يبدأ وزير الخارجيه الالمانى فرانك فالتر شتاينماير

حملته الانتخابيه لخوض انتخابات " البوبدستاج "عام 2009

ضمن قائمة الحزب الاشتراكى الديمقراطى مبكرآ

من خلال القيام بجوله فى مدينه "براندينبورج"

مستقلآ دراجته


ويسعى شتاينماير من خلال تلك الجوله

التى يصطحب فيها بعض الصحفين لخوض تجربة الانتخابات الاولى

الى زياده شعبيته

وان يتعرف الرأى العام عليه

وعلى شخصيته بعيدآ عن الصوره الرسميه التى عرف بها طيله حياته المهنيه .




هيلف البلد بعجله

ربنا يديله الصحه

حلوة الجملة دي يا عاشق



بس إنت عارف هم بيعموا الحاجت دي علشان يتقربوا من الشعب


يعرفوا هم عاوزين ايه


لما يلف بعجلة ويدخل مناطق ما كانش يعرفها قبل كده ويتلكم مع الناس


هيعرف الناس عايزة ايه ومحتاجين ايه


وبالتالي حملته الانتخابية تكون مرتكزة على تعديل قرار واحد او تغير حاجة واحدة


ووجوده بالسلطة بيبقى علشان الحاجة دي


مش خطاب الحملة يكون شامل ومعمم الواحد لا يعرف يطول منه حق ولا باطل




شكرا يا عاشق

نستو المتألقه فى الردود والتعقيبات كالعاده

بس المشكله ان الباشا ده

معروف عنه حب المظاهر والمواكب والرسميات وكدا

فا مش لو ركب عجله

دا لو لبس جلبيه

معتقدش ان حد هيعبره

ولا هو هيحس بالناس

نورتى الموضوع بمرورك الكريم

صح يانستو او بمعنى اصح عايزين يقربوا من كل طبقات الشعب سواء الغنى الفقير ومتوسط الدخل وكدة يعنى

وبعدين ياعم خليه يلف بعجلة ان شاء الله يلف موتو رجل

تسلم ياعاشق على التوبيك

انا مع نستو فعلاً ان هما بيقصدوا بكده انهم يتقربوا من الشعب

لكن اختلف معاك يا عاشق

اعتقد انهم لما يشوفوه عامل كده ممكن فعلاً يرضوا عنه ويحبوه


لانه بكده هيكون مهتم بيهم ونزل لمستواهم علشان يخدمهم

وشكراً على الموضوع يا عاشق

سنو و كلاسيك

نورتونى بمروركم الكريم

ومحتاجين واحد فى مصر يلف ولو حتى بعربيه

بس يلف على الناس

السلام عليكــم ورحمـة الله وبركاتــة ،،

اذيك يا عاشق
يلف بعجلة
يلف بحنطور
و لا حتي يلف علي رجليه

المهم لما الانتخابات هيلف بإيه ؟؟!!
دة اذا لف اصلاً

كل ما اسمع او اقرأ حاجة
عن حاكم او رئيس
او اي حد من البشوات المهمين
او البهوات المسئولين
لازم - غصب عني - افتكر سيدنا " عمر بن الخطاب "
و مدي الفرق في تحمل المسئولية و الامانة
و لو حاولت اقارن
بتعب جدا
و بتضايق اوي

ربنا يستر من اللي جاي

MARO

تقارن ازاى يا عم الحج

سيدنا عمر كان بيقول

انى اخاف ان تتعثر دابه فى الشام فيسأل عنها عمر لماذا لم تمهد لها الطريق

انت بتتكلم ازاى

حتى فكره اننا نقارن فيها ظلم كبير جدآ

احنا عايشين ايام يا ويلتنا منها

والله المستعان

نورتنى بمرورك وردك الكريم

كويس انه هيلف اساسا

غيره لما حد بيقرب له بيتهموه انه عايز يغتاله و يعتقل على طول
واخد بالك انت طبعا


شكرا يا عاشق على التوبيك

غيره ميييييييييييين

شكلك هتودينا فى داهيه


منوره يا نور

يا عم انا اقصد البلاد التانية يا عم

انت فهمت غلط و شكلك انت اللى هتودينا فى داهيية

طب ربنا يستر


ميرسى على المتابعه

مش عارفة ليه حاسة إني عايزة أرد تاني على الموضوع


حتى لو زي ما قلت يا عاشق انه بحب المظاهر


برده يعمل حاجة تخلي الناس تحبه ولا انه يعاند الشعب


ويقولهم اني هفوز يعني هفوز وانتو مش هتطولوا حاجة ولا هعملكم حاجة


ويجي ويروح وكل اللي يعمله انه يطلع على التلفزيون ويزعق وصوته يعلى والمصايب تبان



ويسرق الفلوس وبعدين يروح



من مبدأ "قضى أخف من قضى"

مشكوره على المتابعه يا نستو

ووجهه نظر تحترم برضو