عمرك مرة حسيت انك بتحب واحد صاحبك اوي و صديقك جدا و اي حاجة بتكون مضايقاك و عايز تحكي لحد يكون هوة اول واحد تفكر فيه ؟؟؟
لو حسيت كدة يبقي كويس
بس مش دي المشكلة !!!
المشكلة انك بعد كل اللي انا قلته دة تعرف ان كل الاهمية لصاحبك دة كانت جواك انت بس
او انت كنت بيتهيألك انه مهتم بيك زي ما انت مهتم بيه
او ان في حد تاني هوة بيستريح معاه
او تحس انك كنت بتحبه اكتر من اللازم
و اهتميت بيه اكتر من اللازم
ساعتها ممكن تحس بأيه؟؟؟؟؟؟؟؟؟؟؟؟؟؟؟؟؟
و كمان ممكن ساعتها تزعل شوية و تبعد شوية
طب هوة المفروض يعمل ايه ؟؟؟؟؟؟
يتكلم
يسكت
يبعد هوة كمان
ولا المفرض يعمل ايه ؟؟؟؟؟؟
عمرك حسيت انك بتهتم بحد اوي لدرجة انك تحس ان مشاكلك هيه مشاكله
و انك بتضايق لما هوه يكون متضايق
انك بتحس بيه
بتفهمه اوي
ممكن تحس كل دة ناحية واحد صاحبك
و بعد كدة تلاقي انك كنت غلطان اوي
عمرك حسيت انك بتضحي اوي عشان حد
بتخسر اوي عشان حد
بتغير حاجات كتير جواك عشان حد
بتيجي على نفسك اوي عشان حد
بتسامح كتير اوي عشان حد
بتضغط اوي على نفسك عشان حد
و الحد دة تكتشف ان كل دة كان كتير اوي عليه
و كمان هوة اللي يقولك كدة
و يقولك انك مش الشخص اللي ممكن يفكر انه يتكلم معاه في كل حاجة يكون مضايق منها

اوك كل اللي فات دة ممكن
ممكن كل اللي انا قولته يكون حب زيادة من ناحيتي بس
و في الاخر كل بني ادم انت بتستريحله مش لازم هوه يستريحلك
ممكن
صح
بس المشكلة ان اخينا دة كان ساعات كتير بيحسسني اني مهم عنده
و اني حد له تأثير في حياته
و كان ساعات كتير بيتكلم عن حاجات تخصه اوي
بس بعد كدة
اتضح لي اني كنت محطة
استراحة
من الاخر : كنت بسد فراغ عاطفي عنده
كان عايز يحس انه في حد بيحبه
حد متعلق بيه في الوقت دة
عشان يعدي مشكلة او ازمة كانت عنده

انت بئة فين من كل دة
الله اعلم

بصراحة كدة
مش ممكن اكون انا متحامل على صاحبي دة
و انا لسة بقول صاحبي
ممكن اكون متحامل صح
ممكن اكون انا جواه حاجة مهمة و انا مش واخد بالي
بس مش كل حاجة لازم يكون عليها دليل
و لا هوة كلام و خلاص

طب لو انا بجد ممكن اكون حد مهم
مش المفروض هوة يسال
علي الاقل يعرف اخباري و لا ايه ؟؟؟؟؟؟؟

انا المفرض اعمل ايه ؟؟؟؟؟؟؟؟
ابعد اوي ؟؟
ارجع زي ما كنت ؟؟؟
و لا ايه ؟؟؟

المشكلة اني حاسس اني موجوع منه اوي
و حاسس اني صغير اوي
و غلطان اوي
حاسس اني ضيعت وقت كتير اوي معاه
حسيت انه كان بيضحك علية

انا بجد مش عارف اعمل ايه
بس اللي حاصل دلوقتي اني بعيد
و مش عايز اعمل اي حاجة
و لا حتى هوة كمان

لو حد عارف يقول لي
يا ريت
لأني بجد محتار


MARO


السلام عليكــم ورحمـة الله وبركاتــة ،،

كان نفسى ارد عليك

بس انا عايزه حد يرد علينا انا الاتنين

بس الحل انك تحاول متكررش المشكلة دى تانى ع الاقل

جميل اوى ان فى ناس زيك بتحب باخلاص اوى كده
بس الوحش ان الناس مش بتقدر ده
من رائى ابعد واستعوض ربنا فيه
اكيد ربنا هايعوضك بصديق يقدرك ويقدر اخلاصك وحبك ليه
وماتزعلش على الحاجات الجميله الى عملتها معاه عند ربنا كل ده اوعى تندم
انا مريت بنفس الظروف وكنت فى الاول بموت من البعد عنها
وكنت فاكرة انى هافضل طول عمرى مش هانساها بس الحمدلله
نسيتها وربنا عوضنى بصديقه جميله الحمدلله

اولا اهلا بيك يا مروان ومنورنا في حلمنا



بص يا maro خد اي قرار في حقه


بس اوعي تكون بتبنيه علي ظنون

او احاسيس


حاول تتاكد

وواجهه

وبعد كده .................وربنا يصلح الاحوال

مش عارفه اقولك ايه

بس ما فيش حد بيسيب حد صاحبه من غير سبب صدقنى

كتير ممكن تبقى فاكر نفسك مظلوم وانت ظالم

دور كويس انت ماعملتش اى حاجه تزعله

؟

طيب هوا مافيش اى حاجه مزعلاه؟؟ مخلياه يتصرف كده غصب عنه ؟؟

لان ساعتها بجد هيبقى مستنى منك رنه بس تساعده


وربنا يوفقك ومنور حلمنا

السلام عليكــم ورحمـة الله وبركاتــة ،،

شكرا يا جارة القمر يا عسولة على ردك
كل اللي انتي قلتيه كان و مازال في دماغي
بس المشكلة اني جربت كتير اوي
و التمست الاعذار اكتر
مرة اقول يمكن غصب عنه
طب انا اللي زعلته
طب انا اسلوبي معاه مش لطيف
بس كل مرة انا برجع معاه احسن و احسن
و ارجع الوم نفسي
المشكلة اني حاسس انه تعبني اوي
او انا تعبت منه اوي
و على فكرة كل ما اتكلم مع حد في الموضوع دة
يكون في حاجتين دايما بيتقالوا لي
اول حاجة
((على فكرة انت بتحبه اوي ))
ثاني حاجة
(( لازم تبعد شوية عشان تعرف تحكم على الأمور صح ))
و دة اللي انا عملته
بعدت شوية عشان احكم على الامور صح
او عشان اتاكد
و كنت مستني اي حاجة او اي رد فعل منه
افهم منه ان كل اللي انا بعتقده ده مش صح
بس للاسف محصلش اي حاجة
و للعلم انا مقلتلوش اني هبعد
و اخر مرة اتقابلنا الموضوع كان عادي جدا

بعد التوضيحات دي يا ترى رايك ايه ؟؟؟؟؟؟؟؟؟
ابتدي انا و اروح اتكلم برده ؟؟؟؟؟
يا ريت تقولي لي
مستني الرد

MARO

عايزة اقولك اوعى تندم على احاسيسك دى فى يوم من الايام

فى الاخر هوا اللى خسران مش انت


انا جربت وهما اللى خسرونى مش انا


متخليش حاجة زى دى تهزك ابدا بالعكس دى تقويك

بس اهم حاجة انك تتعلم ان ثقتك مش تديها لاى حد الا اما تختارة عالفرازة لان احاسيسك مش رخيصة

اعتبرها كنزك هيا احاسيسك ومتدهاش الا للى يستحقها

بالنسبة لصاحبك او صديقك ممكن فى يوم من الايام يرجعلك ندمان وفى الاخر ليك انت حق الاختيار

عيزاك تروح وتواجهة مفيش اريح مالمواجهة لانها فى الاخر هيا اللى هتحدد قرارك اللى انت عمرك ماهتتخلى عنة ابدا صدقنى كدة اريحلك طلع كل اللى جواك وقولهولة وشوف رد الفعل هوا اللى هيترتب علية قرارك

انا بقى عشت الاصعب يا مروان

انك يكون ليك صديق انت مهتم بيه وبتفكر فيه وبتحبه جدآ وبتخلصله

وللاسف بيطلع كل اسرارك بره

ياااااااااااااااااااااااه

دى بقى صعبه جدآ

بس الحمد لله الواحد مش بيتعلم ببلاش

بس اقولك على مثل شعبى سمعته من جدتى من سنتين


السر اللى متشيلوش بطنك متشيلوش بطن غيرك

السلام عليكــم ورحمـة الله وبركاتــة ،،

بجد ممنون جدا لكل الناس
اللي شاركت و قالت رايها
كل ارائكم قرأتها كويس
و فكرت فيها كويس

الغالبية العظمي أجمعت اني لازم ابعد
و ان هوة اللي خسران مش انا

و دي الحاجة اللي انا توصلت لها
و بعدت و قلت هوة اللي خسرني

بس انا كمان خسرته
انا عامة
مش قادر اتكلم عن الموضوع دة
عشان بجد بحس اني ....................
عارف لما تقعد مع نفسك و تقعد تبكي بحرقة
لما احس اني محتاج اني اتكلم معاه و مش لاقيه جنبي

المهم بجد ممنون لكل واحد كتب حرف
و قال لي رأيه
لاني بجد كنت محتاج احس
ان في ناس بتقولي خد بالك
و بتقول لي رأيها

عايز بس اقول لفرحة حاجة صغيرة:
هيق قالت في رأيها : ممكن فى يوم من الايام يرجعلك ندمان وفى الاخر ليك انت حق الاختيار
لا يمكن هيكون في اختيارات اصلا
لاني بكل تفكيري هكون محتاج له
مش هفكر في اللي عمله معايا خالص
مش هتحمل انه يكون ندمان ادامي
مش هقدر
و هكون محتاج له اكتر في الوقت دة

و يا ريت لو عندك راي
تقوليه
مستني
مستني كل اللي يشارك برأي


MARO

مروان انت شكلك طيوب اوى وبتبقى عليك العشرة


اوكى ساعتها اختيارك انك هتعوزة جمبك من تانى بس ياعتها لازم تحط اسس واضحة ليك ولية بحيث ميحصلش زى ماحصل تانى ياريت تكون فاهمنى


لازم تحسسة انك حاجة مهمة جدا ومش هتقبل ان دة يحصل تانى والا بقى يبقى انت بتبيع مشاعرك للى ميستهلوش ويبقى حاطط فى دماغة انة ميخسركش تانى ابدا فى يوم من الايام لازم تحس بحبة ليك زى مانت بتديلة حبك

انا مش هاقول اكتر من الاعضاء قالوه
بس حاول متفكرش فى اللى فات وفكر فى اللى جاى
وسيبك من اللى باعك وخليك فى اللى شاريك
شكرا

فى جملة كدا سمعتها
مين حبنا حبيناه و صار متاعنا متاعه و مين كرهنا كرهناه يحرم علينا اجتماعه

بص يا مروان فى كتير من الاصحاب اللى يستاهلوا انك تديلهم كل حياتك و فى العكس وما ينتاهلوش ولا حاجة
فى حالتك دى بقى
سيبك منه و بلاش تفكر فى الموضوع دة علشان ما تضايقش نفسك و هو اللى خسران لانك صداقتك جميلة بس هو مقدرهاش

منور يا مروان معانا فى حلمنا

شكرا يا مروان وزي ما وعدتك بزياره التوبيك انا بوفي
وانا بالنسبه ليا في حكايه الصداقه
انا بعتبر نفسي من النوع ده
مش لاقي الانسان اللي اشكيله ويفهمني صح ويساعدني

وانا سمعته من يحيي الفخراني في مسلسل " سكه الهلالي "

بيقول
::" انا يمكن ليا ناس كتير بتحبني وناس كتير بتحب تتكلم معايا وتشكيلي لكن انا عن نفسي مليش اصدقاء اشكيلهم ويسمعوني "

السلام عليكــم ورحمـة الله وبركاتــة ،،

السلام عليكــم ورحمـة الله وبركاتــة ،،

الموضوع ده طبعا أنا كنت في غيبوبة البعد والهجر .......مكنتش على حلمنا أصلالالالالالالا

المهم أنك أنت تستاهل أحسن منه وأجمل منه وواحد يحافظ عليك أكتر من نفسك

بص يامروان لو انت شايف مكانتك ومقامك أقل من أن صديق( ده لو كان صديق ) يقدرها ويصونها

يبقى اسمح لي انت اللي اديته المجال انه يستهون بيك وبمشاعرك و وميقددرش قيمتها وأنك عادي

عامل زي المطاااااااااااااااااط بتتوسع في كل اتجاه معاه وبتسايسه وبتجاريه( في وجهة نظرك بتحبه و صديق وفي)

في نظره أستيك بتحول معاه في كل اتجاه عاوز يفضفض فيه مش مقدر بقى الاستيك دا تعب حاسس بإيه

مش في دماغه أصلا الحاجة دي ..........أنت لو شايف نفسك أقل من قدرها .........يبقى الغلط كله عليك

لأن الناس بتاخد الفكرة اللي انت مصور بيها نفسك ........من كتر حبك له وطيبتك معاه خلاه اتعدى حدووووده وهيا عدم الإحساس

بأي شعور إحساس من مشاعرك وأحاسيسك ........

المهم الخلاصة

سيبه متحنلوش ......سلامك لله .........فلله ما أعطى وله ما أخذ( وعليه العوض)

العسووووووووووووووووووووووووووولة

السلام عليكــم ورحمـة الله وبركاتــة ،،

مشكورة علي الرد يا عسل

بس يعني خلاص زي ما انا كنت قلت قبل كدة
الموضوع اصبح مجرد ذكريات أغلبها مؤلم

اعمل على أن يحبك الناس عندما تغادر منصبك , كما يحبونك عندما تتسلمه


يعنى ياريت لو كنت بتحبه بجد افضل حبه حتى لو هتسيبه دا لوحده احساس جميل


كن صديقاً , ولا تطمع أن يكون لك صديق

بس صدقنى كفايه اوى انك بتحب بجد فى وقت ندر فيه الحب

انا مش هعرف اديك حل لانى انا كمان محتاجة حل لنفس المشكلة