منتديات جزيرة الاحلام > أعمل ايه بس فى اللغات ؟!!

nader

Jul 27 2007, 12:40 PM

بسم الله

السلام عليكم

فكرت كتيييييييير قووووووووووووووى

فى كلام أحطه هنا

إنى أعرض المشكلة بتاعتى

بس مش عارف بجد أقول ايه

يكفى إنكم تعرفوا إنى ناقص فى الثانوية العامة

7 درجات إنجليزى

7 درجات فرنساوى

يعنى 14 درجة لغات

يعنى أكتر من تلتين الدرجات اللى ناقصهم !!

ومن غيرهم كان زمانى فى طب

الحمد لله .. أنا راضى باللى ربنا كتبه

بس مش هرضى إنى أفضل كده على طول

ولا ايه ؟؟

ياريت حد يساعدنى ويقولى أعمل ايه ؟؟؟؟

أنا فكرت إن حد هنا يحط دورات إنجليزى

دكتور أحمد أو فير مثلا

بس أنا مش عارف ظروف الناس ..

وفى الأول والآخر

أنا واثق إن حبايبى وإخواتى هنا أكيد هيساعدونى ..

ولا ايه ؟؟

أحمد

صاحبة العصمة

Jul 27 2007, 05:06 PM

يا احمد اناقولتلك قبل كدا انت مش نافع

متوجعش دماغك ودماغ الناس

خلاص ما تيجي تأخد كورس انجليزي زي السنه اللي فاتت وابقى حتى ذاكر كتبي بتاعت E4 , I2

وكدا تضمن على الاقل انك متدخلش اقل من الثامن او العاشر

يعني الحدود ديه

واظن انك لو دخلت بين المستوى( التاسع والحادي عشر) المعلومات اللي فيهم هيساعدوك كتير

وربنا معاك ..لان اي كليه فعلا هتتعبك جدا لو مكنتش احسن من كدا في اللغات

Dr_ A7MED

Jul 27 2007, 06:05 PM

السلام عليكم

نادر

حبيبُ قلبي .. كيف حالك ؟

أنا شايف إنك مكبر الموضوع شويه .. اللغات ممتعة جداً .. أي لغة ما هي إلا مجموعة من الكلمات والقواعد .. وشوية صبر وتدريب وسماع هتكون كويس في أي لغة بإذن الله .. أعرف ناس بياخدو كورسات في لغات مختلفة ألماني وفرنساوي وبسمعهم وهما بيذاكروها ويتكلموها أحيانأً .. بجد حاجه ممتعة فعلاً

أنا متفق معاك طبعاً إن اللي بنتعلموا أثناء دراستنا ده إنجليزي فوّاسي .. وإنك للأسف لما تدخل كليتك حتحس الفرق ده .. لكن صدقني مش لازم تكون بيرفكت

( كامل يعني بس بالإنجليزي

) .. قصدي يعني اللغة في حد ذاتها وسيلة ما هياش الغايه اللي هتعجزك .. حاول انت بس وإن شاء الله ربنا هيكرمك .. انت إنسان طيب وتستاهل كل خير

في أمان الله

بسمة أمل

Jul 27 2007, 06:57 PM

بسم الله الرحمن الرحيم

السلام عليكم ورحمة الله

ازيك يا نادر؟ يارب تكون بخير

مشكلتك بسيطة يانادر فعلا زى ما د.أحمد قال

وبالنسبة لرأيي

اذا كنت عايز لغة كدراسه بحيث تبقى بيرفيكت يعنى

كلية السن جميلة

وكلية لغات وترجمة وترجمة فورية (جامعة الازهر) بتقبل طلبة الثانوى العام بمجموع اقل

واذا كنت عايز لغة كتحسين للغتك الخاصة يعنى

ممكن تاخد كورسات فعلا ..

او الافضل انك تعلم نفسك بنفسك بجد المعلومة كده بتثبت اسرع بكتييير

وده موقع ممكن يساعدك :

اضغط هنا

فيه قواميس كويسة

والقواعد من الالف للياء

وانجليزى الجامعة الامريكية كمان

ومصطلحات طبية وهندسية

ياارب يعجبك ويساعدك

وان لقيت اى شئ تانى ان شاء الله هجيبهولك على طول

nader

Jul 28 2007, 09:22 AM

بسم الله

السلام عليكم ورحمة الله وبركاته ..

إقتباس(صاحبة العصمة @ Jul 27 2007, 02:06 PM)

يا احمد اناقولتلك قبل كدا انت مش نافع

متوجعش دماغك ودماغ الناس

خلاص ما تيجي تأخد كورس انجليزي زي السنه اللي فاتت وابقى حتى ذاكر كتبي بتاعت E4 , I2

وكدا تضمن على الاقل انك متدخلش اقل من الثامن او العاشر

يعني الحدود ديه

واظن انك لو دخلت بين المستوى( التاسع والحادي عشر) المعلومات اللي فيهم هيساعدوك كتير

وربنا معاك ..لان اي كليه فعلا هتتعبك جدا لو مكنتش احسن من كدا في اللغات

ماشى يا ستى

هو فكرتك كويسة عموما

بس المشكلة إنى مش هاقدر أعمل زى السنة اللى فاتت وأدخل دورة إنجليزى دلوقتى

بس أنا فعلا ممكن أشوف اللى كنتى بتاخديه ..

وشكرا يا أختى على الرد

nader

Jul 28 2007, 09:43 AM

إقتباس(Dr_ A7MED @ Jul 27 2007, 03:05 PM)

السلام عليكم

نادر

حبيبُ قلبي .. كيف حالك ؟

أنا شايف إنك مكبر الموضوع شويه .. اللغات ممتعة جداً .. أي لغة ما هي إلا مجموعة من الكلمات والقواعد .. وشوية صبر وتدريب وسماع هتكون كويس في أي لغة بإذن الله .. أعرف ناس بياخدو كورسات في لغات مختلفة ألماني وفرنساوي وبسمعهم وهما بيذاكروها ويتكلموها أحيانأً .. بجد حاجه ممتعة فعلاً

أنا متفق معاك طبعاً إن اللي بنتعلموا أثناء دراستنا ده إنجليزي فوّاسي .. وإنك للأسف لما تدخل كليتك حتحس الفرق ده .. لكن صدقني مش لازم تكون بيرفكت

( كامل يعني بس بالإنجليزي

) .. قصدي يعني اللغة في حد ذاتها وسيلة ما هياش الغايه اللي هتعجزك .. حاول انت بس وإن شاء الله ربنا هيكرمك .. انت إنسان طيب وتستاهل كل خير

في أمان الله

دكتور أحمد

فى الأول كده بعيد عن الموضوع

أحبُّكَ فى الله

بالنسبة لكلامك .. فعلا اللغات ممتعة , بس لما يتم تدريسها بطرق ممتعة ..
بس المشكلة إنى طلعت متعقد منها طول الدراسة ..
بحس إنى بقرأ حاجات طلاسم وكده

وكلامك بالنسبة للوسيلة أنا متفق فيه معاك .. بس هو وسيلة مهمة جدا
ولو فضلت بالحالة دى مش هعرف أوصل لغاية ..
أى غاية !!

فأنا عاوز حل عملى وسريع ..

ولا ايه ؟؟

وجزاكم الله كل خير عزيزى للمرور الجميل..

بجد أسعدنى جدا

nader

Jul 28 2007, 09:50 AM

إقتباس(بسمة أمل @ Jul 27 2007, 03:57 PM)

بسم الله الرحمن الرحيم

السلام عليكم ورحمة الله

ازيك يا نادر؟ يارب تكون بخير

مشكلتك بسيطة يانادر فعلا زى ما د.أحمد قال

وبالنسبة لرأيي

اذا كنت عايز لغة كدراسه بحيث تبقى بيرفيكت يعنى

كلية السن جميلة

وكلية لغات وترجمة وترجمة فورية (جامعة الازهر) بتقبل طلبة الثانوى العام بمجموع اقل

واذا كنت عايز لغة كتحسين للغتك الخاصة يعنى

ممكن تاخد كورسات فعلا ..

او الافضل انك تعلم نفسك بنفسك بجد المعلومة كده بتثبت اسرع بكتييير

وده موقع ممكن يساعدك :

اضغط هنا

فيه قواميس كويسة

والقواعد من الالف للياء

وانجليزى الجامعة الامريكية كمان

ومصطلحات طبية وهندسية

ياارب يعجبك ويساعدك

وان لقيت اى شئ تانى ان شاء الله هجيبهولك على طول

أولا : ألف مبروك على النتيجة وتغيير الإسم .. وعاوزين نسمع أخبار كويسة

ثانيا : بجد ربنا يجزيكى كل خير على المنتدى الجميل ده

فعلا لاقيت فيه حاجات كويسة

بس هو أنا محتاج كمان حاجة للصوت

يعنى نطق كلمات

علشان دلوقتى هى أهم من الانجليزى الصم والبكم اللى كنت بعمله فى الثانوى

وأنا فعلا أخذت زى ما قلت السنة اللى فاتت قرص إنجليزى

والحمد لله كنت كويس فيه

وحبيت الانجليزى فعلا بجد

لكن دخلت تالتة ثانوى ورجعت لطريقة التدريس العقيمة ..

والحمد لله إنى مش أخذت درس إنجليزى السنة اللى فاتت

لأن كان زمانى العقدة اتصلمت أكتر

لأنى كنت بذاكر طول السنة زى ما كنت بعمل فى القرص

بس سيبت الإنجليزى من شهر 12 لغاية نص شهر 3 كده أو بداية 4

فربنا أكرمنى يعنى

وجزاكِ الله كل خير على ردك ومساعدتك ..

أنا دلوقتى بدور على برنامج للنطق

بس لغاية دلوقتى مش لاقى

كان عندنا واحد زمان قوى

بس مش فاكر لا اسمه ولا اى حاجة فيه

ربنا يعين

ياريت بجد اللى يكون عنده مش يبخل على أخوه بقى

ودعواتكم كده

وجزاكم الله كل خير بجد

أحمد

بسمة أمل

Jul 28 2007, 08:44 PM

الله يبارك فيك يا نادر

وان شاء الله اذا لقيت حاجه لل phonatics او الصوتيات يعنى

اكيد هجيبهالك

وفى على فكرة سيديهات للنطق ممكن تلاقيها بسهولة وهتساعدك

اوووى

بس خلى بالك لو جبت عشان بيبقى فى فرق بين الانجليزى البريتش والانجليزى الاميركى

فى النطق

ربنا يوفقك

nader

Oct 24 2007, 09:45 AM

السلام عليكم

ايه اللى جابنى الموضوع ده ؟؟

هو حد قال إنى عاوز أتعلم انجليزى ؟؟

أنا غطسان فيه دلوقتى

بيحبنى بعمق

اللهم إنى لا أسألك رد القضاء , ولكنى أسألك اللطف فيه

دعواتكم يا حبايب

ربنا يوفقنا جميعا لما يحبه ويرضى

أحمد

محمد بدر الدين

Oct 24 2007, 03:02 PM

متاخدلك (قرص) انجليزي ..جتك قرص ودنك

او ممكن اجيبلك اسطوانه تعليميه من احمد ثروت

بسمة أمل

Oct 24 2007, 07:56 PM

ههههههههه

الله يكون فى عونك يا نادر

انا كمان بقيت بشرب انجلييزى

عموماً استنانى 4 سنين و أنا مستعدة أديك درس

ربنا يوفقك يارب

huda allah

Nov 2 2007, 12:11 AM

السلام عليكم ورحمة الله وبركاته

كنت بعمل سيرش النهاردة على النت فلقيت منتدى فيه موضوع
عن
موسوعة مواقع تعليم اللغة الإنجليزية

أتمنى يعجبك

وتمنياتى لك بالتوفيق

أختك

nader

Nov 6 2007, 04:37 PM

جزاكِ الله خيرا يا هدى

بجد فيه روابط جميلة جدا هناك وتفيد كتير

شكرا للمرور والرد والإفادة الرائعة

أحمد ..