نوني وسمسم

منورين

بسم الله ما شاء الله ...

انا اول مره اشوف الموضوع ده ... بس والله جميل جميل جدا جدا جدا ... عجبتنى الاشعاااااار لدرجه مهووووووووووله

تسلم يا باشا ............ ومنتظرين منك كل جديد ومتابع معاك ان شاء الله .... بالتوفيق

والسلام ليس بالضروره ختام

منور يا احمد


انا بحيه جدا الراجل ده


واشعاره جميلة



وتابع معانا

بقول لهم مين اللى بيعيط بحرقة ده؟

قالوا لى مواطن أتصور وهو بينضرب

قلت لهم ومين الأمور اللى بيضحك ده؟

قالوا لى ده واحد عمل شوية كوارس وهرب

قلت لهم والدنيا عتمة هناك ليه؟

قالوا لى دى حتة جديدة بتتخرب

قلت لهم ومين الحاوى اللى بيتكلم ده؟

قالوا لى ده الوضع بيتقلب

وإيه الهيصة اللى فى الساحل الشمالى دى؟

قالوا دى البقرة بتتحلب

قلت لهم وأنتوا قلقلين كده ليه؟

قالوا لى أصل بنلاعب الكاميرون وخايفين نتغلب.

السلام عليكــم ورحمـة الله وبركاتــة ،،
جميل جدا الموضوع والشعر فوق الرائع

الله من زمان مجتش هنا

جميل اوى يا بسام

كمل

شكرا ساحرة القلوب علي مرورك

ومنورة حلمنا





شكرا كلاسيك علي متابعتك

______

وزعت ع الشوارع..

والبيوت والجيران..

وطلعت البيت..

ضربت الجرس..

فتحت مراتى وبالاحضان..

والعيال كمان فرحانين..

ناجحين وجايبين..

الدرجات النهائيه..

من غير دروس خصوصيه..

قمنا رقصنا وغنينا..

واحتفلنا واتغدينا..

فضله خيرك..

سمك واستاكوزا..

وجمبرى م الكبير..

وحلينا ب مهلبيه ...

وشربناالشاى كمان..

وفجاه...

لقتنى بردان بردان...

بصيت

لقيت

الشباك مفتوح..

ومفيش بطانيه..

ومراتى جنبى زى ماهيه..

لسه بتعانى من الام المفاصل..

وده اللى حاصل..

والحمد لله

على كل شئ

....ناقص حته

....وكل ما أوزن

......ألاقي لسه

ناقص لي حته

أحط حته

تقل حته

وأجيب قميص

تضيع چاكته

وأعيش لي ساعة

يفوتني سته

وكل ما أوزن

ألاقي ناقص

أقول بناقص

لو هي حته

أتاري لسه

ولسه تاخد

سنين وحته

وحاجات تسيبني

وحاجات تاخدني

لحاجات تخبط

في كل حته

....وأقول ها نفرح

..ف يوم

..ها نفرح

ويوم مانفرح

علي الله





...يفضل في القلب حته

عارفه يامه

انا حاسس ان الموت

ماخدتش منك غير الطرحه

والجلابيه السوده

ما انا كل ما اعدي

جنب الاوضه

اسمع صوتك..

وانتى بتضحكى ع الدنيا

وبتدعي لى ...

روح..

ربنا معاك..

ها تسافر..

وهاترجع مجبور الخاطر

وها استناك...

طب اسندى على كتفى.

بكره تقومي

بكره تخفى

عارف مين يا ابنى

بيقع ويقوم

اوعى تدور ع الدفا

فى فلوس وهدوم

ومتنساش تحوش شويه

اصحاب..

وافرح اووى..

لما يدق الباب

وتلاقى حد بيحضنك

لوجه الله...



ياه


فاكره يامه لما كنتي

تعملى بصاره

وتدى منها لابله سارة

يرجع ف الطبق رز باللبن

يروح لام حسين.

يرجع صنيه بسيسه

تدى منها لخالتى بيسه..

يرجع الطبق مليان حب

معقوله فيه كده قلب..!

عارفه يامه

النهارده بقيت بخاف بجد

بخاف من اى حاجه

ومن اى حد..

بخاف غصب عني

اتخبط فى حد

او اطلب من حد يسال علي

لحسن يعمل محضر..

ويرفع قضيه

ويطلب تعويض

من اول هنا يامه

لازم نبدا من جديد

هو الفرح ليه يامه

شكله لسه بعيد؟؟

ادعى لى ....

يكُونْ ف عِلْمَكْ...

أنا مُتواضَعْ جِداً....

وِمشْ طالبْ كتيرْ....

يَعنى شَقَة صُغيِرةْ...

ف الكيِِِِِِِِِِِِِِِلُو تِسعينْ...

مَا هى الحَياة مَشَاوِيرْ....

مِشِ شرْط بَقى بتطلْ...

عَلَى جَناين وهَوا وعَصافيرْ...

وبنت حَلالْ ومِش شَرطْ....

زَى اللى ف الكلَيب الأخيِر...

وحِتة مدرسةَ صُغيّرةَ...

أهَى أِلعيال تُفكْ الخَطْ....

ومِش شَرْط لُغات وحرَكاتْ...

وجَغرافيا وتعبيِرْ...

وأدْخلْ القسْم...

أطَلَعْ زِى ماَ دَخَلْتْ...

مُحتْرَم وكبيِرْ....

ختم دخول ...

مش معقول ....

بيني وبينك ختم دخول ....

مش معقول ..

ودول ظباط وعساكر ..

ولا حبايب ...

أنا مش فاكر ...

أنا مش غايب ...

أنا مش سايب ولا فتفوته ...

إيه الحدوتة …

كبر الواد ..

وصوته إخشن ..

بس البنت تملي أحن ..

أنا هاتجن ..

لسه جمارك ...

لسه ها ندخل تاني معارك ...

ده انا مش مالك ....

غير اشواق ...

الله يلعن أي فراق ...

بيني وبينك ..

ختم دخول .....

مش معقول .....

علي سلامة

لا يا اسماء
انا بختلف معاكي جدا

الكلام يتاكل اكل

مع احترامي لوجيه عزيز

مــــــــــــــــــرايا

قلت أبص ف المرايا ..

يمكن أكون إحلويت ..

فضلت داير أبص ..

مخلتش ولا مرايا ف البيت ..

في الحمام ف الأودة ف دولاب .
.
أو متعلقة ع الحيط ..

شوفت ..

سكت شويه ..

وبعدين إتخضيت ..

معقول أنا قضيت العمر ده كله ..

وزي ما روحت زي ما جيت ..

معقول أنا عمري مافكرت ولا إتغيرت ولا حبيت ..

وإزاي ساكت علي روحي ده كله ..

وليه إستنيت ... !

يا ريتني ما كان عندي مرايا ..

وياريتني ما بصيت

السلام عليكــم ورحمـة الله وبركاتــة ،،



رائع على سلامة

هو ساعات بيكابنى بس جمييييييييل

ميرسى يا بسام

علي سلامة

هو اللي بيوصلي أخبار مصر في زجله وأشعاره

وهو ساعات أيه ؟ اصل الكلمة مش واضحة

بس تقريباً بيبكيني

لما بيقول

وأخاف أقول لأي حد
أحسن يقوم يقلبها جد
حد صاحبي ينزعج
يمد أيده جوه قلبه
من باب الكرم
أو يستلفلي من لئيم
حبة أمل
حالة كده معرفش أيه
ساعات تزورني في الربيع
فجأة وفي عز الشتا
حاجة كده معرفش أيه
لا فيها روح ولا ميتة
لكني برجع منها
فاهم شوية في اللي فات
محظوظ أنا
ساعات اشاور يتفتحلي ألف باب
والحقيقة .....!
حالة كده معرفش ليه

لا معاها ينفع كلمتين
ولا غنوتين
ولا لقطة من البوم صور





ومنوراني بجد يا إيمان
وتابعي معانا

بسام بد بجد جميل جدا جدا

الانسان دا راائع

كلماته ووصفه وتعبيره اكتر من رائع

وشكرا جدا انك خلتنا نشوف كل الابداعات دي

تسلم ايدك

منورة يا موني التوبيك

وان شاء الله لما الاقي جديد هأنزله


وشكرا علي مرورك

مش بتاع كده

بقلم علي سلامة ١٥/٤/٢٠٠٨



لما أنا مش بتاع كده..

ولا بتاع كده ولا كده..

أمال أنا بقي..

أبقي بتاع إيه..

لما أنا مش شيخ..

ولا فلتان..

لما أنا مش فايق..

ولا سكران..

وساعات يتهيألي..

إن أنا فرحان..

أتنطط وأصرخ..

وأقول هيه..

لما أنا مش أفندي..

ولا فلاح..

ولا شجرة جميز..

ولا تفاح..

لا أنا بتألم ولا مرتاح..

لا عندي شيء استناه..

ولا عندي شيء أبكي عليه..

ولما أنا شايف الحال بقي كده..

طب ساكت ليه..

يا عم أنا مش بتاع كده..

فيه إيه!

مصاريف المدرسة

بقلم على سلامة ١٤/٤/٢٠٠٨


البنت بنتي..

كل يوم تكبر سنين..

حلوين عينيها..

بس ليه..

مش فرحانين..

في السن ده..

وبتقول كلام..

ليه لما تصحي..

بكون بنام..

حاولت أقرب منها..

لاقتني مش عارف أنا..

أبقي مين..

وفتحت قلبي يقولها..

ملقيتش غير..

مصاريف المدرسة..

وفلوس المدرسين..