكستان

ومفيش ف مستشفياتك يا مصر

ولا سرير

ولا دكتور

ولا عيان

الناس بتقع

تموت ف سكات

مش كل دى إنجازات

آى

لا يا فندم

بسيطة

دى التالتة والرابعة بيحكوا ف بعض

سعادتك

أنا قصدى الفقرات

اسم الله عليك بتاعة العمود

معاليك ممكن تبقى موجود

ف عيد ميلاد الواد ميشو

والنبى ما تنسى المرهم

لا إله إلا الله

باى باى

البنت بنتي



البنت بنتى


حنينة وآخر لماضة


غصب عنها


بقت بليدة فى التاريخ


وغصب عنها برضة


شاطرة فى الرياضة


بنت أبوها


بس لما يبكى أخوها


تبقى أم


وتبقى أخت


وتبقى دادة


ولما أخاصم أمها


بتستلم هى القيادة


تيجى جنبى وتلاغينى


كأنى طفل


وأمى قعدة بتدادينى


بابا تشرب شاى معايا


ولا أحكى لك حكاية


حضرتك


قهوتك مضبوطة والا


تحبها سكر زيادة


ولما تقلب كل حاجة


فى كل حاجة


كلنا نضحك ونرجع


نملا تانى البيت سعادة

أجمل من كده


يا ريتنى أجمل من كده

أطيب وأقوى من كده

وياريتنى حاسس بالرضا

وأنا كنت أقولك

آه بحبك

من زمان أوى كده

يا ريتنى

فارس ع الحصان

وف إيد فرح

وف إيد أمان

واللا اتقابلنا من زمان

فى زمن جميل عن كده

يا ريتنى

أجمل من كده

وياريتنى حاسس بالرضا

جميلة اوى يارتنا كلنا كدة

جميل اوى القصائد دى
هى من تاليفك ولا منقوله