اطلاق أسعار خدمات الانترنت فائق السرعة مع تحديد طاقة التنزيل أو عدد ساعات الربط


وافق مجلس إدارة الجهاز القومي لتنظيم الاتصالات في اجتماعه أمس برئاسة الدكتور طارق كامل وزير الاتصالات وتكنولوجيا المعلومات على إطلاق أسعار خدمات الإنترنت فائق السرعة ADSL لسرعاته المختلفة مع تحديد طاقة التنزيل أو عدد الساعات للربط مع فتح المجال أمام الشركات لتقديم عروض مختلفة طبقاً لآليات السوق مع تحديد لسعر الخدمة بسعر 45 جنيه شهرياً كحد أقصى للخدمة بسرعة 256 ك بت/ثانية بدلا من 95 جنيه وقام مجلس إدارة الجهاز بتحديد طاقة التنزيل بطاقة تحميل 2 جيجا شهرياً أو تحديد عدد ساعات الربط حسب طلب المشترك ويحدد الإطار الجديد انه عند طلب المشترك طاقة تنزيل أو ساعات ربط إضافية يتم سداد المقابل الشهري الإضافي.
ويأتي ذلك في إطار تحديث مبادرة الإنترنت فائق السرعة التي أطلقتها وزارة الاتصالات وتكنولوجيا المعلومات في سنة 2004 حيث يهدف هذا القرار إلى نشر خدمة الإنترنت فائق السرعة في جميع أنحاء الجمهورية والوصول بالخدمة إلى شريحة أكبر من المستخدمين مع القضاء على الوصلات غير القانونية Line Sharing التي يتم مدها من منزل لمنزل والتي تقلل من جودة الخدمة وتعوق انتشار الخدمات الجديدة مثل خدمات الصوت والصورة حيث أن خدمة ADSL ترتبط بخدمة خط التليفون وهو مخصص للعين المؤجرة ( الشقة الواحدة).
وأضاف الدكتور عمرو بدوي الرئيس التنفيذي للجهاز أن ذلك سيؤدى إلى تحسين مستوى الخدمة وتخفيض الأسعار بالنسبة لمختلف السرعات لتكون في متناول أكبر قدر ممكن من المواطنين حيث من المتوقع أن تقوم الشركات بتقديم عروض مبتكرة ومتنوعة تتناسب مع الاحتياجات المختلفة للمستخدمين من حيث عدد ساعات الربط أو طاقة التنزيل هذا ومن المتوقع أيضا أن يؤدي ذلك إلى زيادة أعداد مستخدمي الإنترنت في مصر والبالغ عددهم اليوم 6.8 مليون مستخدم مما سيعمل على توسيع قاعدة المستفيدين من الخدمات الجديدة التي تتطلب سرعات عالية كحد أدنى لتوصيل الخدمة.
وأضاف الدكتور عمرو بدوى أن الجهاز يدعم هذا التخفيض من خلال صندوق الخدمة الشاملة بالتعاون مع الشركة المصرية للاتصالات وهو ما مكن الشركات العاملة في هذا المجال للوصول لهذا التخفيض والذي يقترب لنسبة أكثر من 50% بالنسبة لسرعة 256 ك/ب حيث كان السعر 95 جنيه شهرياً مع إطلاق حرية الشركات في تسعير باقي السرعات بسرعة 512 ك – 1 ميجا – 1.5 ميجا مع تحديد طاقة التنزيل بالنسبة لهذه السرعات أيضا كي تغطي احتياجات الأسرة الواحدة فقط دون توفير هذه الخدمة للمنازل أو الشقق المجاورة فيما كان يحدث عند عدم تحديد طاقة التنزيل.
وفى هذا الصدد فإن سرعة 2 ميجا سوف يظل سعرها استرشاديا 760 جنيه شهريا بطاقة تنزيل مفتوحة حيث أنها مخصصة للشركات والمؤسسات.
وقرر مجلس إدارة الجهاز أن تسري هذه القواعد الجديدة والأسعار الجديدة اعتبارا من أول سبتمبر 2007 ويستكمل مجلس إدارة الجهاز اجتماعه مساء الأربعاء لبحث باقي الموضوعات المعلقة والخاصة بترخيص الجيل الثالث لشركة موبينيل وسياسة تحرير الاتصالات الدولية والخطوط العامة لتحرير خدمات التليفون الثابت.


منقول من موقع الوزارة

انا ليا بقى تعقيب على الكلام اللى مكتوب ده

بجد بكده يبقى فى خداع فى الاسعار الجديده .. لان مين مننا بستخدم 60 ساعه فى الشهر فقط .. وكام واحد بيعمل دون لود او حتى بروز بس على الانترنت بطاقه 2 جيجا

ده لو واحد عنده فيرس على الجهاز بيبعت وبيرسل من خلال جهازه راحت ال 2 جيايا على الفيرس

وغير كده مكاتب الانترنت الصغيره هتعمل ايه والاسعار بتاعه الخط المفتوح مرتفعه جدا جدا

بجد لا تعليق على هذه الافكار والقرارات

لو عايزين يحربوا الخطوط والوصلات تكون بتخفيض الاسعار فقط لان كل فرد هيبداء يقول الافضل انه ياخد خط لوحده لان الهط الواحد اسرع والخدمه اقل سعرا

انما دلوقتى لو الخط سرعه 2 جيجا و 760 جنيه وعددد مفتوح من الدون لود

واو شئ رائع كل العمارات والاماكن بدل مكان 3 مشتركين فى خط واحد هتلاقى 20 واحد مشترك او 30 او اكتر مش مهم بقى البرج كله هيبقى على خط واحد والسرعه واو جدا

يعنى دى وجهة نظري

وشكرا

والله يا سيسو

كلامك انت عجبنى جدا

وكلاممهم مش عاجبنى خالص

بس فى مشكله بجد انا بعانى من استغال صاحب الوصله ومستحمل قله زوقه ولكن ربنا يسهل

النت بطى جدا جدا عندى ومش لاقى حل

ربنا يسهل وانا وناس اصحابى نقدر نعمل شبكاه خاصه بينا

ام بالنسبه لكلامهم وجه نظر وخطوه بس مش كامله خالص

شكرا ليك يا سندباد على تعقيبك

بس انا عايز اعرف الناس اللى معانا هنا فى حلمنا فين

ولا هما بدخلوا من انترنت غير اللى احنا بندخل منه

يا شباب فين ردكم وايه رئيكم فى الكلام المكتوب ده

بجد انا هطرقع من ساعه لما عرفت الخبر ده وكمان الاجمل ان خطوط الانترنت للسيابر ومكاتب خدمات الانترنت فى الشارع هتبقى عاليه جدا وده ممكن فعلا يرفع سعر ساعه الانترنت فى الاماكن العامه

وكمان الجميل ان دلوقتى الاماكن اللى كان فيها انترنت ببلاش زى الكافيهات والسوبر ماركت وكارفور وسيتى ستار وغيرها من اماكن عامه بقت تحت خدمه اسمها الهوت سبوت وعلشان تشغل انترنت يبقى لازم تدفع مقابل مادي بعد مكانبت ببلاش

يبقى دلوقتى هما بيعموا ايه القرار ايه الصح

ولا فيه حجات اححنا مش فاهمنها

والله لو حد فاهم حاجه يقولي

انا شايف ان ده بجد يبقى اسمه استهبال

او استخفاف بعقول الناس

يرخصوا الاسعار و download 2 جيجا بس

مينفعش تماما



انا فى ناس اعرفهم بدأو يجمعوا بعد لحملة مقاطعة

بس انا مش شايف ان ده منطقى

بس مش عارف بجد ايه الحل

يا ريت نتشارك الاراء

يعنى إيه يحددوا طاقة التنزيل أو تحديد عدد ساعات الربط

هى طاقة التنزيل دى مش السرعة اللىاحنا عارفينها زى 256 أو 512 والحاجات دى ولا كش هى

طيب ايه عدد ساعات الربط دى علشان انا مش عارف معناها ؟؟

ياريت توضحلى يا سيسو علشان انا غلبان شوية فى الحاجات دى

عاوزين الشعب المصرى يتعلم كيفيه التعامل مع الكمبيوتر والانترنت

العالم دى والله جابت لى شلل طب لما سعر الساعه يرتفع

وفى ناس اكيد محتاجه الكمبيوتر يعنى بيروحوا اى سيبر مثلا يعملوا الابحاث الى هما عاوزنها

طب دلوقتى ايه الحل

ربنا يخرب بيت الحكومه زى ما خربت بيت الشعب المصرى

حسبى الله ونعمه الوكيل

نعمل مقاطعه

هو ده الحل

الاول شكرا ليكم على وجودكم كلكمهنا ومناقشتكم الموضوع فعلا الحيوي ده

الاول فى كام حاجه عايز اوضحها

لغيه دلوقتى القرار واضح وهو ان جميع السرعات الموجوده انخفضت 50 % ولكن تم تحديدها بعدد ساعات وهو 60 ساعه او 2 جيجا تحميل .. طبعا التحميل شامل الدون لود او حتى التصفح لان التصفح ده برده تحميل او كمان التشات او الفويس شات واى تعامل على الانترنت .. واى زياده فى التحميل هيكون بواقع 10 جنيه للواحد جيجا او 5 ساعات

لو حسبناها بالارقام هنلاقى 60 ساعه ÷ 30 يوم ÷ السعر اللى هو 45 جنيه

هتلاقى ان سعر الساعه 1.33 جنية وثلاثه وثلاثون قرش .. مع الوضع فى الاعتبار ان سعر الانترنت فى الشارع 1.5 او 1 جنيه على حسب المكان وكمان 1.40 لو انت متصل عبر التليفون يعنى من الاخر ان الاسعار ارتفعت مش نزلت

وكده هتلاقى ان السيبر او مكاتب الانترنت هتطر ترفع اسعارها لان الخط المفتوح ليها هيكون بسعر 760 جنيه فى الشهر .. طبعا لازم يرفع الاسعار اما الى 2 او 3 جنيه ويمكن اكتر فى اماكن تانيه .. لانه لازم يغطي تكاليفه مش كده ولا ايه


بجد انا حزين على القرارت دي خصوصوا ان انا طبيعه شغلى وحياتى كلها على الانترنت

حقيقي ..

ده اسؤ قرار سمعته فى حياتى ..

نفسي اعرف بجد الناس دى بتفكر ازاى .. او عايزين أيه ... مش فالحيم غير فى السرقه وبس

اى حاجه تجيب فلوس أوكى .. مافيش مشاكل .. يعملوها .. والشعب يتحرق ..

لا تعليق ..

بس أعتقد ان النظام ده هايفشل .. ومش هايستمر كتير .. وهايتطرو غصب عنهم ينزلو اسعار الخدمه فقط بلا تحديد لعدد الساعات المستخدمه ..

قريت يا جماعه فى احد المواقع ان القرار ده اختييارى

يعنى للى عايز يشترك فيه بس

وهيفضل النظام القديم زى ما هو

يا ترى ده حقيقى؟؟

ياااارب يكون كده بجد

دى كارثه على الكل

ياريت فعلا يابسمه .. يكون كلامك صح ..

بس ماعتقدش لانه لو اختيارى .. ماحدش هايشترك فيه .. لانه نظام بلا نظام .

حتى النت اللى بيجيلهم بببلاش .. مستخصرينو فينا !!

قرار سخيف بجد

ويدل على النظرة السطحية فى اتخاذ القرارت

ربنا يرحمنا بقى

وممكن سيسو يحط الكود ده فى صفحه المنتدى ..

انا بقى النهارده جيبليكم حاجه جديده جدا وهي

الهيكل الجديد لتخفيضات الانترنت

نؤكد على مجموعة من الأسس:

1. نحن نتجه دائما نحو مزيد من الإتاحة في الانترنت وتوسيع قاعدة المشتركين وهذا ما حدث في الانترنت المجاني عام 2002 ومبادرة الانترنت فائق السرعة في عام 2004 واليوم مع إعادة الهيكلة فليس الغرض هو الترشيد أو التقييد إنما مزيد من الإتاحة.

2. نحن نضع أساس لصناعة جديدة في مجال تقديم خدمات القيمة المضافة وخدمات البث كأساس لمجتمع المعلومات والمعرفة ولها أسس اقتصادية ونماذج أعمال Business Models يجب مراعاتها.

3. إن سعر 95 جنيه شهريا لأقل سرعة 256 كيلو ب/ث سعر عالي بالنسبة لخدمة الانترنت فائق السرعة ADSL لكثير من الأسر في الشرائح محدودة الدخل التي نشجع دخولهم على الانترنت وخاصة أن سعر الحاسب الآلي وصل إلى أقل من 1100 جنيه وبالتقسيط وسعر اللاب توب لأقل من 1000 جنيه فكان لابد من إجراء تخفيض لتمكين هذه الشرائح من الدخول على شبكة الانترنت وعدم حرمانهم من ذلك بالإضافة إلى معالجة بعض الظواهر السلبية التي بدأت تظهر وهى تمديد الوصلات (السلكة) من منزل لمنزل والتي أدت لسوء الخدمة خلال الفترة الماضية وشكوى من المشتركين وخاصة أن خدمة ADSL مرتبطة بخط التليفون ومخصصة للعين المؤجرة ولاحتياجات الأسرة الواحدة في العالم كله وفى مصر حيث وصل عدد المنازل المسجلة على أنها مشتركة في الخدمة إلى 100 ألف منزل و بينما يؤكد الواقع وجود أضعاف هذا العدد من المنازل المشتركة ولكن الرقم المعلن اقل من الواقع وذلك بسبب الوصلات غير الشرعية وهذا يؤثر أيضا على مؤشراتنا التنموية العالمية سلبياً.

4. جميع الاشتراكات الحالية وكمثال الاشتراك الأساسي بسعر 95 جنيه شهريا لسرعة 256 كيلو أو غيره مستمرة حسب التعاقد ولن تلغى، إنما نحن ننبه أن الوصلات الغير الشرعية يجب إنهاؤها لمصلحة الجميع وحتى نتمكن في المستقبل من تقديم خدمات قيمة مضافة للمشتركين من خلال عروض ترويجية، نظراً لأنه في حالة الاشتراكات المجمعة سوف يصعب تقديم هذه الخدمات الجديدة التي ترتبط بالاستخدام الفعلي ونظم الدفع الالكتروني مما يصعب إصدار الفاتورة للأسرة الواحدة مع الاشتراكات المجمعة الغير شرعية.

5. إن الهيكل الجديد للاشتراكات يحمل تخفيضا للأسرة التي ترغب في الاشتراك في الانترنت باستخدام ADSL بـ 45 جنيه شهريا كحد أقصى ويمكن للشركات أن تتنافس للنزول عن هذا السعر إذا شاءت وإنما تم تحديد اشتراك أساسي هنا Basic Subscription لضمان مستوى معين من السعر للمشتركين الجدد واغلبهم من الأسر البسيطة وهو ما يعادل 8 دولار وهى من ارخص الاشتراكات عالميا، وكنا نرغب أن تكون غير محددة في التحميل ولكن مع وجود الوصلات فأن تجزئة هذا الاشتراك غير ممكنة، ولقد وجد أن متوسط استهلاك الأسرة الواحدة في حالة التصفح والبريد الالكتروني والخدمات التفاعلية وبعض الملفات في المتوسط لا يتخطى 2 جيجا شهريا وهو لعدد غير محدد من الساعات وإذا رغبت بعض الأسر في زيادة الاستخدام لتنزيل أفلام وغيره تسدد عشرة جنيهات شهريا عن كل جيجا بت إضافية شهرياً.

6. هذا النظام سوف يطبق لمدة سنة من أول سبتمبر 2007 وسوف نعطي فترة انتقالية عدة شهور لاستقرار نظم المحاسبة وسوف نأخذ عدة شهور لنتابع تطور السوق ونرجو أن ينظم السوق نفسه بآلياته وينتهي استخدام هذه الوصلات غير المشروعة من منزل لمنزل ويتمتع المواطن بخدمة معقولة في السعر والجودة وسوف يتابع الجهاز القومي لتنظيم الاتصالات نظم المحاسبة في الشركات ولا داعي للقلق من هذا الأمر.

7. يشمل الهيكل الجديد أيضا إطلاق الأسعار للسرعات الأخرى حيث أعلنت بعض الشركات عن أسعار نصف ميجا بـ 90 جنيه شهريا وواحد ميجا 125 جنيه شهريا وهكذا وكلها اتجاهات نحو التخفيض مع طاقات تحميل مختلفة ولا مانع من تنافس الشركات على باقات مختلفة بسرعات مختلفة ولكن بدون دعم من الجهاز القومي لتنظيم الاتصالات والشركة المصرية للاتصالات، أما بالنسبة للشركات والمؤسسات فهناك مثلاً اشتراك بسرعة 2 ميجا غير محدد في طاقة التحميل بـسعر استرشادي 760 جنيه شهريا لأنه مناسب للشركات والمؤسسات وينتظر في المستقبل أن نجد عروضاً ترويجية بين المحمول والـ ADSL وأيضا بين الثابت والـ ADSL نظرا لإطلاق الأسعار وقد اقترحت بعض الشركات تقديم باقة إضافية بديلة لمن يرغب وقدرها 60 ساعة شهرياً بسعر 45 جنيه شهرياً لمن يرغب.

8. نرحب مع إطلاق الأسعار للسرعات المختلفة بعروض ترويجية مشتركة بين المحمول و ADSL والثابت و ADSL مما سوف يؤدى لمزيد من التخفيضات وزيادة أعداد المشتركين فى المستقبل.

9. يعكف الجهاز القومي لتنظيم الاتصالات مع الشركات على وضع نظام مستقل ومختلف لمقاهي الانترنت يراعى فيه عدم وجود أي قيود على طاقات التحميل ويمنحهم مميزات جديدة ونؤكد على أن أي تعاقدات حالية مستمرة ويتم احترامها.

10. الوصول لهذا التخفيض استلزم قيام الشركة المصرية للاتصالات بإجراء تخفيضات في بعض خدماتها لشركات الانترنت وهناك دعم وتسهيلات وتسويات من صندوق الخدمة الشاملة في الجهاز القومي لتنظيم الاتصالات تم توجيهه للشركة المصرية للاتصالات لتعويضها عن هذه التخفيضات الممنوحة للمشترك ولم يتم سداد أي دعم مباشر لشركات الانترنت من صندوق الخدمة الشاملة وإنما كلها تسهيلات وتخفيضات من الشركة المصرية للاتصالات لهم. وتجدر الإشارة هنا أن الدعم الذي كان يقدم في الماضي لفئة 95 جنيه في الاشتراك الشهري لسرعة 256 كيلو باقي للمشتركين الحاليين وسيوجه الدعم للمشتركين الجدد للشريحة الجديدة التي تحتاج فئة 45 جنيه شهرياً بطاقة 2 جيجا بينما نطلق باب المنافسة السعرية للسرعات الأعلى حسب رغبة الشركات، حيث يستفيد من هذه المنافسة المشتركين الجدد والقدامى ولا مانع من قيام الشركات بطرح اشتراكات متنوعة للمشتركين الجدد بالسرعات المختلفة ولكن بدون دعم من الجهاز والشركة المصرية للاتصالات فالدعم كله موجه أساساً للشريحة الأكثر احتياجاً بقيمة 45 جنيه شهرياً وبالشروط المذكورة.



1. لا إلغاء لأي اشتراك ساري بالنظام الحالي وشركات الانترنت سوف تحترم تعاقداتها ومن يرغب من المشتركين في النظام الحالي يستطيع تحويل اشتراكه للنظام الجديد إذا رغب.

2. الهيكل الجديد سيطبق من أول سبتمبر 2007 ويستفيد منه المشتركين الجدد بهدف نشر الخدمة وخلق قاعدة عريضة من المستخدمين، والمستهدفين من هذا النظام اغلبهم من الشرائح المحدودة الدخل التي تقتنى كمبيوتر 1100 جنيه اليوم ولا تستطيع سداد مائة جنيه شهرياً للانترنت ويوفر لهم هذا التخفيض حتى لا يحرموا من الدخول على الإنترنت أو يلجئوا للوصلات الغير مشروعة من منزل لمنزل.

3. وضع نظام مستقل ومختلف لمقاهي الانترنت ونوادي التكنولوجيا يراعى عدم وجود أي قيود على طاقات التحميل ويحتفظ بأي مميزات كانت موجودة مع أعطاء بعض المميزات الجديدة لضمان توسيع قاعدة الخدمة.

4. إطلاق الأسعار للسرعات الأعلى نصف ميجا أو واحد ميجا سوف يفتح الباب لعروض ترويجية بين المحمول والإنترنت فائق السرعة ADSL لمصلحة المواطن وزيادة عدد المشتركين مما سيؤدي لمزيد من التخفيضات في المستقبل أسوة بالمحمول .

5. أساس عملنا هو توسيع قاعدة الإتاحة وزيادة قاعدة المشتركين وليس أي تقييد أو ترشيد الاستخدام.

6. نضع أسس جديدة لصناعات القيمة المضافة وتطبيقات البث للسنوات القادمة وواجبنا تنبيه المجتمع أن الاشتراكات المجمعة لن تمكن المشترك من سداد فاتورة خدماته هو وأسرته في المستقبل، ولذا ننبه إلى أن الوصلات من منزل المشترك تؤثر سلبياً على جودة الخدمة وسوف تعوق نظم المحاسبة على الخدمات الجديدة وخاصة أن خدمة ADSLوالتي ترتبط بخط التليفون وهو مخصص للعين المؤجرة التي بها الخط وذلك معمول به في العالم كله.

7. عدم وضع أي قيود على طاقة التحميل لاشتراك 45 جنيه شهرياً لا يمكن أن يقوم على أي أُسس اقتصادية ولا يمكن أن نقبل أن يتم تجزئة هذا الاشتراك بين أكثر من أسرة نظراً لأنه يؤثر سلبياً على جودة الخدمة.

8. النظام الجديد لمدة عام وينتظر أن يقوم السوق بتنظيم نفسه بفعل آلياته.

9. بناء على دراسة تمت من قبل الجهاز القومي لتنظيم الاتصالات على متوسط استخدام الأسرة المصرية تم التوصل إلى أن طاقة تحميل أثنين جيجا بسعر45 جنيها شهرياً كاشتراك ثابت هو متوسط استخدام الأسرة أما من يُحمِل أفلاماً مثلاً باستمرار من على شبكة الانترنت فعليه أن يدفع أكثر.

10. الوصول لهذا التخفيض استلزم قيام الشركة المصرية للاتصالات بإجراء تخفيضات في أسعار بعض خدماتها لشركات الانترنت، وهناك دعم وتسهيلات وتسويات من صندوق الخدمة الشاملة في الجهاز القومي لتنظيم الاتصالات تم توجيهه للشركة المصرية للاتصالات لمساعدتها على هذه التخفيضات للمشترك، ولم يتم سداد أي دعم مباشر لشركات الانترنت وإنما كلها تسهيلات وتخفيضات من الشركة المصرية للاتصالات لهم.

وتجدر الإشارة هنا أن الدعم الذي كان يقدم في الماضي لفئة 95 جنيه في الاشتراك الشهري لسرعة 256 كيلو باقي للمشتركين الحاليين وسيوجه الدعم للمشتركين الجدد للشريحة الجديدة التي تحتاج فئة 45 جنيه شهرياً بطاقة 2 جيجا بينما نطلق باب المنافسة السعرية للسرعات الأعلى حسب رغبة الشركات، حيث يستفيد من هذه المنافسة المشتركين الجدد والقدامى ولا مانع من قيام الشركات بطرح اشتراكات متنوعة للمشتركين الجدد بالسرعات المختلفة ولكن بدون دعم من الجهاز والشركة المصرية للاتصالات، فالدعم كله موجه أساساً للشريحة الأكثر احتياجاً بقيمة 45 جنيه شهرياً وبالشروط المذكورة.



انا عايز اعرف رئيكم بقى في الفقره رقم 9 من الرسائل الرئيسية .....

انا عايز من الشباب اصحاب الردود الرئاعه انهم يمسكوا المقال السابق فى الرد الخاص بتاعي ويخدوا فقره فقره لانى بجد لما قرائا جالي حاله من الغثيان

اه صحيح لو حد شايف الفقره رقم 3 من البدايه

ياريت حد يجبلي 5 لاب توب من ابوا 1000 جنيه ده والنبي لحسن اللاب توب بتاعى سعره 8 آلاف جنيه يمكن ابيعه وافقكه ب 8 اجهزه جديده وادي لكل واحد فيكم هيديه لاب توب


ارجوكم اقراءوا الكلام اللى مكتوب فوق كويس وعايز اشوف ردودكم

جارى القراءة الدقيقة

جميل الكلام ده



يا ريت يكون الكلام ده صح




لاب توب ب 1000 و الجهاز العادى ب 1100 هما قصدهم على اجهزة من العصر الحجرى ولا ايه
كلام مش منطقى




كلام فاضى بجد وبيخوفوا على الفاضى




اه يعنى هما عيزينا في حالة التصفح والبريد الالكتروني والخدمات التفاعلية وبعض الملفات بس ده عند من ده ان شاء الله




لن يحدث استقرار لهذا النظام




ربما تكون ده افضل فقرة من الفقرات على شرط ان هيكون ده اختيارى




ابقى قبلنى




.........................



هذا نظام فاشل

كابتن خالد

انت فاهم غلط

الوصلات مش هتتلغي والوقت مفوتح للناس القديمه مبس الدون لود هيقى 2 جيجا .. فمين بقي من الوصله اللى انت بتقول عليها مريحاك هيدفع الدون لود اللى هيعدي اللي 2 جيجا

إقتباس

الوصلات مش هتتلغي والوقت مفوتح للناس القديمه مبس الدون لود هيقى 2 جيجا .. فمين بقي من الوصله اللى انت بتقول عليها مريحاك هيدفع الدون لود اللى هيعدي اللي 2 جيجا

افهم من كدة إن السعر القديم هيتدفع شهريا عادى مع تحديد الـ 2 جيجا للتحميل ؟؟

!!!!!!!!!!!

يعنى أيه .. ؟؟!

طيب ماهو الدونلوود لو لكل فرد من أفراد الشبكه اللى عاملها صاحب السايبر 2 جيجا فقط .. صاحب السايبر هايلغيها ويريح دماغه ماهو كده اللى هايدبس فى الدونلوود الزيادة .. " مش مقتنع بالكلام ده " .. فى حاجه غلط عندك ياسيسوو !

يعنى انا اللى فهمته من الكلام .. ان المشتركين الحاليين فى خدمه الـ ADSL بسرعاتها المختلفه .. 256 و 512 .. الخ .. هايفضل
السيستم عندهم زى ماهو من غير تحديد أو تقييد .. ولو هما عندهم الرغبه فى التحويل للنظام الجديد مش هايبقي فيه اى مانع .

انا الحمد لله عندى خط بتاعى انا 512 .. اللى هايقرب منه هاولع فيه والله ..

بس أجمالا يعنى ..

انا شايف أن فى هجوم كبير قوى على السيستم ده .. وفى مواقع مخصوص أتعملت على الانترنت للتوقيع برفض النظام ده .. وشايف
أن الجهات المختصه .. واقعه فى مأزق من المأزقين .. أنهم مش عارفين يقنعو الشعب بوجهه نظرهم .. أو انهم عايزين يسرقوا وخلاص
بس بدؤأ يراجعو نفسهم .. من ردود الافعال اللى ظهرت " بدرى قوى " قبل تطبيق النظام بـشهر أو أكتر .. !

نظااااااااااام فاشل .. من البدايه .. والى النهايه .!

انا دخلت الموضوع من اول يوم نزل فيه بس مكنش ينفع ارد ساعتها عشان كنت هفرقع ومتغاظة

كل دة علشان يرفعوا شغل السنترال ويعلوا الاجور لموظفين السنترال

مش مكفيهم بينهبوا من الناس فى الفواتير عاوز ايه تانى كمان الوسيلة الوحيدة اللى تعتبر ارخص وسيلة اتصال حاليا عاوزين يغلوها

انا مش فهمة هم عاوزين ايه بالظبت والمشكلة انهم بينزلوا القرارات والشعب بقة ملوش راى يتحرق ولايهمهم ان فى ناس ممكن

شغلها يقف ايه الحل بقة دلوقتى حد يقولى؟؟؟؟؟؟

____________________________

شباب نوضح تانى

الاسعار كالتالي النظام المحدد الساعات بسعر 45 جنيه لعدد 60 ساعه او 2 جيجا ايهما اقرب

التظام الحالي او الغير محدد الساعات لسرعه 256 بسعر 95 جنيه وغير محدد لساعات معينه ولكنه محدد بدون لود وهي 2 جيجا ولو عملت دون لود يبقى لكل 1 جيجا تدفع 10 جنيه
وكمان لو السرعه زادة يبقى برده 2 جيجا دون لود

يعنى من الاخر هنروح نضرب نفسنا بالــ

تانى حاجه بقى وكان السؤال هنا لو رفعنا السرعه الى 2 ميجا يبقى السعر 760 جنيه وغير محدد الوقت ولا محدد الدون لود يعنى من الاخر مصر كلها هتبقى 2 ميجا لان الشبكات افضل بكتير فى ال 2 ميجا عن اى سرعه تانيه

مش كده ولا ايه

ملحوظه :

المعلومات دي كلها مظبوطه تماما حتى الان ( نظرا لاننا شركه تقدم خدمه الـ ADSL للمنازل والسيبرات وعلى اتصال بالشركه الام )

ولكن عندي خبر من احد الاصدقاء فى الشركة الام انه سيكون فى تعديل خلال الايام القادمه وذلك بسبب الهجوم الكبير على الخدمه الجديده والله اعلم